Ŋɡɑlɑ̂t 2:1 - Kɑɑ Fí

¹ N dɑ́Ꞌ ŋ́ɡɛ ŋɡɔ ḿbɛn Yɛlúsɑlɛm, mbɔ ɛ́ lɛɛ mɔ́ ŋɡuꞋ ntsɔ̌pɛ́nɛ́kwɑ nɛ́ nɛɡɛ́m, ŋ́ɡɔ ḿbɛn pɔ́Ꞌɔ, pɛk Pɑnɛpɑ́ɑshi pɔ́nɛ, ḿbɛn ńdɔk mbɑ Titɛus ŋ́ɡʉ.

Ŋɡɑlɑ̂t 2:1 교차 참조

ŊwɑꞋnɛ-Gɑŋntúu Yɛ́su Kɛlístɔ 11:25

Pɑnɛpɑ́ɑshi pɛn ŋ́ɡʉ tʉ́sɔŋ-Tɑ́lsɔ, nɛlɔɔ Sɔ̂l,

ŊwɑꞋnɛ-Gɑŋntúu Yɛ́su Kɛlístɔ 11:30

Mbɑ wɔ̌ lɑ́ mɔɔtɛ pɑɑ yɛ́. Pɛ́ cúꞋlɛ ŋ́ɡɑ́ mbɔ̌ Pɑnɛpɑ́ɑshi pɔ́p Sɔ̂l. Pɔ́p lɔk ŋ́ɡʉ nɛɡɑ́ mbɔ̌ pɑcẅɛ́ɛ mbi tsɛt cúꞋlɛ-pʉɔ-Kɛlístɔ-Judɛ̂ ɛ̂wɑ́.

ŊwɑꞋnɛ-Gɑŋntúu Yɛ́su Kɛlístɔ 12:25

Pɑnɛpɑ́ɑshi pɔ́p Sɔ̂l pɔ́ tɛ ḿmik yɔ́p fɑꞋ yi pɛ́ lɑ́Ꞌnɛ ńtúu wɔ́p nǔu Yɛlúsɑlɛm, ŋ́ɡɔ ḿbɛn Antíyɔshɛ ńdɔk Jɑ̂ŋ ẅí pɛ́ fúŋnɛ wɛ́ ŋɡɔ Mɑ́lɛ́kúshi ŋ́ɡʉ.

ŊwɑꞋnɛ-Gɑŋntúu Yɛ́su Kɛlístɔ 13:2

Yɛcɔ́ lɛ́Ꞌ, pɔ́p kɔŋ kɔŋnɛ ńnɑ́ŋ njí ńcɛꞋlɛ Sɛ́. Zẅikŋɛ Lɛ́ɛnɛ́nɛ cú mbɔ̌ pɔ́p ŋɡɔ: «Pʉʉ ɛ́fɑk Pɑnɛpɑ́ɑshi pɔ́p Sɔ̂l, ńnɑ́ wɔ́p, pɔ́p fɑꞋ fɑꞋ yí ŋ kɑ tsɔ́Ꞌnɛ wɔ́p ntɛ́ yɛ́tɛ́.»

ŊwɑꞋnɛ-Gɑŋntúu Yɛ́su Kɛlístɔ 13:50

Lɑ́ pɑyúdɑ ɡɔ́ɔ ŋ́kɛ́ ńníꞋ mɛtʉʉ pɛcɔ́ pɑŋɡɛ́ pi pɔ́p tʉ́sɔŋ-Antíyɔshɛ ɛ̂wɑ́ ŋ́ɡẅɛɛ yúu. Mbɔ pɔ́p kɑ pɔ́ ńcɛꞋlɛ Sɛ́ pɑ́Ꞌ pɑyúdɑ, ńníꞋ mɛtʉʉ mbɑ pɛcɔ́ pɛkɛ́m pi pɔ́p tʉ́sɔŋ. Pɔ́p pɛ́ pɔ́p zɑ́ɑ sɔ́ɔ nǔu Pɔ̂l pɔ́p Pɑnɛpɑ́ɑshi, ńzuŋ wɔ́p tɛ pɔ́p fú lɑ́Ꞌ pɔ́p ŋ́kɛ́ ŋ́ɡʉ ɡʉnɛ.

ŊwɑꞋnɛ-Gɑŋntúu Yɛ́su Kɛlístɔ 14:12

Ḿbɛn ńcú ŋɡɔ Pɑnɛpɑ́ɑshi sɛ́ Zɛ́us. Pɔ̂l pɔ́ sɛ́ ẅi pɛ́ fúŋnɛ ŋɡɔ Hɛlmɛs, ńcú pɔ́Ꞌɔ mbíꞋŋɡɔ Pɔ̂l kɑ pɔ́nɛ ńcú nu ŋkɑ́ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 15:25

Ɛ́ yúu mi ɛ́ ɡɛnɛ lɑ pɛk pɛtsʉʉ cúꞋlɛ ńzɑ́p ŋɡɔ pɛ́ tsɔ́Ꞌ pʉɔ, ńtúu wɔ́p mbɔ̌ pʉʉ. Pɔ́p Pɑnɛpɑ́ɑshi ŋ́ɡɛ Pɔ̂l, pɛtʉʉndɛn pɔ́ɔpɛ́mɑ́ pɛkŋɛ, pɔ́p tɔ́ ńjʉ́ɔ wʉ́ʉ,

1 Kɔlɛ̂ŋtɛ 9:6

Kɛ ɛ́ pɔ́ pɔ ŋɡɔ pɛk Pɑnɛpɑ́ɑshi zɛ́nɛ pɛk ɡẅɛɛnɛ nɛlɔɔ lɑ ńjʉ́ ɔɔ?

2 Kɔlɛ̂ŋtɛ 2:13

lɑ́Ꞌ, mbʉʉ yɑɑ kɛ́ ńcitɛ citɛ́nɛ, mbíꞋŋɡɔ mɔ ŋkɑɑ mɔ́ɔmɑ́ wɛkŋɛ Titɛus zúꞋu jʉ́ɔ. Ɛ́ yúu mi ɛ́ kɑ ɡɛnɛ n dɛɛmɛ pʉɔ-Tɔ̂lɑ́s ŋ́ɡʉ nɛ́ Mɑsɛndwɑn nɛlɔɔ wɛ́.

2 Kɔlɛ̂ŋtɛ 8:16

Pɛkŋɛ ɡɑ́ pɑ́Ꞌlɑ́ mbɔ̌ Sɛ́ nǔu pɑ́Ꞌ ɑ ɡɛnɛ Titɛus zɑŋɛ mbʉʉ nǔu nu yʉ́ʉ pɑ́Ꞌ pɛk.

2 Kɔlɛ̂ŋtɛ 8:23

Ɛ́ ɡʉ nǔu Titɛus, mbɔ ɑ ŋɡɑŋku wɑɑ, ɑ sɛ́ ńcẅɛ́lɛ wɑ́ɑ nǔu fɑꞋ yi ɛ fɑꞋnɛ mbíꞋ wʉ́ʉ, ŋ́ɡʉ nǔu pɔnɛ pɔ́ɔpɛ́mɑ́ pɛkŋɛ pɛ́pɑ́, mbɔ pɔ́p pʉɔ pi mɛcúꞋlɛ-pʉɔ-Kɛlístɔ kɑ túunɛ wɔ́p, pʉɔ pi yɔ́p fɑꞋ ŋ́kɑꞋ lík-Kɛlístɔ ŋ́ɡɑ́ tʉ́.

Ŋɡɑlɑ̂t 1:18

Ŋ kɑ lɑ́Ꞌ ŋ́ɡɔ ḿbʉʉ Yɛlúsɑlɛm nɛɡʉ ńjʉ́ɔ Pyɛ̂ pɛknɛ jínɛ mɛmbʉʉ mɛkŋɛ, mbɔ ɛ́ lɛɛ ŋɡuꞋ yɛ́tɑ́t. Ŋ kúu zúꞋu pɛknɛ nɑ́ŋ lɛ́Ꞌ ntsɔ̌pɛ́tɑɑ nɛ́ nɛɡɛ́m,

Ŋɡɑlɑ̂t 2:13

Pɛcɔ́ pɔ́ɔpɛ́mɑ́ pi pɔ́p kɑ pɔ́ Antíyɔshɛ ḿbɔ́ pɑyúdɑ, pɛn ńcẅɛt yɔ́p pɛŋkɔŋmík pɑ́Ꞌ Pyɛ̂. Ɛ́ pɔ́ pɔ́nɛ tɛ kwɑꞋ Pɑnɛpɑ́ɑshi pɛn ŋ́ɡɛ yɛ́ pɔ pɔ́Ꞌɔ.

Ŋɡɑlɑ̂t 2:3

Titɛus ẅí pɛknɛ kɑ pɔ́nɛ kɑ pɔ́ ŋu-Ŋɡɛlɛk, lɑ́ tɛ mbɑ pɔ́Ꞌɔ, pɔ́p kɛ́ ḿbɔɔ ɛ́fyɛ́t wɛ́ ŋɡɔ ɑ pɛ́m pɛ́ púꞋ wɛ́ lɑ ɑ pɔ́ ŋu-Sɛ́ pɔ́.

Ŋɡɑlɑ̂t 2:9

Jɑ̂k, Pyɛ̂ mbɑ Jɑ̂ŋ, pʉɔ pi pɛ́ kɑ pɔ́ ńdíŋɛ wɔ́p pɑ́Ꞌ mɛntɔ́ɔ tsɛt cúꞋlɛ-pʉɔ-Kɛlístɔ lɑ́, ŋ kɑ pɔ́ tɛ ńjí ŋɡɔ Sɛ́ kɑ tsuŋnɛ ɛ́fɛ́ɛ yɔ fɑꞋ mbɔ̌ mɔ, ŋ́ɡɑ́ pɔ mbɔ̌ pɛk Pɑnɛpɑ́ɑshi, nɛlɔk ńdɛꞋlɛ ŋɡɔ pɛk pɛ́pɔ́p tɑ́Ꞌ ntsu nǔu fɑꞋ-Sɛ́. Pɔ́Ꞌɔ, pɛk ɡẅɛɛ nɛɡʉ tsɛtsɛt pʉɔ pí pɔ́p kɑ́ pɔ́ pɑyúdɑ pɔ́, ńcẅi Ŋkʉʉ Sʉ́Ꞌnɛ, pɔ́p ɡúu ŋ́ɡɛ Pyɛ̂ ɡẅɛɛ nɛɡʉ tsɛtsɛt pɑyúdɑ ńcẅi.

Kɔlɔsíyɛ̂ŋ 4:10

Alistɑk ẅí pɛknɛ tɛmtɛ́nɛ ḿbɔ́ ndɑ́tsɑ́ŋ cɛꞋlɛ wʉ́ʉ. Mɑ́lɛ́kúshi ẅí ɑ mɔ́ɔmɑ́-Pɑnɛpɑ́ɑshi pɛn ḿbúꞋ mbɔ́ mbɔ̌ pʉʉ ɡúu. Ŋ kɑ zɛɛ ŋ́kẅíi wɛ́ mbɔ̌ pʉʉ. A lɑɑ ŋ́kúu zɑ́Ꞌɑ, pʉʉ kúkŋɛ wɛ́ sʉ́Ꞌnɛ.

Tîtɛ 1:4

Ŋ ŋwɑꞋnɛ yɔ ŋwɑꞋnɛ, ŋ́ɡɑ́ mbɔ̌ ɡu Titɛ. Ɔ kwɑꞋ mɔ́ɔ wɑɑ mbíꞋŋɡɔ pǔu tɛmtɛ ńzɑ́p tʉ́m nǔu Yɛ́su Kɛlístɔ. Mɔ sɛ́ ńdɔ́ɔ mbɔ̌ Tɑ̌ɑ wɛkŋɛ Sɛ́ pɔ́p Yɛ́su Kɛlístɔ, jʉ́ ẅi ɑ ɡɛnɛ pɛkŋɛ luk, ŋɡɔ pɔ́p pɔ́ ḿbɔ́ nɛ́ ɡu, ḿbɔ́ ńníꞋ mɔ́fíitɛ tʉ́m ɡu.