6 Ɛ́ fú nǔu ŋkɑ́ yîyɑ́ pɔ́p pɔɔ pɛn ḿbɔ́ pʉɔ pɛ́pɑ́ pɔ́, pɔ́p tsʉ́Ꞌ ḿbɔ́ pɔ tɑ́Ꞌ ŋu. Pɔ́Ꞌɔ lɑ́, ŋumɛsɔŋ pɑ́ɑ nɛfɑk yúu mi Sɛ́ tɛmtɛ́nɛ.»
Ɛ́ yúu mi ɛ́ ɡɛnɛ ŋu nɑ́ŋ tɛ ɛ́fɑk mbʉʉ yɛ nǔu tɑ́t wɛ pɔ́p mɑ́ wɛ, ŋ́ɡʉ ńdɑt mbʉʉ yɛ nǔu yɛ́ nzwɛ́ wɛ, pɔ́pmɛ tɛmtɛ ńtsʉ́Ꞌ tɑ́Ꞌ ŋu.
Pɑfɑlísɑy píkŋɛ wɛ́ ŋɡɔ: Tɛ mɛlɑ́Ꞌ kʉ̈ɔ́, Mɔ̌sɛ̂ɛ kɑ cú ŋɡɔ: «pɛ́ ɡɑ́ ŋwɑꞋnɛ mbɔ̌ mɑŋɡɛ́ nɛlɔk ńzuŋ wɛ́.»
Pɔ́ꞌɔ lɑ́, ŋumɛsɔŋ pɑ́ɑ nɛfɑk yúu mi Sɛ́ tɛmtɛnɛ.»
Pɛkŋɛ pɛ́ɛ fʉꞋ nǔu mɑŋɡɛ́ zɔ́Ꞌnɛ. Ndúu mɛ pɛ́t pɔ́ sʉ́Ꞌnɛ, ɑ kɑ́ ɡẅɛɛ nɛnɑ́ wɛ́ ŋ́ɡʉ ńtsɛ́t wɛcɔ́ ŋu mbɛ́ɛnɛ pɔ́pmɛ́ zɔ́Ꞌ pɔ́, nɛpʉ́ʉ lʉꞋ pɔ́Ꞌɔ. Lɑ́ ndúu mɛ lɑɑ ḿbɔ́ tɛ ḿpfú, nɛpʉ́ʉ pɛ́m ŋɡɔ ḿbɔ́ ɑ ɡʉ ńtsɛ́t wɛcɔ́ ŋu mbɛ́ɛnɛ pɔ́pmɛ́ zɔ́Ꞌ.
Pɔ́Ꞌɔ, ɛ́ sɛ́ ḿbíkŋɛ ŋɡɔ ŋu mbɛ́ɛnɛ kɔŋ nzwɛ́ wɛ ɡúu pɑ́Ꞌ ɑ kɔŋnɛ túmbʉʉ yɛ́. Ŋu ẅí ɑ kɔŋnɛ nzwɛ́ wɛ lɑ́, ɑ kɔŋ pɔ túmbʉʉ yɛ́.
Ɛ́ pɔŋ ŋɡɔ lɑ́ɑndɑ́ pɔ́ mbɔ̌ pʉɔ tsʉʉ ḿbɔ́ yúu mɛkuꞋ, ŋu mbɛ́ɛnɛ jí ndɑꞋ nzwɛ́ wɛ, mɑŋɡɛ́ jí ndɑꞋ ndúu mɛ, Sɛ́ ɡʉ ńzɛɛ ńdɑ́Ꞌ ŋ́ŋɑk pʉɔ pi pɔ́p puutɛnɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbɑ pɑɡɛ ɡɑ́ɑ.
