Ŋɡɑlɑ̂t 1:4 - Kɑɑ Fí

⁴ Pʉʉ sɛ́ ńjí ŋɡɔ Kɛlístɔ ɛ̂wɑ́ kɑ ɡɑ́ tú yɛ́ nǔu mɛnu kɛpɔŋ mɛkŋɛ nɛlɔk ɛ́fɛꞋ ndɔɔ yɛkŋɛ, pɔ́Ꞌɔ nɛfú mbɔ̌ yɔ kɛm njí yi ɛ́ yɛ kɛpɔŋ ńcẅɛɛtɛ wɛkŋɛ. Mɔnɛ mɛnu pɔ́ pɔ pɑ́Ꞌ Tɑ́t wɛkŋɛ Sɛ́ kɑ zɑ́pnɛ.

Ŋɡɑlɑ̂t 1:4 교차 참조

Mɑtʉ̈ɔ 13:22

Mbiyúu mi ɛ́ vunɛ tsɛt nɛɡíi kɛpɔŋ, nu-pʉɔ pínɛ pɔ́p zúꞋnɛ sẅíŋɛ-Sɛ́, ŋ́ɡɛ ńzɛ nɛmʉk mɛnu-njí, ńzɛ nɛzɑ́p tʉ́m yɔ́p nǔu ŋkɑ́p. Yîyɑ́ yúu ɡɛ sẅíŋɛ-Sɛ́ mɛ tʉ́m pɔ́p kɛ́ pii.

Mɑtʉ̈ɔ 20:28

Ndʉ́ŋndʉŋ pɑ́Ꞌ Mɔ́ɔ-Ŋu ŋkɑɑ tɔ́ ndǔ tsɛ́tsɑ́Ꞌ, pɔ pɑ́Ꞌ pʉɔmɛsɔŋ ɡʉ ɛ́fɑꞋ mbɔ̌ wɛ́ pɔ́, ɑ kɑ tɔ́ pɔ nɛfɑꞋ mbɔ̌ pʉɔmɛsɔŋ, ɛ́fɑꞋ fɑꞋ tɛ ḿbɛn ŋ́ɡɑ́ tú yɛ́ nɛlɔk ńtsúꞋ pʉɔ tɛ ńzɑ́ɑ.»

Mɑtʉ̈ɔ 26:28

MbíꞋŋɡɔ yɔ mɛci mɑ́ɑ, ɛ́ mɛci mí Sɛ́ lɔknɛ ŋ́ɡwɑt kɑɑ, ɛ́ mi ɛ́ tswɛtnɛ nǔu tú-pʉɔ tɛ ńzɑ́ɑ, pɑ́Ꞌ Sɛ́ ɡʉ ńdɔk ńdikŋɛ mɛnu kɛpɔŋ mɔ́p.

Mɑtʉ̈ɔ 26:42

Yɛ́su pɛn ɛ́fú nɛjɔ́ŋ pɔ́p ŋ́ɡʉ nǔu mbɑ́ɑtɛ yɛ́pɑ́, ńcɛꞋlɛ Sɛ́ ńcú ŋɡɔ: «Tɑ̌ɑ mɔ, ɛ́ lɑɑ ḿbɔ́ yi yɛcɔ́ nɛɡɛ tɛ kẅɛ́Ꞌlɛ yɔ ntúꞋ nɛjɔ́ŋ mɔ kɑ́ pɔ́ ɡú pɔ́, ŋ́kɛ́ ḿbɔ́ yi ŋ kɛ́ ńnɔ́ nɔ́nɛ, ɔ ɡɛ pɑ́Ꞌ ɔ kɔŋnɛ,»

Mɑtʉ̈ɔ 6:9

Pʉʉ lɑɑ ḿbɔ́ ńcɛꞋlɛ Sɛ́ pʉʉ cú ŋɡɔ: «Tɑ́t wɛk, ɡu ẅí ɔ pɔ́nɛ tʉ́nɛ́pú. Gɛ pʉɔmɛsɔŋ jí ŋɡɔ ɑ ndɑꞋ ɡu ḿbɔ́ Sɛ́.

Mɑ́lɛ́kúshi 10:45

MbíꞋŋɡɔ Mɔ́ɔ-Ŋu ŋ́kɑɑ zɛɛ ńtɔ́ ndǔ tsɛ́tsɑ́Ꞌ pɔ pɑꞋ pʉɔmɛsɔŋ ɡʉ ɛ́fɑꞋ mbɔ̌ wɛ́ pɔ́, ɑ kɑ tɔ́ pɔ nɛfɑꞋ mbɔ̌ pʉɔmɛsɔŋ, ɛ́fɑꞋ fɑꞋnɛ tɛ ḿbɛn ŋ́ɡɑ́ tú yɛ́ nɛlɔk ńcẅɛ́ɛ tú-pʉɔ tɛ ńzɑ́ɑ.»

Lúkɑ́shi 22:19

A kɑ pɛn ḿbɛ́ɛ mbɛlɛ̂ɛt, ŋ́ɡɑ́ pɑ́Ꞌlɑ́ mbɔ̌ Sɛ́, ḿbʉ̈ɔ́Ꞌ ŋ́ɡɔ ŋ́ɡɑ́ mbɔ̌ ɡɑŋku pɛ́ ńcú ŋɡɔ: «Yɔ mbɑp-mbʉʉ yɑɑ yi pɛ́ ɡɑ́nɛ nǔu tú yʉ́ʉ. Pʉʉ tsʉ́Ꞌ ḿbɔ́ ŋ́ɡɛ pɑꞋnɛ ńdɔk ŋ́kẅíitɛ wɑ́ɑ.»

Lúkɑ́shi 22:42

«Tɑ̌ɑ mɔ, ɔ lɑɑ ńjʉ́ɔ, ɔ pɑꞋnɛ wɑ́ɑ nǔu yɔ ŋɡʉ̈ɔ́Ꞌ yi, ɛ́ sɛ́ ńtɔ́ nǔu mɔ lɑɑ. Lɑ́, mɔ ńcú ŋɡɔ ɔ ɡɛ pɔ wɑɑ nɛkɔŋtɛ pɔ́. Gɛ pɔ wu nɛkɔŋtɛ.»

Jɑ̂ŋ 10:11

Mbyɛ́p mbí wɛ sʉ́Ꞌnɛ pɔ́ pɔ mɔ. Mbyɛ́p mbí wɛ sʉ́Ꞌnɛ, ɡɑ́ tú yɛ́ ntɛ́ njinjɔ yɛ́.

Jɑ̂ŋ 12:31

Ŋkɑ́ kuꞋ pɑ́Ꞌ Sɛ́ ɡʉ ŋ́ŋɑk yɔ píimbí. Ɛ́ ŋkɑ́ yi Sɛ́ ɡʉ ńcẅɛɛtɛ mɔ́ɔntɔ́Ꞌ yɔ píimbí, ŋ́ɡɑ́ wɛ́ píi.»

Jɑ̂ŋ 5:30

Ŋ kɛ́ zɑ́Ꞌ ntsɑŋ-ŋu kɛ́ píkŋɛ Sɛ́ pɔ́. Ɛ́ yɑɑ ntɛ́ nɛŋɑk, ɛ́ pɔ́ nɛ́nẅín, mbíꞋŋɡɔ ŋ kɑ́ pɔ́ ńdɔɔ pɔ nɛɡɛ yúu mi ŋ kɔŋnɛ pɔ́, ŋ ɡɛ yɑ́ɑ pɔ yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ.

Jɑ̂ŋ 6:38

MbíꞋŋɡɔ mɔ ŋkɑɑ fú tʉ́nɛ́pú ńtɔ́ pɔ nɛɡɛ yɑ́ɑ yúu mi ŋ kɔŋnɛ pɔ́, ŋ kɑ tɔ́ nɛɡɛ yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ.

Pʉɔ-Lɔ́mɑ 1:7

M bɛn ŋ́ɡɑ́ yɔ ŋwɑꞋnɛ mbɔ̌ pʉʉ tsʉʉ pi pʉʉ tʉ́sɔŋ-Lɔ́mɑ. Pʉʉ pi Sɛ́ kɔŋnɛ wʉ́ʉ, yɛ́tɛ́ kɑ ɡɛnɛ ɑ fúŋ wʉ́ʉ pɑ́Ꞌ pʉʉ ɡʉ ḿbɔ́ pʉɔ pɛ́ pi ɑ tsɔ́Ꞌnɛ. Mɔ sɛ́ ńtsɑ́ɑ ŋɡɔ Tɑ́t wɛkŋɛ Sɛ́ mbɑ Tsɑpʉɔ Yɛ́su Kɛlístɔ pɔ́ ḿbɔ́ nɛ́ pʉʉ, ḿbɔ́ ńníꞋ mɔ́fíitɛ tʉ́m pʉʉ.

Pʉɔ-Lɔ́mɑ 12:2

Kɔɔ pʉʉ ɡɛ mʉ́ʉ mɛnu pɑ́Ꞌ pʉɔ pi pɔ́p ndǔmbí ŋkɔ̂ɔnɛ. Pʉʉ pɛ́m Sɛ́ pɔ́ ŋ́ɡɑ́ jínu yɛ fí mbɔ̌ pʉʉ ńdɔk ŋ́kúpmɛ yʉʉ ntɛ́ nɛkwɑŋɛ nu pɔ tsʉʉ, ɛ́ lɛɛ pɔ́Ꞌɔ, pʉʉ kuꞋ nɛjí yúu mi jʉ́ Sɛ́ sɛ́ ŋ́kɔŋ ŋɡɔ pʉʉ ɡɛ. Pʉʉ jí yúu mi ɛ́ pɔŋnɛ, ńjí yi ɛ́ pɔŋnɛ wɛ́, ńjí yi yɛcɔ́ lɔ́Ꞌ kɑ́ pɔ́ nǔu pɔ́.

Pʉɔ-Lɔ́mɑ 4:25

Jʉ́ kɑ níꞋnɛ Kɛlístɔ mbɔ̌ pʉɔ pɑ́Ꞌ ɑ ɡʉ ḿpfú mbíꞋ mɛnu kɛpɔŋ mɛkŋɛ. A kɑ pɛn ńzẅíimɛ wɛ́ nǔu nɛvú ɛ́fú nǔu ńtsʉ́Ꞌ ńdíŋɛ wɛkŋɛ pɛkŋɛ pɔ́ ndʉ́ŋndʉŋ mbi yɛ́.

Pʉɔ-Lɔ́mɑ 8:27

Sɛ́ jí yúu mi ɛ́ tsɛt tʉ́m-pʉɔmɛsɔŋ, ɑ jí yúu mi Zẅikŋɛ yɛ́ sɛ́ ńcú, Zẅikŋɛ-Sɛ́ zɛɛ ḿbúꞋ mbɔ́ mbɔ̌ Sɛ́ nǔu tú-pʉɔ-Sɛ́ pɔ nǔu ntɛ́ yi Sɛ́ sɛ́ ŋ́kɔŋ.

Pʉɔ-Lɔ́mɑ 8:3

Nɛpʉ́ʉ-Mɔ̌sɛ̂ɛ ŋ́kɑɑ kuꞋ nɛɡɛ yîyɑ́ yúu pɔ́, mbíꞋŋɡɔ ŋumɛsɔŋ kɑ lɔk pɑ́Ꞌ ɑ zɑŋɛ zɑŋɛ́nɛ ńtɑɑtɛ. Lɑ́ Sɛ́ kɑ kɛ́ ŋ́ɡɛ yîyɑ́ yúu, ńtsʉ́Ꞌ nɛɡɛ, ńtúu kwɑꞋ Mɔ́ɔ nɛ ɑ shɔtnɛ ńtsʉ́Ꞌ ŋumɛsɔŋ, ḿbɔ́ ŋumɛsɔŋ ẅi ɑ ŋɡɑŋmɛfɑɑnɛ nǔu pɑ́Ꞌ ɑ ɡʉ ńcẅɛɛtɛ wɛ́ tsɛt nu kɛpɔŋ. Sɛ́ kɑ lɔk pɔ́Ꞌɔ, ńjẅí mɛtʉʉ-nu kɛpɔŋ yi ɛ́ sɑ́Ꞌnɛ pʉɔmɛsɔŋ.

Pʉɔ-Lɔ́mɑ 8:32

Jʉ́ ẅi ɑ ŋkɑɑ pɑ́ɑ kwɑꞋ Mɔ́ɔ nɛ nɛjʉ́ɔ ŋɡʉ̈ɔ́Ꞌ pɔ́, jʉ́ ẅi ɑ kɑ ɡɛnɛ pɛ́ jẅí wɛ́ mbíꞋ wɛkŋɛ pɛ́tsʉʉ, ɛ́ ɡʉ ŋ́ɡɛ pɑ́Ꞌ lɑ́ ɑ pɔɔ pɛn ŋ́ɡɑ́ pɔ fuꞋ níinɛ yɛkŋɛ ńdɔk pɔ jʉ́ mɔ́ɔ nɛ ŋ́ɡɑ́ mɛcɔ́ mɛyúu tsʉʉ mbɔ̌ pɛkŋɛ pɔ́ ɔɔ?

1 Kɔlɛ̂ŋtɛ 15:3

N dyɑkŋɛ yúu mi pɛ́ kɑ zíꞋnɛ wɑ́ɑ ŋ́ɡɑ́ mbɔ̌ pʉʉ. Ɛ́ pɔ́ nǔu Ŋkʉʉ Sʉ́Ꞌnɛ ḿbɔ́ ŋɡút. Yîyɑ́ nu pɔ́ ŋɡɔ Kɛlístɔ kɑ pfú ntɛ́ nu kɛpɔŋ yɛkŋɛ, pɑ́Ꞌ ŋwɑꞋnɛ-Sɛ́ kɑ zɑ́Ꞌnɛ njí ńcú.

2 Kɔlɛ̂ŋtɛ 4:4

ɛ́ pɑzúꞋ nu-Sɛ́ kɛ́ zɑ́p tʉ́m nǔu, pi sɛ́ wɛ yɔ mbí kɑ kɛ́mɔ́ ńjʉ́ɔꞋ jínu yɔ́p ńdɔk ńtɔ́Ꞌ wɔ́p nɛjʉ́ɔ kyɛꞌ yi ɛ́ fúnɛ nǔu Ŋkʉʉ sʉ́Ꞌnɛ. Pɔ́Ꞌɔ, pɔ́p pɔɔ jí pɑ́Ꞌ nɛŋwɑ́ŋɛ-Kɛlístɔ pɔ́nɛ pɔ́. Jʉ́ Kɛlístɔ pɑ́Ꞌ Sɛ́ pɔ́nɛ.

Ŋɡɑlɑ̂t 2:20

Mɔ kɑ́nɛ pɛn ḿbɔ́ ɛ́sɑ́Ꞌ túmbʉʉ yɑ́ɑ pɔ́, Kɛlístɔ tsʉ́Ꞌnɛ ḿbɔ́ sɔŋ-mbʉʉ mɔ ɛ́sɑ́Ꞌ wɑ́ɑ. N dɑɑ ŋ́ɡɛ pɔ kʉ̈ɔ́ lɑ́, mbɔ ɛ́ pɔ́ pɔ ŋɡɔ ńzɑ́p tʉ́m yɑ́ɑ nǔu mɔ́ɔ-Sɛ́. A ŋu ẅí ɑ kɑ kɔŋnɛ wɑ́ɑ kɔŋnɛ tɛ ḿpfú nǔu tú yɑ́ɑ.

Ŋɡɑlɑ̂t 6:14

ŋ́ɡʉ nǔu mɔ, mbɔ yúu mi ɛ́ lɑɑ ḿbɔ́ n dɔk ŋ́ŋɑ́Ꞌtɛ, ɛ́ pɔ́ pɔ pɑ́Ꞌ Tsɑpʉɔ wɛkŋɛ Yɛ́su Kɛlístɔ kɑ pfú nǔu tʉ́ mbɑ́ŋtɛ pɑ́ŋtɛ́nɛ lɑ́. Pɑ́Ꞌ ɑ kɑ pfúnɛ nǔu tʉ́ mbɑ́ŋtɛ pɑ́ŋtɛ́nɛ lɑ́, yúu yɔ ndǔmbí ɛ́ tsʉ́Ꞌ nɛjɔ́ŋ mɔ ḿbɔ́ pɔ pfú-yúu, ɛ́ ɡʉ nǔu mɔ m bɔ́ mbɔ̌ pɔ́p, mbɔ ŋ kɑ pfú mɔ́.

Ɛ́fɛ̂zɛ 1:11

Pɛk kɑ lúꞋnɛ pɔ pɑ́Ꞌ pɛk kɑ lɑtnɛ mbʉʉ nǔu Kɛlístɔ, lɑ ŋ́ɡẅɛɛ yɛ́k zʉꞋ tsɛtsɛt pʉɔ pi ɑ ɡɛnɛ pɔ́p luk, ɛ́ mbíꞋŋɡɔ Sɛ́ kɑ zɑ́Ꞌnɛ njí ńtsɔ́Ꞌ wɛ́k. Ɛ́ pɔ́ pɑ́Ꞌ ɑ kɑ zɑ́pnɛ. Sɛ́ pɛn ŋ́ɡɛ kʉ̈ɔ́ lɑ́ pɔ pɑ́Ꞌ ɑ kɑ zɑ́pnɛ ŋɡɔ ɑ ɡʉ ŋ́ɡɛ pɔ́Ꞌɔ.

Ɛ́fɛ̂zɛ 2:2

Pʉʉ kɑ pɔ́ ŋkɑ́ ɛ̂yɑ́ ḿbɔ́ ŋ́ɡɛ pɔ yîyɑ́ ntɛ́ mɛnu. Pʉʉ kɑ pɔ́ ńnɛn pɑ́Ꞌ pʉɔ pi pɔ́p tsɛt yɔ mbí ḿbɔ́ ńnɛn pɔ́Ꞌɔ, ḿbɔ́ ńzúꞋ ntsu-fɔɔ-mɛzẅikŋɛ kɛpɔŋ wi ɑ sɑ́Ꞌnɛ mɛzẅikŋɛ kɛpɔŋ mi ɛ́ tʉ́ tsɛt fɑ́k. Jʉ́ pɔ́nɛ ŋkɔ̂ɔnɛ ḿbɔ́ ńtsʉ́ʉnɛ pʉɔ pi pɔ́p lʉꞋ nɛzúꞋ ntsu-Sɛ́, pɔ́p pɔ́ ŋ́ɡɛ mɛnu kɛpɔŋ.

Ɛ́fɛ̂zɛ 5:16

pi pɔ́p jí nɛlúꞋnɛ mɛlɛ́Ꞌlɑ́Ꞌ mi Sɛ́ ɡɑ́nɛ mbɔ̌ pɔ́p, ɛ́fɑꞋ mɛfɑꞋ sʉ́Ꞌnɛ, mbíꞋŋɡɔ fʉꞋ njí yɔ kɑ́ pɔŋ.

Ɛ́fɛ̂zɛ 5:2

Pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ńdɔk pɔ ŋkɔŋɛ ndʉ́ŋndʉŋ pɑ́Ꞌ Kɛlístɔ kɑ kɔŋnɛ wɛkŋɛ tɛ ŋ́ɡɑ́ tú yɛ́ ńdɔk ńnɔŋ pɔꞋ mbi Sɛ́ ntɛ́ wɛkŋɛ lɑ́. PɔꞋ ɛ̂wɑ́ ẅí jɑ́k yɛ́ pɔŋnɛ mbɔ̌ Sɛ́.

Ɛ́fɛ̂zɛ 6:12

mbíꞋŋɡɔ pɛkŋɛ kɑ́ pɔ́ ŋ́ɡʉ ńdʉ̈ɔ́Ꞌ pʉɔmɛsɔŋ pɔ́. Pɛkŋɛ ɡʉ pɔ nɛlʉ̈ɔ́Ꞌ mɛzẅikŋɛ kɛpɔŋ mi ɛ́ tɛ tʉ́, ńdʉ̈ɔ́Ꞌ pɛtɑ́tndɑ́ pɔ́p, ḿbɛn ńdʉ̈ɔ́Ꞌ yúu mi ɛ́ tɛ tʉ́ ŋ́ɡẅɛɛ mɛtʉʉ, pɔ́p pʉɔ-ntɔ́Ꞌ-nzɛnzʉ́ʉ pi pɔ́p sɑ́Ꞌnɛ yɔ ndǔmbí.

Filipɛ 4:20

Gúꞌlɛ pɔ́ mbɔ̌ Tɑ́t wɛkŋɛ Sɛ́ nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.

1 Tɛsɑlɔník 1:3

Pɛk sɛ́ ḿbúꞋ mbɔ́ mbɔ̌ Tɑ̌ɑ wɛkŋɛ Sɛ́ ŋkɑ́ kʉ̈ɔ́ lɑ́, ŋ́kẅíitɛ pɑ́Ꞌ pʉʉ lɔknɛ pɑ́Ꞌ pʉʉ zɑ́pnɛ tʉ́m nǔu Yɛ́su ɛ́fɑꞋ mɛfɑꞋ, ŋ́kẅíitɛ ntɛ́ fɑꞋ yi pʉʉ lɔknɛ ŋkɔŋɛ ɛ́fɑꞋ, ḿbɛn ŋ́kẅíitɛ pɑ́Ꞌ pʉʉ sɛ́ ńzẅíꞋlɛ Tsɑpʉɔ Yɛ́su Kɛlístɔ kɛ́ kɑ́ɑ.

1 Tɛsɑlɔník 3:11

Pɔ́Ꞌɔ, pɛk sɛ́ ńdɔ́ɔ ŋɡɔ jʉ́ Sɛ́ ɛ̂wɑ́, ẅí ɑ Tɑ̌ɑ wɛkŋɛ, mbɑ Yɛ́su ẅi ɑ Tsɑpʉɔ wɛkŋɛ tsɔ́Ꞌ sɛ̂ndúŋ pɛk tɔ́ tɛ ńjʉ́ɔ wʉ́ʉ.

1 Tɛsɑlɔník 3:13

ḿbɛn ŋ́ɡɛ tʉ́m yʉ́ʉ kɛ́ ḿbɔ́ ńzɑpmɛ pɔ nǔu wɛ́. Lɑ ɛ́ lɑ́Ꞌ lɛ́Ꞌ yi Tsɑpʉɔ wɛkŋɛ Yɛ́su pɔ́p pʉɔ pi ɑ kɑ tsɔ́Ꞌnɛ tɔ́nɛ, pʉʉ tʉ́ʉ mbi Tɑ̌ɑ wɛkŋɛ Sɛ́, ḿbɔ́ ndɛ́ɛnɛ lɛ́ɛnɛ́nɛ, yɛcɔ́ lɔ́Ꞌ yʉ́ʉ pɔɔ pɔ́ ɡú pɔ́.

2 Tɛsɑlɔník 2:16

Tɑ̌ɑ wɛkŋɛ Sɛ́ kɑ kɔŋ wɛkŋɛ, ńdɔk ŋ́ɡɑ́ fuꞋ fɛ̌ɛ yɛkŋɛ, ńní mɛtʉʉ mʉ́kŋɛ nǔu ntɛ́ yi ɛ́ ŋ́ɡʉ ńdɑ́Ꞌ ḿmɛ pɔ́, ḿbɛn ŋ́ɡɛ pɛkŋɛ nɑ́ŋ ḿbɔ́ ńzẅíꞋlɛ yúu sʉ́Ꞌnɛ yi ɑ kɑ kɑꞋnɛ mbɔ̌ pʉɔ pɛ́. Pɔ́Ꞌɔ, pɛk sɛ́ ńdɔ́ɔ mbɔ̌ wɛ́ mbɑ mbɔ̌ Tsɑpʉɔ wɛkŋɛ Yɛ́su Kɛlístɔ ŋɡɔ:

1 Timɔtɛ́ɛ 2:6

KwɑꞋ Jʉ́ kɑ ɡɑ́nɛ tú yɛ́ ńdɔk ńtsúꞋ pʉɔ pɛtsʉʉ mbɔ̌ nɛvú, ńdɔk pɔ́Ꞌɔ, ńnyɛt nǔu ŋkɑ́ yi Sɛ́ kɑ zɑ́pnɛ ŋɡɔ jʉ́ Sɛ́ sɛ́ ŋ́kɔŋ ŋɡɔ pʉɔmɛsɔŋ tsʉʉ luk.

Tîtɛ 2:14

KwɑꞋ jʉ́ kɑ ɡɑ́ tú yɛ́ ńdɔk ńzúu tú yɛkŋɛ, nɛlɔk ńtsúꞋ wɛkŋɛ nǔu mɛnu kɛpɔŋ mɛkŋɛ tsʉʉ. A kɑ niitɛ wɛkŋɛ, pɛkŋɛ tsʉ́Ꞌ pʉɔ pɛ́, ḿbɔ́ pʉɔ kɛ́ lɔ́Ꞌ, ńtsʉ́Ꞌ ńníꞋ tú ŋ́ɡɛ pɔ yúu mi ɛ́ pɔŋnɛ.

Ɛ́bɛlʉʉ 2:5

Sɛ́ kɑ zɛɛ mbɔɔ ɡɛ ŋɡɔ pɛcʉ̈ɔ́Ꞌ pɛ́ ɡẅɛɛ nu nǔu nɛsɑ́Ꞌ ŋɡɔŋ ẅí ɛ́ sɛ́ ńtɔ́ pɔ́, ŋɡɔŋ ẅí pɛkŋɛ sɛ́ ńcú nu nǔu.

Ɛ́bɛlʉʉ 9:14

Ɛ́ lɑɑ ḿbɔ́ yi ɛ́ kɑ pɔ́ pɔ́Ꞌɔ, mbɔ ŋkɑ́ yɛ́sʉ́Ꞌ nǔu pɑ́Ꞌ mɛci-Kɛlístɔ ɡʉ ḿbɔ́? A Kɛlístɔ ẅí Zẅikŋɛ kɛ́mɛ kɑ ɡɛ, ɑ lɔk tú yɛ́ ńnɔŋ pɔꞋ ẅí lɔ́Ꞌ kɑ́ pɔ́ nǔu pɔ́ mbi Sɛ́. Mɛci mɛ́ ɡʉ ńdɑ́Ꞌ suk ntsɛ́llɛ́-mɛfɑꞋ mi ɛ́ ŋ́ɡɑ́ pɔ nɛvú ẅí ɛ́ nǔu pɛkŋɛ tɛ tʉ́m yɛkŋɛ pɔɔ pɛn ŋ́ŋɑk wɛkŋɛ pɔ́, nɛpɔ́ yi pɛkŋɛ ɡʉ ɛ́fɑꞋ mbɔ̌ Sɛ́ ẅí ɑ ḿbɔ́ pɔ ɡú.

Jɑ̂k 4:4

Pʉʉ pɑlɑŋ nzʉʉ-pʉɔ. Pʉʉ kɑ́ pɔ́ ńjí ŋɡɔ ŋu ẅí ɑ súu-yúu-ndǔmbí, tsʉ́Ꞌ ḿbɔ́ pɔ ŋɡɑŋmbuu-Sɛ́ pɔ́ kɛ? Ŋu ẅí ɑ kɔŋnɛ yúu-ndǔmbí tsʉ́Ꞌ ḿbɔ́ pɔ ŋɡɑŋmbuu-Sɛ́.

1 Pyɛ̂ 2:24

KwɑꞋ jʉ́ Kɛlístɔ kɑ tíi mɛnu kɛpɔŋ mɛkŋɛ ńníꞋ sɔŋ-mbʉʉ yɛ́, ɛ́ ŋkɑ́ yi pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ. A kɑ ɡɛ pɔ́Ꞌɔ, nɛpɔ́ yi pɛkŋɛ ɡʉ ńtsʉ́Ꞌ pɔ mbɔ̌ nu kɛpɔŋ, ḿbɔ́ pɔ pɛpfú, ŋ́kuꞋ nɛɡɛ yúu mi ɛ́ ndʉ́ŋndʉŋ mbi Sɛ́. Pʉʉ kɑ lúꞋnɛ pɔ mɛfʉ́ŋ mɛ́ lɑ ɛ́fíitɛ.

1 Pyɛ̂ 3:18

Kɛlístɔ kɑ zɛɛ ńjʉ́ɔ yɛ́ ŋɡʉ̈ɔ́Ꞌ tɛ ḿpfú nɛlɔk ńjɛ́p mɛnu kɛpɔŋ-pʉɔmɛsɔŋ, ŋ́kɛ́ ḿpfú ndɑꞋ tɑ́Ꞌ ŋkɑ́, ɛ́ kuꞋ. Jʉ́ kɛ́ fɑɑnɛ ḿpfú ntɛ́ ɡɑŋ-mɛfɑɑnɛ, pɔ́Ꞌɔ, nɛlɔk wʉ́ʉ ńtɔ́ mbi Sɛ́. Pɛ́ kɑ jẅí mbɑp-mbʉʉ yɛ, lɑ Zẅikŋɛ Lɛ́ɛnɛ́nɛ ɡɛ ɑ pɛn ḿbɔ́ ɡú.

1 Jɑ̂ŋ 2:2

A kɑ zɛɛ ńdɔk tú yɛ́, ńnɔŋ pɔꞋ pɑ́Ꞌ ɛ́ lɑɑ ḿbɔ́ Sɛ́ likŋɛ mɛnu kɛpɔŋ mɛkŋɛ. Pɑ́Ꞌ ɛ́ lɑɑ ḿbɔ́ ɑ pɔɔ likŋɛ pɔ ndɑꞋ mɛkŋɛ pɔ́, pɑ́Ꞌ mbɔ ɑ pɛn ńdikŋɛ mɛ́ pʉɔmɛsɔŋ tsʉʉ ndǔmbí.

1 Jɑ̂ŋ 3:16

Ŋkɔŋɛ kʉ̈ɔ́? Pɛkŋɛ ŋkɔ̂ɔnɛ, mbɔ pɛkŋɛ jí ŋɡɔ: Yɛ́su kɑ ɡɑ́ tú yɛ́ mbíꞋ wɛkŋɛ. Pɔ́Ꞌɔ lɑ́, ɛ́ sɛ́ ḿbíkŋɛ ŋɡɔ pɛkŋɛ ɡɑ́ tú yɛkŋɛ mbíꞋ pɔ́ɔpɛ́mɑ́ pɛkŋɛ.

Mɛnu ɛ́ ńdɑ́Ꞌ ńcẅɛt 1:5

Yɛ́su Kɛlístɔ ẅi ɑ jʉ́njʉ́ɔ wɛ nɛ́nẅín, ḿbɔ́ nduŋmbi mɔ́ɔ, ḿbɔ́ nduŋmbi ŋu ẅí ɑ kɑ pfúnɛ ḿbɛn ńzẅíimɛ, ḿbɔ́ Fɔɔ ńtsɑ pɛfɔɔ pí pɔ́p ndǔ tsɛ́tsɑ́Ꞌ, ḿbɔ́ ŋ́ɡɑ́ fuꞋ níinɛ yʉ́ʉ, ḿbɛn ḿbɔ́ ńníꞋ mɔ́fíitɛ tʉ́m pʉʉ. Jʉ́ Kɛlístɔ kɔŋ wɛkŋɛ tɛꞋ, ɑ kɑ lɔk mɛci mɛ́ ŋ́kíɛꞋ ŋkʉ mɛnu kɛpɔŋ nǔu pɛkŋɛ.

Mɛnu ɛ́ ńdɑ́Ꞌ ńcẅɛt 5:9

Pɛlʉ́m pɑ́, pɔ́p mɛyúumɛku mɑ́ pɔ́ ńzɔp zɔpŋki fí ńcú tsɛtú ŋɡɔ: Ɔ kuꞋ ŋu ẅí ḿbɔ́ ɔ cẅɛ́ɛ ŋwɑꞋnɛ, ŋ́kuꞋ ŋu ẅí ḿbɔ́ ɔ ŋíɛꞋ ŋɛmɛ-ŋwɑ́Ꞌ yi pɛ́ kɑ lɔknɛ ńdɑt. Pɛ́ kɑ jẅí wú ńdɔk ńnɔŋ pɔꞋ. Ɔ kɑ tswɛt mɛci mú ńdɔk ńtsúꞋ pʉɔ, ńtsúꞋ tɛ mbɑ pʉɔ pí pɔ́p nǔu yɛ́tɛ́ njẅɛtndɑ́ lɑ́, tɛ mbɑ pʉɔ pi pɔ́p sẅiŋɛ́nɛ yɛ́tɛ́ sẅiŋɛ lɑ́, tɛ mbɑ yɛ́tɛ́ ntɛ́ lɑ́, tɛ mbɑ pɛ́ wɛ́tɛ́ ŋɡɔŋ lɑ́, ńtsúꞋ wɔ́p pɔ́Ꞌɔ, pɔ́p pɛn mbɔ̌ Sɛ́.

Mɛnu ɛ́ ńdɑ́Ꞌ ńcẅɛt 7:9

N jʉ́ɔ mɔ mɛyúu tɛ ḿbɔ́tnɛ ńnɑ́ŋ, m bɛn ńjʉ́ɔ nɔɔ-lɑ́Ꞌ yi mbɔ ŋu pɔɔ sɑ́ŋ tɛ ńjí ndɛn pɔ́. Mbɔ pʉɔ fú nǔu mɛŋɡɔŋ tsʉʉ, ɛ́fú nǔu mɛnjẅɛt mɛnjẅɛt, ḿbɔ́ mɛntɛ́ mɛntɛ́, ɛ́sẅíŋɛ mɛsẅíŋɛ ntɛ́ ntɛ́ mi ɛ́ ndǔ tsɛ́tsɑ́Ꞌ. Pɔ́p kɑ tʉ́ʉ mbi kɔꞋ-nɛfɔɔ, mbɑ mbi Mɔ́ɔ-Njinjɔ, ḿmɑꞋ mɛfúfú ndẅí, ŋ́ɡẅɛɛ mɛzɑ́ŋ-nɛtʉ́ɔ,