Mɑtʉ̈ɔ 4:11 - Kɑɑ Fí

¹¹ Sɑ́ttɑ ɡɔ́ɔ ŋ́kɛ́ ńnɑ́ Yɛ́su. Pɛcʉ̈ɔ́Ꞌ-Sɛ́ tɔ́, ḿbɔ́ ńniitɛ yúu ńdɔk ńdíŋɛ wɛ́.

Mɑtʉ̈ɔ 4:11 교차 참조

Mɑtʉ̈ɔ 26:53

Ɔ kɑ́ pɔ́ ńjí ŋɡɔ ɛ́ lɑ́Ꞌ ḿbɔ́ pɛ́Ꞌnɛ ḿbɔ́ nu-ntsɔ, mbɔ n dɑ́Ꞌ ɛ́fúŋ Tɑ̌ɑ mɔ ɑ ɡɔ́ɔ ńtúu pɛcʉ̈ɔ́Ꞌ pɛ́, tɛ pɔ́p lɛɛ ntsɑ́Ꞌ nɛ ntsɑ́Ꞌ.

Mɑtʉ̈ɔ 4:6

Ńcú mbɔ̌ wɛ́ ŋɡɔ: «Pɑ́Ꞌ ɔ mɔ́ɔ-Sɛ́ lɑ́, kít ńtʉ́ʉ sɛ́, mbíꞋŋɡɔ pɛ́ kɑ ŋwɑꞋnɛ tsɛt ŋwɑꞋnɛ-Sɛ́ ŋɡɔ: “Sɛ́ ɡʉ ɛ́sẅíi pɛcʉ̈ɔ́Ꞌ pɛ́ pɑ́Ꞌ pɔ́p ɡʉ ŋ́ɡɛ nǔu ɡu, pɔ́p ɡʉ ńdɔk mbɔ́ mɔ́p ńtíi wú tɛ ɔ pɔɔ tɛ́m ku yú nǔu ŋɡɔꞋ pɔ́.”»

Mɑ́lɛ́kúshi 1:13

Pɔ́p mɛyúumɛku pɔ́nɛ zúꞋu, ɑ nɑ́ŋ nɑ́ŋnɛ lɛ́Ꞌlɑ́Ꞌ mɛɡɛ́mɛ́nɛ́kwɑ, Sɑ́ttɑ pɔ́nɛ ńtɔ́ ŋ́kwɑꞋnɛ wɛ́ ŋɡɔ ɑ fɑɑnɛ nu. Pɛcʉ̈ɔꞋ-Sɛ́ pɔ́ ńtɔ́ɔtɛ wɛ́.

Lúkɑ́shi 22:43

Ńcú pɔ́Ꞌɔ, tɑ́Ꞌ Cʉ̈ɔꞋ-Sɛ́ tɔ́ ḿbɔ́ ńtɔ́ɔtɛ wɛ́.

Lúkɑ́shi 22:53

Lɑ́ mɔ, ŋ kɑ pɔ́ lɛ́Ꞌ tsʉʉ, ŋ́kɛ́ ḿbɔ́ pɔ tsɛtsɛt pʉʉ tsɛt ndɑ́-nɛnɔŋpɔꞋ, pʉʉ kɛ ḿbɔɔ lɔ́ɔ nɛɡẅɛɛ wɑ́ɑ pɔ́. Lɑ́, yʉʉ ŋkɑ́ pʉ́ɔ, mbɔ ɛ́ ɡɔ́ɔ mɔ́ ŋ́kɛ́ ŋ́kuꞋ, ḿbɔ́ ŋkɑ́ yi Fɔɔ-mɛnu-nzɛ́nzʉ́ʉ tɔ́ mɔ́ tɛ ḿbɔ́ ɛ́sɑ́Ꞌ lɑ́Ꞌ yɛ.»

Lúkɑ́shi 4:13

Sɑ́ttɑ kwɑꞋnɛ Yɛ́su tɛ ḿmik mɛntɛ́, ńjʉ́ɔ kɛ́kɑ́ŋ, ńnɑ́ wɛ́, ŋ́ɡʉ, ḿbɔ́ ńzẅíꞋlɛ ŋkɑ́ ndɛꞋ yi ɑ ɡʉ ŋ́ɡɛ ḿbɛn ńtɔ́ nǔu wɛ́.

Jɑ̂ŋ 14:30

«Tɛ fúnɛ ŋkɔ̂ɔnɛ pɛkŋɛ kɛ́ pɛn ŋ́ɡɛ ɛ́sẅíŋɛ pɔ́. Ɛ́ mbíꞋŋɡɔ fɔɔ ẅí ɑ sɑ́Ꞌnɛ yɔ píimbí sɛ́ ńtɔ́. A kɑ́ ɡẅɛɛ shʉ́ nɛɡɛ yúu nǔu mɔ pɔ́.»

1 Timɔtɛ́ɛ 3:16

Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.

Ɛ́bɛlʉʉ 1:14

Nu-pɛcʉ̈ɔ́Ꞌ-Sɛ́ zɛɛ pɑ́Ꞌɑ ḿbɔ́ kʉ̈ɔ́? Pɔ́p pɔ́ pɔ mɛzẅikŋɛ mi ɛ́ fɑꞋnɛ mbɔ̌ Sɛ́, ɑ sɛ́ ńtúu wɔ́p ŋɡɔ pɔ́p ɡʉ ɛ́fɑꞋ fɑꞋ yi ɛ́ ɡʉ cẅɛ́lɛ́ pʉɔ pi jʉ́ Sɛ́ ɡʉ ńtɑ́ɑ ŋ́ɡɛ pɔ́p luk.

Ɛ́bɛlʉʉ 1:6

Lɑ́ ɛ́ kɑ kɛ́ ŋ́ɡʉ ŋkɑ́ yi Sɛ́ kɑ pɔ́ ŋ́ɡʉ ŋ́ɡɛ Mɔ́ɔ nɛ ẅí jʉ́ pɔ́nɛ túmbi nǔu mbɑ kʉ̈ɔ́lɑ́ tɔ́ ndǔmbí, jʉ́ Sɛ́ cú ŋɡɔ: «Ɛ́ pɔŋ ŋɡɔ pɛcʉ̈ɔ́Ꞌ pɛ́ jʉ́ Sɛ́ pɛ́tsʉʉ ɡúꞋlɛ wɛ́,»