Ŋɡɑlɑ̂t 5:10 - Kɑɑ Fí

¹⁰ Lɑ́ Tsɑpʉɔ kɛ́ ḿbɔ́ ŋ́ɡɛ n jí ŋɡɔ pʉʉ kɛ́ kẅiꞋ yɛcɔ́ yúu nǔu yúu mi ŋ kɑ zíꞋnɛ wʉ́ʉ pɔ́. M bɛn ḿbɔ́ ńjí ŋɡɔ ŋu ẅí ɑ sɛ́ ḿmɑꞋ ntɑkŋɛ tsɛtsɛt pʉʉ, ɑ lɑɑ ḿbɔ́ pɔ wɔ̌ lɑ́ ɔɔ, mbɔ Sɛ́ ɡʉ ŋ́ɡɛ ńzɑ́Ꞌ ntsɑŋ yɛ́.

Ŋɡɑlɑ̂t 5:10 교차 참조

ŊwɑꞋnɛ-Gɑŋntúu Yɛ́su Kɛlístɔ 15:24

Pɛk kɑ zúꞋ ŋɡɔ pɛcɔ́ ntɑ́Ꞌpʉɔ kɑ fú tsɛtsɛt pɛk, ńtɔ́ ḿmɑꞋ ntɑ́kŋɛ tsɛtsɛt pʉʉ, ńdɔk sẅiŋɛ yɔ́p ŋ́ɡɛ tɛ pʉʉ pɔɔ kíi ńjí tú yʉ́ʉ pɔ́. Lɑ́ pɛk ŋkɑɑ nɛ zɛɛ ńtúu wɔ́p ŋɡɔ pɔ́p ɡʉ ńcú pɔ́Ꞌɔ pɔ́.

1 Kɔlɛ̂ŋtɛ 5:5

ńcɑklɛ ẅîwɑ́ ŋu ŋ́ɡɑ́ mbɔ̌ Sɑ́ttɑ. A sɑt mbɑp-mbʉʉ-ŋɡɑŋ nɛpɔ́ yi ɛ́ ɡʉ ńdɑ́Ꞌ lɛ́Ꞌ yi Tsɑpʉɔ ɡʉ ńdɑ́Ꞌ ńtɔ́, zẅikŋɛ ŋɡɑŋ luk.»

2 Kɔlɛ̂ŋtɛ 1:15

Ŋ kɑ pɔ́ ńjí ŋɡɔ ɛ́ ɡʉ ḿbɔ́ pɔ pɔ́Ꞌɔ. Ɛ́ yúu mi ɛ́ kɑ ɡɛnɛ lɑ́ n dɔɔ nɛpiitɛ ńdɛɛ njɛ́Ꞌ pʉʉ, lɑ ŋ́ɡɛ ḿbɛn ńdɛɛ, ńjí ŋɡɔ ŋ ɡʉ ŋ́ɡɛ pʉʉ tsɑ́ɑtɛ tsɑ́ɑtɛ́nɛ ŋkɑ́ yɛ́pɑ́.

2 Kɔlɛ̂ŋtɛ 10:2

M búꞋ mbɔ́ mbɔ̌ pʉʉ ŋɡɔ kɔɔ pʉʉ ɡɛ nǔu ntɛ́ yi mɔ ŋ́ɡɛ ńtɔ́ tsɛtsɛt pʉʉ, ńcú nu pɔ nɛ́ cʉ́ɔk. Mɔ ŋ́ɡɛ ŋ́kɛ́ ńcʉ̈ɔ́k pʉɔ pi pɔ́p sɛ́ ńjʉ́ɔ yɔ́p pɔ ŋɡɔ pɛk ŋ́ɡɛ yɛ́k kʉ̈ɔ́ lɑ́ ńdɔk ńdɔɔ pɔ pii pɑ́Ꞌ mbɑ wɔ̌ lɑ́.

2 Kɔlɛ̂ŋtɛ 10:6

Pɔ́Ꞌɔ lɑ́, pʉʉ sɑ́Ꞌ tʉʉ, ńtsʉ́Ꞌ ńzúꞋ pɔ ndɑꞋ ntsu-Kɛlístɔ nǔu kʉ̈ɔ́ lɑ́, ḿbɔ́ ńjí ŋɡɔ ŋu lɑɑ ŋ́kɛ́ ńtʉʉ tú tʉʉnɛ, ḿbɔ́ pɔ wɔ̌ lɑ́, mbɔ pɛk tʉ́ʉ nɛníꞋ ŋɡʉ̈ɔ́Ꞌ tú yɛ́.

2 Kɔlɛ̂ŋtɛ 13:10

Yúu mi ɛ́ ɡɛnɛ, m bɛ́t pɔ ŋɡɑ sɛsɑ ŋ́ŋwɑꞋnɛ yɔ nu tsʉʉ, ḿbɔ́ ńtsɑ́ɑ ŋɡɔ ŋ kɛ́ ɡɛ ńtɔ́ tɛ kúu tsɛtsɛt pʉʉ ńdɔk pɑ́Ꞌ Tsɑpʉɔ kɑ tíknɛ wɑ́ɑ mbi pʉʉ, ńcʉ̈ɔ́k wʉ́ʉ cʉ́ɔknɛ pɔ́. Tsɑpʉɔ kɑ tík wɑ́ɑ mbi pʉʉ pɔ nɛɡɛ cúꞋlɛ kẅiꞋ ŋ́ɡʉ nɛ́ mbi. A ŋkɑɑ tík wɑ́ɑ ŋɡɔ n tɑ́k tɑ́knɛ pɔ́.

2 Kɔlɛ̂ŋtɛ 2:3

Ɛ́ yúu mi ɛ́ kɑ ɡɛnɛ ŋ ŋwɑꞋnɛ pɔ ŋwɑꞋnɛ ŋ́ɡɑ́ mbɔ̌ pʉʉ, nǔu ntɛ́ yi ŋ kɑ ŋwɑꞋnɛ́nɛ lɑ́, mɔ ŋ́kɑɑ ḿbɔ́ ŋ́kɔŋ nɛɡɔ́ ńtɔ́ lɑ́Ꞌ pʉʉ, ńjʉ́ɔ pʉɔ pɔ́p ɡɛ ŋ ɡẅɛɛ nɛmʉk lɑ́ mbɔ pɔ́p ḿbɔ́ ŋ́ɡʉ ŋ́ɡɛ tʉ́m yɑ́ɑ tsɑ́ɑtɛ tsɑ́ɑtɛ́nɛ pɔ́. Mɔ sɛ́ ńjí sʉ́Ꞌnɛ ŋɡɔ n dɑɑ ḿbɔ́ ńtsɑ́ɑtɛ, mbɔ pʉʉ ɡʉ ńtsɑ́ɑtɛ yʉ́ʉ.

2 Kɔlɛ̂ŋtɛ 2:6

Nɛzɑ́ɑ pʉɔ kɛ́ ŋ́kɑkŋɛ wɛ́, ɛ́ kuꞋ pɔ́Ꞌɔ.

2 Kɔlɛ̂ŋtɛ 5:16

Pɑ́Ꞌ ɛ́ pɔ́Ꞌɔ lɑ́, pɛk nǔu ŋkɔ̂ɔnɛ ńtsʉ́Ꞌ ḿbɔ́ɔ ńjí ŋu pɔ nǔu ntɛ́ yi pʉɔmɛsɔŋ lɔknɛ ńjí ŋu pɔ́. Ɛ́ lɑɑ ḿbɔ́ yi pɛk kɑ zɛɛ ńjí Kɛlístɔ nǔu yîyɑ́ ntɛ́, mbɔ pɛk ŋkɔ̂ɔnɛ ḿbɔɔ ḿbɛn ḿbɔ́ ńjí wɛ́ pɔ́Ꞌɔ pɔ́.

2 Kɔlɛ̂ŋtɛ 7:16

Mɔ sɛ́ ḿbɔ́ ńtsɑ́ɑtɛ tɛꞋ pɑ́Ꞌ m bɔ́ ŋ́ɡʉ nǔu kʉ̈ɔ́ lɑ́, ńtɛ́m ŋkwɛn yɑɑ ŋ́ɡɑ́ mbɔ̌ pʉʉ, kɛ́ pɔ́k.

2 Kɔlɛ̂ŋtɛ 8:22

Pɛk túu wɔ́p Titɛus, ḿbɛn ŋ́ɡɛ wɛcɔ́ mɔ́ɔmɑ́ wɛkŋɛ. A pɔ́ ŋu ẅí ɑ kɔŋ nɛcẅɛ́lɛ pɛcɔ́ pʉɔ tɛꞋ. Pɛk zɛɛ mɔ́ ńjʉ́ɔ pɔ́Ꞌɔ, nǔu mɛnu tɛ ńzɑ́ɑ. Ɛ́ nǔu ŋkɔ̂ɔnɛ mbʉʉ yɛ́ pɛn ḿbɔ́ ńzɑŋɛ pɑ́ꞋtɛꞋ nɛtɔ́ ńjʉ́ɔ wʉ́ʉ mbíꞋ pɑ́Ꞌ ɛ́ lɑɑ ḿbɔ́ ɑ tɛ́m ŋkwɛn yɛ́ ŋ́ɡɑ́ mbɔ̌ pʉʉ kɛ́ cʉɔꞌ.

Ŋɡɑlɑ̂t 1:7

Ŋ kɑ́ pɔ́ ńdɔk ńcú ŋɡɔ yɛcɔ́ Ŋkʉʉ sʉ́Ꞌnɛ pɛn ḿbɔ́ ɡú pɔ́, pɛcɔ́ pʉɔ sɛ́ ḿbɔ́ ḿbúunɛ tú yʉ́ʉ, ḿbɔ́ ńdɔɔ nɛkúpmɛ Ŋkʉʉ Sʉ́Ꞌnɛ-Kɛlístɔ.

Ŋɡɑlɑ̂t 2:4

Tɛ mbɑ pɑ́Ꞌ pɛcɔ́ pɑcɔtnu ŋɡɔ pɔ́p pɔ́ɔpɛ́mɑ́ pɛk kɑ pɔ́ ŋ́kɔŋ ŋɡɔ pɛ́ púꞋ wɛ́. Pʉɔ ɛ̂pɑ́ kɑ sɔ́ ŋ́kúu tsɛtsɛt pɛk pɑ́Ꞌ pɛmɑ́nɑ́ŋ. Pɔ́p kɑ pɔ́ ńtɔ́ nɛjʉ́ɔ pɑ́Ꞌ pɛk pɛndẅǐi nǔu mɑt-pɑyúdɑ, ḿbɛn ḿbɔ́ ŋ́ɡɛ mɛ́k mɛnu pɔ́Ꞌɔ. Pɔ́p kɑ pɔ́ ńdɔɔ nɛlɔk wɛ́k ŋ́ɡɛ pɛkwɑɑ.

Ŋɡɑlɑ̂t 2:6

Ɛ́ ɡʉ nǔu pʉɔ pí pɛ́ kɑ pɔ́ ńdíŋɛ wɔ́p ŋɡɔ pɔ́p pɛlʉ́m, mbɔ pɔ́p ŋ́kɑɑ kɛ́ ńjʉ́ɔ ŋɡɔ pɔ́p ɡʉ ŋ́kẅiꞋ yɛcɔ́ yúu nǔu nu yí n cúnɛ pɔ́. Yúu mi pɔ́p kɑ zɛɛnɛ ḿbɔ́ yɛ́tɛ́ ŋkɑ́mbi pɔɔ líŋɛ wɑ́ɑ nǔu yɛcɔ́ nu pɔ́. MbíꞋŋɡɔ Sɛ́ lɔɔ ŋ́ɡɛ tɔŋ nǔu pʉɔmɛsɔŋ pɔ́.

Ŋɡɑlɑ̂t 3:1

Pʉʉ pʉɔ-Ŋɡɑlɑ̂t, jínu yʉ́ʉ pɛ́ kɛkʉ̈ɔ́? Wɔ̌ kɑ lɔknɛ nɛkɑŋ ḿbúunɛ wʉ́ʉ pɑ́Ꞌɑ? Lɑ, mbɔ pɛ́ kɑ niitɛ ɛ́sẅíi wʉ́ʉ nɛ́ nu nǔu nɛvú tɛ ɛ́ pɔ́ pɔ pɑ́Ꞌ ŋkɑ́ yi pʉʉ sɛ́ ńdɔk mík mʉ́ʉ ńjʉ́ɔ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́.

Ŋɡɑlɑ̂t 4:11

M bɔ́k yúu mi pʉʉ sɛ́ ŋ́ɡɛ lɑ́, ḿbɔ́ mɛfɑꞋ mi ŋ kɑ fɑꞋnɛ tsɛtsɛt pʉʉ lɛɛ níinɛ.

Ŋɡɑlɑ̂t 4:17

Pʉʉ sɛ́ ńjʉ́ɔ ŋɡɔ pɑzíꞋ wʉ́ʉ nɛ mɛnu ɛ̂mɑ́ sɛ́ ŋ́kɔŋ wʉ́ʉ tɛꞋ, lɑ́ kwɑŋɛ ẅí pɔ́p ɡẅɛɛnɛ nǔu pʉʉ ɛ́ kɑ́ pɔ́ wɛ sʉ́Ꞌnɛ pɔ́. Pɔ́p lɔɔ pɔ nɛfú nzʉʉ mɔ ńcẅɛɛtɛ wʉ́ʉ pʉʉ tsʉ́Ꞌ ŋ́kɔŋ pɔ wɔ́p.

Ŋɡɑlɑ̂t 4:20

Ɛ́ ŋkɔ̂ɔnɛ pɑ́Ꞌɑ m bɔ́ ńtsɑ́ɑ tɛꞋ nɛpɔ́ tsɛtsɛt pʉʉ, lɑ ńjí ntɛ́ yi ḿbɔ́ n dɔk ɛ́sẅíi wʉ́ʉ nɛ nu pɔ́Ꞌɔ. MbíꞋŋɡɔ mɔ sɛ́ ŋ́kwɑŋɛ mɛnu mʉ́ʉ ńtsʉ́Ꞌ ḿbɔ́k pɔ́knɛ.

Ŋɡɑlɑ̂t 5:12

Ɛ́ ɡʉ nǔu pʉɔ pi pɔ́p púunɛ́nɛ wʉ́ʉ nǔu nu nɛpúꞋ ŋu, pɔ́p lɔk nu yɔ́p ŋ́ɡʉ mbi, kwɑꞋ pɔ́p shɔtnɛ́nɛ ɛ́shʉ̈ɔ́ túmbʉʉ yɔ́p.

Ŋɡɑlɑ̂t 5:7

Pʉʉ kɑ pɔ́ ŋ́ɡʉ nɛ́ mbi kwɑꞋ sʉ́Ꞌnɛ, wɔ̌ tɔꞋ wʉ́ʉ nɛpɛn ńzúꞋ nu yi ɛ́ nɛ́nẅín ńtík ku nǔu?

Ŋɡɑlɑ̂t 6:17

Tɛ fú lɔ́Ꞌnɛ, ḿbɑ́ɑ ŋu nɛlɑ́Ꞌ ḿbɛn ńdɔk yɔ nu ŋ́ɡɑ́ɑnɛ wɑ́ɑ. Mɛcʉ́-fʉ́ŋ mi ŋ ɡẅɛɛnɛ lɛ́Ꞌlɛ́nɛ ŋɡɔ mɔ ŋu-Yɛ́su.

Filipɛ 3:15

Pɛkŋɛ pi pɛkŋɛ tsʉ́Ꞌnɛ pɔ pɛlʉ́m nǔu nɛzúꞋ nu-Sɛ́ lɑɑ, ɛ́ pɔŋ ŋɡɔ yɛkŋɛ kwɑŋɛ pɔ́ pɔ pɑ́Ꞌɑ, ŋ́kɛ́ ḿbɔ́ yi pɛcɔ́ pʉɔ pʉ́ʉ ɡẅɛɛ yɛcɔ́ kwɑŋɛ tɛ ɛ́ pɔɔ yɑ́ɑ pɔ́, mbɔ Sɛ́ ɡʉ ɛ́sɑ́ɑnɛ sɑ́ɑnɛ́nɛ, ɛ́sẅíi wʉ́ʉ nɛ́ nu ɛ̂yɑ́.

2 Tɛsɑlɔník 3:4

Ɛ́ ɡʉ nǔu pʉʉ, mbɔ Tsɑpʉɔ sɛ́ ŋ́ɡɛ pɛk jí ŋɡɔ pʉʉ sɛ́ ŋ́ɡɛ yúu mi pɛk sɛ́ ńcú ŋɡɔ pʉʉ ɡɛ. Ḿbɔ́ yi pɛk lɑɑ ḿbɛn ńcú ŋɡɔ pʉʉ ɡɛ ŋɡɔ́ku ɔɔ, mbɔ pʉʉ ɡʉ ŋ́ɡɛ pɔ pɔ́Ꞌɔ.

1 Timɔtɛ́ɛ 1:20

Ɛ́ tsɛtsɛt pîpɑ́ pʉɔ, Himɛnɛ̂ pɔ́p Lɑksɑ́ndɑ pɔ́ zúꞋu. Ŋ kɑ níꞋ pɔnɛ pʉɔ pɛ́pɑ́ nǔu mbɔ́-Sɑ́ttɑ. Nɛpɔ́ yi pɔ́p ɡʉ ŋ́kúu mbɔ̌ wɛ́, ńzíꞋ pɑ́Ꞌ pɔ́p kɛ́ pɛn ńjúk ḿbɔ́ ḿbʉ́ʉpɛ lík-Sɛ́ pɔ́.

Filɛmɔ̂ŋ 1:21

N dɔk pɔ pɑ́Ꞌ ɔ ŋu ńzúꞋ nu lɑ ŋ́ŋwɑꞋnɛ yɔ ŋwɑꞋnɛ. Mɔ sɛ́ ńjí ŋɡɔ ɔ ɡʉ ŋ́ɡɛ yúu mi mɔ sɛ́ ḿbíkŋɛ mbɔ̌ ɡu tɛ ńdɛɛ pɔ́Ꞌɔ.