Mɑtʉ̈ɔ 5:29 - Kɑɑ Fí

²⁹ Lík yú yɛ́ pɔ́ tʉʉ lɑɑ ńtsʉ́ʉnɛ wú ɔ fɑɑnɛ nu, ɔ tsɔ́Ꞌ ḿmɛꞋ tɛ ŋɡɑ sɛsɑ. Mbi pɑ́Ꞌ mbɔ yɛcɔ́ tɑ́Ꞌ nǔu mɛkɛm mbʉʉ mú pɛ́, pɛ́ pɛn ŋ́kɛ́ ḿbɔɔ lɑ́Ꞌ ḿmɑꞋ wú tsɛt múk pɔ́.

Mɑtʉ̈ɔ 5:29 교차 참조

Mɑtʉ̈ɔ 10:28

Kɔɔ pʉʉ pɔ́k pʉɔmɛsɔŋ, pɔ́p kuꞋ pɔ ndɑꞋ nɛjẅí mbɑp-mbʉʉ, ḿbɛn ŋ́kɛ́ mbɔɔ kuꞋ nɛkuu zẅikŋɛ pɔ́. Pʉʉ pɔ́k pɔ ndɑꞋ Sɛ́, mbíꞌŋɡɔ ḿbɔ́ ɑ tɛmtɛ mbɑp-mbʉʉ pɔ́p zẅikŋɛ ŋ́ɡwɛ́tnɛ, ḿbɛn ŋ́kuꞋ nɛmɑꞋ tsɛt múk.

Mɑtʉ̈ɔ 11:6

Pɔ́ttú ŋu ẅi ɑ kɛ́ kɔɔtɛ nǔu mɔ ḿvu sɛ́ pɔ́!

Mɑtʉ̈ɔ 16:26

Pɛ́ lɑɑ ńzɛɛ ńtíi mbí yɔ tsʉʉ ŋ́ɡɑ́ mbɔ̌ ŋu, lɑ́ kɛ́ ḿbɔ́ yi ɛ́ ɡʉ ńdɔk pɔ́p tú yɛ́ pɔ́, mbɔ ɡʉ cẅɛ́lɛ́ wɛ́ nǔu kʉ̈ɔ́? A lɑɑ ḿbɔ́ ŋu lɔk kʉ̈ɔ́ ńdɔk ŋ́kúpmɛ tú wɛ́?

Mɑtʉ̈ɔ 17:27

Lɑ́ kɔɔ pûu ɡɛ nu pʉ́k pɑcẅɛ́ɛ ntsup. Gʉ ŋki ḿmɑꞋ mbɑꞋ. Ɔ ɡʉ ŋ́ɡẅɛɛ nduŋmbi mbɑŋ shú, ŋíɛꞋ ntsu wɛ́, ńjʉ́ɔ pɑk-ŋkɑ́p, ńcẅɛɛtɛ ńdɔk ŋ́ɡʉ ḿmɑꞋ yúu ntsup.

Mɑtʉ̈ɔ 19:12

Yúu mi ɛ́ ɡɛnɛ pʉɔ pɔɔ zɔ́Ꞌ, pɔ́ tɛ ńzɑ́ɑ: Ɛ́ ɡʉ nǔu pɛcɔ́ pʉɔ, pɔ́p pɔɔ kuꞋ nɛzɔ́Ꞌ pɔ́ tɛ ɛ́fú pɔ lɛ́Ꞌ nzɛnɛ, ŋ́ɡʉ nǔu pɛcɔ́, mbɔ pʉɔmɛsɔŋ kɑ ɡɛnɛ, ḿbɛn ŋ́ɡʉ nǔu pɛcɔ́, mbɔ pɔ́p kɑ pɛ́m nɛpɔ́ pɔ́Ꞌɔ, ntɛ́ nu-nɛfɔɔ-Sɛ́. Ŋu ẅí ɑ jʉ́ɔ nɛpɛ́m yɔ nu pɛ́m.

Mɑtʉ̈ɔ 23:15

Pʉʉ pɛpʉ́ktú, pʉʉ pɑfɑlísɑy pɔ́p pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ, pʉʉ pɑŋkɔŋmík. Pʉʉ sɑ́Ꞌ tʉʉ ŋ́kɑ́t ńtúu mɛŋki kɛ nɛpɔ́ ŋ́ɡʉ mɛŋɡɔŋ nɛɡɛ tɑ́Ꞌ ŋu ẅí ɑ kɑ́ jí Sɛ́ pɔ́ cʉ́ɔ nzʉʉ pʉʉ ńjí Sɛ́. Lɑ́ ɑ kɛ ḿbɔ́ tɛ ŋ́kɛ́ ńcʉ́ɔ nzʉʉ pʉʉ, pʉʉ ɡɛ ɑ tsʉ́Ꞌ ŋu ẅí ɑ kuꞋnɛ nɛkúu pɔ tsɛtsɛt múk tɛ ńdɛɛ wʉ́ʉ.

Mɑtʉ̈ɔ 23:33

Pʉʉ njẅɛt-mɛnɔ́, ḿbɔ́ pɛmɑ́sɛ́m-nɔ́, ḿbɔ́ pʉʉ ɡɛ pɑ́Ꞌɑ ńdɑ́Ꞌ ńnɑ́ kɛ́ kúu tsɛt múk?

Mɑtʉ̈ɔ 5:22

Lɑ́ n cú yɑ́ɑ mbɔ̌ pʉʉ ŋɡɔ: «Ŋu lɑɑ ńzɑ́ŋ lɔ́ŋ nǔu mɔ́ɔmɑ́ wɛ, mbɔ pɛ́ ɡẅɛɛ nɛlɔk wɛ́ ŋ́ɡʉ mbi nzɑ́Ꞌmɛntsɑŋ. Ŋu ẅí ɑ fúŋnɛ mɔ́ɔmɑ́ wɛ nɛ́ ɡʉɡʉʉ, pɛ́ ɡẅɛɛ nɛlɔk wɛ́ ẅi ɑ fúŋnɛ ŋ́ɡʉ mbi-cúꞋlɛ-pɑsɑ́Ꞌlɑ́Ꞌ. Ŋu ẅí ɑ fúŋnɛ mɔ́ɔmɑ́ wɛ ŋɡɔ pʉ̈ɔt ɔ kɛ́jísɛ́, ɑ kuꞋ ŋu ẅí ḿbɔ́ Sɛ́ mɑꞋ wɛ́ múk.

Mɑtʉ̈ɔ 5:30

Pɔ́ yú yɛ́ tʉʉ lɑɑ ńtsʉ́ʉnɛ wú ɔ fɑɑnɛ nu, ɔ zɑ́Ꞌ ḿmɛꞋ tɛ ŋɡɑ sɛsɑ. Mbi pɑ́Ꞌ ḿbɔ́ yɛcɔ́ tɑ́Ꞌ nǔu mɛkɛm mbʉʉ mú pɛ́, pɛ́ pɛn ŋ́kɛ́ ḿbɔɔ lɑ́Ꞌ ḿmɑꞋ wú tsɛt múk pɔ́.»

Mɑ́lɛ́kúshi 8:36

Pɛ́ lɑɑ ńzɛɛ ńtíi píimbí yɔ tsʉʉ ŋ́ɡɑ́ mbɔ̌ ŋu, lɑ́ ɛ́ pɔɔ pɔ́ yi ɛ́ ɡʉ ńdɔk pɔ tú yɛ́ pɔ́, mbɔ ɛ́ ɡʉ cẅɛ́lɛ́ wɛ́ nǔu kʉ̈ɔ́?

Lúkɑ́shi 12:5

Lɑ́ mɔ ɛ́sẅíi wʉ́ʉ ŋu ẅi pʉʉ ɡẅɛɛ nɛpɔ́k wɛ́: Pʉʉ pɔ́k pɔ ndɑꞋ Sɛ́ mbíꞋŋɡɔ ḿbɔ́ ɑ jẅí ŋu, ḿbɛn ŋ́kuꞋ nɛmɑꞋ wɛ́ tsɛt múk. Ɛ́ pɔ́Ꞌɔ lɑ́, n cú ŋɡɔ pʉʉ pɔ́k pɔ ndɑꞋ Sɛ́.

Pʉɔ-Lɔ́mɑ 6:6

Kɔɔ pɛkŋɛ likŋɛ ŋɡɔ: Pɛ́ kɑ tɛmtɛ Kɛlístɔ nɛ ndɛn ŋu ẅí ɑ kɑ pɔ́ nǔu pɛkŋɛ ŋ́kẅii nǔu tʉ́ mbɑ́ŋtɛ pɑ́ŋtɛ́nɛ, nɛpɔ́ yi mɛtʉʉ yúu mi ɛ́ kɑ pɔ́ nǔu pɛkŋɛ, ńtsʉ́ʉnɛ wɛkŋɛ pɛkŋɛ ɡɛ nu kɛpɔŋ, ɛ́ ɡʉ ḿmɛ pɛkŋɛ pɔɔ pɛn ḿbɔ́ pɛkwɑɑ-nu kɛpɔŋ pɔ́.

Pʉɔ-Lɔ́mɑ 8:13

Pʉʉ lɑɑ ńnɑ́ŋ nǔu ntɛ́ yi mbʉʉ yʉʉ sɛ́ ɛ́sẅíi wʉ́ʉ, mbɔ pʉʉ ɡʉ ḿpfútɛ, lɑ́ ŋ́kɛ́ ḿbɔ́ yi pʉʉ lɑɑ ńdɔk mɛtʉʉ-Zẅikŋɛ-Sɛ́ ḿbík mɑt kɛpɔŋ ẅi ɛ́ fúnɛ nǔu mbʉʉ, mbɔ pʉʉ ɡʉ ḿbɔ́ ɡú.

1 Kɔlɛ̂ŋtɛ 9:27

Mɔ sɛ́ ŋ́ɡẅɛɛ mbʉʉ yɑɑ pɑ́ꞋtɛꞋ, ŋ́kúꞋlɛ tɛ ńjí yúu mi ŋ ɡɛnɛ, ḿbɔ́k nɛcẅi Ŋkʉʉ Sʉ́Ꞌnɛ mbɔ̌ pʉɔ, pɛ́ pɛn ŋ́ɡɛ ḿbɑꞋnɛ wɑ́ɑ ŋ́ɡɑ́ nzʉʉ.

Ŋɡɑlɑ̂t 5:24

Pʉɔ pi pɔ́p pɛ́ Yɛ́su Kɛlístɔ kɑ ḿmɛꞋnɛ yúu kɛpɔŋ yi ɛ́ pɔŋnɛ mbʉʉ yɔp, pɔ́p minɛ mbʉʉ ɛ̂yɑ́ tsɑ́ɑnɛ, lɑ ɛ́ pɔ́ pɑ́Ꞌ ŋkɑ́ yi pɔ́p kɑ kẅii mbʉʉ ɛ̂yɑ́ nǔu tʉ́ mbɑ́ŋtɛ pɑ́ŋtɛ́nɛ lɑ́.

Kɔlɔsíyɛ̂ŋ 3:5

Pɑ́Ꞌ ɛ́ pɔ́Ꞌɔ lɑ́, pʉʉ jẅí mɑt kɛpɔŋ wɛ ndǔ tsɛ́tsɑ́Ꞌ ẅí ɛ́ nǔu pʉʉ. Pɛ́ cú yúu pɑ́Ꞌ mbɛ́ɛnɛ nɛfúŋ pɑŋɡɛ́, pɑŋɡɛ́ nɛlɔɔ mbɛ́ɛnɛ, yúu pɑ́Ꞌ nu-mpfuꞋ, yúu pɑ́Ꞌ tʉ́m-ŋu nɛnɑ́ŋ ɛ́shí, pɑ́Ꞌ nɛɡẅɛɛ yɛcɔ́ ntɛ́ nɛtsɑ́ɑ yúu, pɑ́Ꞌ nɛtík tʉ́m nǔu yúu, mbíꞋŋɡɔ nɛtík tʉ́m nǔu yúu, ɛ́ pɛn ḿbɔ́ pɔ yɛcɔ́ ntɛ́ nɛɡúꞋlɛ yúu ŋɡɔ ɛ́ Sɛ́.