Ŋɡɑlɑ̂t 6:9 - Kɑɑ Fí

⁹ Kɔɔ pɛkŋɛ kɛ ŋ́kɑ́ɑ nɛɡɛ nu sʉ́Ꞌnɛ, mbíꞋŋɡɔ pɛkŋɛ lɑɑ ŋ́ɡɛ nu sʉ́Ꞌnɛ ńdɔk ŋ́ɡʉ pɔ nɛ́ mbi, mbɔ ŋkɑ́ ɡʉ ńdɑ́Ꞌ ŋ́kuꞋ, Sɛ́ ɡɛ pɛkŋɛ lɑk yúu tɛꞋ.

Ŋɡɑlɑ̂t 6:9 교차 참조

Mɑtʉ̈ɔ 10:22

Pʉɔ tsʉʉ ɡʉ ńdɑ́Ꞌ ḿbɑɑ wʉ́ʉ mɛlɑ́Ꞌ wɑ́ɑ, lɑ́ ŋu ẅí ɑ sʉknɛ kɛ́ kɑ́ɑ ɡʉ ŋ́ɡɛ ńduk.

Mɑtʉ̈ɔ 24:13

Lɑ́, ŋu ẅí ɑ ɛ́sʉk sʉknɛ kɛ́ kɑɑ ɡʉnɛ ŋ́ɡɛ ńduk.

Mɑtʉ̈ɔ 25:17

Ŋu ẅí pɛ́ kɑ nɑ́nɛ yɛ́ pɑk ŋkʉ yɛ́pɑ́, pɛn ńjʉ́ yɛ́ yɛcɔ́ pɑk ŋkʉ yɛ́pɑ́.

Mɑtʉ̈ɔ 9:19

Yɛ́su lɔ sɛ́, pɔ́p ɡɑŋku pɛ́ cʉ́ɔ nzʉʉ yɛ́.

Mɑ́lɛ́kúshi 3:3

A cú mbɔ̌ pfúpɔ́ ɛ̂wɑ́ ŋɡɔ: «Lɔ sɛ́ ńtɔ́ ńtʉ́ʉ mbi,

Lúkɑ́shi 18:1

Yɛ́su sɑk nɛcɔ́ nɛkɛt, ńdɔk ńdɛꞋlɛ mbɔ̌ ɡɑŋku pɛ́ pɑꞋ ɛ́ pɔ́ŋnɛ nɛcɛꞋlɛ Sɛ́ ŋkɑ́ tsʉʉ kɛ́ kɑ́ɑ.

Pʉɔ-Lɔ́mɑ 2:7

ŋ́ɡɑ́ luk kɛ́mɛ mbɔ̌ pʉɔ pi pɔ́p kɑ lɔknɛ nɛɡɛ nu sʉ́Ꞌnɛ kɛ́ kɑ́ɑ, ḿbɔ́ ńtsɑ́ɑ ŋɡɔ Sɛ́ ɡɑ́nɛ wɔ́p nɛɡúꞋ, ŋ́ɡɑ́ mɔ́p mɛkuꞋ, ŋ́ɡɛ pɔ́p pɔ́ tsɛt luk yí pɛ́ kɛ́ pɛn ḿpfú nǔu pɔ́.

1 Kɔlɛ̂ŋtɛ 15:58

Pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ ɛ́ pɔ́Ꞌɔ lɑ́, pʉʉ tɛntɛ tɛntɛnɛ, kɔɔ ŋu cʉɔꞌ, pʉʉ kẅiꞋ ɛ́fɑꞋ mɛfɑꞋ-Tsɑpʉɔ ńdɔk ŋ́ɡʉ pɔ nɛ́ mbi, ŋ́ɡɔ ɛ́fɑꞋ ḿbɔ́ ńjí ŋɡɔ fɑꞋ yi pʉʉ fɑꞋnɛ, mbíꞋ ŋɡɔ pʉʉ pʉɔ-Tsɑpʉɔ lɑ́, kɛ́ ɡɛ ńdɛɛ níinɛ pɔ́.

2 Kɔlɛ̂ŋtɛ 4:1

Pɔ́Ꞌɔ lɑ́, pɑ́Ꞌ Sɛ́ kɑ lɔk pɔ tsɑ́ɑ mɛjʉ́ŋ yɛ́, ŋ́ɡɑ́ yɔ fɑꞋ mbɔ̌ pɛk lɑ́, pɛk pɔɔ kɑ́ɑ pɔ́.

2 Kɔlɛ̂ŋtɛ 4:16

Ɛ́ yúu mi ɛ́ ɡɛnɛ pɛk pɔɔ kɑ́ɑ, mbʉʉ yɛk sɛ́ ńzɛɛ ŋ́kẅiꞋ ŋ́kɑ́ɑ kɑ́ɑnɛ lɑ́, tʉ́m yɛ́k pɔ́ tsɛtú ḿbɔ́ suutɛ suutɛ́nɛ lɛ́Ꞌ tsʉʉ.

2 Kɔlɛ̂ŋtɛ 9:6

Pʉʉ jí ŋɡɔ ŋu lɑɑ ḿbi yúu ɛ́ pɔɔ zɑ́ɑ, mbɔ ɑ ɡʉ ńdɑ́Ꞌ ŋkɑ́ nɛlɑk yúu, ɑ lɑk ɛ́ pɔɔ zɑ́ɑ, ḿbi ɛ́ zɑ́ɑ, mbɔ ɛ́ ɡʉ ńdɑ́Ꞌ ŋkɑ́ nɛlɑk yúu, ɑ lɑk ɛ́ zɑ́ɑ.

Ɛ́fɛ̂zɛ 3:13

Pɑ́Ꞌ Sɛ́ kɑ ɡɛ pɔ́Ꞌɔ lɑ́, mɔ sɛ́ ḿbúꞋ mbɔ́ mbɔ̌ pʉʉ ŋɡɔ kɔɔ pʉʉ jʉ́ɔ pɑ́Ꞌ mɔ sɛ́ ńjʉ́ɔ ŋɡʉ̈ɔ́Ꞌ nǔu tú yʉ́ʉ, ŋ́kɑ́ɑ. Yîyɑ́ ŋɡʉ̈ɔ́Ꞌ sɛ́ ńcẅɛ́lɛ wʉ́ʉ, ḿbɔ́ mbɔ̌ pʉʉ ḿbɔ́ pɔ cɔꞋ-nɛfɔɔ.

2 Tɛsɑlɔník 3:13

Ŋ́ɡʉ nǔu pʉʉ, pɔ́ɔpɛ́mɑ́, kɔɔ pʉʉ kɑ́ɑ nɛɡɛ pɔ mɛnu mi ɛ́ pɔŋnɛ.

Ɛ́bɛlʉʉ 12:3

Pʉʉ zɛɛ ńnɑ́ŋ ŋ́kwɑŋɛ pɔ Yɛ́su, ɡɑŋmɛfɑɑnɛ kɑ pɔ́ ḿbɑɑ wɛ́, ŋ́ɡɑ́ɑnɛ wɛ́, ɑ kɛ́ ɛ́sʉk sʉknɛ. Pʉʉ ɡɛ pɔ́Ꞌɔ ńjí ŋɡɔ tʉ́m yʉ́ʉ kɛ́ pɔ́t pʉʉ kɑ́ɑ pɔ́.

Ɛ́bɛlʉʉ 12:5

Pʉʉ likŋɛ pɑ́Ꞌ Sɛ́ sɛ́ ńníꞋ mɛtʉʉ mʉ́ʉ pɑ́Ꞌ ŋu níꞋnɛ mɛtʉʉ-mbɔ́ŋkʉ̈ɔ́ pɛ́? A tsɛt ŋwɑꞋnɛ-Sɛ́ ɛ̂wɑ́ ńcú ŋɡɔ: «Mɔ́ɔ wɑɑ, Tsɑpʉɔ lɑɑ ḿbɔ́ ŋ́kɑkŋɛ wú, Ɔ pɑ́ɑ nɛɡwɑ́k nu nǔu, A lɑɑ ńcʉ̈ɔ́k wú ɔ pɑ́ɑ nɛcitɛ mbʉʉ

Ɛ́bɛlʉʉ 3:14

Pɛkŋɛ pɛ́ Kɛlístɔ zɛɛ ńtsʉ́Ꞌ ńtɛmtɛ ḿbɔ́ pɔ nǔu tɑ́Ꞌ nu, lɑ́ ɛ́ sɛ́ ḿbíkŋɛ tɑ́Ꞌ yúu wɛ́mɔ́Ꞌ, ɛ́ pɔ́ nɛkúꞋlɛ yúu mi pɛ́ kɑ sẅíinɛ wɛkŋɛ lɑ́ pɛkŋɛ zɑ́p tʉ́m nǔu Sɛ́, ŋ́kúꞋlɛ kúꞋlɛ́nɛ tɛ ńdɑ́Ꞌ ŋ́kúu nǔu ndẅiknzʉʉ lɛ́Ꞌ.

Ɛ́bɛlʉʉ 3:6

Lɑ́ ɛ́ ɡʉ nǔu Kɛlístɔ, ɑ jí yɛ́ pɔ ndɑꞋ yúu mi Sɛ́ kɑ cúnɛ ŋɡɔ ɛ́ ŋ́ɡɛ mbɔ́ ɡú, ḿbɔ́ mɔ́ɔ-ndɑ́, ẅí pɛ́ kɑ tíknɛ wɛ́ pɑ́Ꞌ ɑ ɡʉ ɛ́sɑ́Ꞌ pʉɔ-Sɛ́. Pʉɔ-Sɛ́ lɔk ḿbɔ́ pɔ wɛkŋɛ, pɑ́Ꞌ pɛkŋɛ lɑɑ ŋ́kúꞋlɛ yúu mi pɛkŋɛ kɑ pɛ́mnɛ tɛ pɛkŋɛ pɔɔ ḿmʉꞋlɛ, ḿbɛn ńnɑ́ŋ ḿbɔ́ ńdɔk pɔ kɑꞋmɛ ńzẅíꞋlɛ yúu mi Sɛ́ kɑ kɑꞋnɛ mbɔ̌ pɛkŋɛ.

Jɑ̂k 5:7

Pɔ́ɔpɛ́mɑ́ pɑ́ɑ, pɔ́Ꞌɔ lɑ́ pʉʉ lɔk kɔk mbʉʉ ńzẅíꞋlɛ tɛ ŋ́kúu ŋkɑ́ yi Tsɑpʉɔ ɡʉ ńtɔ́. Pʉʉ jʉ́ɔ pɑ́Ꞌ nzʉ́Ꞌnɑŋ kɑ lɑ́Ꞌ ńdɔk pɔ kɔkmbʉʉ ńzẅíꞋlɛ ŋɡɔ tsɛ́tsɑ́Ꞌ zɛ́m yúu sʉ́Ꞌnɛ, ɛ́ zɛ́m, ɑ kɑ́p ntú, ńzẅíꞋlɛ tɛ ńtɑ́ɑ ḿbɛn ŋ́kɑ́p nzʉʉ.

1 Pyɛ̂ 2:15

Ɛ́ yúu mi Sɛ́ kɔŋnɛ ŋɡɔ pʉʉ ɡɛ, ńjí ŋɡɔ pʉʉ ɡʉ ńdɔk nɛɡɛ nu sʉ́Ꞌnɛ, ńjʉ́ɔꞋ ntsu-pɛɡɛɡʉʉ pi pɔ́p lʉꞋnɛ nu-Sɛ́, pɔ́p pɔɔ pɛn ɛ́sẅíitɛ nǔu pʉʉ pɔ́.

1 Pyɛ̂ 3:17

Mbii ŋu nɛɡɔ́ ńjʉ́ɔ ŋɡʉ̈ɔ́Ꞌ ḿbɔ́ ŋ́ɡɛ pɔ nu sʉ́Ꞌnɛ pɑ́Ꞌ Sɛ́ lɑɑ ŋ́kɔŋ ŋɡɔ ɛ́ pɔ́ pɔ́Ꞌɔ, ńdɛɛ pɑ́Ꞌ mbɔ ŋu ɡɔ́ ńjʉ́ɔ ŋɡʉ̈ɔ́Ꞌ ḿbɔ́ ŋ́ɡɛ nu kɛpɔŋ.

1 Pyɛ̂ 4:19

Pɔ́Ꞌɔ lɑ́, ɛ́ pɔŋ ŋɡɔ pʉɔ pi pɔ́p ɡɔ́ ḿbɔ́ ńjʉ́ɔ ŋɡʉ̈ɔ́Ꞌ, ɛ́ pɔ́ mbíꞋŋɡɔ pɔ́p sɛ́ ŋ́ɡɛ yúu mi Sɛ́ sɛ́ ŋ́kɔŋ, pɔ́p ɡɑ́ yɔ́p nu tsʉʉ mbɔ̌ mbuꞋŋɡɔŋ ẅí ɑ kɑꞋnɛ yúu, ŋ́ɡɛ ŋ́ɡɑ́, ŋ́ɡɑ́ pɔ́Ꞌɔ, ŋ́kẅiꞋ ŋ́ɡɛ pɔ nu sʉ́Ꞌnɛ.

Mɛnu ɛ́ ńdɑ́Ꞌ ńcẅɛt 2:17

Ŋu lɑɑ ŋ́ɡẅɛɛ mɛtúutɛ, nɛlɔk ńzúꞋ nu, ɑ zúꞋ nu yi Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ. Ŋ ɡʉ ńdɑ́Ꞌ ŋ́ɡɑ́ mɑ̂ɑnɛ ẅí ɛ́ lʉɔmɛ́nɛ, mbɑ fúfú ŋɡɔꞋ, mbɔ̌ ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, mbɔ pɛ́ ŋwɑꞋnɛ lík fí nǔu ŋ́ɡɔꞋ ɛ̂yɑ́, ɛ́ pɔ́ yi wɛcɔ́ ŋu kɑ́ jí tɛ ndíꞋ ndɑꞋ ŋu ẅí pɛ́ ɡɑ́nɛ ŋ́ɡɔꞋ ɛ̂yɑ́ mbɔ̌ wɛ́.

Mɛnu ɛ́ ńdɑ́Ꞌ ńcẅɛt 2:3

Pʉʉ sɛ́ ɛ́sɑ́Ꞌ tʉʉ. Pʉʉ kɑ jʉ́ɔ ŋɡʉ̈ɔ́Ꞌ ntɛ́ wɑ́ɑ, ŋ́kɛ́ ḿbɔɔ kɑ́ɑ.

Mɛnu ɛ́ ńdɑ́Ꞌ ńcẅɛt 2:7

Ŋu lɑɑ ŋ́ɡẅɛɛ mɛtúutɛ, ɑ zúꞋ nu yí Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ. Mɔ ŋ́ɡɛ ŋ́ɡɑ́ ntɑ́ɑ ẅi ɛ́ fúnɛ nǔu tʉ́ yi ɛ́ ɡɛnɛ pɛ́ pɔ́ ɡú, mbɔ̌ ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, ɑ jʉ́. Yîyɑ́ tʉ́ pɔ́ tsɛt ŋkɑ́Ꞌ-Sɛ́.