8 Ŋkɑ́ nɛtsɔ́Ꞌ fɑꞋ kuꞋ, ŋɡɑŋkɑ́Ꞌ cú mbɔ̌ ŋu ẅí ɑ líŋɛ́nɛ yúu pɛ́ ŋɡɔ: «Fúŋ ɡɑŋfɑꞋ, ŋ́ɡɑ́ ŋkɑ́p yɔp, zɛ nǔu pʉɔ pínɛ ɛ fúŋnɛ wɔ́p nǔu fɑꞋ pɔ nzʉʉ lɑ́, ŋ́ɡʉ ŋ́kúu nǔu pʉɔ pínɛ n dɑ́Ꞌ ńzɛ nǔu pɔ́p.»
Pɔ́p pʉ̈ɔt ŋɡɔ: «Ɛ́ ɡɔ́ ḿbɔ́, mbɔ wɛcɔ́ ŋu kɑ́ fúŋ wɛ́k nǔu fɑꞋ pɔ́.» A cú mbɔ̌ pɔ́p ŋɡɔ: «Pʉʉ ɡʉ yʉ́ʉ ŋkɑ́Ꞌ mɔ ɛ́fɑꞋ fɑꞋ.»
Pʉɔ pínɛ pɔ́p zɛ yɔ́p fɑꞋ nǔu nɛm yɛ́tɑ́ɑ ntsuŋkẅɛ́Ꞌ tɔ́, pɛ́ ɡɑ́ tɑ́Ꞌ pɑk-ŋkɑ́p mbɔ̌ mbɑ wɔ̌ lɑ́ nǔu pɔ́p.
Ntí nɑꞋ ɛ́sɑk, tɑ́t pɛ́ ɡɑŋfɑꞋ pɔnɛ pɛ́tɑ́t pɛn nzʉʉ, ɛ́fúŋ wɔ́p ḿbíkŋɛ pɑ́Ꞌ pɔ́p kɑ tsʉ́Ꞌnɛ ŋ́ɡɛ nǔu ŋkɑ́p pɔ́Ꞌɔ.
Mɔ́ɔ-Ŋu ɡʉ ḿbɔ́ tɛ ńtɔ́ tsɛt nɛɡúꞋ wɛ, tɛ pɔ́p pɛcʉ̈ɔ́Ꞌ pɛ́ pɔ́nɛ, ɑ nɑ́ŋ ndǔ kɔꞋ yɛ́, ḿbɔ́ fɔɔ ẅí yɛcɔ́ yúu kɑ́ tsɑ wɛ́ pɔ́.
Pʉʉ lɑɑ ḿbiitɛ tɛ ŋ́kúu tsɛt ndɑ́, pʉʉ nɑ́ŋ pɔ tsɛt ndɑ́ ɛ̂yɑ́, pʉʉ pɑ́ɑ nɛpɛn ŋ́ɡʉ yɛcɔ́ zʉꞋ ndɛꞋ, pɛ́ ɡɑ́ mbɑ kʉ̈ɔ́ lɑ́ zúꞋu pʉʉ kwɛ́t, ḿbɛn ńnɔ́, kɛ́ kɔ́ sʉ́ʉ, mbíꞋŋɡɔ ŋu lɑɑ ɛ́fɑꞋ fɑꞋ, mbɔ ɑ ɡɛ ńjʉ́ pii-fɑꞋ.»
Yɛ́su tsɔ́Ꞌ mbɔ̌ wɛ́ ŋɡɔ: «ŊɡɑŋfɑꞋ wɛ nɛ́nẅín, ẅi ɑ ɡẅɛɛnɛ jínu, ɑ pɛꞋnɛ ḿbɔ́ wɛ́t? ŊɡɑŋfɑꞋ ẅi tɑ̌ɑfɑꞋ ŋ́ɡɛ ŋ́ɡɔ́ ŋ́ɡʉ, ńcú mbɔ̌ wɛ́ ŋɡɔ: FɑꞋ yi n nyɛtnɛ mbɔ̌ ɡu pʉ́ɔ lɑɑ, tsʉ́Ꞌ ŋ́ɡɑ́ yúujʉ́ mbɔ̌ pɛcɔ́ ɡɑŋfɑꞋ nǔu ŋkɑ́ yi ɛ́ sɛ́ ḿbíkŋɛ?»
ŋ́ɡɛ Jɑ̂ɑnɛ, nzwɛ́-Shuzɑ ẅi ɑ ḿbɔ́nɛ mbyɛ́pntɑŋ-fɔɔ Ɛlɔ̂dɛ, tɛ mbɑ Susɑ́nɑɑ, ŋ́ɡɛ pɛcɔ́ pɑŋɡɛ́. Pɔ́p pɛ́tsʉʉ pɔ́ nzʉʉ Yɛ́su ńdɔk mɛyúu mi pɔ́p ɡẅɛɛnɛ ńtɔ́ɔtɛ Yɛ́su pɔ́p ɡɑŋku pɛ́ nǔu fɑꞋ yɔ́p.
mbíꞋŋɡɔ ɛ́ sɛ́ ḿbíkŋɛ ŋɡɔ pɛkŋɛ pɛtsʉʉ lɛɛ mbi Kɛlístɔ ɑ ŋɑk wɛkŋɛ, ɛ́ lɛɛ pɔ́Ꞌɔ, mbɑ wɔ̌ lɑ́ cẅɛ́ɛ yɛ tsɔ́ꞋfɑꞋ nǔu yúu mi ɑ kɑ ɡɛnɛ, ɛ́ pɔ́ yi sʉ́Ꞌnɛ kɛ yi kɛpɔŋ ɔɔ, ŋkɑ́ yi ɑ kɑ pɔ́nɛ tsɛt yîyɑ́ mbʉʉ.
N cú mbíꞋŋɡɔ, Pɑ́Ꞌ ŋu ẅí ɑ fɑꞋnɛ fɑꞋ-Sɛ́ lɑ́, ɛ́ kɑ́ pɔ́ ḿbíkŋɛ ŋɡɔ ŋu ẅí ɑ líŋɛ́nɛ cúꞋlɛ-pʉɔ-Kɛlístɔ pɔ́ ŋu ẅí pɛ́ kẅíinɛ lík yɛ́ kɛpɔŋ pɔ́. Kɔɔ ɑ pɔ́ ŋɡɑŋ nyɛt mbʉʉ, kɔɔ ɑ nɑ́ŋ ńzɑ́ŋ lɔ́ŋ, kɔɔ ɑ mɑꞋ mbʉʉ yɛ nǔu mɛluꞋ, kɔɔ ɑ pɔ́ ŋu ɡɑ́Ꞌlɛ́nɛ, kɔɔ ɑ lɔk ɡɑ́tɛ ńdɔɔ ŋkɑ́p.
ɛ́ ndʉ́ŋndʉŋ pɑ́Ꞌ ɑ kɑ ɡɛ Kɛlístɔ lɔk túmbʉʉ yɛ́, ńnɔŋ pɔꞋ pɔ tɑ́Ꞌ ŋkɑ́, nɛlɔk ńjɛ́p mɛnu kɛpɔŋ pʉɔ tɛ ńzɑ́ɑ. A ɡʉ ŋ́ɡɛ ḿbɛn ńcẅɛt nǔu mbɑ́ɑtɛ yɛ́pɑ́. A pɔɔ pɛn ńtɔ́ ŋkɑ́ yîyɑ́ nɛjɛ́p mɛnu kɛpɔŋ-pʉɔmɛsɔŋ pɔ́. A tɔ́ pɔ́Ꞌɔ, nɛɡɛ pʉɔ pi pɔ́p sɛ́ ńzẅíꞋlɛ wɛ́ luk.
Mbɑ wɔ̌ lɑ́ lɔk yɛ́ pɔ́fɑꞋ yi Sɛ́ kɑ lɔknɛ ŋ́ɡɑ́ fuꞋ níinɛ yɛ́, ńcẅɛ́lɛ pɔ́ɔpɛ́mɑ́ pɛ́. Pʉʉ pɔ́ pɑ́Ꞌ ɡɑŋfɑꞋ sʉ́Ꞌnɛ pi pɔ́p sɛ́ ŋ́kúꞋlɛ pɔ́fɑꞋ ntɛ́ nɛ́ ntɛ́ yi Sɛ́ ɡɑ́nɛ mbɔ̌ pɔ́p pɑ́Ꞌ ɛ́ ɡʉ ńcẅɛ́lɛ́ pɛcɔ́ pʉɔ.
