Ŋɡɑlɑ̂t 2:2 - Kɑɑ Fí

² Ŋ kɑ pɔ́ ŋ́ɡʉ zúꞋu, mbíꞋŋɡɔ Sɛ́ kɑ cúnɛ ŋɡɔ ŋ ɡʉ zúꞋu. Ŋ kɑ tɔ́ zúꞋu, ŋ́kyɛ́Ꞌtɛ Ŋkʉʉ Sʉ́Ꞌnɛ ẅí n cẅinɛ mbɔ̌ pʉɔ pí pɔ́p kɑ́ pɔ́ pɑyúdɑ pɔ́, ɛ́sẅíi pʉɔ pi pɛ́ kɑ pɔ́ ńdíŋɛ wɔ́p ŋɡɔ pɔ́p pɛlʉ́m. Pɛk pɛpɔ́p nɑ́ŋ pɔ zʉꞋ tsʉʉ lɑ ŋ kyɛ́Ꞌtɛ ɛ́sẅíi wɔ́p. Pɔ́Ꞌɔ, mbíꞋŋɡɔ ŋ kɑ kɛ́ ḿbɔɔ ŋ́kɔŋ ŋɡɔ fɑꞋ yi ŋ kɑ fɑꞋnɛ mbɑ yi mɔ ḿbɔ́ ɛ́fɑꞋ lɛɛ níinɛ pɔ́.

Ŋɡɑlɑ̂t 2:2 교차 참조

Mɑtʉ̈ɔ 10:16

Tsuŋnɛ ńzúꞋ n túu wʉ́ʉ pɔ pɑ́Ꞌ ɛ́ lɑɑ ḿbɔ́ pɛ́ túu mbí tsɛtsɛt mɛnɑɑŋɡwɛ. Pʉʉ kɛ́ ŋ́ɡɔ́ ńnɛn ńdʉ́ɔꞋ pɑ́Ꞌ nɔ́, ḿbɛn ḿbɔ́ pɛmbúꞋ pɑ́Ꞌ puutɛ lɑ́.

ŊwɑꞋnɛ-Gɑŋntúu Yɛ́su Kɛlístɔ 15:12

Pyɛ̂ cú tɛ ḿbɔ́tnɛ ńnɑ́ŋ, pʉɔ tsʉʉ nɑ́Ꞌ. Pɛ́ tsʉ́Ꞌ ńzẅíꞋlɛ pɔ nu yi Pɑnɛpɑ́ɑshi pɔ́p Pɔ̂l cúnɛ. Pɔ́p pɔ́ ḿbɛ́ɛtɛ mɛnu mɑ̌ɑmɑɑnɛ pɔ́p mɛŋkʉꞋnɛ mɛnu mi Sɛ́ kɑ lɔknɛ wɔ́p ŋ́ɡɛ, tsɛtsɛt pʉɔ pí pɔ́p kɑ́ pɔ́ pɑyúdɑ pɔ́, ɛ́sẅíi wɔ́p.

ŊwɑꞋnɛ-Gɑŋntúu Yɛ́su Kɛlístɔ 15:2

Pɔ̂l pɔ́p Pɑnɛpɑ́ɑshi lʉꞋ. Pɔ́p pɛ́ pɔ́p zɛ ńzɔŋ, ŋ́kɛ́ mbɔɔ pɔ́ tɑ́Ꞌ ntsu pɔ́. Ɛ́ lɛɛ wɔ́p tɛ pɔ́p ɡɑɑpɛ tsɛtsɛt, pɔ́p tsʉʉ zɑ́p ŋɡɔ, ɛ́ lɑɑ ḿbɔ́ Pɔ̂l pɔ́p Pɑnɛpɑ́ɑshi, ŋ́ɡɛ pɛcɔ́ ntɑ́Ꞌpʉɔ ɡʉ Yɛlúsɑlɛm, ńjʉ́ɔ pɑpɛ́m Yɛ́su pɔ́p pɑcẅɛ́ɛ mbi tsɛt cúlɛ-pʉɔ-Kɛlístɔ nɛpɔ́ yi pɔ́p pɛ́ pɔ́p ɡʉ ɛ́sɑ́ŋ nu ŋ́ɡɑ́ nǔu.

ŊwɑꞋnɛ-Gɑŋntúu Yɛ́su Kɛlístɔ 15:4

Pɔ́p ɡʉ tɛ ŋ́kúu Yɛlúsɑlɛm, ɡɑŋntúu-Yɛ́su pɔ́p pɑcẅɛ́ɛ mbi tsɛt cúlɛ-pʉɔ-Kɛlístɔ mbɑ pʉɔ-Kɛlístɔ tsʉʉ kúkŋɛ wɔ́p. Pɔ̂l pɔ́p Pɑnɛ́pɑ́ɑshi pɛ́ɛtɛ mbɑ kʉ̈ɔ́ lɑ́ yi Sɛ́ kɑ lɔknɛ wɔ́p ŋ́ɡɛ, ɛ́sẅíi wɔ́p.

ŊwɑꞋnɛ-Gɑŋntúu Yɛ́su Kɛlístɔ 18:9

Ɛ́ pɔ́ yɛcɔ́ nɛtúꞋ, Tsɑpʉɔ cú ńníɛꞋ mík-Pɔ̂l ńcú mbɔ̌ wɛ́ tsɛt njʉɔ ŋɡɔ: «Pɑ́ɑ nɛcʉɔꞋ! Sẅíi nu yɑ́ɑ sẅíinɛ, kɔɔ nɑ́Ꞌ,

ŊwɑꞋnɛ-Gɑŋntúu Yɛ́su Kɛlístɔ 23:11

Ɛ́ ɡɛ ḿbɔ́ nɛtúꞋ, Tsɑpʉɔ tɔ́ ńcú mbɔ̌ Pɔ̂l ŋɡɔ: «Sɑ́Ꞌ pɔ mɛtʉʉ. Ɔ kɑ cú ŋu ẅi mɔ jʉ́ Yɛlúsɑlɛm wɔ. Ɛ́ pɛn ḿbɔ́ ḿbíkŋɛ ŋɡɔ ɔ pɛn ńcú ŋu ẅi mɔ jʉ́ tʉ́sɔŋ-Lɔ́mɑ.»

ŊwɑꞋnɛ-Gɑŋntúu Yɛ́su Kɛlístɔ 5:34

Lɑ́ wɛcɔ́ ŋu wɔp, pɛ́ fúŋnɛ wɛ́ ŋɡɔ Ŋɡɑmɑlíyɛ̂l, lɔ sɛ́ ńcú ŋɡɔ pɛ́ ɡɛ ɡɑŋntúu nɑ́Ꞌ ńcẅɛt píi. Pɔ́Ꞌɔ, ḿbɔ́ ŋu tsɛt nɔɔ-pɑfɑlísɑy, ḿbɔ́ ndʉ́m nǔu nɛkyɛ́Ꞌtɛ nɛpʉ́ʉ-Mɔ̌sɛ̂ɛ, lɑ́Ꞌ ɡɑ́ mɛkuꞋ mɛ́ tɛꞋ.

Pʉɔ-Lɔ́mɑ 9:16

Pɛkŋɛ lɔk ńjʉ́ɔ ŋɡɔ Sɛ́ ɡɔ́ ńtsɔ́Ꞌ ŋu mbɔɔ fú pɔ nǔu pɑ́Ꞌ ŋɡɑŋ kɔŋnɛ pɔ́, ŋ́kɛ́ mbɔɔ fú nǔu pɑ́Ꞌ ŋɡɑŋ sɑ́Ꞌnɛ tʉʉ ŋ́ɡɛ yɛcɔ́ yúu pɔ́, ɛ́ fú pɔ nǔu pɑ́Ꞌ jʉ́ Sɛ́ tsɑ́ɑnɛ mɛjʉ́ŋ-ŋɡɑŋ.

1 Kɔlɛ̂ŋtɛ 1:23

Lɑ́ ɛ́ kɛ́ ŋ́ɡʉ nǔu pɛk, pɛk sɛ́ ɛ́sɑ́Ꞌ pɔ nu-Kɛlístɔ ẅi pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ. Yîyɑ́ nu pɔ́ mbɔ̌ pɑyúdɑ ḿbɔ́ nu yi ḿbɔ́ pɛ́ zɛɛ mbɔɔ kẅíi tɛ ɛ́sẅíi ŋu pɔ́, ḿbɔ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́ ḿbɔ́ pɔ mɛnu-pɛpɑ́lɛ.

1 Kɔlɛ̂ŋtɛ 2:2

MbíꞋŋɡɔ ŋ kɑ zɑ́p ŋɡɔ ŋ kɑ́ pɔ́ ŋ́ɡʉ ńjí yɛcɔ́ nu ndɛꞋ tsɛtsɛt pʉʉ tɛ ɛ́ pɔɔ pɔ́ pɔ nu-Yɛ́su Kɛlístɔ pɔ́, Yɛ́su Kɛlístɔ ẅí pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ pɔ́.

1 Kɔlɛ̂ŋtɛ 9:24

Pʉʉ sɛ́ ńjí yʉ́ʉ ŋɡɔ ɛ́ ɡʉ zʉꞋ yi pɛ́ kʉɔnɛ ndʉ́ɔlɛ́ zúꞋu, pɑkʉɔ ndʉ́ɔlɛ́ kʉ̈ɔ́ pɔ pɛtsʉʉ, lɑ́ tɑ́Ꞌ ŋu wɛ́mɔ́Ꞌ nǔu pɔ́p tíinɛ yúu mi pɛ́ zɑ́pnɛ. Mbɑ wɔ̌ lɑ́ nǔu pʉʉ kʉ̈ɔ́ nǔu ntɛ́ yi ɑ ɡʉ ńtíi yúu mi pɛ́ zɑ́pnɛ.

1 Kɔlɛ̂ŋtɛ 9:26

Ɛ́ yúu mi ɛ́ ɡɛnɛ m bɔ́ pɑ́Ꞌɑ ḿbɔ́ ŋ́kʉɔ ndʉ́ɔlɛ́. Lɑ́ ḿbɔ́ ŋ́kʉɔ, mík mɑ́ɑ tʉ́ʉ nǔu yúu mi n dʉŋtɛ́nɛ. M bɛn ḿbɔ́ pɑ́Ꞌɑ ḿbɔ́ ŋu ẅi ɑ sɛ́ ńtẅínɛ ŋkɔt lɑ́, lɑ́ ŋ́kɛ́ mbɔɔ ḿmɑꞋ pɔ́ ńtsɛm zʉꞋ-níinɛ pɔ́.

2 Kɔlɛ̂ŋtɛ 12:1

M bɛn ŋ́kẅiꞋ ŋ́ŋɑ́Ꞌlɛ ńdɔk ŋ́ɡʉ nɛ́ mbi? Ɛ́ kɑ́ cẅɛ́lɛ́ nɛɡɛ pɔ́Ꞌɔ pɔ́. Lɑ́ ŋ ɡʉ ŋ́kɛ́ ɛ́sẅíi wʉ́ʉ nɛ́ nu ŋkɔ̂ɔnɛ nǔu yúu mi Tsɑpʉɔ kɑ ŋíɛꞋnɛ mík mɑ́ɑ, n jʉ́ɔ mbɑ mi ŋ kɑ jʉ́ɔnɛ pɑ́Ꞌ ŋkɑ́ yi n dɛ́ njʉɔ lɑ́.

Ŋɡɑlɑ̂t 1:12

Ŋumɛsɔŋ ŋkɑɑnɛ zɛɛ ɛ́fɛ́ɛ ẅîwɑ́ Ŋkʉʉ mbɔ̌ mɔ pɔ́. Ŋumɛsɔŋ kɛ́nɛ ḿbɔɔ wɑ́ɑ zíꞋ, Yɛ́su Kɛlístɔ kɑ ɡɛnɛ n jí.

Ŋɡɑlɑ̂t 1:16

A kɑ pɛn ńnɑ́ŋ tɛ ńjʉ́ɔ ŋɡɔ ɑ ɡʉ ŋ́ɡɛ n jí Mɔ́ɔ nɛ, nɛpɔ́ yi mɔ ŋ́ɡʉ ńcẅi Ŋkʉʉ ẅí ɛ́ líŋɛ́nɛ Mɔ́ɔ nɛ ɛ̂wɑ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́. N jʉ́ɔ Mɔ́ɔ nɛ ɛ̂wɑ́, mbɔɔ pɛn ḿbíkŋɛ ŋu nɛ́ yɛcɔ́ nu pɔ́.

Ŋɡɑlɑ̂t 1:6

Ɛ́ kʉꞋnɛ wɑ́ɑ tɛꞋ nǔu pɑ́Ꞌ Sɛ́ kɑ lɛɛnɛ nǔu Kɛlístɔ, ɛ́fúŋ wʉ́ʉ, ŋ́ɡɑ́ fuꞋ fɛ̌ɛ yʉ́ʉ, ŋ kɑ cẅɛt tsɛtsɛt pʉʉ, pʉʉ shɔtnɛ nzʉʉ wɛ́, tɛ ńtsʉ́Ꞌ ńzúꞋ pɔ yɛcɔ́ Ŋkʉʉ sʉ́Ꞌnɛ wɛ ndɛꞋ.

Ŋɡɑlɑ̂t 2:6

Ɛ́ ɡʉ nǔu pʉɔ pí pɛ́ kɑ pɔ́ ńdíŋɛ wɔ́p ŋɡɔ pɔ́p pɛlʉ́m, mbɔ pɔ́p ŋ́kɑɑ kɛ́ ńjʉ́ɔ ŋɡɔ pɔ́p ɡʉ ŋ́kẅiꞋ yɛcɔ́ yúu nǔu nu yí n cúnɛ pɔ́. Yúu mi pɔ́p kɑ zɛɛnɛ ḿbɔ́ yɛ́tɛ́ ŋkɑ́mbi pɔɔ líŋɛ wɑ́ɑ nǔu yɛcɔ́ nu pɔ́. MbíꞋŋɡɔ Sɛ́ lɔɔ ŋ́ɡɛ tɔŋ nǔu pʉɔmɛsɔŋ pɔ́.

Ŋɡɑlɑ̂t 2:9

Jɑ̂k, Pyɛ̂ mbɑ Jɑ̂ŋ, pʉɔ pi pɛ́ kɑ pɔ́ ńdíŋɛ wɔ́p pɑ́Ꞌ mɛntɔ́ɔ tsɛt cúꞋlɛ-pʉɔ-Kɛlístɔ lɑ́, ŋ kɑ pɔ́ tɛ ńjí ŋɡɔ Sɛ́ kɑ tsuŋnɛ ɛ́fɛ́ɛ yɔ fɑꞋ mbɔ̌ mɔ, ŋ́ɡɑ́ pɔ mbɔ̌ pɛk Pɑnɛpɑ́ɑshi, nɛlɔk ńdɛꞋlɛ ŋɡɔ pɛk pɛ́pɔ́p tɑ́Ꞌ ntsu nǔu fɑꞋ-Sɛ́. Pɔ́Ꞌɔ, pɛk ɡẅɛɛ nɛɡʉ tsɛtsɛt pʉɔ pí pɔ́p kɑ́ pɔ́ pɑyúdɑ pɔ́, ńcẅi Ŋkʉʉ Sʉ́Ꞌnɛ, pɔ́p ɡúu ŋ́ɡɛ Pyɛ̂ ɡẅɛɛ nɛɡʉ tsɛtsɛt pɑyúdɑ ńcẅi.

Ŋɡɑlɑ̂t 5:7

Pʉʉ kɑ pɔ́ ŋ́ɡʉ nɛ́ mbi kwɑꞋ sʉ́Ꞌnɛ, wɔ̌ tɔꞋ wʉ́ʉ nɛpɛn ńzúꞋ nu yi ɛ́ nɛ́nẅín ńtík ku nǔu?

Filipɛ 2:16

nɛlɔk Ŋkʉʉ Sʉ́Ꞌnɛ ńtɔ́ mbɔ̌ pɔ́p. Ɛ́ lɑ́Ꞌ lɛ́Ꞌ yi Kɛlístɔ ḿbɛn ńtɔ́, n diŋɛ wʉ́ʉ, nu yʉ́ʉ pɔŋ wɑ́ɑ. Mbɑ wɔ̌ lɑ́ jʉ́ɔ ŋɡɔ mɛfɑꞋ mi ŋ kɑ jʉ́ɔnɛ ŋɡʉ̈ɔ́Ꞌ ɛ́fɑꞋ ɛ́ ŋkɑɑ lɛɛ níinɛ pɔ́.

Filipɛ 2:29

Pɔ́Ꞌɔ lɑ́, pʉʉ kúkŋɛ wɛ́ nɛ́ kwɑꞋ tsɑ́ɑtɛ, mbíꞋŋɡɔ ɑ mɔ́ɔmɑ́ wʉ́ʉ nzʉʉ Tsɑpʉɔ. Pʉʉ ɡɛ mɛkuꞋ-ntɛ́ pʉɔ pɑ́Ꞌ pɔ́p lɑ́,

1 Tɛsɑlɔník 3:5

Ɛ́ yúu mi ɛ́ kɑ ɡɛnɛ lɑ m bɔɔ pɛn ŋ́kuꞋ nɛzẅíꞋlɛ pɔ́, ńtsʉ́Ꞌ ńtúu Timɔtɛ̂ɛ, ŋɡɔ ɑ ɡʉ ńjʉ́ɔ pɑ́Ꞌ wʉʉ nɛzɑ́p tʉ́m nǔu Sɛ́ kɑ tsʉ́Ꞌnɛ ḿbɔ́ pɔ́Ꞌɔ, ŋ́ɡɔ ńtúu wɛ́, ḿbɔ́ ḿbɔ́k ŋɡɔ Sɑ́ttɑ kɑ tsʉ́Ꞌ ŋ́kwɑꞋlɛ wʉ́ʉ tɛ fɑꞋ yi pɛk kɑ fɑꞋnɛ lɛɛ níinɛ.

2 Timɔtɛ́ɛ 4:7

Ŋ kɑ kɛ́ ḿbɔ́ ḿmɑꞋ yɑ́ɑ pɔ ntsɔ sʉ́Ꞌnɛ, ŋ kɑ kʉɔ ndʉ́ɔlɛ́ tɛ ŋ́kúu ndẅiklɛ. Ŋ kɑ kɛ́ ḿbɔ́ ńzɑ́p pɔ tʉ́m nǔu Yɛ́su.

Ɛ́bɛlʉʉ 12:1

Ɛ́ ɡʉ nǔu pɛkŋɛ, pʉɔ ɛ̂pɑ́ pɛtsʉʉ tʉ̈ɔ́Ꞌlɛ wɛkŋɛ ńníꞋ sɔŋ, ḿbɔ́ ńnyɛt wɛkŋɛ nɛ́ sɛ̂ndúŋ. Pɔ́Ꞌɔ lɑ́, pɛkŋɛ ńtsʉ́ʉ mbɑ kʉ̈ɔ́ lɑ́ yi ɛ́ sɛ́ ńtɑɑtɛ wɛkŋɛ ḿmɛꞋ, kɛ́ likŋɛ mɛnu kɛpɔŋ mí ɛ́ ɡẅɛɛnɛ wɛkŋɛ tɛ ńtsɑ ńtsʉ́Ꞌ mɑt. Pɛkŋɛ mɛꞋ, ńtɑ́ɑmɛ yɛkŋɛ ndʉ́ɔlɛ́ yi Sɛ́ cúnɛ ŋɡɔ mbɔ pɛkŋɛ tɑ́ɑmɛ. Pɛkŋɛ pɔ́ tɛ ḿbɔ́ ŋ́kʉɔ kɔɔ pɛkŋɛ kɑ́ɑ.