Ŋɡɑlɑ̂t 5:22 - Kɑɑ Fí

²² Lɑ́, mɛnu sʉ́Ꞌnɛ mi Zẅikŋɛ Lɛ́ɛnɛ́nɛ ɡɛnɛ ŋu ɡɛ ɛ́ mɔnɛ: Ḿbɔ́ nɛɡẅɛɛ ŋkɔŋɛ, ḿbɔ́ nɛnɑ́ŋ nɛ́ tsɑ́ɑtɛ, ḿbɔ́ nɛnɑ́ŋ nɛ́ mɔ́fíitɛ, ḿbɔ́ nɛɡẅɛɛ kɔkmbʉʉ, ḿbɔ́ nɛtʉ́ʉ nɛcẅɛ́lɛ pʉɔ, ḿbɔ́ nɛɡẅɛɛ pɔŋtʉ́m, ḿbɔ́ nɛnɑ́ŋ kɛ́ pɔ́ ŋɡɑŋ mɛfúklɛ,

Ŋɡɑlɑ̂t 5:22 교차 참조

Mɑtʉ̈ɔ 12:33

Yɛ́su pɛn ŋɡɔ: «Tʉ́ lɑɑ ḿbɔ́ tʉ́ sʉ́Ꞌnɛ, mbɔ ɛ́ ɡʉ ńzɛ́m pɔ ntɑ́ɑ sʉ́Ꞌnɛ. Tʉ́ kɛ́ ḿbɔ́ yi kɛpɔŋ, mbɔ ɛ́ ɡʉ ńzɛ́m pɔ ntɑ́ɑ kɛpɔŋ. Pɛ́ zɛɛ ńjí yîyɑ́ tʉ́ pɔ nǔu mɛntɑ́ɑ mɛ́.»

Lúkɑ́shi 13:9

Pɔ́Ꞌɔ, kɛ ɛ́ lɑɑ ḿbɔ́ ɛ́ lɑ́Ꞌ ŋɡuꞋ lɑ́ɑnɛ ńzɛ́m mɛntɑ́ɑ ɔ́ɔ? Ŋ́kɛ́ ḿbɛn ḿbɔɔ zɛ́m ɔ cú ŋ kʉ́ɔꞋ.”»

Jɑ̂ŋ 15:16

«Pʉʉ ŋkɑɑ nɛ́ tsɔ́Ꞌ wɑ́ɑ pɔ́, mɔ kɑ tsɔ́Ꞌnɛ wʉ́ʉ, ńtúu wʉ́ʉ ŋɡɔ pʉʉ ɡʉ ɛ́fɑꞋ fɑꞋ yɑ́ɑ. Yúu mi pʉʉ ɡɛnɛ ńdɑ́Ꞌ ḿbɔ́ pɔ ɡú, mbɔɔ lɑ́Ꞌ ḿbɛ́ pɔ́. Ɛ́ lɛɛ pɔ́Ꞌɔ, ḿbɔ́ yi pʉʉ lɑɑ ńdɔk lík yɑ́ɑ ńdɔ́ɔ pɔ ku mbɔ̌ Tɑ̌ɑ lɑ́, mbɔ ɑ ɡʉ ŋ́ɡɑ́ mbɔ̌ pʉʉ.»

Jɑ̂ŋ 15:2

«A njʉ́ɔ pɔ́tʉ́ ẅi ɛ́ lɑtnɛ́nɛ nǔu mɔ ḿbɔɔ ńzɛ́m ntɑ́ɑ pɔ́, ŋ́kʉ́ɔꞋ, ńtɔ́ nǔu yi ɛ́ sɛ́ ńzɛ́m mɛntɑ́ɑ, ńniitɛ ŋ́kwɑk yîyɑ́, ɛ́ tsuŋ ńzɛ́m mɛntɑ́ɑ sʉ́Ꞌnɛ.»

Jɑ̂ŋ 15:5

Nɛtsɛ́n-tʉ́ ɑ mɔ, mbɔ́tʉ́ pɔ́ pʉʉ. Ŋu ẅí ɑ lɑtnɛ́nɛ mbʉʉ yɛ nǔu mɔ, n dɑtnɛ mbʉʉ yɑɑ nǔu yɛ ɡúu, ɑ ŋu ẅí ɑ ɡɛnɛ yúu sʉ́Ꞌnɛ tɛꞋ. Ɛ́ mbíꞋŋɡɔ pɛkŋɛ lɑɑnɛ mbɔɔ pɔ́, pʉʉ pɔɔ yɛcɔ́ yúu ɡɛ.

Pʉɔ-Lɔ́mɑ 14:17

Ɛ́ zɛɛ ŋ́ɡɔ ḿbɔ́, nu-nɛfɔɔ-Sɛ́ kɑ́ pɔ́ nu-yúupɛjʉ́ kɛ pɔ nu-mɛluꞋ pɔ́. Nu-nɛfɔɔ-Sɛ́ pɔ́ pɔ nɛɡɛ mɛnu mi ɛ́ fúnɛ mbɔ̌ Zẅikŋɛ Lɛ́ɛnɛ́nɛ. Ɛ́ pɔ́ pɔ nɛɡɛ mɛnu mi ɛ́ ndʉ́ŋndʉŋ mbi Sɛ́, ḿbɔ́ nɛnɑ́ŋ nɛ́ mɔ́fíitɛ, ḿbɔ́ nɛnɑ́ŋ nɛ́ tsɑ́ɑtɛ.

Pʉɔ-Lɔ́mɑ 15:14

Pɔ́ɔpɛ́mɑ́ pɑ́ɑ, kwɑꞋ mɔ sɛ́ ńjí ŋɡɔ pʉʉ ɡẅɛɛ pɔŋtʉ́m tɛꞋ, ḿbɔ́ ńniitɛ ńjí yúu mi ɛ́ píkŋɛ́nɛ ŋɡɔ pɛ́ jí, ḿbɛn ŋ́kuꞋ nɛtík mɛmbʉʉ mʉ́ʉ pʉʉ nɛ́ pʉʉ.

Pʉɔ-Lɔ́mɑ 15:3

Kɛlístɔ kɑ zɛɛ ḿbɔɔ lɔɔ pɔ yúu mi ɛ́ pɔŋnɛ pɔ ndɑꞋ wɛ́ pɔ́. Tɛ ńtsʉ́Ꞌ pɔ́Ꞌɔ, mbɔ ɑ kɑ pɛ́m yúu mi pɛ́ cúnɛ tsɛt ŋwɑꞋnɛ-Sɛ́ ŋɡɔ: «Nzɔɔmɛ-pɑzɔɔtɛ wú kɑ vu tú mɔ».

Pʉɔ-Lɔ́mɑ 15:30

Pɔ́ɔpɛ́mɑ́ pɑ́ɑ, ɛ́ lɛɛ nǔu Tsɑpʉɔ wɛkŋɛ Yɛ́su Kɛlístɔ mbɑ nǔu pɑ́Ꞌ Zẅikŋɛ Lɛ́ɛnɛ́nɛ sɛ́ ŋ́ɡɛ pɛkŋɛ ɡẅɛɛ ŋkɔŋɛ tsɛtsɛt pɛkŋɛ lɑ́, mɔ ḿbúꞋ mbɔ́ mbɔ̌ pʉʉ ŋɡɔ pʉʉ lɔk nɛcɛꞋlɛ Sɛ́ ńcẅɛ́lɛ́ wɑ́ɑ. Pʉʉ cɛꞋlɛ Sɛ́ nǔu tú yɑ́ɑ, ńtsʉ́Ꞌ nɛcɛꞋlɛ, ḿbúꞋ mbɔ́ nɛ́ ŋɡɔŋ tʉ́m yʉ́ʉ tsʉʉ,

Pʉɔ-Lɔ́mɑ 6:22

Lɑ́ pɑ́Ꞌ ɛ́ kɛ́ ḿbɛn ḿbɔ́ ŋkɔ̂ɔnɛ, mbɔ Sɛ́ kíɛꞋ ŋkʉ-nu kɛpɔŋ nǔu pʉʉ, pʉʉ tsʉ́Ꞌ pɛkwɑɑ pɛ́ lɑ́, pii yi ɛ́ sɛ́ ńcẅɛt ɛ́ pɑ́Ꞌ Sɛ́ sɛ́ ńcẅɛ́lɛ wʉ́ʉ pʉʉ pɔ́ ŋ́ɡẅɛɛ tsẅɛ́-pʉɔ pɛ́, ɛ́ ɡʉ ŋ́ɡɛ ńtsʉ́Ꞌ nɛmɛkŋɛ pʉʉ ɡẅɛɛ luk kɛ́mɛ,

Pʉɔ-Lɔ́mɑ 7:4

Ɛ́ pɛn ḿbɔ́ pɔ ndʉ́ŋndʉŋ pɔ́Ꞌɔ nǔu pʉʉ mbɑ̌ɑ pɔ́ɔpɛ́mɑ́ pɑ́ɑ. Pʉʉ ŋkɔ̂ɔnɛ ḿbɔ́ nǔu nu-nɛpʉ́ʉ ḿbɔ́ pɔ pɛpfú lɑ ńdɔk ŋ́kuꞋ pʉɔ-Sɛ́, mbíꞋŋɡɔ pʉʉ pɛ́ Kɛlístɔ kɑ tɛmtɛ ḿpfú ŋkɑ́ yi ɑ kɑ pfúnɛ, pʉʉ pɛ́ nɛpʉ́ʉ lɔk pɔ́Ꞌɔ, fɑkŋɛ pɑ́Ꞌ pʉʉ ɡʉ ńtsʉ́Ꞌ ḿbɔ́ pɔ pʉɔ wɛcɔ́ ŋu ndɛꞋ, pʉɔ-Yɛ́su Kɛlístɔ ẅí Sɛ́ kɑ ɡɛnɛ ɑ zẅíimɛ nǔu nɛvú. Nɛpɔ́ yi pɛkŋɛ ɡʉ ɛ́fɑꞋ mɛfɑꞋ mi ɛ́ mɛ sʉ́Ꞌnɛ mbɔ̌ Sɛ́.

Pʉɔ-Lɔ́mɑ 8:5

Pʉɔ pi pɔ́p zɛɛ ńnɑ́ŋ pɔ nǔu ntɛ́ yi mbʉʉ yɔp sɛ́ ɛ́sẅíi wɔ́p, ńtík tʉ́m yɔ́p pɔ nǔu yúu mi mbʉʉ yɔp sɛ́ ŋ́kɔŋ, lɑ́ pʉɔ pi pɔ́p nɑ́ŋnɛ nǔu ntɛ́ yi Zẅikŋɛ Lɛ́ɛnɛ́nɛ sɛ́ ɛ́sẅíi wɔ́p, tík tʉ́m yɔ́p pɔ nǔu yúu mi Zẅikŋɛ Lɛ́ɛnɛ́nɛ sɛ́ ŋ́kɔŋ.

1 Kɔlɛ̂ŋtɛ 13:13

Pɛkŋɛ lɔk pɑ́Ꞌɑ ńjʉ́ɔ ŋɡɔ yúu mi ɛ́ ɡʉ ńdɑ́Ꞌ ḿbɔ́ pɔ ɡú ɛ́ yɛ́tɑ́t: «Yɔ nɛzɑ́p tʉ́m nǔu Sɛ́, yɔ pɔ́ nɛnɑ́ŋ ḿbɔ́ ńzẅíꞋlɛ yúu mbɔ̌ Sɛ́, ŋ́ɡɛ nɛkɔŋ ŋumɛsɔŋ.» Lɑ́, tú yi ɡwɛ́ nǔu mɛyúu mɔnɛ mɛ́ntɑ́t ɛ́ pɔ́ pɔ nɛkɔŋ ŋumɛsɔŋ.

Ŋɡɑlɑ̂t 5:13

Pɔ́ɔpɛ́mɑ́ pɑ́ɑ, ɛ́ ɡʉ nǔu pʉʉ, mbɔ Sɛ́ kɑ fúŋnɛ wʉ́ʉ pɑ́Ꞌ pʉʉ ɡʉ ńduk kwɑɑ-nɛpʉ́ʉ. Lɑ Kɔɔ pʉʉ lɛɛtɛ nǔu, ŋ́ɡɛ yúu mi mbʉʉ yʉʉ sɑ́Ꞌnɛ wʉ́ʉ pʉʉ ɡɛ. Tɛ ńtsʉ́Ꞌ pɔ́Ꞌɔ, pʉʉ ɡɛ ŋkɔŋɛ pɔ́ tsɛtsɛt pʉʉ, pʉʉ cẅɛ́lɛ́ mɛmbʉʉ mʉ́ʉ.

Ɛ́fɛ̂zɛ 4:23

Ɛ́ pɛn ḿbɔ́ ḿbíkŋɛ nǔu ŋkɔ̂ɔnɛ ŋɡɔ pʉʉ pɛ́m Sɛ́ kúpmɛ mɑt wʉ́ʉ, ɑ tsʉ́Ꞌ wɛ fí, mbɑ kwɑŋɛ yʉ́ʉ tsʉ́Ꞌ wɛ fí.

Ɛ́fɛ̂zɛ 5:9

N cú pɔ́Ꞌɔ, mbíꞋŋɡɔ, pii nɛpɔ́ zʉꞋ fúknɛ ɛ́ nɛɡɛ mɛnu sʉ́Ꞌnɛ, ŋ́ɡɛ mɛnu mi ɛ́ mbi Sɛ́ ḿbɔ́ ndʉ́ŋndʉŋ, ńnɑ́ŋ tsɛt nu nɛ́nẅín.

Filipɛ 1:11

Yɛ́su ɡʉ ńcẅɛ́lɛ́ wʉ́ʉ nɛfɑꞋ pɔ mɛfɑꞋ sʉ́Ꞌnɛ, nɛlɔk ŋ́ɡúꞋlɛ Sɛ́, ŋ́kɑꞋ lík yɛ́.

Kɔlɔsíyɛ̂ŋ 1:10

Pɔ́Ꞌɔ, pʉʉ kuꞋ nɛnɑ́ŋ nǔu ntɛ́ yi Tsɑpʉɔ sɛ́ ŋ́kɔŋ, ḿbɔ́ ŋ́ɡɛ pɔ yúu mi ɛ́ pɔŋnɛ wɛ́, ɛ́fɑꞋ mɛfɑꞋ sʉ́Ꞌnɛ mɛntɛ́ mɛntɛ́, ŋ́kẅiꞋ ńjí jʉ́ Sɛ́.

2 Tɛsɑlɔník 3:2

Pʉʉ pɛn ḿbúꞋ mbɔ́ mbɔ̌ Sɛ́ ŋɡɔ kɔɔ pɛk vu mbɔ̌ pʉɔ kɛpɔŋ, pi pɔ́p pɑlɔɔ mɛlɑ́Ꞌ. Pɔ́Ꞌɔ, mbíꞋŋɡɔ pʉɔ tsʉʉ kɑ́ nɛ pɛ́m nɛzɑ́p tʉ́m nǔu Sɛ́ pɔ́.

1 Timɔtɛ́ɛ 3:11

Ɛ́ pɛn ḿbíkŋɛ ŋɡɔ pɛzwɛ́ pɔ́p pɛn ŋ́ɡẅɛɛ mɛkuꞋ, kɔɔ pɔ́p pɔ́ pɑzɑ́p sɔ́ɔ, kɔɔ pɔ́p ɡɛ yɛcɔ́ yúu tɛ ɛ́ lɛɛ, ḿbɔ́ pʉɔ pi ɛ́ lɑɑ ḿbɔ́ pɔ́p ɡɛ mbɑ kʉ̈ɔ́ lɑ́ yi pɛ́ níꞋnɛ mbɔ̌ pɔ́p tɛ pɛ́ pɔɔ lɔ́Ꞌ nǔu jʉ́ɔ.

1 Timɔtɛ́ɛ 4:12

Pɛ́ ŋ́ɡʉ ŋ́ɡwɑ́k wú mbíꞋŋɡɔ ɔ mɔ́ɔ pɔ́. Sɑ́Ꞌ tʉʉ tɛ pʉɔ-Kɛlístɔ pɛ́ɛ fʉꞋ nǔu ɡu. Ɛ́ lɛɛ nǔu sẅiŋɛ yú, nǔu nɛnnɛ mú, nǔu yú ntɛ́ nɛkɔŋ ŋumɛsɔŋ, nǔu yú ntɛ́ nɛzɑ́p tʉ́m nǔu Sɛ́, nǔu wu nɛpɑ́ɑ kwɑŋɛ yi ḿbɔ́ ɛ́ pʉ́ʉpɛ wú.

1 Pyɛ̂ 1:22

Pʉʉ kɑ lɔk nɛpɛ́m nu yi ɛ́ nɛ́nẅín, ɛ́suk tʉ́m yʉ́ʉ. Nɛpɔ́ yi pʉʉ ɡʉ ŋ́kɔŋ pɔ́ɔpɛ́mɑ́ pʉ́ʉ pi pʉʉ pɛpɔ́p zɑ́pnɛ tʉ́m nǔu Sɛ́, ŋ́kɔŋ wɔ́p tɛ ɛ́sẅíi nu. Pɔ́Ꞌɔ lɑ́, pʉʉ ɡẅɛɛ kwɑꞋ ŋkɔŋɛ tsɛtsɛt pʉʉ, ŋu kɔŋ mɔ́ɔmɑ́ wɛ nɛ́ tʉ́m yɛ́ tsʉʉ.

1 Pyɛ̂ 1:8

Pʉʉ ŋ́kɑɑ mɔ́ Yɛ́su jʉ́ɔ, lɑ́ ŋ́kɛ́ ḿbɔ́ ŋ́kɔŋ wɛ́. Pʉʉ sɛ́ ńzɑ́p tʉ́m nǔu wɛ́, tɛ mbɑ pɑ́Ꞌ pʉʉ pɛ́t kɛ́ ɡɔ́ɔ ńjʉ́ɔ wɛ́. Mɑ́mɑ́ tsɑ́ɑtɛ pɔ́ tʉ́m pʉʉ tɛ ɛ́ lɑɑ ḿbɔ́ pʉʉ pɔɔ jí nɛsẅíi ŋu pɔ́.

1 Pyɛ̂ 5:12

Sílɑs kɑ cẅɛ́lɛ́ wɑ́ɑ nɛŋwɑꞋnɛ wɔ mɔ́yúu ŋwɑꞋnɛ. A mbɔ̌ mɔ ḿbɔ́ mɔ́ɔmɑ́ ẅí ɑ jí yɛ́ pɔ ndɑꞋ nu-Yɛ́su. Ŋ ɡɑ́ yɔ ŋwɑꞋnɛ mbɔ̌ pʉʉ nɛlɔk ńníꞋ mɛtʉʉ mʉ́ʉ mbɑ nɛlɔk ńniitɛ ɛ́sẅíi wʉ́ʉ nɛ́ ntɛ́ yi Sɛ́ kɑ lɔknɛ mɛnu sʉ́Ꞌnɛ ŋ́ɡɑ́ fuꞋ níinɛ yɛkŋɛ, kwɑꞋ pɑ́Ꞌ ŋ ŋwɑꞋnɛnɛ lɑɑ. Pʉʉ tɛntɛ nǔu mɛnu ɛ̂mɑ́ sʉ́Ꞌnɛ.