25 Jẅidɑ, ŋɡɑŋmɛnɑŋ ɛ̂wɑ́, píkŋɛ yɛ́ Yɛ́su ŋɡɔ: «Cícɑ ɔ lɑ́Ꞌ wɑ́ɑ kɛkʉ̈ɔ́?» Yɛ́su pʉ̈ɔt mbɔ̌ wɛ́ ŋɡɔ: «Gu kɛ́ nɛ́ ńcú!»
Pɔ́p kɔŋ ŋɡɔ pɛ́ tʉ́ʉ zɑ́n, ńcɛꞋlɛ wɔ́p nɛ́ mɛkuꞋ, pʉɔ pɛn ńnɑ́ŋ ɛ́fúŋ wɔ́p nɛ́ cícɑ.»
Lɑ́ ŋ́ɡʉ nǔu pʉʉ, kɔɔ pʉʉ ɡɛ ŋɡɔ pɛ́ fúŋ wʉ́ʉ ŋɡɔ cícɑ, mbíꞌŋɡɔ pʉʉ pɔ́ pɔ́ɔpɛ́mɑ́, ḿbɛn ŋ́ɡẅɛɛ pɔ tɑ́Ꞌ cícɑ wɛ́mɔ́Ꞌ.
Wɛcɔ́ tɑ́Ꞌ ŋu nǔu pʉɔ ntsɔ̌ppɑ́ nɛ́ nɛɡɛ́m, lík yɛ́ pɔ́ Jẅidɑ Iskɑlyɔt, ɡʉ ńjʉ́ɔ pɛtɑ́tndɑ́-pɑnɔŋpɔꞋ,
Jẅidɑ tɔ́ ɛ́ pɔɔ lɑ́ɑtɛ ɑ ɡɔ́ɔ ńtsʉ́ʉtɛ mbʉʉ yɛ, ńtɔ́ nɛjɔ́ŋ Yɛ́su, ńcú ŋɡɔ: «Ndɛ, n cɛꞋlɛ,» ŋ́ɡɔ́ɔ ḿmɑ́ɑ wɛ́.
Yɛ́su tsɔ́Ꞌ mbɔ̌ wɛ́ ŋɡɔ: Ɔ cú, lɑ́ ŋ kɛ́ niitɛ ɛ́sẅíi wʉ́ʉ, tɛ ɛ́fú ŋkɔ̂ɔnɛ, pʉʉ ɡʉ ŋ́ɡɛ ńjʉ́ɔ Mɔ́ɔ-Ŋu nɑ́ŋ nǔu ɡúŋ-pɔ́ tʉʉ-Ŋɡɑŋ-mɛtʉʉ tsʉʉ, ḿbɛn ńjʉ́ɔ ɑ pɔ́ ɛ́fú tsɛt lɑ́ɑ tʉ́nɛ́pú ńtɔ́.»
Yɛ́su kúu mbi Ŋɡɔ́mnɑɑ Pilɑtɔ, ɑ píkŋɛ wɛ́ ŋɡɔ: «Ɔ fɔɔ-pɑyúdɑ ɔɔ?» Yɛ́su pʉ̈ɔt mbɔ̌ wɛ́ ŋɡɔ: «Ɔ cú pɔ́Ꞌɔ.»
Pɔ́p pɛtsʉʉ kɑ zúꞋ ńcú ŋɡɔ: «Ɔ lɔk ḿbɔ́ mɔ́ɔ-Sɛ́ pɔ?» Yɛ́su tsɔ́Ꞌ ŋɡɔ: «Ɛ́ cẅɛt pɔ ntsu pʉʉ, mɔ kwɑꞋ wɛ́t.»
Pilɑ́tɔ píkŋɛ wɛ́ ŋɡɔ: «Ɔ lɔk ḿbɔ́ fɔɔ pɔ́ ɔɔ?» Yɛ́su tsɔ́Ꞌ ŋɡɔ: «Gu cúnɛ pɔ́Ꞌɔ, mɔ fɔɔ. ZúꞋ yúu mi ɛ́ kɑ ɡɛnɛ pɛ́ pí wɑ́ɑ, ḿbɛn ńzúꞋ yúu mi ɛ́ kɑ ɡɛnɛ n tɔ́ ndǔmbí. Ŋ kɑ tɔ́ nɛcú yúu mi n jínɛ nǔu nu nɛ́nẅín. Ŋu pɔ́ nǔu nu nɛ́nẅín, ńzúꞋ ŋɡi yɑɑ.»
Ŋ́ɡɔ ńtɔ́ pɔ́Ꞌɔ, ɡɑŋku pɛ́ pɔ́ ńdẅɑklɛ wɛ́ ńcú ŋɡɔ: «Cícɑ, kwɛ́t mɔ́yúu lɑ́.»
