Ŋɡɑlɑ̂t 3:28 - Kɑɑ Fí

²⁸ Ɛ́ fú pɔ́Ꞌɔ, Sɛ́ pɔɔ pɛn ŋ́ɡɛ yɛcɔ́ tɔŋ nǔu pɑyúdɑ pɔ́p pʉɔ-Ŋɡɛlɛ́k pɔ́, ŋ́kɛ́ mbɔɔ pɛn ŋ́ɡɛ nǔu pɛkwɑɑ pɔ́p pɛndẅǐi pɔ́, ŋ́kɛ́ mbɔɔ pɛn ŋ́ɡɛ nǔu mbɛ́ɛnɛ pɔ́p pɑŋɡɛ́ pɔ́, mbíꞋŋɡɔ pʉʉ lɔk pɑ́Ꞌ pʉʉ lɑtnɛ mbʉʉ nǔu Yɛ́su Kɛlístɔ ńtsʉ́Ꞌ ḿbɔ́ pɔ tɑ́Ꞌ ntɛ́.

Ŋɡɑlɑ̂t 3:28 교차 참조

Jɑ̂ŋ 10:16

M bɛn ŋ́ɡẅɛɛ mɛcɔ́ mɛnjinjɔ mí pɔ́p kɑ́ pɔ́ tsɛt ŋkɑ́Ꞌ wɔ pɔ́. Ɛ́ pɔ́ ḿbíkŋɛ ŋɡɔ ŋ ɡʉ ńdɔk wɔ́p ńtɔ́. Pɔ́p ɡúu ɡʉ ŋ́ɡɛ ńzúꞋ ŋɡi yɑɑ, ɛ́ lɛɛ pɔ́Ꞌɔ, kɑt-njinjɔ pɔ́ wɛ́mɔ́Ꞌ, mbyɛ́p pɔ́ wɛ́mɔ́Ꞌ.

Jɑ̂ŋ 11:52

Ɛ́ pɔɔ pɔ́ pɔ ndɑꞋ nǔu tú-pɑyúdɑ zɛ́nɛ pɔ́p pɔ́, ɛ́ pɛn ḿbɔ́ nɛlɔk ńtɛmtɛ pʉɔ-Sɛ́ pi pɔ́p zʉꞋ tsʉʉ, pɔ́p tsʉ́Ꞌ tɑ́Ꞌ ku.

Jɑ̂ŋ 17:11

Ɛ́ nǔu ŋkɔ̂ɔnɛ, ɛ́ tsʉ́Ꞌ mɔ́zʉꞋ, m bɔɔ pɛn ḿbɔ́ ndǔmbí pɔ́, mbíꞋŋɡɔ ŋ ɡʉ ḿbɛn nɛ́ nɛjɔ́ŋ ɡu. Lɑ́ ŋ́ɡʉ nǔu pɔ́p, mbɔ pɔ́p kɛ́ ḿbɛ́t ḿbɔ́ pɔ ndǔmbí. Tɑ̌ɑ mɔ ɑ ndɑꞋ ɡu ḿbɔ́ Sɛ́-mɛkuꞋ, lɔk mɛtʉʉ mú, mɛtʉʉ mí ɔ kɑ ɡɑ́nɛ mbɔ̌ mɔ lɑ́, ḿbyɛ́p wɔ́p, ńjí ŋɡɔ pɔ́p ɡʉ ḿbɔ́ tɑ́Ꞌ ŋu, ndʉ́ŋndʉŋ pɑ́Ꞌ pûu tɑ́Ꞌ ŋu lɑ́.

Pʉɔ-Lɔ́mɑ 1:16

Mbɔ sʉ́ʉ pɔɔ wɑ́ɑ kɔ́ nɛcẅi Ŋkʉʉ Sʉ́Ꞌnɛ pɔ́, ɛ́ mɛtʉʉ mí Sɛ́ lɔknɛ ŋ́ɡɛ pʉɔ pinɛ pɔ́p zɑ́pnɛ tʉ́m nǔu wɛ́ luk. Ɛ́ zɛ nǔu pɑyúdɑ ŋ́kúu nǔu pʉɔ pi pɔ́p kɑ́ pɔ́ pɑyúdɑ pɔ́.

Pʉɔ-Lɔ́mɑ 3:22

Pɔ pɑ́Ꞌ ŋu lɑɑ ńzɑ́p tʉ́m nǔu Yɛ́su Kɛlístɔ, mbɔ Sɛ́ ɡʉ tsʉ́Ꞌ ńdíŋɛ ŋɡɑŋ, ɑ pɔ́ mbi yɛ́ ḿbɔ́ pɔ ndʉ́ŋndʉŋ. Ɛ́ ndɑꞋ ndúŋ mbɔ̌ pʉɔ tsʉʉ. Pɔ́p mbi Sɛ́ tɛꞋ ḿbɔ́ pɔ tɑ́Ꞌ yúu,

Pʉɔ-Lɔ́mɑ 8:1

Ɛ́ lɔk ḿbɔ́ ŋɡɔ pʉɔ pi pɔ́p lɑtnɛ mbʉʉ yɔp nǔu Yɛ́su Kɛlístɔ, kɛ́ ɡʉ ńdɑ́Ꞌ ḿbɛn ḿvu ntsɑŋ pɔ́,

Pʉɔ-Lɔ́mɑ 9:24

Pîpɑ́ pʉɔ lɔk ḿbɔ́ pɔ wɛkŋɛ wɔ, pɛkŋɛ pi ɑ tsɔ́Ꞌnɛ tsɛtsɛt pɑyúdɑ mbɑ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́.

1 Kɔlɛ̂ŋtɛ 7:14

mbíꞋŋɡɔ ŋu mbɛ́ɛnɛ ẅí ɑ kɑ pɔ́ ŋu-Kɛlístɔ pɔ́, ɑ lɔk pɑ́Ꞌ ɑ kɑ lɑtnɛ mbʉʉ nǔu nzwɛ́ wɛ ẅí ɑ ŋu-Kɛlístɔ, ḿbɔ́ nɛjɔ́ŋ Sɛ́. Mɑŋɡɛ́ ẅí ɑ kɑ pɔ́ ŋu-Kɛlístɔ pɔ́ lɔk pɑ́Ꞌ ɑ lɑtnɛ mbʉʉ nǔu ndúu mɛ ẅi ɑ ŋu-Kɛlístɔ, ḿbɔ́ nɛjɔ́ŋ Sɛ́, ḿbɔ́ yi ɛ́ kɛ́ mbɔɔ pɔ́Ꞌɔ pɔ́, mbɔ mbɔ́ŋkʉ̈ɔ́ pɔ́p kɑ́ ɡẅɛɛ nɛpɔ́ nɛjɔ́ŋ Sɛ́ pɔ́. Pɔ́p pɛn ḿbɔ́ ŋkɔ̂ɔnɛ ḿbɔ́ nɛjɔ́ŋ Sɛ́.

1 Kɔlɛ̂ŋtɛ 7:19

Nɛpɔ́ yi pɛ́ kɑ púꞋ ŋu kɛ pɛ́ ŋkɑɑ wɛ́ púꞋ pɔ́ kɑ́ pɔ́ yɛcɔ́ nu mbi Sɛ́ pɔ́. NɛkúꞋlɛ nɛpʉ́ʉ-Sɛ́ pɔ́nɛ nu.

Ŋɡɑlɑ̂t 3:14

Yɔ nu pɔ́ pɑ́Ꞌɑ nɛpɔ́ wi Sɛ́ ɡʉ ɛ́fú nǔu yúu mi Yɛ́su Kɛlístɔ, ẅí ɑ nǔu njẅɛt-Ábɛlɛhɑ̂m ɡɛnɛ, ńníꞋ mbɔ́tnɛ nǔu pʉɔ pi pɔ́p kɑ́ pɔ́ pɑyúdɑ pɔ́, ɛ́ lɛɛ nǔu Ábɛlɛhɑ̂m, mbɑ nɛpɔ́ yi pɛkŋɛ ɡʉ ńdɔk pɑ́Ꞌ pɛkŋɛ zɑ́pnɛ tʉ́m nǔu Kɛlístɔ ŋ́ɡẅɛɛ Zẅikŋɛ yi Sɛ́ kɑ kɑꞋnɛ mbɔ̌ pɛkŋɛ.

Ŋɡɑlɑ̂t 3:26

Pʉʉ pɛtsʉʉ zɛɛ ńdɔk pɑ́Ꞌ pʉʉ zɑ́pnɛ tʉ́m nǔu Yɛ́su Kɛlístɔ ḿbɔ́ pʉɔ-Sɛ́.

Ŋɡɑlɑ̂t 4:14

Ɛ́ kɑ pɔ́ ŋkɑ́ ɛ̂yɑ́, mbɔ ɡɔɔ tswɑ́ɑ wɑ́ɑ tɛꞋ tɛ m bʉ́k. Lɑ́ pʉʉ kɛ́ mbɔɔ wɑ́ɑ níŋɛ, ŋ́kɛ́ mbɔɔ wɑ́ɑ mɛꞋ. Tɛ ńtsʉ́Ꞌ pɔ́Ꞌɔ, mbɔ pʉʉ kɑ kúkŋɛ wɑ́ɑ pɔ pɑ́Ꞌ Cʉ̈ɔꞋ-Sɛ́, kɛ pɔ pɑ́Ꞌ Yɛ́su Kɛlístɔ lɑ́.

Ŋɡɑlɑ̂t 5:24

Pʉɔ pi pɔ́p pɛ́ Yɛ́su Kɛlístɔ kɑ ḿmɛꞋnɛ yúu kɛpɔŋ yi ɛ́ pɔŋnɛ mbʉʉ yɔp, pɔ́p minɛ mbʉʉ ɛ̂yɑ́ tsɑ́ɑnɛ, lɑ ɛ́ pɔ́ pɑ́Ꞌ ŋkɑ́ yi pɔ́p kɑ kẅii mbʉʉ ɛ̂yɑ́ nǔu tʉ́ mbɑ́ŋtɛ pɑ́ŋtɛ́nɛ lɑ́.

Ŋɡɑlɑ̂t 5:6

MbíꞋŋɡɔ ŋu lɑɑ ńdɑt mbʉʉ nǔu Kɛlístɔ, mbɔ pɛ́ kɛ́ púꞋ wɛ́ pɔ́, kɛ nɛnɑ́ kɛ́ púꞋ wɛ́ ɔɔ, mbɔ ɛ́ kɑ́ pɔ́ yɛcɔ́ nu pɔ́. Nɛzɑ́p tʉ́m nǔu Kɛlístɔ ḿbɛn ŋ́kɔŋ pʉɔmɛsɔŋ pɔ́nɛ nu.

Ɛ́fɛ̂zɛ 1:1

Yɔ ŋwɑꞋnɛ fú mbɔ̌ mɔ pɔ̂l, Sɛ́ kɑ kɔŋnɛ ŋɡɔ m bɔ́ ŋɡɑŋntúu-Yɛ́su Kɛlístɔ. Ŋ ɡɑ́ mbɔ̌ pʉʉ pʉɔ-Sɛ́ pi pʉʉ nɑ́ŋnɛ Ɛ́fɛ̂zɛ, mbɔ pʉʉ kɑ zɑ́p tʉ́m nǔu Yɛ́su Kɛlístɔ, ŋ́kɛ́ ńjí pɔ ndɑꞋ nu yɛ́.

Ɛ́fɛ̂zɛ 4:4

Mbɑp-mbʉʉ-Kɛlístɔ yɛmɔ́Ꞌ, Zẅikŋɛ lɛ́ɛnɛ́nɛ pɔ́ yɛ́mɔ́Ꞌ ndʉ́ŋndʉŋ pɑ́Ꞌ yúu mi Sɛ́ kɑ fúŋnɛ wʉ́ʉ, pʉʉ pɔ́ ńzẅíꞋlɛ ɛ́ pɔ́ pɔ yɛ́mɔ́Ꞌ.

Filipɛ 1:1

Yɔ ŋwɑꞋnɛ fú mbɔ̌ mɔ Pɔ̂l ŋ́ɡɛ Timɔtɛ̂ɛ. Pɛknɛ tɛmtɛ́nɛ ɛ́fɑꞋ nzʉʉ Yɛ́su Kɛlístɔ. Ɛ́ yʉ́ʉ pʉʉ pʉɔ-Yɛ́su Kɛlístɔ pi pɔ́p tʉ́sɔŋ-Filip. Ɛ́ pɛn ḿbɔ́ yʉ́ʉ, pʉʉ pɑlíŋɛ cúꞋlɛ-pʉɔ-Kɛlístɔ pɔ́p pʉʉ pɑfɑꞋ tsɛt yîyɑ́ cúꞋlɛ.

Kɔlɔsíyɛ̂ŋ 1:4

mbíꞋŋɡɔ pɛ́ kɑ sẅíi wɛ́k nɛ́ ntɛ́ yi pʉʉ sɛ́ ńdɔk ńzɑ́p tʉ́m nǔu Yɛ́su Kɛlístɔ mbɑ ntɛ́ yi pʉʉ sɛ́ ńdɔk ŋ́kɔŋ pʉɔ-Sɛ́ pɛtsʉʉ.

Kɔlɔsíyɛ̂ŋ 3:11

Pɔ́Ꞌɔ lɑ́, kɔɔ tɔŋ pɛn ḿbɔ́ tsɛtsɛt pʉʉ tɛ ḿbɔ́ pɛ́ cú ŋɡɔ: «Yɔ ŋu-Ŋɡɛlɛk, yɔ pɔ́ ŋu-pɑyúdɑ pɔ́. Pɛ́ pɔɔ pɛn ńcú ŋɡɔ yɔ ŋu ẅí pɛ́ kɑ púꞋnɛ wɛ́, yɔ pɔ́ ŋu ẅí pɛ́ ŋ́kɑɑ wɛ́ púꞋ pɔ́. Kɛ pɔ nɛpɛn ńcú ŋɡɔ wɔ kɑ zíꞋ ŋwɑꞋnɛ, wɔ pɔɔ zíꞋ pɔ́. Pɛ́ kɛ́ ḿbɔɔ pɛn ńcú ŋɡɔ wɔ ŋu ŋkwɑɑ, wɔ pɔɔ ŋkwɑɑ pɔ́. Kɛlístɔ tsʉ́Ꞌ ḿbɔ́ yʉ́ʉ nu tsʉʉ, ḿbɔ́ tʉ́m pʉʉ pɛtsʉʉ.»

1 Timɔtɛ́ɛ 1:12

Ŋ ɡɑ́ pɑ́Ꞌlɑ́ mbɔ̌ Tsɑpʉɔ wɛkŋɛ Yɛ́su Kɛlístɔ pɑ́Ꞌ ɑ kɑ ɡɑ́nɛ wɑ́ɑ nɛ́ mɛtʉʉ nɛlɔk ɛ́fɑꞋ fɑꞋ yɛ́. Ŋ ɡɑ́ pɑ́Ꞌlɑ́ mbɔ̌ wɛ́ pɑ́Ꞌ ɑ kɑ jʉ́ɔnɛ ŋɡɔ ŋ kuꞋ wɛ ŋu, ńtsɔ́Ꞌ wɑ́ɑ ńdɔk ŋ́ɡɛ ŋɡɑŋfɑꞋ wɛ.

2 Timɔtɛ́ɛ 1:1

Yɔ ŋwɑꞋnɛ fú mbɔ̌ mɔ Pɔ̂l, ŋɡɑŋntúu-Yɛ́su Kɛlístɔ, mbɔ Sɛ́ kɑ kɔŋnɛ ŋɡɔ m bɔ́ wɛ́tɛ́. Yɑ́ɑ fɑꞋ pɔ́ nɛɡʉ ńcú nu nǔu luk kɛ́mɛ yi Sɛ́ kɑ kɑꞋnɛ ŋɡɔ pʉɔmɛsɔŋ ɡʉ ńdɛɛtɛ nǔu Yɛ́su Kɛlístɔ ŋ́ɡẅɛɛ.