Ŋɡɑlɑ̂t 4:8 - Kɑɑ Fí

⁸ Pʉʉ kɑ pɔ́ yɛcɔ́ ŋkɑ́ mbɔɔ njí Sɛ́ pɔ́, ḿbɔ́ pɛkwɑɑ yúu pi pɛ́ kwɑŋɛ́nɛ ŋɡɔ ɛ́ mɛsɛ́, lɑ́ ɛ́ pɔɔ Sɛ́ pɔ́.

Ŋɡɑlɑ̂t 4:8 교차 참조

Jɑ̂ŋ 1:10

Jʉ́ sẅiŋɛ m̄bɔ́ ndǔmbí, lɑ́ pʉɔmɛsɔŋ kɛ́ mbɔɔ wɛ́ jí. Lɑ mbɔ Sɛ́ kɑ lɔk pɔ sẅiŋɛ ɛ̂yɑ́ lɑ ḿbuꞋ ŋɡɔŋ.

ŊwɑꞋnɛ-Gɑŋntúu Yɛ́su Kɛlístɔ 14:12

Ḿbɛn ńcú ŋɡɔ Pɑnɛpɑ́ɑshi sɛ́ Zɛ́us. Pɔ̂l pɔ́ sɛ́ ẅi pɛ́ fúŋnɛ ŋɡɔ Hɛlmɛs, ńcú pɔ́Ꞌɔ mbíꞋŋɡɔ Pɔ̂l kɑ pɔ́nɛ ńcú nu ŋkɑ́ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 17:23

Mɔ sɛ́ ńnɛn tsɛt tʉ́sɔŋ yʉ́ʉ, ńjʉ́ɔ mɛndɑ́-mɛsɛ́ mʉ́ʉ jʉ́ɔnɛ, tɛ ńjʉ́ɔ yɛcɔ́ pɔ́ ɡú, mbɔ pɛ́ kɑ ŋwɑꞋnɛ nǔu ŋɡɔ: “Yɔ ndɑ́-nɔŋpɔꞋ yi pɛk kɑ́ jí lík yɛ́ pɔ́.” Ɛ́ pɔ́Ꞌɔ lɑ́, yîyɑ́ Sɛ́ yi pʉʉ tswɛ́nɛ ŋ́ɡúꞋlɛ wɛ́ kɛ́ jí wɛ́ lɑ́, n tɔ́ pɑ́Ꞌɑ nɛsẅíi wʉ́ʉ nɛ́ nu yɛ́.

Pʉɔ-Lɔ́mɑ 1:23

Pɔ́p nɑ́ nɛɡúꞋlɛ Sɛ́ ẅí ɑ ɡẅɛɛnɛ nɛɡúꞋ, ḿbɔ́ kɛ́ pfú, ńtsʉ́Ꞌ ŋ́ɡúꞋlɛ pɔ yúu níinɛ, mɛyúu mi ɛ́ fínɛ ŋumɛsɔŋ ẅí ɑ ḿpfú, fí pɛshʉ́ŋ, pɛcɔ́ fí mɛyúumɛku mi ɛ́ ɡẅɛɛnɛ mɛku mɛ́nɛ́kwɑ, pɛcɔ́ fí mɛyúumɛku mi ɛ́ shuŋnɛ nɛpɛm nɔ́p pɔ sɛ́.

Pʉɔ-Lɔ́mɑ 1:28

Pɑ́Ꞌ pɔ́p kɑ lʉꞋnɛ nɛjí Sɛ́ lɑ́, Sɛ́ kɑ nɑ́ wɔ́p, jínu yɔ́p yi ɛ́ kɑ́ tʉ́ʉ, tsʉ́Ꞌnɛ ɛ́sɑ́Ꞌ wɔ́p pɔ́p tsʉ́Ꞌ ŋ́ɡɛ pɔ yúu mi pɔ́p lɑ́Ꞌ mbɔɔ ŋ́ɡʉ ŋ́ɡɛ pɔ́.

1 Kɔlɛ̂ŋtɛ 1:21

Ɛ́ pɔ́Ꞌɔ, pɑ́Ꞌɑ mbíꞋŋɡɔ pʉɔmɛsɔŋ ŋkɑɑ lɔk yɔ́p jínu ńjí Sɛ́ pɔ́, tɛ mbɑ pɑ́Ꞌ Sɛ́ sɑ́ɑnɛ sɑ́ɑnɛ́nɛ ńnyɛt jínu yɛ́. Ɛ́ yúu mi ɛ́ kɑ ɡɛnɛ Sɛ́ zɑ́p ŋɡɔ ɑ ɡʉ ŋ́ɡɛ pʉɔ pi pɔ́p zɑ́pnɛ tʉ́m nǔu wɛ́ luk, ɛ́fú nǔu yɔ nu yi pɛkŋɛ sɛ́ ńcú lɑ́, pʉɔ pɔ́ ńjʉ́ɔ ŋɡɔ ɛ́ pɔ́ pɔ mɛnu pɑ́lɛ́ lɑɑ.

1 Kɔlɛ̂ŋtɛ 12:2

Pʉʉ sɛ́ ńjí ŋɡɔ, ɛ́ kɑ pɔ́ ŋkɑ́ yi pʉʉ kɑ pɛ́tnɛ kɛ́ zɑ́p tʉ́m nǔu Yɛ́su Kɛlístɔ, yɛcɔ́ yúu pɔ́ ńtsʉ́ʉnɛ wʉ́ʉ pʉʉ ɡúꞋlɛ mɛsɛ́, tɛ mbɑ pɑ́Ꞌ ɛ́ yúu mi mbɔ ɛ́ pɔɔ nu cú lɑ́.

1 Kɔlɛ̂ŋtɛ 8:4

Ɛ́ kɛ́ ŋ́ɡʉ nǔu nu pfuꞋ-mbɑp yi pɛ́ ɡɑ́nɛ nǔu yúu mi pɛ́ ɡúꞋlɛ́nɛ ŋɡɔ ɛ́ mɛsɛ́, mbɔ pɛkŋɛ sɛ́ ńjí ŋɡɔ yɛcɔ́ yúu mi ɛ́ lɑɑ ḿbɔ́ pɛ́ ɡúꞋlɛ ŋɡɔ ɛ́ yɛcɔ́ sɛ́ kɑ́ pɔ́ ndǔmbí pɔ́. Pɛkŋɛ sɛ́ ńjí ŋɡɔ Sɛ́ pɔ́ pɔ wɛ́mɔ́Ꞌ.

Ŋɡɑlɑ̂t 4:3

Ɛ́ pɛn ḿbɔ́ pɔ ndʉ́ŋndʉŋ pɑ́Ꞌ ɛ́ kɑ pɔ́nɛ ŋkɑ́ yi pɛkŋɛ kɑ pɛ́tnɛ ḿbɔ́ pɑ́Ꞌ pɔ́ɔmbɔ́ŋkʉ̈ɔ́ lɑ́, pɛkŋɛ pɔ́ pɛkwɑɑ mbíꞋ nɛnɛn ẅí pɛkŋɛ nɛnnɛ nǔu tsɛt yɔ ndǔmbí.

Ɛ́fɛ̂zɛ 4:18

Mɛkwɑŋɛ mɔ́p pɔ́ pɔ mɛ́ tsɛt nzɛ́nzʉ́ʉ. Pɔ́p ɡʉ nǔu nɛnɑ́ŋ wɛ fí ẅi Sɛ́ sɛ́ ŋ́ɡɑ́, ḿbɔ́ pɔ pɛɡʉʉ, mbíꞋŋɡɔ pɔ́p kɑ́ jí sɛ̂ndúŋ-Sɛ́ pɔ́. Mbɔ tʉ́m yɔ́p kɑ sʉk mɔ́.

1 Tɛsɑlɔník 1:9

Pɛ́ nɑ́ŋ ɛ́sẅíi ntɛ́ yi pʉʉ kɑ lɔknɛ ńcẅɛ́ɛ wɛ́k, ŋkɑ́ yi pɛk kɑ tɔ́nɛ tsɛtsɛt pʉʉ, mbɑ ntɛ́ yi pʉʉ kɑ lɔknɛ ńtɛ́m ŋkwɛn nǔu yúu mi pɛ́ ɡúꞋlɛnɛ ŋɡɔ ɛ́ mɛsɛ́, ɛ́shɔtnɛ ńdíŋɛ Sɛ́ kɛ́ kúp sẅiŋɛ, ńtsʉ́Ꞌ ɛ́fɑꞋ pɔ mbɔ̌ wɛ́ ẅi ɑ ntʉʉ.

1 Tɛsɑlɔník 4:5

Tɛ ɑ pɔɔ pɛ́m kwɑŋɛ kɛpɔŋ ndǔmbí ɡúu pɑ́Ꞌ yi pʉɔ pi pɔ́p kɑ́ jí Sɛ́ pɔ́.

2 Tɛsɑlɔník 1:8

A ɡʉ ńdɑ́Ꞌ ŋ́ɡɔ ńtɔ́ pɛkŋɛ jʉ́ɔ múk tʉ̈ɔ́Ꞌlɛ wɛ́ ńníꞋ sɔŋ, ɑ ɡɛ pʉɔ pi pɔ́p kɑ jí Sɛ́ pɔ́ ḿbɛn ńdʉꞋ Ŋkʉʉ Sʉ́ꞌnɛ wɛ́ jʉ́ɔ ŋɡʉ̈ɔ́Ꞌ.

1 Pyɛ̂ 4:3

Yɔ ndẅiklɛ pɑ́Ꞌ ɛ́ zɛɛ ŋ́ɡɔ́ ḿbɔ́ mbɔ pʉʉ kɑ pɔ́ yɛcɔ́ ŋkɑ́ ḿbɔ́ ŋ́ɡɛ yúu mi pɑkɛ́jí Sɛ́ sɛ́ ŋ́kɔŋ. Pʉʉ kɔŋ nɛfʉꞋ mɛnu tɛ ɛ́sɑ́Ꞌ sɑ́Ꞌnɛ, ḿbɔ́ ŋ́ɡɛ mbɑ kʉ̈ɔ́ lɑ́ yi mbʉʉ yʉʉ tsʉ́ʉnɛ́nɛ wʉ́ʉ nɛɡɛ, ḿbɑ́ mɛluꞋ, ńcúꞋlɛ nǔu ndínɑ nɛkwɛ́t yúu ŋ́ɡɛ mɛnu sʉ́ʉ, pʉʉ kɔŋ nɛjúk pɔ nɛnɔ́ mɛluꞋ, pʉʉ kɔŋ nɛɡúꞋlɛ yúu ŋɡɔ ɛ́ mɛsɛ́, ɛ́ pɔ́ yúu mi Sɛ́ kɑ́ sii ŋ́kɔŋ pɔ́.

1 Jɑ̂ŋ 3:1

Pʉʉ jʉ́ɔ pɑ́Ꞌ Tɑ́t wɛkŋɛ kɔŋnɛ wɛkŋɛ kɔŋnɛ tɛ ɛ́fúŋ wɛkŋɛ ŋɡɔ pɔ́ɔ pɛ́, ɛ́ sẅíi nu pɛkŋɛ pɛ́tɛ́. Lɑ́ pʉɔ-ndǔmbí pɔɔ wɛkŋɛ jí, mbíꞋŋɡɔ pɔ́p ŋ́kɑɑ kɛ́ ńjí ŋu ẅi Sɛ́ jʉ́ pɔ́.