Ŋɡɑlɑ̂t 3:15 - Kɑɑ Fí

¹⁵ Pɔ́ɔpɛ́mɑ́, ŋ ɡʉ ḿbɛ́ɛ fʉꞋ nǔu mɑt wɛkŋɛ pʉɔmɛsɔŋ, pɛkŋɛ jí ŋɡɔ ŋu pɔ́ tɛ ŋ́ŋwɑꞋnɛ yúu ńdɔk ńtík nɛvú nɛ́ nǔu ntɛ́ yi ɛ́ píkŋɛ́nɛ, ḿbɔ́ mbɔ wɛcɔ́ ŋu pɔɔ pɛn ńdut, ŋ́kɛ́ ḿbɔɔ pɛn ŋ́kẅiꞋ yɛcɔ́ yúu nǔu pɔ́.

Ŋɡɑlɑ̂t 3:15 교차 참조

ŊwɑꞋnɛ-Gɑŋntúu Yɛ́su Kɛlístɔ 1:15

Ɛ́ ɡɛ ḿbɔ́ yɛcɔ́ lɛ́Ꞌ, pɔ́ɔpɛ́mɑ́ cúꞋlɛ sɛ́, tɛ ḿbɔ́ yúu pʉɔ ŋkʉ nɛ́ mɛɡɛ́mɛ́mbɑ́ Pyɛ̂ lɔ sɛ́, ńtʉ́ʉ tsɛtsɛt pɔ́p ńcú ŋɡɔ:

Pʉɔ-Lɔ́mɑ 1:13

Pɔ́ɔpɛ́mɑ́ pɑ́ɑ, pʉʉ jí sʉ́Ꞌnɛ ŋɡɔ ŋ kɑ tɑ́ŋ tɛꞋ nɛtɔ́ ńjʉ́ɔ wʉ́ʉ lɑ́ shʉ́ kɛ́ mbɔɔ cẅɛt tɛ ŋ́kúu lɔ́Ꞌnɛ pɔ́. Ŋ kɑ tsɑ́ɑ pɔ́Ꞌɔ nɛtɔ́ ɛ́fɑꞋ tsɛtsɛt pʉʉ tɛ pʉʉ jʉ́ yʉ́ʉ pii pɑ́Ꞌ ŋ kɑ fɑꞋnɛ tsɛt mɛcɔ́ mɛŋɡɔŋ pɔ́p jʉ́ pii.

Pʉɔ-Lɔ́mɑ 3:5

Ḿbɔ́ pɛcɔ́ pʉɔ cú ŋɡɔ: «Mɛnu kɛpɔŋ mi pɛkŋɛ fʉꞋnɛ nɛɡɛ pʉɔ jí ŋɡɔ Sɛ́ ndʉ́ŋndʉŋ, mbɔ pɛkŋɛ ɡʉ ńtsɔ́Ꞌ mbɔ̌ pɔ́p ŋɡɔ kʉ̈ɔ́? Pɛkŋɛ ɡʉ ńcú ŋɡɔ Sɛ́ pɔ́ tɛ ḿbɔ́ ńníꞋ ŋɡʉ̈ɔ́Ꞌ tú pɛkŋɛ ntɛ́ mɛfʉꞋnɛ mɛnu mɛkŋɛ, kɑ́ lɔknɛ ḿbɔ́ ndʉ́ŋndʉŋ pɔ́ kɛkʉ̈ɔ́?» N cú pɑ́Ꞌɑ pɔ́ nu yi pʉɔmɛsɔŋ sɛ́ ńcú.

Pʉɔ-Lɔ́mɑ 6:19

N dɑɑ ḿbɔ́ yi m bɛ́ɛ fʉꞋ nǔu mɛnu mi ɛ́ sɛ́ ńdɛɛtɛ tsɛtsɛt pʉɔmɛsɔŋ, mbɔ mɔ, n dɔk ńdɔɔ nɛɡɛ pʉʉ tsuŋ ńzúꞋ, mbíꞋŋɡɔ ŋumɛsɔŋ pɔ́t pɔ́tnɛ. Pʉʉ kɑ lɔk mɛkɛm-mbʉʉ mʉ́ʉ ŋ́ɡɛ pɛkwɑɑ-mɛnu-ntsɛ́lɛ́ pɔ́p yɛ́ mɛnu lɔk ńtɑ́k zʉꞋ. Mîmɑ́ mɛnu pɔ́ mi ɛ́ ɡɛnɛ pɛ́ tʉʉ tú mbɔ̌ Sɛ́ tʉʉnɛ. Ndʉ́ŋndʉŋ pɔ́Ꞌɔ, pʉʉ pɔ́ ŋkɔ̂ɔnɛ ńtsʉ́Ꞌ ńdɔk mɛkɛm-mbʉʉ mʉ́ʉ ɛ̂mɑ́ ŋ́ɡɛ pɔ ŋkwɑɑ ẅi ɑ fɑꞋnɛ mbɔ̌ yúu mi ɛ́ ndʉ́ŋndʉŋ mbi Sɛ́, ɛ́ kɛ ɛ́fú pɔ́Ꞌɔ, nɛnɑ́ŋ wʉʉ pɔ́ wɛ Sɛ́.

1 Kɔlɛ̂ŋtɛ 15:32

Ŋ kɑ tɔ́ Ɛ́fɛ̂zɛ wɔ pɛk pʉɔ mɑꞋ, yɔ́p ntɛ́ pɔ́ tɛ pɔ́p mɛyúu mɛku pɔ́ pɔ tɑ́Ꞌ yúu. Ɛ́ lɑɑ ḿbɔ́ yi pɛkŋɛ pɛpɔ́p kɑ pɔ́ ḿmɑꞋ pɔ́Ꞌɔ, yɑ́ɑ jínu tʉ́ʉ pɔ nǔu yúu mi ɛ́ tsɛt yɔ ndǔmbí, mbɔ pii yi ŋ kɑ jʉ́nɛ nǔu kʉ̈ɔ́? Ɛ́ lɑɑ ḿbɔ́ yi pɛ́ pfú ḿbɛn ḿbɔɔ ńzẅíimɛ nǔu nɛvú pɔ́, mbɔ ɛ́ tsʉ́Ꞌ ḿbíkŋɛ pɔ ŋɡɔ pɛkŋɛ ɡɛ pɑ́Ꞌ sɑknɛkɛt kɑ cúnɛ lɑ́ ŋɡɔ: «Yɛ ŋu yɛ́ ntsu wɛ́, mbíꞋŋɡɔ njí ŋ́kiɛ pɛ́ ɡʉ.»

Ŋɡɑlɑ̂t 6:18

Pɔ́ɔpɛ́mɑ́, Tsɑpʉɔ wɛkŋɛ Yɛ́su Kɛlístɔ pɔ́ mbɔ̌ nɛ́ pʉʉ tsɛt tʉ́m yʉ́ʉ pɛtsʉʉ. Ɛ́ pɔ́Ꞌɔ.

Ɛ́bɛlʉʉ 6:13

Pʉʉ zɛɛ ńjí ŋɡɔ Sɛ́ kɑ kɑꞋ yúu mbɔ̌ Ábɛlɛhɑ̂m. Pɑ́Ꞌ wɛcɔ́ ŋu ẅí ɑ ɡúꞋnɛ ńdɛɛ jʉ́ Sɛ́, tɛ ḿbɔ́ ɑ lɔk wɛ́ ŋ́kɑɑ kɑ́ pɔ́ ɡú pɔ́ lɑ́, jʉ́ Sɛ́ lɔk kwɑꞋ túmbʉʉ yɛ́ ŋ́kɑɑ,

Ɛ́bɛlʉʉ 6:16

Pʉɔmɛ́sɔŋ zɛɛ ńtsʉ́Ꞌ nɛkɑɑ nu, ńdɔk lík-ŋu ẅí ɑ ɡúꞋ ńdɛɛ wɔ́p ŋ́kɑɑ, ŋ́ɡɔ kɑɑ pɔ́Ꞌɔ, ńdɔk ńnyɛt ŋɡɔ ɛ́ nu, ḿbɛn ńdɔk ńjʉ́ɔꞋ ntsu-pɑzɔŋ yîyɑ́ nu.

Ɛ́bɛlʉʉ 9:17

Ŋu zɛɛ ḿbɔ́ tɛ ḿpfú lɑ ŋwɑꞋnɛ yi ɑ lɔknɛ ńtík nɛvú nɛ́ cẅɛt, pɛ́ lɔk ɛ́fúŋ yɛcɔ́ nu. A lɑɑ ḿbɛ́t ḿbɔ́ pɔ ntʉʉ, yîyɑ́ ŋwɑꞋnɛ cẅɛt, pɛ́ pɔɔ lɔk ɛ́fúŋ yɛcɔ́ nu pɔ́.