Ŋɡɑlɑ̂t 2:15 - Kɑɑ Fí

¹⁵ N cú mbɔ̌ Pyɛ̂ pɑ́Ꞌɑ, ɛ́ lɔk ḿbɔ́ ŋɡɔ pɛkŋɛ pɛpɔ́p pɑyúdɑ tɛ fú lɛ́Ꞌ nɛpí, pɛk kɑ́ pɔ́ pʉɔ pi pɔ́p fúnɛ tsɛt mɛcɔ́ mɛlɑ́Ꞌ mi pɔ́p kɑ́ jí nɛpʉ́ʉ-Sɛ́ pɔ́.

Ŋɡɑlɑ̂t 2:15 교차 참조

Mɑtʉ̈ɔ 9:11

Pɑfɑlísɑy jʉ́ɔ pɔ́Ꞌɔ, ḿbíkŋɛ ɡɑŋku-Yɛ́su ŋɡɔ: «Tɑ̌ɑ wʉʉ kwɛ́t yúu pɔ́p pɑcẅɛ́ɛ ntsup-Pɑlɔ́mɑ ŋ́ɡɛ pɛcɔ́ pʉɔ kɛpɔŋ mɛlɑ́Ꞌ kʉ̈ɔ́?»

Lúkɑ́shi 24:7

A kɑ cú ŋɡɔ: Ɛ́ sɛ́ ḿbíkŋɛ ŋɡɔ pɛ́ fɛn Mɔ́ɔ-Ŋu mbɔ̌ pʉɔ kɛpɔŋ, pɔ́p kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ, ɑ zẅíimɛ nǔu nɛvú nǔu mbɑ́ɑtɛ lɛ́Ꞌ pɛ́tɑ́t.»

ŊwɑꞋnɛ-Gɑŋntúu Yɛ́su Kɛlístɔ 22:21

Lɑ́ Tsɑpʉɔ ńcú mbɔ̌ mɔ ŋɡɔ: Lu, n túu wú pɑ́Ꞌɑ ŋɡɑ sɛsɑ, tsɛtsɛt pʉɔ ntɛ́ nɛ́ ntɛ́ pi pɔ́p kɑ́ pɔ́ pɑyúdɑ pɔ́.»

Pʉɔ-Lɔ́mɑ 3:9

Tɛ ɛ́ pɑ́Ꞌnɛ ḿbɔ́ pɛkŋɛ cú ŋɡɔ kʉ̈ɔ́? Ŋɡɔ ɛ́ mbi Sɛ́ pɛk pɑyúdɑ lɛɛ pʉɔ pi pɔ́p kɑ́ pɔ́ pɑyúdɑ pɔ́ kíi? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́. Mɔ ńdɑ́Ꞌmɔ́ ńdɛꞋlɛ pɑ́Ꞌ nu kɛpɔŋ ńjʉ́ mɔ́ pɑyúdɑ mbɑ pʉɔ pi pɔ́p kɑ́ pɔ́ pɑyúdɑ pɔ́.

Pʉɔ-Lɔ́mɑ 4:16

Ɛ́ yúu mi ɛ́ ɡɛnɛ, ŋu lɔk pɔ nɛzɑ́p tʉ́m nǔu Sɛ́ lɑ ŋ́ɡẅɛɛ yúu mi pɛ́ kɑ kɑ́Ꞌnɛ. Sɛ́ lɔk pɔ́Ꞌɔ, ŋ́ɡɑ́ pɔ fuꞋ níinɛ yɛ́, ɛ́ lɛɛ pɔ́Ꞌɔ, mbɑ wɔ̌ lɑ́ ẅi ɑ nǔu njẅɛt-Ábɛlɛhɑ̂m ɡẅɛɛ yɛ́ yúu. Tɛ ɛ́ pɔɔ pɔ́ ndɑꞋ pʉɔ pi pɔ́p nɑ́ŋnɛ ńzúꞋ yɔ́p pɔ mbɔ̌ nɛpʉ́ʉ pɔ́, ɛ́ pɛn ḿbɔ́ mbɑ pʉɔ pi pɔ́p zɑ́pnɛ yɔ́p pɔ tʉ́m nǔu Sɛ́ pɑ́Ꞌ Ábɛlɛhɑ̂m. A tɑ́t wɛkŋɛ pɛtsʉʉ pi pɛkŋɛ pʉɔ-Sɛ́.

Ŋɡɑlɑ̂t 2:17

Pɑ́Ꞌ pɛk sɛ́ ńdɔɔ nɛlɛɛ ndɑꞋ nzʉʉ Kɛlístɔ lɑ ŋ́kuꞋ pʉɔ pi pɔ́p mbi Sɛ́ ḿbɔ́ ndʉ́ŋndʉŋ lɑ́, pɑyúdɑ lɑɑ ḿbɔ́ pɛ́Ꞌnɛ ńdɔk wɛ́k ɛ́fúŋ pʉɔ pi ndɔɔ tú pɔ́p pɑ́Ꞌ pɔ́p fúŋnɛ pʉɔ pi pɔ́p kɑ́ jí nɛpʉ́ʉ-Sɛ́ pɔ́ lɑ́, ɛ́ lɔk pɔ́Ꞌɔ, ḿbɔ́ ŋɡɔ Kɛlístɔ ŋu ẅí ɑ ɡɛnɛ pʉɔ tíi ndɔɔ kíi? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́.

Ɛ́fɛ̂zɛ 2:3

Pɛkŋɛ pɛtsʉʉ kɑ zɛɛ ḿbɔ́ pɔ pɑ́Ꞌ pɔ́p, ḿbɔ́ ŋ́ɡɛ pɔ yúu mi tʉ́m-ŋumɛsɔŋ sɛ́ ńtsɑ́ɑ, mɛyúu mi tʉ́m-ŋumɛsɔŋ pɔ́p kwɑŋɛ yɛ́ tʉ́ʉnɛ nǔu, mbɔ pɛ́ kɑ pí wɛkŋɛ pɛkŋɛ pɔ́ pɔ pʉɔ pi Sɛ́ sɛ́ ńzɑ́ŋ lɔ́ŋ nǔu pɔ́p pɑ́Ꞌ ɑ sɛ́ ńzɑ́ŋ lɔ́ŋ nǔu pɛcɔ́ pʉɔ.

Filipɛ 3:4

Lɑ́ m bɔ́ ŋu ẅí n dɑ́Ꞌ ḿbɔ́ pɛ́Ꞌnɛ ŋkɔŋ, mbɔ ɛ́ lɑɑ ḿbɔ́ n dɔk yúu mi pɛ́ ɡɛnɛ mbíꞋ mɑt-lɑ́Ꞌ wɛk ńdɔk ńtsɑ́ɑtɛ. Tɛ ḿbɔ́ yi ŋu lɑɑ ɛ́sẅíi wɑ́ɑ ŋɡɔ ɑ jí nu nǔu, ɛ sẅíi wɛ́ ŋɡɔ n jí nu nǔu ńdɛɛ wɛ́.

Tîtɛ 3:3

Ɛ́ kɑ pɔ́ yɛcɔ́ ŋkɑ́ pɛkŋɛ ɡúu pɔ́ pɑɡɛ nu kɛ́ sɑ́ŋ, ḿbɔ́ pɑtʉʉtú mbɔ̌ Sɛ́, ḿbɔ́ pʉɔ pi pɔ́p fɑɑnɛ́nɛ ndúŋ, ḿbɔ́ pɛkwɑɑ mbɔ̌ yúu tsʉʉ yi mbʉʉ yɛkŋɛ tsʉ́ʉnɛ́nɛ wɛkŋɛ nɛtsɑ́ɑ mbɑ nɛɡɛ. Pɛkŋɛ kɑ pɔ́ pʉɔ ńzɑ́ɑ sɔ́ɔ, ḿbɔ́ ɡɑŋkɛɡʉ̈ɔꞋ, ḿbɑɑnɛ mɛmbʉʉ mɛkŋɛ tɛꞋ.