24 Yɛ́su tsɔ́Ꞌ mbɔ̌ pɔ́p ŋɡɔ: «Mbɑ mɔ yɑ́ɑ ŋ ɡʉ ḿbíkŋɛ wʉ́ʉ nɛ́ tɑ́Ꞌ nu. Pʉʉ pʉ̈ɔt mbɔ̌ mɔ, ŋ ɡɔ́ɔ ŋ́kɛ́ ɛ́sẅíi wʉ́ʉ kwɑꞋ nɛ́ ŋu ẅí ɑ kɑ túunɛ wɑ́ɑ nɛɡɛ mɔnɛ mɛnu.»
Tsuŋnɛ ńzúꞋ n túu wʉ́ʉ pɔ pɑ́Ꞌ ɛ́ lɑɑ ḿbɔ́ pɛ́ túu mbí tsɛtsɛt mɛnɑɑŋɡwɛ. Pʉʉ kɛ́ ŋ́ɡɔ́ ńnɛn ńdʉ́ɔꞋ pɑ́Ꞌ nɔ́, ḿbɛn ḿbɔ́ pɛmbúꞋ pɑ́Ꞌ puutɛ lɑ́.
Yɛ́su pɛn ḿbɛn tsɛt zʉꞋ-nɔŋpɔꞋ tɛ ńzɛ nɛzíꞋ pʉɔ nɛ́ nu-Sɛ́, pɛtɑ́tndɑ́-pɑnɔŋpɔꞋ pɔ́p pɛlʉ́m tsɛt lɑ́Ꞌ tɔ́ ḿbíkŋɛ wɛ́ ŋɡɔ: «Ɔ lɔk lík wɔ̌ ŋ́ɡɛ mɔnɛ mɛnu? KwɑꞋ wɔ̌ túunɛ wú ŋɡɔ ɔ ɡɛ pɔ́Ꞌɔ?»
Wɔ̌ kɑ túunɛ Jɑ̂ŋ nɛnuꞋ pʉɔ ŋki? Sɛ́ kɛ ŋumɛsɔŋ? Pɔ́p zúꞋ, ŋ́kwɑŋɛ tsɛtsɛt pɔ́p ŋɡɔ: «Pɛkŋɛ lɑɑ ŋɡɔ Sɛ́ kɑ túunɛ wɛ́, mbɔ ɑ ɡʉ ḿbíkŋɛ wɛkŋɛ ŋɡɔ tɛ mɛlɑ́Ꞌ kʉ̈ɔ́ pɛkŋɛ ŋ́kɑɑ pɛ́m nu yí Jɑ̂ŋ kɑ pɔ́ ńcú pɔ́ ɔɔ?»
Yɛ́su cú mbɔ̌ pɑkyɛ́Ꞌtɛ ŋwɑꞋnɛ-Sɛ́ pɔ́p pɑfɑlísɑy ŋɡɔ: «Ŋ ɡʉ ḿbíkŋɛ wʉ́ʉ tɑ́Ꞌ nu. Ɛ́ pɛꞋnɛ nɛpʉ́ʉ nɛkŋɛ ńcú ŋɡɔ pɛ́ ɡɛ kʉ̈ɔ́ lɛ́Ꞌnji yɛkŋɛ? Ŋɡɔ pɛ́ ɡɛ nu sʉ́Ꞌnɛ kɛ nu kɛpɔŋ? Ŋɡɔ pɛ́ ɡɛ ŋu fíitɛ kɛ pɔ ŋɡɔ pɛ́ jẅí wɛ́?»
Pʉʉ pɔ́ ŋkɑ́ tsʉʉ ŋ́ɡẅɛɛ pɔ ntsu-ŋɡwɑ́ŋ, ńcú pɔ nu yi ɛ́ ɡʉ ńcẅɛ́lɛ́, ńtsɔ́Ꞌ nu mbɔ̌ ŋu pɔ pɑ́Ꞌ ɛ́ zɛɛ ḿbɔŋ ŋɡɔ pɛ́ tsɔ́Ꞌ.
