19 Gɑ́ mɛkuꞋ-tɑ́t wu, pɔ́p mɑ́ wu, kɔŋ mɔ́ɔmɑ́ wu ŋumɛsɔŋ pɑ́Ꞌ ɔ kɔŋ túmbʉʉ yú.»
Mɔ́ɔsuu ɛ̂wɑ́ cú mbɔ̌ wɛ́ ŋɡɔ: «Mɔ, n dɔ ŋ́kɛ́ ńtswɛ́ ŋ́ɡẅɛɛ mɛnɛpʉ́ʉ ɛ̂mɑ́ ɡẅɛɛnɛ tsʉʉ, kʉ̈ɔ́ pɛ́tnɛ ńjɑ́k wɑ́ɑ?»
Nɛpʉ́ʉ mbɑ́ɑtɛ yɛ́pɑ́ ni ɛ́ fínɛ nɔ pɔ́ ŋɡɔ: «Ɛ́ sɛ́ ḿbíkŋɛ ŋɡɔ ɔ Kɔŋ ŋumɛsɔŋ pɑ́Ꞌ túmbʉʉ yú.»
Pʉʉ kɑ zúꞋ ŋɡɔ pɛ́ kɑ cú ŋɡɔ: «Ŋu kɔŋ mɔ́ɔmɑ́ wɛ ŋumɛsɔŋ, ḿbɑɑ ŋɡɑŋmbuu wɛ.»
A pʉ̈ɔt ŋɡɔ: «Ɛ fúŋ ńzúꞋ ŋɡɔ: Kɔŋ Tsɑpʉɔ Sɛ́ wu nɛ́ ŋɡɔŋ tʉ́m yú tsʉʉ, ńtík pɔ wɛ́ mbi nǔu yú kʉ̈ɔ́ lɑ́, ḿbɛn ńdɔk mɛtʉʉ mú tsʉʉ ɛ́fɑꞋ mbɔ̌ wɛ́, ńzɑ́p kwɑŋɛ yú ndɑꞋ nǔu wɛ́, ḿbɛn ŋ́kɔŋ mɔ́ɔmɑ́ wu ŋumɛsɔŋ pɑ́Ꞌ túmbʉʉ yú lɑ́».
Pʉʉ zɛɛ ńjí nɛpʉ́ʉ ni ɛ́ cúnɛ ŋɡɔ: «Kɔɔ ɡɛ ɡɑp. Kɔɔ jẅí ŋu. Kɔɔ jʉ̈ɔ. Kɔɔ tík mík nǔu yúu-ŋu». Lɔk ŋ́kút mɛtú mɔnɛ mbʉ́ʉ tɛ mbɑ mɛcɔ́ pɔ́ ŋɡɔ: «Kɔŋ mɔ́ɔmɑ́ wu ŋumɛsɔŋ pɑ́Ꞌ ɔ kɔŋnɛ túmbʉʉ yú».
MbíꞋŋɡɔ nu yi ɛ́ kútnɛ mɛtú mɛnu mi ɛ́ tsɛt nɛpʉ́ʉ cú ŋɡɔ: Kɔŋ mɔ́ɔmɑ́ wu ŋumɛsɔŋ pɑ́Ꞌ túmbʉʉ yú.
Ɛ́ tsʉ́Ꞌ yi pʉʉ ɡɛ pɔ́Ꞌɔ, mbɔ pʉʉ ńnɛn nǔu pɑ́Ꞌ nɛpʉ́ʉ nɛ ɡwɛ́ nǔu nu-nɛfɔɔ-Sɛ́ cúnɛ tsɛt ŋwɑꞋnɛ-Sɛ́, ɛ́ cú ŋɡɔ: «Kɔŋ mɔ́ɔmɑ́ wu ŋumɛsɔŋ pɑ́Ꞌ ɔ kɔŋ túmbʉʉ yú. Pʉʉ lɔk pɔ́Ꞌɔ, ŋ́ɡɛ sʉ́Ꞌnɛ.»
