5 Ɛ́ yúu mi ɛ́ ɡɛnɛ ŋu nɑ́ŋ tɛ ɛ́fɑk mbʉʉ yɛ nǔu tɑ́t wɛ pɔ́p mɑ́ wɛ, ŋ́ɡʉ ńdɑt mbʉʉ yɛ nǔu yɛ́ nzwɛ́ wɛ, pɔ́pmɛ tɛmtɛ ńtsʉ́Ꞌ tɑ́Ꞌ ŋu.
Ɛ́ fú nǔu ŋkɑ́ yîyɑ́ pɔ́p pɔɔ pɛn ḿbɔ́ pʉɔ pɛ́pɑ́ pɔ́, pɔ́p tsʉ́Ꞌ ḿbɔ́ pɔ tɑ́Ꞌ ŋu. Pɔ́Ꞌɔ lɑ́, ŋumɛsɔŋ pɑ́ɑ nɛfɑk yúu mi Sɛ́ tɛmtɛ́nɛ.»
Pʉʉ kɔŋ pʉɔmɛsɔŋ pɔ nɛ́ tʉ́m yʉ́ʉ tsʉʉ. Pʉʉ kʉ̈ɔ́ nu kɛpɔŋ tɛ ńtɔ́ŋ mɛkɑ́ɑ, ŋ́kúꞋlɛ pɔ nu sʉ́Ꞌnɛ tɛ ɛ́ tɛn.
ńjí ŋɡɔ pʉʉ kɑ pɔ́ ńjí ŋɡɔ ŋu pɔ́p ŋkɑttʉ́ mɑŋɡɛ́ lɑɑ ńtɛmtɛ, mbɔ pɔ́pnɛ́ tsʉ́Ꞌ ḿbɔ́ pɔ tɑ́Ꞌ mbʉʉ pɔ́ ɔɔ? ŊwɑꞋnɛ-Sɛ́ zɛɛ ńcú ŋɡɔ: «Pɔ́p pɛ́pɑ́ ɡʉ ńtsʉ́Ꞌ ḿbɔ́ pɔ tɑ́Ꞌ mbɑp-mbʉʉ.»
Lɑ́ ɛ́ kɛ ńtsʉ́Ꞌ yi ŋu puutɛ mbɑ wɔ̌ lɑ́ pɔ́p nɛ́ nɔɔ nɔɔnɛ, wɛ́tɛ́ ŋu mbɛ́ɛnɛ lɑ́ kúꞋlɛ nzwɛ́ wɛ, wɛ́tɛ́ mɑŋɡɛ́ lɑ́ kúꞋlɛ ndúu mɛ.
Mɑŋɡɛ́ kɑ́ ɡẅɛɛ nɛlɔk mbʉʉ yɛ́ ŋ́ɡɛ yúu mi ɑ kɔŋnɛ pɔ́, mbʉʉ yɛ́ pɔ́ pɔ yɛ́ ndúu mɛ. Ɛ́ pɛn ḿbɔ́ pɔ ndʉ́ŋndʉŋ pɑ́Ꞌ ŋu mbɛ́ɛnɛ kɑ́ ɡẅɛɛ nɛlɔk mbʉʉ yɛ́ ŋ́ɡɛ yúu mi ɑ kɔŋnɛ pɔ́, mbʉʉ yɛ́ pɔ́ pɔ yɛ́ nzwɛ́ wɛ.
«Ɛ́ yúu mi ɛ́ ɡɛnɛ ŋu mbɛ́ɛnɛ nɑ́ŋ tɛ ɛ́fɑk mbʉʉ yɛ́ nǔu tɑ́t wɛ pɔ́p mɑ́ wɛ, ŋ́ɡʉ ńdɑt mbʉʉ yɛ nǔu mɑŋɡɛ́ pɔ́pnɛ́ tɛmtɛ ńtsʉ́Ꞌ tɑ́Ꞌ ŋu».
