Ŋɡɑlɑ̂t 3:19 - Kɑɑ Fí

¹⁹ Mbɔ ŋu zúꞋ ḿbíkŋɛ ŋɡɔ tɛ Sɛ́ kɑ pɔ́ pɑ́Ꞌɑ ḿbɛn ńzɑ́p nɛpʉ́ʉ mbíꞋ pɔ kʉ̈ɔ́? A kɑ pɔ́ ńzɑ́p pɔ nɛlɔk ŋ́ɡɛ ŋu ɛ́fɑɑnɛ nu ńjí ŋɡɔ ɑ fɑɑnɛ. Nɛpʉ́ʉ kɑ fɑꞋ yɛ́ fɑꞋ tɛ ńdɑ́Ꞌ ŋ́kúu ŋkɑ́ yi ŋu-Ábɛlɛhɑ̂m ẅí Sɛ́ kɑ kɑꞋnɛ yúu ŋɡɔ ɛ́ yɛ́ ŋɡɑŋ kɑ lɑ́Ꞌnɛ ńtɔ́. Ɛ́ ɡʉ nǔu mîmɑ́ mbʉ́ʉ, mbɔ Sɛ́ kɑ túu pɛcʉ̈ɔ́Ꞌ pɛ́, pɔ́p ɡɑ́ mbɔ̌ nɛnkɛ́m.

Ŋɡɑlɑ̂t 3:19 교차 참조

Lúkɑ́shi 16:31

Lɑ́ Ábɛlɛhɑ̂m cú mbɔ̌ wɛ́ ŋɡɔ: «Pɔ́p lɑɑ ḿbɔɔ zúꞋ sẅiŋɛ-Mɔ̌sɛ̂ɛ mbɑ yi pɛŋɡɛ́mndʉ̈ɔ́Ꞌ-Sɛ́ pɔ́, mbɔ ŋu lɑɑ ńzɛɛ ńzẅíimɛ zẅíimɛnɛ, ńtɔ́ ɛ́sẅíi wɔ́p pɔ kʉ̈ɔ́ lɑ́, mbɔ pɔ́p kɛ́ pɛ́m.»

Jɑ̂ŋ 1:17

Sɛ́ kɑ lɛɛ nǔu Mɔ̌sɛ̂ɛ, ŋ́ɡɑ́ nɛpʉ́ʉ, nu nɛ́nẅín pɔ́p fuꞋ níinɛ yɛkŋɛ pɛn ńdɛɛ pɔ nǔu Yɛ́su Kɛlístɔ.

Jɑ̂ŋ 15:22

«Mɔ ḿbɔ́ pɛ́Ꞌnɛ, mbɔɔ tɔ́, m bɔ́ pɛ́Ꞌnɛ pɛk pɛ́ pɔ́p pɔɔ sẅiŋɛ, mbɔ yɛcɔ́ mɛnu kɛpɔŋ kɑ́ pɔ́ nǔu pɔ́p pɔ́. Lɑ́ ɛ́ kɛ́ ḿbɔ́ ŋkɔ̂ɔnɛ pɑ́Ꞌnɛ yɛcɔ́ nu mbɔ pɔ́p cú ńdɔk ńcẅɛ́ɛ tú yɔ́p ntɛ́ mɛnu kɛpɔŋ mɔ́p kɑ́ pɔ́ ɡú pɔ́.»

ŊwɑꞋnɛ-Gɑŋntúu Yɛ́su Kɛlístɔ 7:38

Mɔ̌sɛ̂ɛ pɛnnɛ ḿbɔ́ ŋu ẅí ɑ ḿbɔ́nɛ ŋkɑ́ yi pɛmɑ́ŋɡɑpnjẅɛt pɛkŋɛ kɑ cúꞋlɛ́nɛ kɔ̂ŋtɛt m̄bɔ́ ńtʉ́ʉ tsɛtsɛt Cʉ̈ɔꞋ-Sɛ́ pɔ́p mɑ̂ɑŋɡɑpnjẅɛt wɛkŋɛ. Cʉ̈ɔꞋ-Sɛ́ sẅiŋɛ mbɔ̌ wɛ ḿbɔ́ ńníꞋ nu mbɔ̌ wɛ́ ndǔ nɛŋkɔ́Ꞌ Sinɑyi. KwɑꞋ jʉ́ Mɔ̌sɛ̂ɛ kɑ cẅɛ́ɛ sẅiŋɛ ɛ̂yɑ́ yi ɛ́ ɡɛnɛ pɛ́ pɔ́ ɡú nɛɡɑ́ mbɔ̌ pɛkŋɛ.

ŊwɑꞋnɛ-Gɑŋntúu Yɛ́su Kɛlístɔ 7:53

N cú pʉʉ wɔ ẅí Cʉ̈ɔꞋ-Sɛ́ kɑ lɔknɛ nɛpʉ́ʉ-Sɛ́ ńtɔ́ ŋ́ɡɑ́ mbɔ̌ pʉʉ, pʉʉ kɛ́ ḿbɔɔ nǔu nɛn.»

Pʉɔ-Lɔ́mɑ 2:13

MbíꞋŋɡɔ ŋu zɛɛ mbɔɔ zúꞋ nɛpʉ́ʉ-Sɛ́ zúꞋnɛ ndɑꞋ ńtsʉ́Ꞌ ŋu ẅi ɑ mbi Sɛ́ ḿbɔ́ ndʉ́ŋndʉŋ pɔ́. Ŋu zúꞋ ḿbɛn ŋ́ɡɛ pɑ́Ꞌ ɛ́ píkŋɛ́nɛ lɑ ńtsʉ́Ꞌ kwɑꞋ wɛ́tɛ́.

Pʉɔ-Lɔ́mɑ 4:15

Nɛpʉ́ʉ zɛɛ ŋ́ɡɛ lɔ́ŋ-Sɛ́ zɑ́ŋ zɑ́ŋnɛ mbíꞋŋɡɔ pʉɔ kɑ́ pɔ́ ŋ́kúꞋlɛ pɔ́. Ɛ́ kɑ pɔ́ pɛ́Ꞌnɛ nɛpʉ́ʉ pɔɔ ɡú pɔ́, mbɔ pʉɔ kɑ́ fɑɑnɛ nɛpʉ́ʉ pɑ́Ꞌnɛ pɔ́.

Ŋɡɑlɑ̂t 3:16

Ɛ́ mbɔ̌ Sɛ́ ḿbɛn ḿbɔ́ pɔ pɔ́Ꞌɔ. Sɛ́ kɑ kɑꞋ yúu mbɔ̌ Ábɛlɛhɑ̂m tɛ mbɑ mbɔ̌ ŋu ẅí Ábɛlɛhɑ̂m kɑ pɔ́ ŋ́ɡʉ ńdɑ́Ꞌ lɑ́ ḿbí wɛ́. ŊwɑꞋnɛ-Sɛ́ kɑ cú ŋɡɔ pɛ́ kɑ kɑꞋ mbɔ̌ pʉɔ pi ɑ kɑ pɔ́ ŋ́ɡʉ ŋ́ɡɛ lɑ ḿbí wɔ́p pɑ́Ꞌ ŋkɑ́ yi pʉɔ pi pɛ́ kɑ pɔ́ ŋ́kɑꞋ yîyɑ́ yúu ɛ́ pɔ́ yɔ́p ŋ́kɑɑ zɑ́ɑ zɑ́ɑnɛ pɔ́. Ŋɡɑ́ŋ ɛ́ kɑ pɔ́ pɔ nu tɑ́Ꞌ ŋu, mbíꞋŋɡɔ pɛ́ zɛɛ ɛ́fúŋ tsɛt ŋwɑꞋnɛ-Sɛ́ ŋɡɔ: Tɛ mbɑ mbɔ̌ ŋu ẅí ɔ ɡʉ ŋ́ɡɛ ḿbí wɛ́. Ẅîwɑ́ ŋu pɛn ḿbɔ́ Kɛlístɔ.

Ɛ́bɛlʉʉ 2:2

pɛkŋɛ sɛ́ ńjí ŋɡɔ, nu yi cʉ̈ɔ́Ꞌ-Sɛ́ kɑ lɔknɛ ńtɔ́ ŋkɑ́mbi, ɛ́ ŋkɑɑ mɔ́ncɛꞋ nu pɔ́. Mbɑ wɔ̌ lɑ́ ẅi ɑ kɑ pɔ́ ɛ́fɑɑnɛ yîyɑ́ nu, ńtʉʉ tú nǔu, Sɛ́ kɑ pɔ́ ńníꞋ ŋɡʉ̈ɔ́Ꞌ nǔu wɛ́ pɔ pɑ́Ꞌ ɛ́ sɛ́ ḿbíkŋɛ.

Ɛ́bɛlʉʉ 2:5

Sɛ́ kɑ zɛɛ mbɔɔ ɡɛ ŋɡɔ pɛcʉ̈ɔ́Ꞌ pɛ́ ɡẅɛɛ nu nǔu nɛsɑ́Ꞌ ŋɡɔŋ ẅí ɛ́ sɛ́ ńtɔ́ pɔ́, ŋɡɔŋ ẅí pɛkŋɛ sɛ́ ńcú nu nǔu.