Ŋɡɑlɑ̂t 3:8 - Kɑɑ Fí

⁸ ŊwɑꞋnɛ-Sɛ́ kɑ zɛɛ ńzɑ́Ꞌ njí ńnyɛt ŋɡɔ: Sɛ́ ɡʉ ńdɑ́Ꞌ ɛ́fú nǔu pɑ́Ꞌ pʉɔ pi pɔ́p kɑ́ pɔ́ pɑyúdɑ pɔ́, ɡʉ ńdɑ́Ꞌ ńzɑ́p tʉ́m nǔu wɛ́ ɑ pɛ́m wɔ́p pɑ́Ꞌ pʉɔ pi pɔ́p mbi yɛ́ ḿbɔ́ ndʉ́ŋndʉŋ. Ɛ́ yɛ́tɛ́ lɑ ŋwɑꞋnɛ-Sɛ́ kɑ zɑ́Ꞌ njí ńcẅi wɔ Ŋkʉʉ Sʉ́Ꞌnɛ mbɔ̌ Ábɛlɛhɑ̂m ŋɡɔ: Sɛ́ ɡʉ ńdɑ́Ꞌ ńdɛɛ nǔu ɡu ńníꞋ mbɔ́tnɛ nǔu mɛlɑ́Ꞌ tsʉʉ mi ɛ́ ndǔ tsɛ́tsɑ́Ꞌ.

Ŋɡɑlɑ̂t 3:8 교차 참조

Jɑ̂ŋ 19:37

Pɛ́ kɑ pɛn ŋ́ŋwɑꞋnɛ ŋɡɔ: pɔ́p ɡʉ ńdɑ́Ꞌ ḿbɔ́ ńdíŋɛ ŋu ẅí pɔ́p lɔknɛ nɛkɔŋ ɛ́sɔp wɛ́.»

Jɑ̂ŋ 7:38

Ŋu ẅí ɑ zɑ́pnɛ tʉ́m yɛ́ nǔu mɔ lɑ́, ŋki ɡʉ ɛ́fú tsɛt tʉ́m yɛ́ ńcẅɛt ḿbɔ́ cúŋ pɑ́Ꞌ ŋki ẅí ɛ́ fúnɛ nɛsɑ́Ꞌ lɑ́. Ɛ́ pɔ́ yúu pɛ́ kɑ ŋwɑꞋnɛ́nɛ tsɛt ndɛn kɑɑ.»

Jɑ̂ŋ 7:42

Ntɛ́ ŋɡɔ pɛ́ kɑ ŋwɑꞋnɛ tsɛt ŋwɑꞋnɛ-ndɛn kɑɑ ŋɡɔ: «Nzɑ́Ꞌŋkʉ ẅi Sɛ́ kɑ kɑꞋnɛ ɡʉ ńdɑ́Ꞌ ɛ́fú pɔ nǔu njẅɛtndɑ́-fɔɔ Ndɑvît, ŋɡɔ Nzɑ́Ꞌŋkʉ ẅi Sɛ́ kɑ kɑꞋnɛ ɡʉ ńdɑ́Ꞌ ɛ́fú pɔ Mbɛ́tɛlɛhɛ̂m ẅí ɛ́ lɑ́Ꞌ pɛ́ fɔɔ Ndɑvît.»

ŊwɑꞋnɛ-Gɑŋntúu Yɛ́su Kɛlístɔ 2:35

ŃzẅíꞋlɛ n dɔk ɡɑŋmbuu pú, ŋ́ɡɛ ntíknɛ-mɛku mú».

Pʉɔ-Lɔ́mɑ 9:17

Ɛ́ tsɛt ŋwɑꞋnɛ-Sɛ́, mbɔ pɛ́ kɑ zɛɛ ŋ́ŋwɑꞋnɛ ŋɡɔ: Sɛ́ cú mbɔ̌ fɔɔ Fɑlɑhɔŋ ŋɡɔ: Ŋ kɑ lɔk wú ŋ́ɡɛ fɔɔ nɛpɔ́ yi ŋ ɡʉ ńnyɛt wú nɛ́ yúu, pʉɔ fú nǔu ńjʉ́ɔ pɑ́Ꞌ n tɛnnɛ pɔ́Ꞌɔ, lɑ́ pɛ́ ɡɔ́ɔ ńjí lík yɑ́ɑ zʉꞋ tsʉʉ ndǔ tsɛ́tsɑ́Ꞌ.

Pʉɔ-Lɔ́mɑ 9:30

Pɛkŋɛ fú nǔu yɔ nu ńjʉ́ɔ ŋɡɔ kʉ̈ɔ́? Pɛkŋɛ jʉ́ɔ ŋɡɔ tɛ mbɑ pɑ́Ꞌ pʉɔ pi pɔ́p kɑ́ pɔ́ pɑyúdɑ pɔ́ ŋkɑɑ ŋ́kɛ́ ḿbɔ́ ńdɔɔ shʉ́ nɛpɔ́ pʉɔ pi pɔ́p ndʉ́ŋndʉŋ mbi Sɛ́ pɔ́, shʉ́ kɑ cẅɛt mbɔ̌ pɔ́p. Ɛ́ pɔ́ pɑ́Ꞌ pɔ́p kɑ zɑ́pnɛ tʉ́m yɔ́p nǔu Kɛlístɔ, Sɛ́ tsʉ́Ꞌ ńdíŋɛ wɔ́p pɔ́p pɔ́ pɔ ndʉ́ŋndʉŋ mbi yɛ́,

Ŋɡɑlɑ̂t 3:16

Ɛ́ mbɔ̌ Sɛ́ ḿbɛn ḿbɔ́ pɔ pɔ́Ꞌɔ. Sɛ́ kɑ kɑꞋ yúu mbɔ̌ Ábɛlɛhɑ̂m tɛ mbɑ mbɔ̌ ŋu ẅí Ábɛlɛhɑ̂m kɑ pɔ́ ŋ́ɡʉ ńdɑ́Ꞌ lɑ́ ḿbí wɛ́. ŊwɑꞋnɛ-Sɛ́ kɑ cú ŋɡɔ pɛ́ kɑ kɑꞋ mbɔ̌ pʉɔ pi ɑ kɑ pɔ́ ŋ́ɡʉ ŋ́ɡɛ lɑ ḿbí wɔ́p pɑ́Ꞌ ŋkɑ́ yi pʉɔ pi pɛ́ kɑ pɔ́ ŋ́kɑꞋ yîyɑ́ yúu ɛ́ pɔ́ yɔ́p ŋ́kɑɑ zɑ́ɑ zɑ́ɑnɛ pɔ́. Ŋɡɑ́ŋ ɛ́ kɑ pɔ́ pɔ nu tɑ́Ꞌ ŋu, mbíꞋŋɡɔ pɛ́ zɛɛ ɛ́fúŋ tsɛt ŋwɑꞋnɛ-Sɛ́ ŋɡɔ: Tɛ mbɑ mbɔ̌ ŋu ẅí ɔ ɡʉ ŋ́ɡɛ ḿbí wɛ́. Ẅîwɑ́ ŋu pɛn ḿbɔ́ Kɛlístɔ.

Ŋɡɑlɑ̂t 3:22

Lɑ́ ŋwɑꞋnɛ-Sɛ́ nyɛt ŋɡɔ mbɑ wɛ́tɛ́ ŋu lɑ́ pɔ́ pɔ ŋkwɑɑ mbɔ̌ nu kɛpɔŋ. Ɛ́ pɔ́Ꞌɔ lɑ yúu mi Sɛ́ kɑ kɑꞋnɛ puutɛ nǔu pʉɔ pi pɔ́p lɛɛnɛ nǔu Yɛ́su Kɛlístɔ ńzɑ́p tʉ́m yɔ́p nǔu wɛ́.

Ŋɡɑlɑ̂t 4:30

ŊwɑꞋnɛ-Sɛ́ zɛɛ ńcú ŋɡɔ kʉ̈ɔ́ lɑ́ɑ? Ɛ́ cú ŋɡɔ: Zuŋ mɑŋɡɛ́ ẅí ɑ ŋkwɑɑ pɔ́p mɔ́ɔ nɛ. MbíꞋŋɡɔ mɔ́ɔ-ŋkwɑɑ kɑ́ ɡẅɛɛ yɛcɔ́ nu nǔu tʉ̈ɔt-tɑ́t wɔp pɑ́Ꞌ mɔ́ɔ mɑŋɡɛ́ ẅí pɛ́ kɑ tɑ́tnɛ pɔ́.

Ɛ́bɛlʉʉ 4:2

Pɛkŋɛ kɑ zɛɛ ḿbɛn ńzúꞋ yɛkŋɛ Ŋkʉʉ Sʉ́Ꞌnɛ ɛ̂wɑ́ pɔ pɑ́Ꞌ pʉɔ pi pɔ́p kɑ pɔ́ kɔ̂ŋtɛt kɑ zúꞋnɛ yɔ́p. Lɑ́ pɔ́p kɑ kɛ́ ńzúꞋ yɔ́p ɛ́ pɔɔ wɔ́p cẅɛ́lɛ́, mbíꞋŋɡɔ pɔ́p ŋ́kɑɑ zɑ́p tʉ́m yɔ́p nǔu pɔ́.

Mɛnu ɛ́ ńdɑ́Ꞌ ńcẅɛt 11:15

Cʉ̈ɔꞋ-Sɛ́ mbɑ́ɑtɛ sɑɑmbɑ́ tɔ́ŋ wɛ́ ntɑŋ. Pɛ́ zúꞋ mɛŋɡi pɔ́ tʉ́nɛ́pú ńdɔk ŋɡi tɛnnɛ ńcú ŋɡɔ: «Nɛsɑ́Ꞌ mbí tsʉ́Ꞌ ḿbɔ́ pɔ nǔu mbɔ́-Tsɑpʉɔ wɛkŋɛ mbɑ nǔu mbɔ́-Nzɑ́Ꞌŋkʉ ẅi ɑ kɑ tsɔ́Ꞌnɛ.» Ẅîwɑ́ nɛsɑ́Ꞌ ɡʉ ńdɑ́Ꞌ ḿbɔ́ nǔu mɛŋɡuꞋ mɛŋɡuꞋ.