3 Pʉɔ nǔu nɔɔ-pɑfɑlísɑy tɔ́ ḿbɔ́ ńdɔɔ nɛkwɑꞋnɛ Yɛ́su, ḿbíkŋɛ wɛ́ ŋɡɔ: «Tɛ ɛ́ pɛ́Ꞌɛ nɛpʉ́ʉ nɛkŋɛ pɛ́m ŋɡɔ ŋu zuŋ nzwɛ́ wɛ tɛ mbɑ nǔu yɛ́tɛ́ nu yí ɑ fɑɑnɛ́nɛ?»
Pɑfɑlísɑy pɔ́p pɑsɑdukɑy tɔ́ ńzẅíꞋ ntsu-Yɛ́su, ḿbíkŋɛ wɛ́ ŋɡɔ ɑ ɡɛ tɑ́Ꞌ ŋkʉꞋnɛ nu yí ɛ́ nyɛtnɛ ŋɡɔ Sɛ́ túunɛ wɛ́.
Wɛcɔ́ ŋu tsɛtsɛt pɔ́p, pɔ́ ŋkyɛ́Ꞌtɛ nɛpʉ́ʉ-Sɛ́ tɛ ḿbɔ́ wɛ́t, tɔ́ ŋ́kwɑꞋlɛ Yɛ́su, ḿbíkŋɛ wɛ́ ŋɡɔ:
Pɑfɑlísɑy tɔ́ yɔ́p, ḿbɔ́ ŋ́kwɑꞋlɛ wɛ́, ḿbíkŋɛ wɛ́ ŋɡɔ: «Tɛ ɛ́ pɛꞋnɛ nɛpʉ́ʉ nɛkŋɛ pɛ́m ŋɡɔ ŋu zuŋ nzwɛ́ wɛ?»
Pɔ́p ɡɛ ńtúu pʉɔ nǔu. Nɔɔ-pɑfɑlísɑy, pɔ́p nɔɔ-Ɛlɔ̂dɛ ŋɡɔ pɔ́p ɡʉ ńdɔɔ pɑꞋ ɛ́ lɑɑ ḿbɔ́ pɔ́p fú nǔu nu yí Yɛ́su cúnɛ ŋ́ɡẅɛɛ wɛ́.
Yɛ́su jʉ́ɔ pɑꞋ pɔ́p pɔ́ pɔ pɑŋkɔŋmík, ńtsɔ́Ꞌ mbɔ̌ pɔ́p ŋɡɔ: «Pʉʉ ŋ́kwɑꞋlɛ wɑ́ɑ mɛlɑ́Ꞌ kʉ̈ɔ́? Pʉʉ lɔk pɑk-ŋkɑ́p ńtɔ́ ńnyɛt wɑ́ɑ.»
Pɔ́p cú pɔ́Ꞌɔ, ɛ́ pɔ́ pɔ ŋkʉ nɛlɔk ŋ́ɡẅɛɛ wɛ́. Pɔ́p lɔɔ mbɛ̌tntɑ́ŋ nɛlɔk ɛ́fɛn wɛ́. Lɑ́ Yɛ́su ŋɔ́Ꞌnɛ sɛ́, ńzɛ nɛlɔk mɔ́ɔ-tɔ̂pɔ́ wɛ, ŋ́ŋwɑꞋnɛ yúu sɛ́.
Ŋ́ɡʉ nǔu pʉɔ pi pɔ́p kɑ lɑ́Ꞌ mɔ́ ńzɔ́Ꞌ, mbɔ mɔ ńcú nu yi Tsɑpʉɔ kɑ zɑ́pnɛ ɛ́ pɔ́ ŋɡɔ, mɑŋɡɛ́ ẅí ɑ zɔ́Ꞌnɛ, ɑ kɑ́ ɡẅɛɛ nɛcẅɛt nǔu ndúu mɛ pɔ́.
Sɛ́ cú ŋɡɔ: «Pɛ́ mɑ̂ɑŋɡɑpnjẅɛt pʉʉ kɑ tsʉ́ʉnɛ wɑ́ɑ kɔ̂ŋtɛt, ŋɡɔ ŋ ɡɛ yúu mbɔ̌ pɔ́p ńdɔk ńdɔɔ nɛjʉ́ɔ pɑ́Ꞌ ŋ ɡʉ ŋ́ɡɛ, ńtsʉ́ʉnɛ wɑ́ɑ pɑ́Ꞌɑ tɛ mbɑ pɑ́Ꞌ pɔ́p jʉ́ɔnɛ yúu mi mɔ ŋ́ɡɛ ńjʉ́ɔ nǔu ŋɡuꞋlɑ́Ꞌ mɛɡɛ́mɛ́nɛ́kwɑ.»
