29 Pɔ́Ꞌɔ lɑ́ Yɛ́su ɡɔ́ɔ ŋ́kɛ́ ńzɑ́p pɔ́ nǔu mík mɔ́p, ńcú ŋɡɔ: «Ɛ́ pɔŋ ŋɡɔ mbɑ kʉ̈ɔ́ lɑ́ pɔ́ pɑ́Ꞌ pʉʉ zɑ́pnɛ tʉ́m nǔu mɔ ŋ́kwɑŋɛ ŋɡɔ ɛ́ ɡʉ ḿbɔ́.»
Yɛ́su ɡɔ́ɔ ŋ́kɛ́ ńtsɔ́Ꞌ ŋɡɔ: «Mɑ́ɑmɑɑ! Ɔ zɑ́p tʉ́m nǔu mɔ tɛꞋ. Ɛ́ pɔŋ ŋɡɔ yúu mi ɔ sɛ́ ńtsɑ́ɑ puutɛ!» Yɛ́su cú pɔ́Ꞌɔ, mɔ́ɔ-mɑŋɡɛ́ wɑ́ ɡɔ́ɔ ɛ́fíitɛ pɔ kwɑꞋ ŋkɑ́ ɛ̂yɑ́.
Yɛ́su tsɑ́ɑ mɛjʉ́ŋ mɔ́p, ńzɑ́p mbɔ́ mɛ́ nǔu mík mɔ́p, ɛ́ ɡɔ́ɔ ńzɛ nɛjʉ́ɔ zʉꞋ, pɔ́p cʉ́ɔ nzʉʉ yɛ́.
Yɛ́su pɛn ńcú mbɔ̌ tɑ́tndɑ́-ntsɔ ŋɡɔ: «Pɛn nɛ́ njɛ́Ꞌ wu! Pɑ́Ꞌ ɔ zɑ́pnɛ tʉ́m nǔu mɔ lɑ́, yúu mi ɔ tsɑ́ɑnɛ ɡʉ ḿbɔ́ pɔ́Ꞌɔ.» Ńcú pɔ́Ꞌɔ, mɔ́ŋkʉ̈ɔ́-fɑꞋ-tɑ́tndɑ́-ntsɔ ɡɔ́ɔ ɛ́fíitɛ pɔ ŋkɑ́ ɛ̂yɑ́, ŋkɑ́ ɛ̂yɑ́.
Yɛ́su shɔtnɛ, ńjʉ́ɔ wɛ́, ńcú mbɔ̌ wɛ́ ŋɡɔ: «Mɑ́ɑ, kɔɔ pɔ́k, ntɛ́ yi ɔ lɔknɛ ńzɑ́p tʉ́m yú nǔu mɔ lɑɑ, ɡɛ ɔ fíitɛ.» A ɡɔ́ɔ ɛ́fíitɛ pɔ ŋkɑ́ ɛ̂yɑ́ ŋkɑ́ ɛ̂yɑ́.
A ɡʉ tɛ ŋ́kúu ndɑ́, pɛfʉmík pɑ́ tɔ́ ŋ́kẅɛ́ɛtɛ wɛ́, ɑ píkŋɛ wɔ́p ŋɡɔ: «Pʉʉ kwɑŋɛ ŋɡɔ ɛ́ lɑɑ ḿbɔ́ ŋ ɡɛ yúu mi pʉʉ píkŋɛnɛ lɑɑ?» Pɔ́p ɡɔ: «Ɔ́ɔŋ mbɑ̌ɑ Tsɑpʉɔ ɔ kuꞋ nɛɡɛ.»
Yɛ́su cú mbɔ̌ wɛ́ ŋɡɔ: «PɑꞋ ɔ zɑ́b tʉ́m nǔu mɔ lɑ́, ɔ fíitɛ, tsʉꞋ ŋ́ɡʉ yú ɡʉnɛ.» Fumík ɡɔ́ɔ ńzɛ nɛpɛn ńjʉ́ɔ zʉꞋ, ńcʉ́ɔ nzʉʉ Yɛ́su pɔ́p pɛ́pɔ́p ɡʉ.
