Mɑtʉ̈ɔ 24:9 - Kɑɑ Fí

⁹ Pɛ́ ɡẅɛɛ wʉ́ʉ ŋ́ɡɑ́ pɛ́ nyɛt wʉ́ʉ nɛ́ ŋɡʉ̈ɔ́Ꞌ, ŋ́ɡɛ pɛ́ jẅí wʉ́ʉ. Mɛlɑ́Ꞌ tsʉʉ ɡʉ ńdɑ́Ꞌ ḿbuu ḿbɑɑ wʉ́ʉ mɛlɑ́Ꞌ wɑ́ɑ.

Mɑtʉ̈ɔ 24:9 교차 참조

Mɑtʉ̈ɔ 22:6

Pɛcɔ́ ɡẅɛɛ pɛtsiindɑ́ fɔɔ ɛ̂pɑ́, ŋ́ɡɑ́ɑnɛ wɔ́p, ńjẅítɛ wɔ́p.

Mɑtʉ̈ɔ 23:34

Pʉʉ kɛ́ ńzúꞋ, ŋ ɡʉ ŋ́ɡɛ ńtúu pɛŋɡɛ́mndʉ̈ɔ́Ꞌ-Sɛ́, pɔ́p pɑjínu, pɔ́p pɑkyɛ́ꞌtɛ ŋwɑꞋnɛ-Sɛ́. Pʉʉ jẅítɛ pɛcɔ́, ŋ́kẅii pɛcɔ́ nǔu tʉ́ mbɑ́ŋtɛ pɑ́ŋtɛ́nɛ, ńtswɑ́ɑ pɛcɔ́ nɛ́ mɛŋɡwɑɑ tsɛt mɛndɑ́-cúꞋlɛ mʉ́ʉ, ɛ́fú mɛtʉ́sɔŋ mɛtʉ́sɔŋ ńnɑ́ɑ wɔ́p.

Lúkɑ́shi 11:49

Mbɔ Sɛ́ kɑ zɑ́Ꞌ njí ńdɔk jínu yɛ́ ńcú ŋɡɔ: «Ŋ ɡɛ túu pɛŋɡɛ́mndʉ̈ɔ́Ꞌ pɑ́ɑ tɛ mbɑ pɛɡɑŋntúu pɑ́ɑ mbɔ̌ pɔ́p, pɔ́p ɡɛ ŋ́ɡẅɛɛ pɛcɔ́ jẅítɛ, ńnyɛt pɛcɔ́ nɛ́ ŋɡʉ̈ɔ́Ꞌ.»

Lúkɑ́shi 21:12

Mɔnɛ mɛnu ɡʉ ńzɛɛ ńdɑ́Ꞌ ŋ́ɡɔ ńtɔ́, pʉʉ piitɛ ńjʉ́ɔ pɛ́ ɡẅɛɛ wʉ́ʉ, ńnyɛt wʉ́ʉ nɛ ŋɡʉ̈ɔ́Ꞌ, ɛ́fɛn wʉ́ʉ, pɛ́ ŋɑk wʉ́ʉ mɛndɑ́-cúꞋlɛ-Pɑyúdɑ, ńníꞋ wʉ́ʉ tsɑ́ŋ. Pɛ́ ɡʉ ńdɑ́Ꞌ ŋ́ŋɑk wʉ́ʉ mbi pɛfɔɔ pɔ́p pɛŋɡɔ́mnɑɑ, mbíꞋŋɡɔ pʉʉ zúꞋ ntsu wɑ́ɑ.

Jɑ̂ŋ 15:18

«Pʉɔ-ndǔmbí lɑɑ ḿbɔ́ ḿbɑɑ wʉ́ʉ, pʉʉ jí ŋɡɔ pɔ́p kɑ piitɛ ḿbɑɑ wɑ́ɑ ɡúu.»

Jɑ̂ŋ 15:21

«Pɔ́p ɡʉ ŋ́ɡɛ pɔ́Ꞌɔ nǔu pʉʉ mbíꞋŋɡɔ pʉʉ pʉɔ pɑ́ɑ, pɔ́p pɛn ŋ́kɛ́ ḿbɔɔ ḿbɔ́ ńjí ŋu ẅí ɑ kɑ túunɛ wɑ́ɑ pɔ́.»

Jɑ̂ŋ 16:2

Pɛ́ ɡʉ ŋ́ɡɛ ɛ́fú tsɛt mɛndɑ́-cúꞋlɛ-Pɑyúdɑ ńzuŋ wʉ́ʉ. Ɛ́ pɔɔ pɔ́ pɔ ndɑꞋ pɔ́Ꞌɔ pɔ́. Ŋkɑ́ sɛ́ ŋ́kuꞋ pɑ́Ꞌ ŋu ɡʉ ŋ́ɡɛ ḿbɔ́ ńjẅí tɑ́Ꞌ ŋu tsɛtsɛt pʉʉ, ŋ́kwɑŋɛ ŋɡɔ ɑ nɔŋ pɔ pɔꞋ mbi Sɛ́.

ŊwɑꞋnɛ-Gɑŋntúu Yɛ́su Kɛlístɔ 28:22

Lɑ́ pɛk sɛ́ ŋ́kɔŋ ŋɡɔ ɔ tsuŋ ŋ́kyɛ́Ꞌtɛ yúu mi ɛ́ lɔ́ŋ wu ɛ́sẅíi wɛ́k. Pɛk cú pɑ́Ꞌɑ lɑ́ ŋ́kɛ́ ńzɛɛ ḿbɔ́ ńjí ŋɡɔ pɛ́ mbɑ ɡɔ́ lɑ́, ɛ́sẅíŋɛ pɔ kɛpɔŋ nǔu pɑfɑk mbʉʉ pi ɔ nǔu lɑ́.

ŊwɑꞋnɛ-Gɑŋntúu Yɛ́su Kɛlístɔ 7:59

Pɔ́p kɑ ɡɔ́ ḿbɔ́ ńdɔk mɛŋɡɔꞋ ńtɛ́mtɛ Ɛtiyɛ̂n, ɑ cɛꞋlɛ Sɛ́ ńcú ŋɡɔ: «Tsɑpʉɔ Yɛ́su, zẅikŋɛ yɑ́ɑ pʉ́ɔlɑ́ nǔu mbɔ́ mú.»

1 Pyɛ̂ 4:16

Lɑ́ ḿbɔ́ yi ŋu lɑɑ ŋ́ɡɔ́ ńjʉ́ɔ ŋɡʉ̈ɔ́Ꞌ, ɛ́ pɔ́ ŋɡɔ ɑ ŋu-Kɛlístɔ, kɔɔ ŋɡɑŋ kɔ́ sʉ́ʉ. Tɛ ńtsʉ́Ꞌ pɔ́Ꞌɔ, ɑ ɡúꞋlɛ pɔ Sɛ́ mbíꞋ lík-Kɛlístɔ yi ɑ ɡẅɛɛnɛ.

Mɛnu ɛ́ ńdɑ́Ꞌ ńcẅɛt 2:10

Ɛ́ nɛ́nẅín ŋɡɔ pʉʉ ɡʉ ńjʉ́ɔ ŋɡʉ̈ɔ́Ꞌ, lɑ́, kɔɔ pʉʉ kɛ́ ḿbɔ́k. Pʉʉ jí ŋɡɔ Sɑ́ttɑ ɡʉ ḿmɑꞋ pɛcɔ́ pʉɔ pʉ́ʉ ndɑ́tsɑ́ŋ nɛlɔk ŋ́kwɑꞋlɛ wʉ́ʉ ńjʉ́ɔ. Pʉʉ jʉ́ɔ ŋɡʉ̈ɔ́Ꞌ jʉ́ɔnɛ nǔu lɛ́Ꞌ lɑ́Ꞌ nɛɡɛ́m. Pʉʉ kɛ́ ńjí pɔ ndɑꞋ wɑ́ɑ, tɛ mbɑ pɑ́Ꞌ pɛ́ lɑɑ ḿbɔ́ ńjẅítɛ wʉ́ʉ ntɛ́ pɔ́Ꞌɔ. Mɔ, ŋ ɡʉ ńdɑ́Ꞌ ńtɔꞋ ŋɡúꞋ yʉʉ, ɛ́ pɔ́ pɑ́Ꞌ pʉʉ ɡʉ ńdɑ́Ꞌ ḿbɔ́ pɔ ɡú.

Mɛnu ɛ́ ńdɑ́Ꞌ ńcẅɛt 2:13

Mɔ sɛ́ ńjí zʉꞋ yi pʉʉ nɑ́ŋnɛ zúꞋu. KɔꞋ-nɛfɔɔ-Sɑ́ttɑ tʉ́ʉ zúꞋu lɑ́, ŋ kɛ́ ḿbɔ́ ńjí ŋɡɔ pʉʉ tsuŋ ńcʉŋɛ pɔ nǔu mɔ. Pʉʉ ŋkɑɑ mɔ́ nɑ́ nɛzɑ́p tʉ́m nǔu mɔ pɔ́, tɛ mbɑ nǔu mɛlɛ́Ꞌ mi pɛ́ kɑ jẅínɛ Aŋntipɑs lɑ́Ꞌ pʉʉ, nǔu zʉꞋ yi Sɑ́ttɑ nɑ́ŋnɛ zúꞋu. Aŋntipɑs kɑ pɔ́ ŋu ńcú yɛ́ pɔ ndɑꞋ nu yi ɑ jínɛ nǔu mɔ.

Mɛnu ɛ́ ńdɑ́Ꞌ ńcẅɛt 7:14

N tsɔ́Ꞌ ŋɡɔ, Ndɛ, ɡu jínɛ. A cú ŋɡɔ pɔ́p pʉɔ pi pɔ́p fúnɛ tsɛt mɑ́mɑ́ ŋɡʉ̈ɔ́Ꞌ yɑ́. Pɔ́p kɑ lɔk mɛci-mɔ́ɔ-Njinjɔ, ɛ́suk mɛndẅí mɔ́p tɛ ɛ́ lɛ́ɛnɛ, ńtsʉ́Ꞌ fúfú.