Ŋɡɑlɑ̂t 1:8 - Kɑɑ Fí

⁸ Pɛk kɑ kɛ́mɔ́ ńdɑ́Ꞌ ńcẅi Ŋkʉʉ Sʉ́Ꞌnɛ mbɔ̌ pʉʉ. Tɛ wɛcɔ́ ŋu lɑɑ ḿbɛn ńtɔ́ ŋkɔ̂ɔnɛ, kɛ pɔ ŋu wɛk ɔɔ, kɛ pɔ Cʉ̈ɔꞋ-Sɛ́ ɛ́fú tʉ́nɛ́pú ɔɔ, ńcẅi wɛcɔ́ Ŋkʉʉ sʉ́Ꞌnɛ wɛ ndɛꞋ mbɔ̌ pʉʉ, tɛ ɛ́ pɔɔ pɔ́ pɔ ẅi pɛk kɑ cúnɛ pɔ́, mbɔ ɛ́ píkŋɛ ŋɡɔ Sɛ́ níꞋ ndɔɔ tú-ŋɡɑŋ.

Ŋɡɑlɑ̂t 1:8 교차 참조

Mɑtʉ̈ɔ 25:41

Ŋ́ɡɔ́ɔ ŋ́kɛ́ ḿbɛn ńcú mbɔ̌ pʉɔ pí pɔ́p nǔu ɡúŋ-pɔ́ yɛ́ yi ŋkẅɛpmɛ, ɛ́ yɛ́tɛ́: «Pʉʉ ɡɑŋndɔɔ, pʉʉ fú nɛjɔ́ŋ mɔ ŋ́ɡʉ tɛ ŋɡɑ sɑk, ŋ́kúu tsɛt múk ẅi ɛ́ kɛ́ lɑ́Ꞌ ḿbɛ́ pɔ́, ẅi pɛ́ kɑ niitɛ́nɛ ntɛ́ Sɑ́ttɑ pɔ́p pɛcʉ̈ɔ́Ꞌ pɛ́.

Mɑ́lɛ́kúshi 14:71

Pyɛ̂ cú tɛ ŋ́kɑɑ Sɛ́ ŋɡɔ: «Sɛ́ jẅí wɑ́ɑ, zɑŋ yɑ́ɑ, ŋ kɑ́ pɔ́ ńjí ŋu ẅí pʉʉ kẅíinɛ lík yɛ́ pɔ́.»

ŊwɑꞋnɛ-Gɑŋntúu Yɛ́su Kɛlístɔ 23:14

Pɔ́p ɡʉ ńjʉ́ɔ pɛtɑ́tndɑ́-pɑnɔŋpɔꞋ pɔ́p pɛkɛ́m ńcú mbɔ̌ pɔ́p ŋɡɔ: «Pɛk lɑ́Ꞌ ńtʉ́ʉ mbi Sɛ́ ńdɔk tɑ́Ꞌ ntsu ŋ́kɑɑ ŋɡɔ pɛk kɛ́ ɡɛ ńjʉ́ yúu kɛ́ pɔ́ yi pɛk jẅí Pɔ̂l pɔ́.

Pʉɔ-Lɔ́mɑ 16:17

Pɔ́ɔpɛ́mɑ́ pɑ́ɑ, mɔ ńcú mbɔ̌ pʉʉ ŋɡɔ pʉʉ pɑ́ɑ pʉɔ pi pɔ́p mɑꞋnɛ fyɑkŋɛ tsɛtsɛt pʉʉ, ńdɔk pɑ́Ꞌ pɔ́p lʉꞋnɛ yúu mi pɛ́ kɑ zíꞋnɛ wʉ́ʉ nǔu Kɛlístɔ, ŋ́ɡɛ pʉɔ fɑɑnɛ sɛ̂ndúŋ. Pʉʉ kʉ̈ɔ́ pîpɑ́ pʉɔ.

Pʉɔ-Lɔ́mɑ 9:3

Pɛkŋɛ pɛpɔ́p tɑ́Ꞌ njẅɛt. Ɛ́ kɑ pɔ́ yi mbɔ sɛ̂ndúŋ pɔ́ ɡú nɛpɔ́ yi Sɛ́ ɡʉ ḿbɑꞋnɛ wɑ́ɑ pɛk Kɛlístɔ pɛn ɛ́fɑkŋɛ, tɛ ɛ́ pɔ́ yi pɔ́ɔpɛ́mɑ́ pɑ́ɑ pɑyúdɑ ɡʉ ńdɛɛ nǔu ńjí ŋu ẅí Kɛlístɔ jʉ́, mbɔ ɛ́ lɑɑ ḿbɔ́ m bɔɔ lʉꞋ.

1 Kɔlɛ̂ŋtɛ 12:3

Ɛ́ pɔ́Ꞌɔ lɑ m bɔ́ ŋ́kɔŋ ŋɡɔ pʉʉ jí ŋɡɔ Zẅikŋɛ-Sɛ́ lɑɑ mbɔɔ ńtsʉ́ʉnɛ ŋu nɛcú nu pɔ́, mbɔ ḿbɔ́ ŋɡɑŋ pɔɔ níꞋ ndɔɔ tú-Yɛ́su pɔ́. Zẅikŋɛ Lɛ́ɛnɛ́nɛ lɑɑ ḿbɛn mbɔɔnɛ tsʉ́ʉnɛ ŋu nɛcú nu pɔ́, mbɔ ŋɡɑŋ kɑ́ kuꞋ nɛcú ŋɡɔ Yɛ́su Tsɑpʉɔ pɔ́.

1 Kɔlɛ̂ŋtɛ 16:22

Ŋu lɑɑ mbɔɔ kɔŋ Tsɑpʉɔ Yɛ́su pɔ́, Sɛ́ níꞋ ndɔɔ tú-ŋɡɑŋ. Mɑlɑnɑtɑ Tsɑpʉɔ wɛk, tɔ́!

Ŋɡɑlɑ̂t 1:9

Pɛk kɑ zɛɛ ńcú mbɔ̌ pʉʉ. Mɔ ŋkɔ̂ɔnɛ ḿbɛn ŋ́kẅíitɛ kẅíitɛ́nɛ ŋɡɔ, ŋu lɑɑ ńtɔ́ ńcẅi wɛcɔ́ Ŋkʉʉ sʉ́Ꞌnɛ wɛ ndɛꞋ mbɔ̌ pʉʉ, tɛ ɛ́ kɛ́ ḿbɔɔ pɔ́ pɔ ẅi pɛk kɑ cẅinɛ pɔ́, mbɔ ɛ́ píkŋɛ ŋɡɔ Sɛ́ níꞋ ndɔɔ tú-ŋɡɑŋ.

Ŋɡɑlɑ̂t 3:10

Sɛ́ zɛɛ ńníꞋ pɔ ndɔɔ tú-pʉɔ pi pɔ́p lɔknɛ nɛcú ŋɡɔ pɔ́p ɡẅɛɛnɛ nɛpʉ́ʉ ńdɔk ŋ́ɡɛ yɔ́p mbɑ kʉ̈ɔ́lɑ́, mbíꞋŋɡɔ ŋwɑꞋnɛ-Sɛ́ cú ŋɡɔ: Ŋu lɑɑ mbɔɔ kúꞋlɛ nɛpʉ́ʉ pɔ tsʉʉ pɔ́, ḿbɔ́ ŋɡɔŋ ŋkɑ́ tsʉʉ ḿbɔɔ ŋ́ɡɛ pɔ yúu mi ɛ́ tsɛt ŋwɑꞋnɛ-nɛpʉ́ʉ pɔ́, mbɔ ŋɡɑŋ tíi ndɔɔ.

Ŋɡɑlɑ̂t 3:13

Lɑ́, pɑ́Ꞌ sɛ̂ndúŋ-nɛpʉ́ʉ ɡɛ pɛkŋɛ tíi pɔ ndɔɔ lɑ́, Kɛlístɔ kɑ tɔ́ ŋ́ɡɛ pɛkŋɛ luk ndɔɔ ɛ̂yɑ́. A kɑ jɛ́p ńtíi ḿbiꞋ, ńtsʉ́Ꞌ ŋɡɑŋ ndɔɔ mbíꞋ wɛkŋɛ. Pɛ́ cú mbíꞋŋɡɔ pɛ́ kɑ ŋwɑꞋnɛ ŋɡɔ: Ndɔɔ tú-ŋu ẅí pɛ́ kẅiinɛ wɛ́ nǔu tʉ́.

Tîtɛ 3:10

Ŋu lɑɑ ḿbɔ́ ŋu ẅí ɑ mɑꞋnɛ fɑkŋɛ tsɛt cúꞋlɛ-pʉɔ Kɛlístɔ, ɔ pɑpmɛ wɛ́ tɑ́Ꞌ ŋkɑ́ ɑ pɔɔ zúꞋ, ɔ pɑ́ɑtɛ ḿbɛn ḿbɑpmɛ wɛ́ ɑ kɛ mbɔɔ zúꞋ, ɔ cẅɛɛtɛ wɛ́ tsɛtsɛt pʉɔ.

2 Pyɛ̂ 2:14

Yɔ́p jínu tʉ́ʉ pɔ nǔu pɑŋɡɛ́. Pɔ́p kɑ́ kɑ́ɑ nɛɡɛ nu kɛpɔŋ pɔ́. Pɔ́p lẅɑklɛ pʉɔ pi pɔ́p pɔ́t pɔ́tnɛ. Tʉ́m yɔ́p ŋkɑ́ tsʉʉ ńtʉ́ʉ pɔ nǔu pii yi mbɔ pɔ́p jʉ́. Ndɔɔ tú pɔ́p.