12 A ɡʉ ńtɔ́ ńtíitɛ yúu pinɛ pɛ́ lɑknɛ ŋkɑ́Ꞌ. ŃníꞋ yɛ sʉ́Ꞌnɛ tsɛt ŋkɛn. Ńtsʉ́Ꞌ kyɑŋɛ ḿbʉ̈ɔt tsɛt múk ẅi ɛ́ kɛ́ lɑ́Ꞌ ḿbɛ́ pɔ́.»
Pʉʉ nɑ́ pɔ́p yúu sʉ́Ꞌnɛ tɛmtɛ ŋ́ɡúꞋ tɛ ŋ́kúu ŋkɑ́ nɛlɔk yúu. Ɛ́ ḿbɔ́ ŋkɑ́ yîyɑ́ n cú mbɔ̌ pɑlɔk yúu ŋɡɔ pɔ́p piitɛ ńtsɔ́Ꞌ yúu kɛpɔŋ, ŋ́kútɛ mɛkɑ́Ꞌ mɛkɑ́Ꞌ pɑ́Ꞌ pɛ́ ɡʉ ńtɔɔ múk, ŋ́ɡʉ nǔu yúu sʉ́Ꞌnɛ pɔ́p lɑk ńníꞋ tsɛt ŋkɛn wɑ́ɑ.
Mɔ́ɔ-Ŋu ɡʉ ńdɑ́Ꞌ ńtúu pɛcʉ̈ɔ́Ꞌ pɛ́, pɔ́p fú tsɛtsɛt pʉɔ pɛ́ ńcẅɛɛtɛ ŋɡɑŋ ŋkwɑꞋnɛ mbɑ pʉɔ kɛpɔŋ,
ḿmɑꞋ wɔ́p tsɛt mɑ́mɑ́ múk, pɔ́p pɔ́ zúꞋu ḿbɔ́ ńdɑɑ, ḿbɔ́ ŋ́kwɛ́t mɛsɔŋ.
Ɛ́ ɡɔ́ ḿbɔ́ pɔ́Ꞌɔ, pʉɔ pínɛ pɔ́p zúꞋnɛnɛ Sɛ́ pɔ́ tsɛt ŋɡɔŋ ẅí Tɑ̌ɑ wɔp Sɛ́ sɑ́Ꞌnɛ, ḿbɔ́ ŋ́ŋwɑŋɛ pɑ́Ꞌ mɔ́nɛm lɑ́. Ŋu lɑɑ ŋ́ɡẅɛɛ mɛtúutɛ́ nɛlɔk ńzúꞋ nu ɑ zúꞋ.
Lɑ́ ɑ pʉ̈ɔt mbɔ́ pɔ́p pɛ́tsʉʉ ŋɡɔ: «Mɔ, ŋ ɡẅɛɛ yɑ́ɑ pɔ ndɑꞋ nɛnuꞋ wʉ́ʉ ŋki. Lɑ́ kwɑꞋ ŋu ɡwɛ́ sɛ́ ńtɔ́; ɑ lɛɛ wɑ́ɑ tɛꞋ, ŋ kɑ́ kuꞋ nɛkyɛ́Ꞌ mɛŋkʉ-mɛtɑp mɛ́ pɔ́. A ɡʉ ńtɔ́ ńníꞋ pʉɔ tsɛt mbɔ́-Zẅikŋɛ Lɛ́ɛnɛ́nɛ, ḿbɛn ńníꞋ pʉɔ tsɛt múk.»
A ɡʉ ńtɔ́ ɛ́fɑ́k yúu mi pɛ́ púꞋnɛ, ńníꞋ yi sʉ́Ꞌnɛ ŋkɛn, ńtsʉ́ꞌ kyɑŋɛ, ḿbʉ̈ɔt tsɛt múk ẅi ɛ́ ŋ́ɡʉ ńdɑ́Ꞌ ḿbɛ́ pɔ́.
«A njʉ́ɔ pɔ́tʉ́ ẅi ɛ́ lɑtnɛ́nɛ nǔu mɔ ḿbɔɔ ńzɛ́m ntɑ́ɑ pɔ́, ŋ́kʉ́ɔꞋ, ńtɔ́ nǔu yi ɛ́ sɛ́ ńzɛ́m mɛntɑ́ɑ, ńniitɛ ŋ́kwɑk yîyɑ́, ɛ́ tsuŋ ńzɛ́m mɛntɑ́ɑ sʉ́Ꞌnɛ.»
