19 Yɛ́su cú mbɔ̌ pɔ́p ŋɡɔ: «Pʉʉ tɔ́, ńcʉ́ɔ nzʉʉ mɔ, n dɔk wʉ́ʉ ŋ́ɡɛ pɑlɔɔ pʉɔmɛsɔŋ.»
Yɛ́su pɛn ńcú mbɔ̌ ɡɑŋku pɛ́ ŋɡɔ: Ŋu lɑɑ ŋ́ɡʉ ḿbɔ́ wɑ́ɑ ŋu, ɑ ɡwɑ́k túmbʉʉ yɛ́, ńtíi yɛ́ tʉ́ mbɑ́ŋtɛ pɑ́ŋtɛ́nɛ ńdɔk ḿbɛ́m nɛpfú, lɑ ńcʉ́ɔ nzʉʉ mɔ.
Yɛ́su pʉ̈ɔt mbɔ̌ wɛ́ ŋɡɔ: «Ɔ lɑɑ ḿbɔ́ ńdɔɔ nɛmɛkŋɛ ńdẅiklɛ, ɔ ɡʉ ɛ́fɛn yúu pinɛ ɔ ɡẅɛɛnɛ tsʉʉ, ŋ́ɡɑ́ ŋkɑ́p mbɔ̌ pɑkɛ́yúu, ŋ́ɡɔ́ɔ ŋ́kɛ́ ńdɑ́Ꞌ ŋ́ɡẅɛɛ yúu tʉʉndɛn tʉ́nɛ́pú. Gʉ ŋ́ɡɛ pɔ́Ꞌɔ, ḿbɛn ńtɔ́ ńcʉ́ɔ nzʉʉ mɔ.»
Yɛ́su ɡɛ ḿbɔ́ ńnɛn mbʉʉ nɛkʉŋ-ŋki-Ŋɡɑlilɛɛ, ńjʉ́ɔ pɔ́ɔpɛ́mɑ́ pɛ́pɑ́. Símɔ ẅí pɛ́ pɛnnɛ ɛ́fúŋ wɛ́ ŋɡɔ Pyɛ̂, mbɑ Ndɛlɛ́yɑ ẅí ɑ mɔ́ɔmɑ́ pɛ́ Símɔ ɛ̂wɑ́. Pɔ́p pɔ́ ḿmɑꞋ mɛŋkʉ ŋki. MbíꞋŋɡɔ pɔ́p ḿbɔ́ pɑmɑꞋshú.
Pɔ́p ɡɔ́ɔ ńnɑ́ mɛŋkʉ mɔ́p ńcʉ́ɔ nzʉʉ yɛ́.
Yɛ́su pʉ̈ɔt mbɔ̌ wɛ́ ŋɡɔ: «Cʉ́ɔ pɔ nzʉʉ mɔ, ńnɑ́ pɛpfú pɔ́p tẅíi pɛpfú pɔ́p.»
Yɛ́su fú zúꞋu ŋ́ɡʉ, ŋ́ɡɔ ńdɛɛ zʉꞋ yí pɛ́ cẅɛ́ɛnɛ ntsup-Pɑlɔ́mɑ zúꞋu, wɛcɔ́ ŋu nɑ́ŋ, lík yɛ́ pɔ́ ŋɡɔ Mɑtʉ̈ɔ. Yɛ́su cú mbɔ̌ wɛ́ ŋɡɔ: Tɔ́ pûu tsʉ́Ꞌnɛ ńnɛn. A lɔ sɛ́, ńcʉ́ɔ nzʉʉ yɛ́.
A pɔ́ ńnɛn, ńjʉ́ɔ Lɛ́vi mɔ́ɔ-Alfɛ̂, ɑ nɑ́ŋ zʉꞋ yi ɑ kɑ pɔ́ ńcẅɛ́ɛ ntsup pʉɔ-Lɔ́mɑ zúꞋu. Yɛ́su cú mbɔ̌ wɛ́ ŋɡɔ: «Tɔ́ pǔu tsʉ́Ꞌnɛ ńnɛn.» Lɛ́vi lɔ sɛ́ ńcʉ́ɔ nzʉʉ yɛ́.
Yɛ́su ɡɛ pɔ́Ꞌɔ ńcẅɛt ḿbɔ́ ŋ́ɡʉ, ńjʉ́ɔ wɛcɔ́ ŋu ẅi pɛ́ fúŋnɛ wɛ́ ŋɡɔ Lɛ́vi, ɑ pɔ́ ńcẅɛ́ɛntsup-Pɑlɔ́mɑ, ɑ nɑ́ŋ zʉꞋ pɛ́ cẅɛ́ɛnɛ ntsup-pʉɔ-Lɔ́mɑ zúꞋu. Yɛ́su cú mbɔ̌ wɛ́ ŋɡɔ: «Cʉ́ɔ nzʉʉ mɔ!»
Yɛ́su cú mbɔ̌ wɛcɔ́ ŋu ŋɡɔ: «Cʉ́ɔ nzʉʉ mɔ, puu tsʉ́Ꞌnɛ ńnɛn.» Ŋɡɑŋ cú ŋɡɔ: «Tɑ̌ɑ wɛk, piitɛ ńnɑ́ wɑ́ɑ ŋ ɡʉ nɛtẅíi tɑ̌ɑ mɔ.»
Njí ɡɛ ŋ́kiɛ, Yɛ́su zɑ́p ŋɡɔ ɑ ɡʉ ŋ́ɡʉ tsɛt pɑk-ŋɡɔŋ-Ŋɡɑlilɛɛ, ḿbɔ́ ŋ́ɡʉ, ḿbuutɛ Filîp, ńcú mbɔ̌ wɛ́ ŋɡɔ cʉ́ɔ nzʉʉ mɔ.
Ŋu lɑɑ ḿbɔ́ ɛ́fɑꞋ mbɔ̌ mɔ, ɑ cʉ́ɔ nzʉʉ mɔ. ZʉꞋ yí ŋ ɡʉnɛ zúꞋu lɑ́, ŋɡɑŋfɑꞋ wɑɑ ɡʉ ḿbɔ́ yɛ́ zúꞋu. Ŋu lɑɑ ḿbɔ́ ɛ́fɑꞋ mbɔ̌ mɔ, mbɔ Tɑ̌ɑ mɔ ɡʉ ŋ́ɡɛ ŋ́ɡɑ́ mɛkuꞋ mɛ́.
Yɛ́su tsɔ́Ꞌ mbɔ̌ wɛ́ ŋɡɔ: «N dɑɑ ŋ́kɔŋ ŋɡɔ ɑ pɔ́ pɔ ɡú tɛ n dɑ́Ꞌ ḿbɛn nzʉʉ, mbɔ yú nu nǔu ḿbɔ́ kʉ̈ɔ́? Cʉ́ɔ yú pɔ nzʉʉ mɔ.»
Lɑ́, líkcɔ́ ɛ́ fú nǔu pɑ́Ꞌ mɔ ŋ́kɑɑ pɛ́m pʉʉ tɑ́ŋ pɛ́ tú mɔ pɔ́, pɛcɔ́ pʉɔ tsɛtsɛt pʉʉ sɛ́ ńcú ŋɡɔ jínu yɑ́ɑ ɡú tɛꞋ, mɔ sɛ́ ńdɔk jínu lɑ ńcẅɛ́ɛ ŋkɑ́p mbɔ̌ pʉʉ.
