Ŋɡɑlɑ̂t 6:15 - Kɑɑ Fí

¹⁵ Ɛ́ mbɔ̌ Sɛ́ nɛpúꞋ ŋu, kɛ nɛnɑ́ ŋɡɑŋ kɛ́ púꞋ ɔɔ, pɔɔ cẅɛ́lɛ́. Nu yi ɛ́ cẅɛ́lɛ́nɛ pɔ́ pɔ pɑ́Ꞌ ŋu shɔtnɛ ńtsʉ́Ꞌ ŋu fí.

Ŋɡɑlɑ̂t 6:15 교차 참조

Pʉɔ-Lɔ́mɑ 2:26

ḿbɛn ḿbɔ́ yi pʉɔ pi pɛ́ ŋ́kɑɑ wɔ́p púꞋ, nɛn nǔu pɑ́Ꞌ nɛpʉ́ʉ píkŋɛ́nɛ, mbɔ Sɛ́ kɛ́ tsʉ́Ꞌ ńdíŋɛ wɔ́p ẅi pɛ́ ŋkɑɑ wɔ́p púꞋ pɔ pɑ́Ꞌ pʉɔ pi pɛ́ púꞋnɛ wɔ́p pɔ́ kɛ?

Pʉɔ-Lɔ́mɑ 2:28

Pɛ́ zɛɛ mbɔɔ pɔ́ ńjí kwɑꞋ ŋu-pɑyúdɑ, ŋu-Sɛ́, ńdɔk pɔ yúu mi pɛ́ sɛ́ ńjʉ́ɔ nǔu wɛ́ nzɛmpíi pɔ́, nɛjí ŋu ẅí pɛ́ kɑ púꞋnɛ wɛ́ ɛ́ kɑ́ pɔ́ pɔ ndɑꞋ nɛjʉ́ɔ pɑ́Ꞌ pɛ́ kɑ zɑ́Ꞌnɛ zʉꞋ-mbʉʉ yɛ́ pɔ́.

Pʉɔ-Lɔ́mɑ 6:4

Pɑ́Ꞌ ɛ́ kɑ fúnɛ nǔu cẅɛ́ɛ ŋki, pɛkŋɛ pɛpɔ́p tɛmtɛ ḿpfú, pɛ́ pɛn ńtɛmtɛ wɛkŋɛ pɛpɔ́p ńtẅíi lɑ́, nɛpɔ́ yi pɑ́Ꞌ Sɛ́ Tɑ̌ɑ kɑ lɔknɛ mɛtʉʉ mi ɛ́ ɡẅɛɛnɛ nɛɡúꞋ, ŋ́ɡɛ Kɛlístɔ zẅíimɛ nǔu nɛvú lɑ́, pɛkŋɛ ɡúu ɡʉ tsʉ́Ꞌ ḿbɔ́ pɔ tsɛt luk fí.

Pʉɔ-Lɔ́mɑ 8:1

Ɛ́ lɔk ḿbɔ́ ŋɡɔ pʉɔ pi pɔ́p lɑtnɛ mbʉʉ yɔp nǔu Yɛ́su Kɛlístɔ, kɛ́ ɡʉ ńdɑ́Ꞌ ḿbɛn ḿvu ntsɑŋ pɔ́,

1 Kɔlɛ̂ŋtɛ 7:19

Nɛpɔ́ yi pɛ́ kɑ púꞋ ŋu kɛ pɛ́ ŋkɑɑ wɛ́ púꞋ pɔ́ kɑ́ pɔ́ yɛcɔ́ nu mbi Sɛ́ pɔ́. NɛkúꞋlɛ nɛpʉ́ʉ-Sɛ́ pɔ́nɛ nu.

2 Kɔlɛ̂ŋtɛ 5:17

Ŋu pɔ́ tɛ ńdɑt mbʉʉ yɛ nǔu Kɛlístɔ, ńtsʉ́Ꞌ ḿbɔ́ pɔ ŋu fí, ḿbɔ́ tsɛt tʉ́m yɛ́ mbɔɔ pɛn ḿbɔ́ pɑ́Ꞌ ɑ kɑ zɛɛnɛ ḿbɔ́ pɔ́, mbɔ ɑ zɛ nɛnɑ́ŋ wɛ fí.

Ŋɡɑlɑ̂t 5:6

MbíꞋŋɡɔ ŋu lɑɑ ńdɑt mbʉʉ nǔu Kɛlístɔ, mbɔ pɛ́ kɛ́ púꞋ wɛ́ pɔ́, kɛ nɛnɑ́ kɛ́ púꞋ wɛ́ ɔɔ, mbɔ ɛ́ kɑ́ pɔ́ yɛcɔ́ nu pɔ́. Nɛzɑ́p tʉ́m nǔu Kɛlístɔ ḿbɛn ŋ́kɔŋ pʉɔmɛsɔŋ pɔ́nɛ nu.

Ɛ́fɛ̂zɛ 2:10

Pɛkŋɛ lɑɑ ḿbɔ́ kʉ̈ɔ́ ɔɔ, mbɔ pɛkŋɛ lúꞋnɛ pɔ Sɛ́. Sɛ́ kɑ lɛɛ nǔu Yɛ́su Kɛlístɔ ḿbɔ́ɔ wɛkŋɛ, nɛpɔ́ yi pɛkŋɛ ɡʉ ɛ́fɑꞋ mɛfɑꞋ sʉ́Ꞌnɛ mi jʉ́ Sɛ́ kɑ lɑ́Ꞌnɛ ńniitɛ ńzɑ́p pɑ́Ꞌ pɛkŋɛ ɡʉ ɛ́fɑꞋ.

Ɛ́fɛ̂zɛ 2:15

Yɛ́su kɑ pík mbʉ́ʉ-pɑyúdɑ yi ɛ́ cúnɛ ŋɡɔ, ɡɛ yɔ, ɡɛ yi, lɑ ńdɔk ḿbɔ́ ŋu-Sɛ́, ḿbík pɔ́Ꞌɔ, pɑ́Ꞌ Pɑyúdɑ mbɑ pʉɔ pi pɔ́p kɑ́ pɔ́ pɑyúdɑ pɔ́ ɡʉ ńdɔk pɑ́Ꞌ mbɑ wɔ̌ lɑ́ nǔu pɔ́p ɡʉ ńdɑt mbʉʉ yɔp nǔu Yɛ́su, ńtɛmtɛ ńtsʉ́Ꞌ nɔɔ fí. A lɔk ḿmɛk mbuu tsɛtsɛt pɔ́p, pɔ́p nɑ́ŋ nɛ́ mbɔ́tnɛ.

Ɛ́fɛ̂zɛ 4:24

Ɛ́ pɛn ḿbɔ́ ḿbíkŋɛ ŋɡɔ pʉʉ kúu nǔu mɑt fí pɑ́Ꞌ ŋu tíi ndẅí fí ḿmɑꞋ nǔu wɛ́ lɑ́. Sɛ́ kɑ nɔŋnɛ ẅîwɑ́ mɑt. Ẅîwɑ́ mɑt ẅí pɛ́ jʉ́ɔnɛ nǔu ŋu ẅí ɑ sɛ́ ńnɛn nǔu pɑ́Ꞌ ɛ́ sɛ́ ḿbíkŋɛ, ḿbɔ́ ŋu ẅí ɑ kɑ nɑ́ yɛ́ luk tsʉʉ mbɔ̌ Sɛ́. Ẅîwɑ́ nɛnɛn ɛ́fú nǔu nu nɛ́nẅín.

Filipɛ 3:3

Pɛkŋɛ pɔ́nɛ pʉɔ pi pɛ́ kɑ tsuŋnɛ ḿbúꞋ wɔ́p. Zẅikŋɛ ɡɛnɛ pɛkŋɛ ɡúꞋlɛ Sɛ́. Pɛkŋɛ lɔk pɔ Yɛ́su Kɛlístɔ ńtsɑ́ɑtɛ, kɔɔ pɛkŋɛ zɑ́p tʉ́m pɔ nǔu yúu mi pɛkŋɛ ɡɛnɛ.

Mɛnu ɛ́ ńdɑ́Ꞌ ńcẅɛt 21:5

Ŋu ẅí ɑ kɑ nɑ́ŋnɛ ndǔ kɔꞋ-nɛfɔɔ pɛn ńcú ŋɡɔ: «Ŋkɔ̂ɔnɛ mɔ sɛ́ ŋ́ɡɛ kʉ̈ɔ́ lɑ́ pɔ fí fí, ḿbɑ́ɑtɛ ńcú mbɔ̌ mɔ ŋɡɔ: ŊwɑꞋnɛ. Ɛ́ mbíꞋŋɡɔ nu yɔ kɑ́ pɔ́ yi ɛ́ lɑɑ ḿbɔ́ ŋu zúꞋ ḿmʉ́Ꞌlɛ pɔ́, ɛ́ nɛ́nẅín,