28 Yɛ́su ɡʉ tɛ ŋ́kúu nǔu yɛcɔ́ njʉ́n. Ɛ́ pɔ́ ŋɡɔŋ-pʉɔ-Ŋɡɑndɑlɑ, pɛcɔ́ pʉɔ pɛ́pɑ́ pínɛ mɛzẅikŋɛ kɛpɔŋ kɑ kúunɛ nǔu pɔ́p fú zʉꞋ pɛ́ tẅínɛ pʉɔ zúꞋu ńcẅɛt ńzɑ́Ꞌ wɛ́, mbɔ pɔ́p kɑ fʉꞋ mɔ nu fʉꞋnɛ tɛ ŋu pɔɔ ḿbɛn ńdɛɛ ẅîwɑ́ shʉ́ pɔ́.
Ɛ́ pɔ́ pɔ́Ꞌɔ, pɛ́ lɔk lík yɛ́ ɛ́sɑt ŋɡɔŋ-Silii tsʉʉ. Pɛ́ pɔ́ ńdɔk pʉɔ tsʉʉ pinɛ mɛɡɔɔ ntɛ́ nɛ́ ntɛ́ m̄bɔ́nɛ nǔu pɔ́p, pʉɔ pinɛ mɛzẅikŋɛ kɛpɔŋ kɑ pɔ́ ḿbúunɛ wɔ́p, mbɑ pɑvu tú, pɔ́p ɡɑŋkẅíꞋlɛ ńtɔ́, Yɛ́su ɡɛ pɔ́p fíitɛ.
Pɔ́p pɛtsʉʉ tɛmtɛ ḿmɑɑ, ńcú tsɛtsɛt pɔ́p ŋɡɔ: «Yɔ yɛ́tɛ́ ntɛ́ ŋu tɛ mbɑ fɛ́m pɔ́p ŋki zúꞋ ntsu wɛ́?»
Pʉʉ pɛn ḿbɔ́ ńjí ŋɡɔ Sɛ́ kɑ ɡɑ́ mɛtʉʉ-Zẅikŋɛ Lɛ́ɛnɛ́nɛ mbɔ̌ Yɛ́su mɔ́ɔ-Nɑ̌zɑlɛt ńdɔk pɔ́Ꞌɔ, ńcɔꞋ wɛ́ ḿbɛn ḿbɔ́ ńtʉ̈ɔ́Ꞌlɛ wɛ́. A ɡʉ zʉꞋ tsʉʉ, ḿbɔ́ ŋ́ɡɛ mɛnu sʉ́Ꞌnɛ, ḿbɔ́ ńcẅɛ́ɛ pʉɔ tsʉʉ pí pɔ́p ḿbɔ́nɛ ɡɑŋtsɑ́ŋ nǔu mbɔ́-Sɑ́ttɑ mbíꞋŋɡɔ Sɛ́ kɑ pɔ́ nɛ́ jʉ́.
