23 Yɛ́su pʉ̈ɔt mbɔ̌ pɔ́p ŋɡɔ: «Ŋu ẅí pɔ́ yɛ́kŋɛ ɡʉ ḿbuutɛ tsɛt kɑ́ŋ, ɑ ŋu ẅí ɑ ɡʉ ɛ́fɛn wɑ́ɑ.»
Pɔ́p zúꞋ, ḿbuu ḿmʉk, mbɑ wɔ̌ lɑ́ tsɛtsɛt pɔ́p píkŋɛ ŋɡɔ: «Ndɛ, ḿbɔ́ ɛ́ pɔ́ mɔ?»
Ŋ kɛ ńcú pɑꞋnɛ ŋu ẅí ɑ ɡɛ ɛ́fɛn wɑ́ɑ pɔ́ pɔ zɑꞋnɛ tɛ pɛkŋɛ pɔ́ tɛmtɛ ńjʉ́ yúu.
Ŋ kɑ́ kɛ́ ńcú yɔ nu mbɔ̌ pʉʉ pɛtsʉʉ pɔ́, mɔ sɛ́ ńjí pʉɔ pí ŋ kɑ tsɔ́Ꞌnɛ wɔ́p. Lɑ́ ɛ́ pɔŋ ŋɡɔ yúu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-ndɛn kɑɑ puutɛ. Pɛ́ kɑ ŋwɑꞋnɛ ŋɡɔ ŋu ẅí pɛkŋɛ sɛ́ ńtɛmtɛ yúu pɛjʉ́ ńjʉ́ kɑ tsʉ́Ꞌnɛ ŋɡɑŋmbuu wɑɑ.
