21 MbíꞋŋɡɔ ŋɡʉ̈ɔ́Ꞌ yi ɛ́ ɡʉ ńdɑ́Ꞌ ŋ́kúu pʉɔ, ɡʉ ńdɑ́Ꞌ ńzɑ́ɑ tɛꞋ, tɛ mbɔ pɛ́ ŋkɑɑ mɔ́ jʉ́ɔ yɛcɔ́ pɔ́Ꞌɔ pɔ́, tɛ ɛ́fú pɑ́Ꞌ Sɛ́ kɑ nɔŋnɛ ŋɡɔŋ, ŋ́ɡʉ ŋ́kúu ŋkɔ̂ɔnɛ, pɛ́ kɛ́ mbɔɔ lɑ́Ꞌ ḿbɛn ńjʉ́ɔ yɛcɔ́ pɔ́Ꞌɔ, pɔ́.
Pʉʉ cɛꞋlɛ Sɛ́ ŋɡɔ kɔɔ nɛkʉɔ ɛ̂yɑ́ lɑ́Ꞌ ḿbɔ́ ŋkɑ́ cɛpcɛp mbʉŋ, kɛ pɔ lɛ́Ꞌnji ɔɔ.
Mîmɑ́ mɛlɛ́Ꞌ ŋɡʉ̈ɔ́Ꞌ ɡʉ ńdɑ́Ꞌ ŋ́ɡɔ́ ńdɛɛ, nɛm shɔtnɛ sʉ́ʉ, sɑŋ pɔɔ pɛn ńtɑ́ pɔ́, pɛcɔ́Ꞌ-sɑŋ fú tʉ́ nɛpú ḿvutɛ sɛ́, mbɑ kʉ̈ɔ́ lɑ́ yi ɛ́ nɛpú puu ɛ́sɑtnɛ.
Pʉʉ lɑk tú yʉ́ʉ, pɛ́ ɡʉ ŋ́ɡɛ ńdɔk wʉ́ʉ ŋ́ɡʉ zʉꞋ yí pɛ́ zɑ́Ꞌnɛ ntsɑŋ zúꞋu, ńtswɑ́ɑ wʉ́ʉ mbɑ tsɛt mɛndɑ́-cúꞋlɛ-pɑyúdɑ, ńdɔk wʉ́ʉ ŋ́ɡʉ mbi pɛŋɡɔ́mnɑɑ pɔ́p pɛfɔɔ-mɛlɑ́Ꞌ mɔnɛ, ŋɡɔ pʉʉ sẅíi nu yɑ́ɑ mbi pɔ́p.
Pɛ́ lɔk mɛníi-ntsɔ ŋ́ɡwɑt pʉɔ, ŋ́ɡẅɛɛ pɛcɔ́, ɛ́sɑt mɛlɑ́Ꞌ mɛlɑ́Ꞌ pɔ́p tsʉ́Ꞌ pɛkwɑɑ. Yɔ ntɛ́ yi pʉɔ mɛlɑ́Ꞌ mi pɔ́p kɑ́ jí Sɛ́ pɔ́, ɡʉ ńdɑ́Ꞌ ḿbuu ɛ́sɑt Yɛlúsɑlɛm pɔ́Ꞌɔ, ńnɔꞋ pʉɔ zúꞋu tɛ yɔ́p ŋkɑ́ lɑ́Ꞌ ḿmɛ.
Pɔ́p sɛ́ ɛ́sɑ́Ꞌ tʉʉ ńtɔꞋ wɛ́k nɛsẅíi nu-Sɛ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ḿbɔ́k pɑ́Ꞌ ɛ́ ɡʉ ŋ́ɡɛ pɔ́p luk. Ɛ́ pɔ́Ꞌɔ, ńdɔk ŋ́kẅiꞋ ndɛnnú kɛpɔŋ yɔ́p kẅiꞋnɛ. Sɛ́ kɑ kɛ́ ńzɑ́ŋ lɔ́ŋ tɛ ńzɑ́p pɔ́ yɛ́ nǔu pɔ́p.
Mɛnɛ́ɛ-mbʉŋ kyɛꞌ zʉꞋ, pɛ́ zúꞋ mɛŋɡi-pʉɔmɛsɔŋ, nɛfɑŋ kwɛnɛ ŋkɑ́ nɛ́ ŋkɑ́, tsɛ́tsɑ́ꞌ tsʉꞋnɛ tɛꞋ, mbɔ tɛ fúnɛ pɑ́Ꞌ ŋumɛsɔŋ ndǔ tsɛ́tsɑ́Ꞌ, ɛ́ ŋkɑɑ mɔ́ kɑ́ tsʉꞋnɛ pɔ́Ꞌɔ pɔ́.
N tsɔ́Ꞌ ŋɡɔ, Ndɛ, ɡu jínɛ. A cú ŋɡɔ pɔ́p pʉɔ pi pɔ́p fúnɛ tsɛt mɑ́mɑ́ ŋɡʉ̈ɔ́Ꞌ yɑ́. Pɔ́p kɑ lɔk mɛci-mɔ́ɔ-Njinjɔ, ɛ́suk mɛndẅí mɔ́p tɛ ɛ́ lɛ́ɛnɛ, ńtsʉ́Ꞌ fúfú.
