Ŋɡɑlɑ̂t 2:21 - Kɑɑ Fí

²¹ Ŋ kɑ́ pɔ́ ŋ́ɡʉ ḿbɛ́m, nu sʉ́Ꞌnɛ yi Sɛ́ kɑ lɔknɛ ŋ́ɡɑ́ fuꞋ yɑ́ɑ lɛɛ níinɛ pɔ́. N cú, mbíꞋŋɡɔ ɛ́ lɑɑ ḿbɔ́ yi mbɔ ŋu lɛɛ nǔu nu nɛpʉ́ʉ lɑ Sɛ́ tsʉ́Ꞌ ńdíŋɛ wɛ́ pɔ pɑ́Ꞌ ŋu ẅí ɑ ndʉ́ŋndʉŋ, mbɔ ɛ́ lɔk ḿbɔ́ ŋɡɔ Kɛlístɔ kɑ pfú pɔ níinɛ.

Ŋɡɑlɑ̂t 2:21 교차 참조

Mɑ́lɛ́kúshi 7:9

Pʉʉ jí nɛmɛꞋ nɛpʉ́ʉ-Sɛ́, ńtsuŋ ŋ́ɡẅɛɛ pɔ nɔŋ-lɑ́Ꞌ wʉʉ sʉ́Ꞌnɛ.

Pʉɔ-Lɔ́mɑ 10:3

Ɛ́ pɔ́ mbíꞋŋɡɔ pɔ́p kɑ́ pɔ́ ŋ́kɔŋ nɛpɛ́m ntɛ́ yi Sɛ́ lɔknɛ ŋ́ɡɛ pʉɔ pɔ́ ndʉ́ŋndʉŋ mbi yɛ́ pɔ́ mbɑ mbíꞋŋɡɔ pɔ́p lɔɔ pɔ wɔp sɛ̂ndúŋ. Pɔ́p kɑ́ pɛ́m sɛ̂ndúŋ ẅi Sɛ́ fúnɛ nǔu ŋɡɔ pʉɔ pɔ́ ndʉ́ŋndʉŋ mbi yɛ́ pɔ́.

Pʉɔ-Lɔ́mɑ 11:6

Ɛ́ lɑɑ ḿbɔ́ yi Sɛ́ kɑ ɡɑ́ fuꞋ fɛ̌ɛ yɔ́p, ńtsɔ́Ꞌ wɔ́p, mbɔ ɛ́ kɑ́ pɔ́ ńdɔk ḿbɔ́ ŋɡɔ pɔ́p kɑ ɡɛ yɛcɔ́ yúu sʉ́Ꞌnɛ pɔ́. Sɛ́ kɑ pɔ́ pɛ́Ꞌnɛ ɛ́fú pɔ nǔu yúu sʉ́Ꞌnɛ yi pɔ́p ɡɛnɛ lɑ ńtsɔ́Ꞌ wɔ́p, ḿbɔ́ mbɔ pɛ́ pɔɔ pɛn ŋ́ɡɔ ɑ ḿbɔ́ ńdɔk ŋ́ɡɑ́ fuꞋ fɛ̌ɛ yɔ́p pɔ́.

Pʉɔ-Lɔ́mɑ 4:25

Jʉ́ kɑ níꞋnɛ Kɛlístɔ mbɔ̌ pʉɔ pɑ́Ꞌ ɑ ɡʉ ḿpfú mbíꞋ mɛnu kɛpɔŋ mɛkŋɛ. A kɑ pɛn ńzẅíimɛ wɛ́ nǔu nɛvú ɛ́fú nǔu ńtsʉ́Ꞌ ńdíŋɛ wɛkŋɛ pɛkŋɛ pɔ́ ndʉ́ŋndʉŋ mbi yɛ́.

Pʉɔ-Lɔ́mɑ 8:31

Mbɔ pɛkŋɛ pɛn ŋ́kẅiꞋ kʉ̈ɔ́ nǔu nu yi pɛkŋɛ cúnɛ lɑɑ? Pɑ́Ꞌ Sɛ́ lɑɑ ḿbɔ́ nǔu yɛkŋɛ ɡúŋ, mbɔ wɔ̌ pɛn ŋ́kuꞋ nǔu pɛkŋɛ?

1 Kɔlɛ̂ŋtɛ 15:14

Ɛ́ lɑɑ ḿbɛn ḿbɔ́ yi Kɛlístɔ ŋkɑɑ kɛ́ zẅíimɛ nǔu nɛvú pɔ́, mbɔ nu yi pɛk sɑ́Ꞌnɛ ɛ́sẅíi pʉɔ ɛ́ pɔ́ pɔ nu níinɛ, mbɑ wʉ́ʉ nɛzɑ́p tʉ́m nǔu Sɛ́ ɛ́ pɔ́ pɔ nu níinɛ.

1 Kɔlɛ̂ŋtɛ 15:17

Ɛ́ pɛn ḿbɔ́ yi Kɛlístɔ ŋkɑɑ ŋ́kɛ́ zẅíimɛ nǔu nɛvú pɔ́, mbɔ wʉ́ʉ nɛzɑ́p tʉ́m nǔu Sɛ́ ɛ́ pɔ́ pɔ níinɛ, pʉʉ pɛn ḿbɛ́t ḿbɔ́ pɔ tsɛt mɛnu kɛpɔŋ mʉ́ʉ.

1 Kɔlɛ̂ŋtɛ 15:2

Sɛ́ sɛ́ ɛ́fú nǔu Ŋkʉʉ Sʉ́Ꞌnɛ ɛ̂wɑ́ ŋ́ɡɛ pʉʉ luk, pɑ́Ꞌ pʉʉ lɑɑ ŋ́kɛ́ ḿbɔ́ ŋ́kúꞋlɛ kwɑꞋ yúu mi ŋ kɑ cúnɛ mbɔ̌ pʉʉ kúꞋlɛ́nɛ. Tɛ ɛ́ pɔɔ pɔ́Ꞌɔ pɔ́, mbɔ wʉ́ʉ nɛzɑ́p tʉ́m nǔu Sɛ́ pɔ́ pɔ níinɛ.

Ŋɡɑlɑ̂t 2:16

Lɑ́ pɛk kɛ́ ḿbɔ́ ńjí ŋɡɔ ŋumɛsɔŋ kɑ́ ɡɔ́ ḿbɔ́ ndʉ́ŋndʉŋ mbi Sɛ́, ɛ́fú pɔ́ nǔu pɑ́Ꞌ ŋɡɑŋ cúnɛ ŋɡɔ ɑ kúꞋlɛ nɛpʉ́ʉ-Sɛ́ pɔ́. Ɛ́ píkŋɛ pɔ ŋɡɔ ɑ zɑ́p tʉ́m yɛ́ nǔu Yɛ́su Kɛlístɔ. Ɛ́ yúu mi ɛ́ kɑ ɡɛnɛ pɛk ɡúu zɑ́p tʉ́m yɛ́k nǔu wɛ́, pɑ́Ꞌ pɛk ɡʉ ḿbɔ́ pʉɔ pi Sɛ́ kɑ́ pɛ́t ńdíŋɛ wɔ́p pɑ́Ꞌ pʉɔ pi pɔ́p ndʉ́ŋndʉŋ pɔ́. Ɛ́ kɛ́ ɛ́fú pɔ nǔu pɑ́Ꞌ pɛk zɑ́pnɛ tʉ́m nǔu Kɛlístɔ, tɛ ɛ́ pɔɔ pɔ́ pɔ ŋɡɔ pɛk kúꞋlɛ nɛpʉ́ʉ pɔ́, mbíꞋŋɡɔ Sɛ́ kɑ zɛɛnɛ ńcú ŋɡɔ sɑ̌ɑ ŋu kɛ́ lɑ́Ꞌ ŋɡɔ ŋ́kuꞋ nɛpɔ́ ndʉ́ŋndʉŋ mbi wɛ́ ɛ́fú pɔ́ nǔu pɑ́Ꞌ ŋɡɑŋ cúnɛ ŋɡɔ ɑ kúꞋlɛ nɛpʉ́ʉ pɔ́.

Ŋɡɑlɑ̂t 2:18

Mbɔ m bɛn ńzɛɛ ńzɑ́p tʉ́m yɑ́ɑ nǔu nu nɛpʉ́ʉ ni ŋ kɑ nɑ́nɛ? N dɑɑ ŋ́ɡɛ pɔ́Ꞌɔ, mbɔ kwɑꞋ mɔ ńdɔk ńnyɛt ŋɡɔ mɔ ŋu ẅí ɑ fɑɑnɛ́nɛ nɛpʉ́ʉ, ńdɔk pɔ́Ꞌɔ, ńtíi ndɔɔ.

Ŋɡɑlɑ̂t 3:21

Pɑ́Ꞌ ɛ́ pɑ́Ꞌnɛ lɑɑ ɛ́ lɔk ḿbɔ́ ŋɡɔ nɛpʉ́ʉ-Sɛ́ kɑ pík yúu mi ɑ kɑ kɑꞋnɛ kíi? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́. Ɛ́ kɑ pɔ́ pɛ́Ꞌnɛ ḿbɔ́ nu nǔu nɛcɔ́ nɛpʉ́ʉ ni mbɔ ɛ́ ɡɛ pʉɔmɛsɔŋ pɔ́ ɡú, mbɔ ɛ́ lɑɑ ḿbɔ́ ŋu lɔk pɑ́Ꞌ ɑ ɡẅɛɛnɛ nɛpʉ́ʉ, ŋ́kuꞋ ŋu ẅí ɑ mbi Sɛ́ ḿbɔ́ ndʉ́ŋndʉŋ.

Ɛ́bɛlʉʉ 7:11

Nɛpʉ́ʉ-Pɑíslɑyɛ̂l píkŋɛ ŋɡɔ pɛ́ lɔk pɔ pʉɔ-njẅɛt-Lɛ́vi ŋ́ɡɛ pɑnɔŋpɔꞋ. Pɔ́p pɔ́ pɑnɔŋpɔꞋ nǔu ntɛ́ yi Álɔŋ kɑ pɔ́nɛ yɛ́. Yúu kɑ pɔ́ pɛ́Ꞌnɛ mbɔɔ jɑ́k nǔu yɔ́p ntɛ́ nɛnɔŋ pɔꞋ pɔ́, mbɔ nɛnɑ́ wɔ́p, ńtsʉ́Ꞌ ńdɔɔ pɔ wɛcɔ́ nɔŋpɔꞋ pɔ nǔu ntɛ́ yɛ́ Mɛlkisɛdɛk kɑ pɔ́ ŋ́ɡʉ cẅɛ́lɛ́ nǔu kʉ̈ɔ́?