Mɑtʉ̈ɔ 22:12 - Kɑɑ Fí

¹² A cú mbɔ̌ wɛ́ ŋɡɔ: «Súu wɑɑ, ɔ ɡɛ ŋɡɔ́ku ŋ́kúu zɑꞋnɛ kɛ́ mɑꞋ ndẅí lɑ́ɑndɑ́?» Ŋu ɛ̂wɑ́ pɔɔ jí nu yí ɑ ɡʉ ńcú pɔ́.

Mɑtʉ̈ɔ 22:12 교차 참조

Mɑtʉ̈ɔ 20:13

Ŋɡɑŋkɑ́Ꞌ tsɔ́Ꞌ mbɔ̌ wɛcɔ́ tɑ́Ꞌ ŋu nǔu pɔ́p ŋɡɔ: «Súu wɑɑ, ŋ kɑ́ fɑɑnɛ yɛcɔ́ nu mbɔ̌ ɡu pɔ́. Pûu lɑ́Ꞌ ńniitɛ tɛ ḿbɔ́ tɑ́Ꞌ ŋu, pɑ́Ꞌ ɔ ɡʉ cẅɛ́ɛ tɑ́Ꞌ pɑk-ŋkɑ́p nǔu lɛ́Ꞌlɑ́Ꞌ.»

Mɑtʉ̈ɔ 26:50

Yɛ́su tsɔ́Ꞌ mbɔ̌ wɛ́ ŋɡɔ: «Súu wɑɑ, ɡɛ pɔ yúu mi ɔ tɔ́nɛ nɛɡɛ.» Lɑ́Ꞌ ɡɔ́ɔ ŋ́kɛ́ ńtɔ́ ŋ́ɡẅɛɛ Yɛ́su.

Mɑtʉ̈ɔ 5:20

Ɛ́ yɛ́tɛ́ lɑ n cúnɛ mbɔ̌ pʉʉ ŋɡɔ: «Pʉʉ lɑɑ mbɔɔ ɡẅɛɛ nɛpʉ́ʉ sʉ́Ꞌnɛ ńdɛɛ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pɑfɑlísɑy pɔ́, mbɔ pʉʉ kɛ́ lɑ́Ꞌ ŋ́kúu nǔu nu-nɛfɔɔ-Sɛ́ pɔ́.»

Pʉɔ-Lɔ́mɑ 3:19

Mɔnɛ mɛnu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-nɛpʉ́ʉ-Sɛ́, pɛkŋɛ pɛn ńjí ŋɡɔ nu tsʉʉ yí nɛpʉ́ʉ cúnɛ, m biitɛ ńcú mbɔ̌ pɑyúdɑ pi nɛpʉ́ʉ ɛ̂nɑ́ sɑ́Ꞌnɛ wɔ́p. Pɑ́Ꞌ pɔ́p pɛn ḿbɔ́ yɔ́p pɔ ɡɑŋ-mɛfɑɑnɛ lɑ́, ntsu mbɑ wɛ́tɛ́ ŋumɛsɔŋ lɑ́, ɡʉ ńjʉ́ɔꞋnɛ, mbɑ wɔ̌ lɑ́ pɛn tʉ́ʉ mbi Sɛ́ ḿbɔ́ pɔ ŋu ẅí ɑ vunɛ ntsɑŋ.

1 Kɔlɛ̂ŋtɛ 4:5

N dɔk pɔ́Ꞌɔ, ɛ́sẅíi wʉ́ʉ ŋɡɔ kɔɔ pʉʉ zɑ́Ꞌ njí ńcú nu nǔu fɑꞋ-ŋu kɛ́ pɔ́ yi ŋkɑ́ kuꞋ. Kɛ́ pɔ́ yi Tsɑpʉɔ tɔ́ mɔ́. Jʉ́ ŋ́ɡɛnɛ ŋ́kyɛꞋ mbɑ kʉ̈ɔ́ lɑ́ yi ɛ́ tsɛt nzɛ́nzʉ́ʉ. A ŋ́ɡɛ ŋ́ɡɛ pɛ́ jʉ́ɔ mɛŋkwɑŋɛ mi ɛ́ tsɛt mɛtʉ́m-pʉɔ. Pɔ́Ꞌɔ lɑ́, Sɛ́ kɛ́ ŋ́ɡɑ́ tsɔ́ꞋfɑꞋ mbɑ wɔ̌ lɑ́ nǔu ntɛ́ yi ɛ́ sɛ́ ḿbíkŋɛ ŋɡɔ ŋɡɑŋ ɡẅɛɛ.

Tîtɛ 3:11

Ɔ jí ŋɡɔ ntɛ́ ŋu pɔ́Ꞌɔ kɑ́ pɛn ḿbɔ́ nǔu sɛ̂ndúŋ-Sɛ́ pɔ́, ḿbɔ́ ŋɡɛmɛnu kɛpɔŋ. Mɛnu kɛpɔŋ mɛ́ sɛ́ ŋ́ɡɛ ŋɡɔ ɑ vu ntsɑŋ mbi Sɛ́.