5 Píipɑ́ pʉɔ ɡʉ nɛ́ ŋkɑ́Ꞌ. Ŋɡɑŋkɑ́Ꞌ ɡɛ ḿbɔ́ nǔu tẅɛp, ḿbɛn ńcẅɛt njɛ́Ꞌ yɛ́, ŋ́ɡɛ ḿbɔ́ mbɔ́tnjí nǔu nɛm pɛtɑ́t, ḿbɛn ńcẅɛt, ńjʉ́ɔ ɡɑŋfɑꞋ ŋkɑ́ kʉ̈ɔ́ ɔɔ, ńcú pɔ pɔ́Ꞌɔ.
A cú mbɔ̌ pɔ́p ŋɡɔ: «Pʉʉ ɡʉ yʉ́ʉ ŋkɑ́Ꞌ mɔ ɛ́fɑꞋ fɑꞋ. Ŋ ɡʉ ŋ́ɡɛ ńdʉŋtɛ yʉ́ʉ tsɔ́ꞋfɑꞋ nǔu fɑꞋ yʉ́ʉ.»
A ɡɛ ḿbɔ́ ntsuŋkẅɛ́Ꞌ nǔu nɛm yɛ́tɑ́ɑ, ńcẅɛt, ńjʉ́ɔ pɛcɔ́ ɡɑŋfɑꞋ tʉ́ʉtɛ, ɑ píkŋɛ wɔ́p ŋɡɔ: «Mɛlɑ́Ꞌ kʉ̈ɔ́ pʉʉ tʉ́ʉ zɑꞋɑ tɛ ɛ́fú mbɑ́ꞋmbɑꞋɑ́ kɛ́ pɔ́ ŋ́ɡɛ yɛcɔ́ yúu?»
Tẅɛp kɑ pɔ́ tɛ ŋ́kuꞋ, zʉꞋ tsʉʉ ndǔ ŋɡɔŋ puu sʉ́ʉ, tɛ ńdɑ́Ꞌ ŋ́kúu nǔu nɛm yɛ́tɑ́t mbɔ́tnjí.
Yɛ́su cú ŋɡɔ: «Pʉʉ tɔ́, pʉʉ ɡʉ ńjʉ́ɔ.» Pɔ́p ɡɔ́ɔ ŋ́kɛ́ ŋ́ɡʉ ńjʉ́ɔ zʉꞋ yí ɑ tswɛ́nɛ zúꞋu. Ɛ́ ɡɔ́ ḿbɔ́, ḿbɔ́ nǔu nɛm yɛ́nɛ́kwɑ mbɔ́tnjí, pɔ́p pɛ́pɔ́p nɑ́ŋ tɛ yîyɑ́ lɛ́Ꞌlɑ́Ꞌ mɛ.
Yɛ́su cú ŋɡɔ: «Tɑ́Ꞌ lɛ́Ꞌlɑ́Ꞌ kɑ́ ɡẅɛɛ nɛm ntsɔ̌ppɑ́ nɛ́ nɛɡɛ́m pɔ́ ɔɔ? Ŋu lɑɑ ńnɛn nɛnɛm, mbɔ ɑ kɛ́ kɔɔtɛ pɔ́, mbíꞋŋɡɔ kyɛꞌ njí sɛ́ ŋ́ɡɛ pɛ́ jʉ́ɔ zʉꞋ.
Ŋki túŋnɛ ẅi pɛ́ kɑ pɔ́ ɛ́fúŋ nɛ́ ŋki-Yɑkɔ̂p pɔ́ zúꞋu. Yɛ́su ɡɔ́ ŋ́kúu zúꞋu, tẅɛp tsʉ́Ꞌ ŋ́kuꞋ kuꞋnɛ, mbɔ ɑ nɛn tɛ ŋ́kɑ́ɑ, ŋ́kɔkŋɛ ńnɑ́ŋ sɛ́ mbʉʉ-ŋki ɛ̂wɑ́.
Ɛ́ pɔ́ yɛcɔ́ lɛ́Ꞌ, nǔu yúu nɛm yɛ́tɑ́t mbɔ́tnjí, Sɛ́ ŋíɛꞋ mík mɛ́. A jʉ́ɔ wɛcɔ́ Cʉ̈ɔꞋ-Sɛ́ tɔ́ ńtsɛ́t wɛ́ ndɑ́, ɛ́fúŋ wɛ́ ŋɡɔ: «Kɔ̂lnɛ́ɛ!»
Njí ɡɛ ŋ́kiɛ, pɔ́p pɛ́t ḿbɔ́ pɔ sɛ̂ndúŋ, ɛ́ pɔ́ yúu ntʉʉ nɛm, tɛ mbɔ pɔ́p ɡʉ tɛ ńtsʉ́Ꞌ nɛkúu tʉ́sɔŋ-Jɔp. Ɛ́ ɡɔ́ ḿbɔ́, mbɔ Pyɛ̂ kɔ́Ꞌ nǔu zʉꞋ yí ɛ́ ntsɔꞋndɑ́, ḿbɔ́ pɔ pɑ́Ꞌ tɛtɑ́ɑ lɑ́ nɛcɛꞋlɛ Sɛ́.
Ɛ́ pɔ́ yɛcɔ́ mbɔ́tnjí, tɛ nɛm yɛ́tɑ́t ŋkɑ́ yi Pɑyúdɑ cɛꞋlɛ́nɛ Sɛ́ pɔ́ ŋ́kuꞋ. Pyɛ̂ pɔ́p Jɑ̂ŋ pʉʉ ŋ́ɡʉ ZʉꞋ-nɔŋpɔꞋ.
