Ŋɡɑlɑ̂t 6:1 - Kɑɑ Fí

¹ Pɔ́ɔpɛ́mɑ́, pʉʉ lɑɑ ŋ́kɛm ŋu ɑ pɔ́ ɛ́fɑɑnɛ nu, pʉʉ lɔk pɑ́Ꞌ pʉʉ sɛ́ ńzúꞋ mbɔ̌ Zẅikŋɛ-Sɛ́ lɑ ŋ́ɡɛ ŋɡɑŋ pɛn nǔu sɛ̂ndúŋ ẅí ɛ́ ndʉ́ŋndʉŋ. Lɑ́ ńtsʉ́Ꞌ nɛɡɛ ńdɔk pɔ mbɔ́tnɛ. Mbɑ wɔ̌ lɑ́ nǔu pʉʉ pɛn ḿbɑ́ɑ tú yɛ́ ḿbɔ́k pɑ́Ꞌ ɑ ɡʉ ḿvu yɛ́ tsɛt ŋkwɑꞋnɛ.

Ŋɡɑlɑ̂t 6:1 교차 참조

Mɑtʉ̈ɔ 11:29

Pʉʉ tíi mbɑɑndyɔŋ-piꞋ yɑ́ɑ ńzɑ́p mbʉ̈ɔꞋ pʉʉ, ḿbɛn ḿbɛ́m ŋɡɔ n zíꞋ wʉ́ʉ pɑ́Ꞌ pʉʉ ɡʉ ŋ́ɡɛ, mbíꞌŋɡɔ m bɔ́tnɛ, tʉ́m yɑ́ɑ pɛn ŋ́kɛ́ mbɔɔ cʉ́ɔk. Ŋ ɡʉ ŋ́ɡɑ́ zʉꞋ yí pʉʉ ɡʉ fíitɛ tʉ́m yʉ́ʉ zúꞋu.

Mɑtʉ̈ɔ 26:69

Ɛ́ ɡɔ́ ḿbɔ́ pɔ́Ꞌɔ, Pyɛ̂ nɑ́ŋ tɛtɑ́ɑ. Wɛcɔ́ ŋɡɑŋfɑꞋ wɛ mɑŋɡɛ́ tɔ́, ńcú mbɔ̌ wɛ́ ŋɡɔ: «Mbɑ ɡu yú pʉʉ pɛ́ Yɛ́su ŋu-Ŋɡɑlilɛɛ wɑ́ ḿbɔ́ ńnɛn.»

Mɑtʉ̈ɔ 26:75

Pyɛ̂ ɡɔ́ɔ ŋ́kẅíitɛ pɑ́Ꞌ Yɛ́su lɑ́Ꞌnɛ ńcú mbɔ̌ wɛ́ ŋɡɔ mɔ̂ŋkʉ̈ɔ́Ꞌ ɡʉ ŋ́ɡɛ ŋ́ɡɔ́ ńtɔ́ŋ, mbɔ ɔ muŋɛ wɑ́ɑ ŋkɑ́ yɛ́tɑ́t, ɛ́fú tɛtɑ́ɑ ńcẅɛt, ŋ́kíi tɛꞋ.

Mɑtʉ̈ɔ 9:13

Ɛ́ yɛ́tɛ́ lɑ́ mɔ sɛ́ ńcú mbɔ̌ pʉʉ ŋɡɔ ɡʉnɛ ńzíꞋ yúu mi ɛ́ kɑ cẅɛtnɛ tsu-Sɛ́, ɑ ńcú ŋɡɔ: Mɔ, ŋ kɔŋ ŋɡɔ pʉɔ tsɑ́ɑmɛjʉ́ŋ pɛcɔ́, ńtsɑ pɔꞋ ẅí pɛ́ lɔknɛ ŋ́ɡúꞋlɛ wɑ́ɑ. Yɛ́su ɡɔ ḿmɛkŋɛ n cú ŋɡɔ: Mɔ ŋkɑɑ tɔ́ nɛfúŋ pʉɔ pɔ́p kwɑŋɛ ŋɡɔ pɔ́p nɛ́nẅín pɔ́, mɔ m̄bɔ́ ńtɔ́ ntɛ́ pɔ ɡɑŋmɛfɑɑnɛ ŋɡɔ pɔ́p pɛn mbɔ̌ Sɛ́.»

Pʉɔ-Lɔ́mɑ 14:1

Pɔ́ɔpɛ́mɑ́ pɑ́ɑ, pʉʉ sɛ́ ńjí ŋɡɔ ɛ́ tsɛtsɛt pɛkŋɛ, pɛcɔ́ pʉɔ lɔk pɑ́Ꞌ pɔ́p sɛ́ ńzúꞋ yɔ́p nu-Sɛ́, ḿbɔ́ ńdʉ́ɔꞋtɛ yɛcɔ́ yúu, pʉʉ kúꞋlɛ wɔ́p kúꞋlɛ́nɛ kɔɔ pʉʉ pɛpɔ́p zɔŋ nu nǔu yɔ́p yúu mi pɔ́p sɛ́ ŋ́kwɑŋɛ.

Pʉɔ-Lɔ́mɑ 15:1

Yúu mi pɛkŋɛ ɡẅɛɛ nɛɡɛ ɛ́ ŋɡɔ pʉɔ pi pɔ́p lɔk nu-Sɛ́ ńjí yúu mi pɔ́p ɡʉ ŋ́ɡɛ, ɡẅɛɛ nɛlɔk tʉ́m sʉ́Ꞌnɛ ńcẅɛ́lɛ pʉɔ pi pɔ́p kɑ́ pɔ́ ńjí pɑ́Ꞌ pɔ́p pɔ́. Ŋu kɑ́ ɡẅɛɛ nɛɡɛ yúu mi ɛ́ pɔŋnɛ pɔ wɛ́ pɔ́.

Pʉɔ-Lɔ́mɑ 8:6

Ŋu lɔk pɔ ntɛ́ yi mbʉʉ yɛ́ sɛ́ ɛ́sẅíi wɛ́ ńdɔk ńnɑ́ŋ, mbɔ ŋɡɑŋ nǔu sɛ̂ndúŋ-nɛvú. Lɑ́ ŋu ẅi ɑ lɔknɛ ntɛ́ yi Zẅikŋɛ Lɛ́ɛnɛ́nɛ sɛ́ ɛ́sẅíi wɛ́ ńdɔk ńnɑ́ŋ, mbɔ ŋɡɑŋ nǔu sɛ̂ndúŋ-luk, ɛ́ pɛn ḿbɔ́ sɛ̂ndúŋ-mbɔ́tnɛ.

1 Kɔlɛ̂ŋtɛ 10:12

Pɛkŋɛ fú nǔu yɔ nu ńzúꞋ ŋɡɔ nɛpɛ́t ŋ́ɡʉ ɡʉnɛ ŋ́ɡɔ́ɔ ḿbɔ́ ńzɔp, kɑ́ pɔŋ.

1 Kɔlɛ̂ŋtɛ 14:37

Ŋu lɑɑ ḿbɔ́ ŋ́kwɑŋɛ ŋɡɔ ɑ cẅi Ŋkʉʉ ẅí ɛ́ fúnɛ mbɔ̌ Sɛ́, kɛ pɔ mbɔ̌ Zẅikŋɛ Lɛ́ɛnɛ́nɛ ɔɔ, mbɔ ɑ ɡẅɛɛ nɛjí ŋɡɔ yɔ nu yi ŋ wɑꞋnɛ́nɛ ŋ́ɡɑ́ mbɔ̌ pʉʉ lɑɑ ɛ́ nɛpʉ́ʉ ni ɛ́ fúnɛ mbɔ̌ Tsɑpʉɔ.

1 Kɔlɛ̂ŋtɛ 2:15

Ŋu ẅí Zẅikŋɛ Lɛ́ɛnɛ́nɛ nǔu wɛ́, ɑ kuꞋ nɛtɑꞋ mbɑ yɛ́tɛ́ nu lɑ́ tsʉʉ ńdíŋɛ. Lɑ́ ŋ́ɡʉ nǔu wɛ́, mbɔ ɛ́ lɑɑ ḿbɔ́ wɛcɔ́ ŋu pɔɔ yɛ́ nu líŋɛ.

1 Kɔlɛ̂ŋtɛ 3:1

Pɔ́ɔpɛ́mɑ́ pɑ́ɑ, mɔ ŋ kɑɑ tsʉ́Ꞌ nɛcú nu mbɔ̌ pʉʉ, ńjʉ́ɔ ŋɡɔ ḿbɔ́ m bɔɔ cú pɑ́Ꞌ ḿbɔ́ n cú nu mbɔ̌ pʉɔ pi pɔ́p zúꞋnɛ ntsu Zẅikŋɛ-Sɛ́ pɔ́. Ŋ kɑ ńcú pɔ nǔu ntɛ́ yi m bɔ́ ńcú nu mbɔ̌ pʉɔ pi pɔ́p pɛ́t ńzúꞋ pɔ yúu mi mbʉʉ yɔ́p sɛ́ ńcú. Ŋ ɡʉ ńcú pɔ pɑ́Ꞌ ɛ́ lɑɑ ḿbɔ́ n cú nu mbɔ̌ pʉɔ pi pɔ́p nǔu nɛzɑ́p tʉ́m nǔu Kɛlístɔ, ḿbɛ́t ḿbɔ́ pɔ pɔ́ɔmbɔ́t.

1 Kɔlɛ̂ŋtɛ 4:21

Pʉʉ ɡʉ nǔu mɛnu mɔnɛ mɛmbɑ́ ŋ́kɑŋ yʉ́ʉ. Pʉʉ tsɑ́ɑ ŋɡɔ ŋ ɡɔ́ ńtɔ́ tsɛtsɛt pʉʉ ŋ́ɡẅɛɛ pɔ ŋɡwɑɑ kɛ ŋ ɡɔ ńtɔ́ tʉ́m wɑ́ɑ pɔ́ ḿbɔŋ pɔŋnɛ, m bɔ́ ŋ́kɔŋ wʉ́ʉ kɔŋnɛ?

1 Kɔlɛ̂ŋtɛ 7:5

Kɔɔ ŋu mbɛ́ɛnɛ lʉꞋ nu mbɔ̌ nzwɛ́ wɛ, kɔɔ mɑŋɡɛ́ kɛ́ ńdʉꞋnɛ yɛ́ mbɔ̌ ndúu mɛ. Ɛ́ lɑɑ ḿbɔ́ pʉʉ ɡɛ pɔ́Ꞌɔ, pɔ nǔu mɔ́ɔ mɔ́ŋkɑ́ ẅi pʉʉ lɔknɛ tɑ́Ꞌ ntsu ńjʉ́ɔ ŋɡɔ pʉʉ ɡʉ ḿbúꞋ mbɔ́ mbɔ̌ Sɛ́, ḿbúꞋ mbɔ́ mbɔ̌ Sɛ́ tɛ ḿbɔ́tnɛ ńnɑ́ŋ, pʉʉ pɛn ńnɑ́ŋ tsɛt lɑ́ɑndɑ́ yʉ́ʉ pɑ́Ꞌ pʉʉ zɛɛnɛ ńnɑ́ŋ, ḿbɔ́k nɛpɔ́ yi ɛ́ lɑɑ ḿbɔ́ Sɑ́ttɑ lɔk pɑ́Ꞌ pʉʉ kɑ́ɑnɛ nɛɡẅɛɛtɛ mbʉʉ yʉ́ʉ ŋ́kwɑꞋnɛ wʉ́ʉ.

2 Kɔlɛ̂ŋtɛ 10:1

Mɔ Pɔ̂l, ŋ ɡʉ ńdɔk pɑ́Ꞌ Yɛ́su Kɛlístɔ pɔ́tnɛ́nɛ tɛꞋ ḿbɛn ḿbɔ́ ŋɡɑŋ-pɔŋtʉ́m, ɛ́sẅíi wʉ́ʉ nɛ́ tɑ́Ꞌ nu. A kwɑꞋ mɔ pɔ̂l wɑ́ ẅí pɛ́ cúnɛ ŋɡɔ ŋkɑ́ yi mɔ tsɛtsɛt pʉʉ, n nẅɛɛ nẅɛɛnɛ, ŋ́kɛ́ ḿbɔ́ ŋkɑ́ yi ŋ ɡʉnɛ ŋɡɑ sɛsɑ, ńcú nu mbɔ̌ pʉʉ tsɛt ŋwɑꞋnɛ kɛ́ pɔ́k lɑ́.

2 Kɔlɛ̂ŋtɛ 2:7

Lɑ́ ɛ́ sɛ́ ḿbíkŋɛ ŋkɔ̂ɔnɛ pɔ ŋɡɔ pʉʉ likŋɛ ŋ́ɡɑ́ mbɔ̌ wɛ́, ńtɔ́ɔtɛ wɛ́, ḿbɔ́k pɑ́Ꞌ ɛ́ lɑɑ ḿbɔ́ ɑ mʉk sɛ́sʉ́ʉ, ŋ́kɑ́ɑ.

2 Kɔlɛ̂ŋtɛ 2:8

Pɔ́Ꞌɔ lɑ́, mɔ sɛ́ ńtsɑ́ɑ ŋɡɔ pʉʉ ɡɛ nǔu ntɛ́ yi ɑ ɡʉ ńjí ŋɡɔ pʉʉ pɛ́t ŋ́kɔŋ wɛ́ kɔŋnɛ.

Ŋɡɑlɑ̂t 5:23

ḿbɔ́ nɛpɔ́tnɛ, ḿbɔ́ nɛkúꞋlɛ mbʉʉ. Ɛ́ kwɑꞋ nɛ́nẅín, nɛpʉ́ʉ kɑ́ lʉꞋ mɔnɛ mɛyúu pɔ́.

Ŋɡɑlɑ̂t 6:18

Pɔ́ɔpɛ́mɑ́, Tsɑpʉɔ wɛkŋɛ Yɛ́su Kɛlístɔ pɔ́ mbɔ̌ nɛ́ pʉʉ tsɛt tʉ́m yʉ́ʉ pɛtsʉʉ. Ɛ́ pɔ́Ꞌɔ.

1 Tɛsɑlɔník 4:1

Pɔ́ɔpɛ́mɑ́, nu yi pɛk ɡʉ ńdɔk ńdẅiklɛ ɛ́ pɔ́ pɔ ŋɡɔ pɛk kɑ sẅíi wʉ́ʉ nɛ́ ntɛ́ yi ɛ́ lɑɑ ḿbɔ́ pʉʉ lɔk ńnɑ́ŋ pɔ́Ꞌɔ, nu yʉ́ʉ pɔŋ Sɛ́. Ɛ́ ɡʉ ŋ́ɡɛ pɑ́Ꞌ lɑ́ pʉʉ pɔ́ ńnɑ́ŋ pɔ pɔ́Ꞌɔ. Lɑ́ pɛk pɛn ḿbɔ́ ḿbíkŋɛ mbɔ̌ pʉʉ, tɛ ḿbúꞋ pɔ mbɔ́ nǔu lík-Tsɑpʉɔ Yɛ́su ŋɡɔ, pʉʉ ɡɛ pɔ pɔ́Ꞌɔ, ńdɔk ŋ́ɡʉ nɛ́ mbi.

2 Tɛsɑlɔník 3:15

Lɑ́, ḿbɑ́ɑ wʉ́ʉ nɛlɔk wɛ́ ŋ́ɡɛ ŋɡɑŋmbuu wʉʉ. Pʉʉ kɑkŋɛ wɛ́ pɔ pɑ́Ꞌ ɛ́ lɑɑ ḿbɔ́ ŋu kɑkŋɛ mɔ́ɔmɑ́ wɛ.

2 Timɔtɛ́ɛ 2:25

A ɡẅɛɛ nɛlɔk mbɔ́tnɛ ńdɛꞋlɛ yúu mbɔ̌ pʉɔ pi ɑ cúnɛ nu pɔ́p kúp pɔ shʉ́-nu yîyɑ́. Líkcɔ́ Sɛ́ ɡʉ ŋ́ɡɑ́ shʉ́ mbɔ̌ pîpɑ́ pʉɔ pɔ́p kúpmɛ yɔp ntɛ́ nɛsɑ́ŋ nu, ɛ́fú pɔ́Ꞌɔ, ńjí nu yi ɛ́ nɛ́nẅín,

Ɛ́bɛlʉʉ 12:13

Pʉʉ nɛn nǔu sɛ̂ndúŋ ẅí ɛ́ tʉ́ʉ ndʉ́ŋndʉŋ, nɛpɔ́ yi nɛlʉ̈ɔꞋ-ku-ŋu yí ɛ́ sɛ́ ŋ́ŋíꞋnɛ kɛ́ mɛkŋɛ mbʉ̈ɔ́Ꞌnɛ pɔ́, tɛ ńtsʉ́Ꞌ pɔ́Ꞌɔ, ɛ́ fíitɛ fíitɛ́nɛ.

Ɛ́bɛlʉʉ 13:3

Pʉʉ kẅíitɛ pʉɔ pi pɔ́p ndɑ́tsɑ́ŋ tɛ ɛ́ pɔ́ pɔ pɑ́Ꞌ ŋkɑ́ yi pʉʉ pɛ́pɔ́p tɛmtɛnɛ ḿbɔ́ ndɑ́tsɑ́ŋ lɑ́, ŋ́kẅíitɛ mbɑ pʉɔ pi pɛ́ sɛ́ ńnyɛt wɔ́p nɛ́ ŋɡʉ̈ɔ́Ꞌ pɑ́Ꞌ yi pɛ́ ńnyɛt pɔ wʉ́ʉ nɛ́ ŋɡʉ̈ɔ́Ꞌ lɑ́.

Jɑ̂k 3:13

Ŋu lɑɑ ḿbɔ́ tsɛtsɛt pʉʉ, ḿbɔ́ ŋ́kwɑŋɛ ŋɡɔ ɑ ɡẅɛɛ jínu, ḿbɛn ŋ́ɡẅɛɛ kwɑŋɛ nu, ɑ lɔk tswɛ́ sʉ́Ꞌnɛ yɛ́ ńnyɛt, ḿbɛn ńdɔk mɛfɑꞋ mi ɛ́ nyɛtnɛ ŋɡɔ ɑ ŋu ḿbɔ́tnɛ pɔ́tnɛ́nɛ ḿbɔ́ njínu, ńnyɛt.

Jɑ̂k 3:2

Pɛkŋɛ fɑɑnɛ mɛnu ntɛ́ ntɛ́ pɔ kɛ́ vuꞋ ŋu. Ŋu lɑɑ ḿbɔ́ ŋu ẅí ɑ kɑ́ tɔ́ nɛcú nu ɛ́fɑɑnɛ pɔ́, mbɔ ɑ ŋu kɛ́ lɔ́Ꞌ, ŋ́kuꞋ nɛɡẅɛɛtɛ mbʉʉ yɛ tsʉʉ.

1 Pyɛ̂ 3:15

Tɛ ńtsʉ́Ꞌ pɔ́Ꞌɔ, pʉʉ pɔ́ tsɛt tʉ́m pʉʉ, ḿbɔ́ ŋ́ɡɑ́ pɔ mɛkuꞋ-Kɛlístɔ ŋɡɔ jʉ́ pɔ́nɛ Ndɛ wʉʉ. Pʉʉ pɔ́ ŋkɑ́ tsʉʉ ńtʉ́ʉ pɔ pɑ́Ꞌ ŋu lɑɑ píkŋɛ wʉ́ʉ ŋɡɔ mɛlɑ́Ꞌ kʉ̈ɔ́ pʉʉ tík kwɑŋɛ yʉ́ʉ nǔu Kɛlístɔ ɔɔ, pʉʉ kyɛ́Ꞌtɛ ɛ́sẅíi ŋɡɑŋ.

1 Jɑ̂ŋ 5:16

Ŋu lɑɑ ńjʉ́ɔ mɔ́ɔmɑ́ wɛ pɔ́ ŋ́ɡɛ nu kɛpɔŋ, ɛ́ kɛ́ mbɔɔ nu kɛpɔŋ yi ŋɡɑŋ ɡʉ ɛ́fú nǔu ḿpfú pfúnɛ pɔ́, ɑ ḿbúꞋ mbɔ́ mbɔ̌ Sɛ́ nǔu tú-ŋɡɑŋ, mbɔ Sɛ́ ɡʉ ŋ́ɡɛ ŋɡɑŋ luk, pɑ́Ꞌ ɛ́ lɑɑ ńtsuŋ ḿbɔ́ nu kɛpɔŋ yi ɑ kɛ́ fú nǔu ḿpfú pfúnɛ pɔ́. Lɑ́, yɛcɔ́ nu kɛpɔŋ ɡú yi ŋu ɡɛnɛ, ɛ́fú nǔu ḿpfú pfúnɛ, ŋ kɑ́ pɔ́ ńcú ŋɡɔ pɛ́ cɛꞋlɛ Sɛ́ nǔu yîyɑ́ ntɛ́ pɔ́.