9 N cú pɑ́Ꞌɑ, ḿbɔ́ yɑ́ɑ nzʉʉ-ŋu, ńzúꞋ ntsu wɛ́. Ḿbɛn ŋ́ɡẅɛɛ yɑ́ɑ pɑlʉ̈ɔ́Ꞌntsɔ nzʉʉ mɔ, pɔ́p pɔ́ ńzúꞋ wɑ́ɑ. N dɑɑ ńcú mbɔ̌ wɛcɔ́ ŋɡɔ: “Gʉ!” A ɡʉ, ńcú mbɔ̌ wɛcɔ́ ŋɡɔ: “Tɔ́!” A tɔ́, ḿbɛn ńcú mbɔ̌ ŋkwɑɑ wɑɑ ŋɡɔ: “Gɛ pɑ́Ꞌɑ!” A ɡɛ.»
Yɛ́su zúꞋ yɔ sẅiŋɛ yí ɛ́ cẅɛtnɛ ntsu-tɑ́tndɑ́-ntsɔ ŋ́ɡʉ̈ɔꞋtɛ wɛ́, ɛ́shɔtnɛ ńcú mbɔ̌ lɑ́Ꞌ yi ɛ́ nzʉʉ yɛ́ ŋɡɔ: «Ɛ sẅíi wʉ́ʉ, kwɑꞋ nɛ́nẅín, mbɑ tsɛt ŋɡɔŋ Pɑíslɑyɛ̂l, ŋ kɑ́ jʉ́ɔ wɛcɔ́ ŋu ẅí ɑ zɑ́pnɛ tʉ́m nǔu mɔ pɑ́Ꞌ jʉ́ pɔ́.
Lɑ́ tɑ́tndɑ́-ntsɔ pʉ̈ɔt ŋɡɔ: «Tsɑpʉɔ, n zɑŋɛ ŋu ẅí ɛ́ lɑɑ ḿbɔ́ ɔ tɔ́k tɛ ŋ́kúu ndɑ́ yɛ́. Tʉ́ʉ pɔ pɑ́Ꞌɑ, ńcú nɛ́ ntsu wú mɔ́ŋkʉ̈ɔ́-fɑꞋ wɑɑ fíitɛ.
Ɛ́ kʉꞋnɛ lɑ́Ꞌ tsʉʉ, tɛ lɛ́m yɔ́p sɑ́ɑnɛ, pɔ́p píkŋɛ tsɛtsɛt pɔ́p ŋɡɔ: «Tɛ yɔ nu ŋɡɔ́ku? A pɔ́ ɛ́sɑ́Ꞌ Ŋkʉʉ Sʉ́Ꞌnɛ tɛ ńcʉ̈ɔ́k mɛzẅikŋɛ kɛpɔŋ, pɔ́p zúꞋ ntsu wɛ́.» Ɛ́ pɑꞋɑ ḿbɔ́ pɔ yɛcɔ́ nu fí kɛkʉ̈ɔ́? A sɛ́ ńzíꞋ pʉɔ pɑꞋ ŋu Sɛ́ túunɛ.
A tɔ́ ŋ́ŋɔ́Ꞌnɛ mbʉʉ kúu, ńdɔk tʉʉ ńcú nu, ɡɔɔ ɡɔ́ɔ ńzɑ́Ꞌnɛ. Mɑ́kẅiꞋ-Simɔ̂ŋ ɛ̂wɑ́ ɡɔ́ɔ ńdɔ sɛ́, ńniitɛ yúujʉ́ ŋ́ɡɑ́ mbɔ̌ pɔ́p.
ŋɡɔ ɑ cú pɑ́Ꞌɑ ḿbɔ́ yɛ́ nzʉʉ ŋu, ńzúꞋ ntsu wɛ, ḿbɛn ŋ́ɡẅɛɛ yɛ́ pɑlʉ̈ɔ́Ꞌntsɔ nzʉʉ yɛ́, pɔ́p pɔ́ ńzúꞋ wɛ́, ŋɡɔ ɑ lɑɑ ńcú mbɔ̌ wɛcɔ́ ŋɡɔ: «Gʉ», ɑ ɡʉ, ŋɡɔ: «Tɔ́», ɑ tɔ́, ḿbɛn ńcú nɛ́ ŋkwɑɑ wɛ́ ŋɡɔ: «Gɛ pɑ́ꞋɑꞋ, ɑ ɡɛ.»
Yɛ́su ɡɛ ńcúꞋlɛ pʉɔ pɛ́ ntsɔ̌ppɑ́ nɛ́ nɛɡɛ́m, ŋ́ɡɑ́ mɛtʉʉ mbɔ̌ pɔ́p, pɔ́p kuꞋ nɛlɔk lík-Sɛ́ ńzuŋmɛzẅikŋɛ kɛpɔŋ tsʉʉ mi ɛ́ mbʉʉ pʉɔ, mbɑ nɛɡɛ mɛɡɔɔ fíitɛ.
Pʉʉ pɛkwɑɑ, pʉʉ zúꞋ ntsu-pʉɔ pi pɔ́p ɡẅɛɛnɛ wʉ́ʉ ndǔ tsɛ́tsɑ́Ꞌ, nǔu mbɑ kʉ̈ɔ́ lɑ́. Pʉʉ pɑ́ɑ nɛlɔɔ nɛfɑꞋ pɔ ndɑꞋ ŋkɑ́ yi pɔ́p tʉ́ʉnɛ nzʉʉ pʉʉ njʉ̈ɔ̌ yi pʉʉ ɡɛ pɔ yúu mi ɛ́ ɡʉ ḿbɔŋ pʉɔmɛsɔŋ lɑ́. Pʉʉ fɑꞋ nɛ́ ŋɡɔŋ tʉ́m yʉ́ʉ tsʉʉ mbíꞋ pɑ́Ꞌ pʉʉ sɛ́ ŋ́ɡɑ́ mɛkuꞋ-Tsɑpʉɔ.
ZíꞋ mbɔ̌ pɛkwɑɑ ŋɡɔ: «Pɔ́p zúꞋ ntsu-pʉɔ pi pɔ́p ɡẅɛɛnɛ wɔ́p, tɛ mbɑ nǔu kʉ̈ɔ́ lɑ́, ŋɡɔ pɔ́p lɔɔ shʉ́ ŋ́ɡɛ yúu mi ɛ́ pɔŋnɛ pʉɔ pi pɔ́p ɡẅɛɛnɛ wɔ́p, ŋɡɔ kɔɔ pɔ́p zɔŋ nu ntsu pɔ́p,
