Mɑtʉ̈ɔ 19:12 - Kɑɑ Fí

¹² Yúu mi ɛ́ ɡɛnɛ pʉɔ pɔɔ zɔ́Ꞌ, pɔ́ tɛ ńzɑ́ɑ: Ɛ́ ɡʉ nǔu pɛcɔ́ pʉɔ, pɔ́p pɔɔ kuꞋ nɛzɔ́Ꞌ pɔ́ tɛ ɛ́fú pɔ lɛ́Ꞌ nzɛnɛ, ŋ́ɡʉ nǔu pɛcɔ́, mbɔ pʉɔmɛsɔŋ kɑ ɡɛnɛ, ḿbɛn ŋ́ɡʉ nǔu pɛcɔ́, mbɔ pɔ́p kɑ pɛ́m nɛpɔ́ pɔ́Ꞌɔ, ntɛ́ nu-nɛfɔɔ-Sɛ́. Ŋu ẅí ɑ jʉ́ɔ nɛpɛ́m yɔ nu pɛ́m.

Mɑtʉ̈ɔ 19:12 교차 참조

Mɑtʉ̈ɔ 19:11

Yɛ́su tsɔ́Ꞌ mbɔ̌ pɔ́p ŋɡɔ: «Pʉɔ tsʉʉ kɑ́ nɛkuꞋ nɛpɛ́m yɔ nu pɔ́. ŃdíꞋ ndɑꞋ pʉɔ pí Sɛ́ tɔ́ɔtɛ́nɛ wɔ́p.»

Mɑtʉ̈ɔ 19:13

Pʉɔ ɡɛ ḿbɔ́ ńdɔk mbɔ́ŋkʉ̈ɔ́ ńtɔ́ mbi Yɛ́su nɛpɔ́ yi ɑ ɡʉ ŋ́ɡɔ́ ńzɑ́p mbɔ́ nǔu pɔ́p, ḿbɔ́ ńcɛꞋlɛ Sɛ́. Lɑ́ ɡɑŋku pɛ́ pɔ́ ńtɔꞋ wɔ́p.

1 Kɔlɛ̂ŋtɛ 9:15

Ɛ́ lɔk ḿbɔ́ ŋɡɔ ŋ kɑ ɡẅɛɛ nɛpíkŋɛ yúu mbɔ̌ pʉʉ, lɑ́ mɔ ŋkɑɑ mɔ́ kɑ́ píkŋɛ pɔ́. Ŋ kɑ́ pɔ́ ŋ́ŋwɑꞋnɛ pɑ́Ꞌɑ ńdɔk ḿbíkŋɛ ŋɡɔ pɛ́ ɡɑ́ yúu mbɔ̌ mɔ pɔ́. Ɛ́ tsʉ́Ꞌ yi m bɛ́m ŋu ɡɛ n nɑ́ yɔ nu yi n dɔknɛ ńtsɑ́ɑtɛ, m pfú.

1 Kɔlɛ̂ŋtɛ 9:5

Mbɑ wɛ́tɛ́ ŋu lɑ́ nǔu pɛk kɑ́ ɡẅɛɛ yɛ́ nɛɡɔ́ ńnɛn, pɔ́p wɛcɔ́ mɔ́ɔmɑ́ wɛkŋɛ ŋu-Kɛlístɔ wɛ mɑŋɡɛ́, ɑ pɔ́ nzwɛ́ wɛ pɔ́ kíi? Ɛ́ kɑ́ pɔ́ pɑ́Ꞌ Kɛfɑs, nɛ́ pɛcɔ́ ɡɑŋntúu, mbɑ pɔ́ɔpɛ́mɑ́-Tsɑpʉɔ ɡɛnɛ pɔɔ?

Mɛnu ɛ́ ńdɑ́Ꞌ ńcẅɛt 14:4

pʉɔ pí pɔ́p pɑŋɡɛ́ ŋkɑɑ ɡɛ mɛnu ndǔmbí pɔ́, pɔ́p pɔ́ pɔ pʉɔ pi pɔ́p ŋkɑɑ mɑŋɡɛ́ jí. Mɔ́ɔ-Njinjɔ ɡʉ ɡɔ́ lɑ́, pɔ́p cʉ́ɔ pɔ nzʉʉ yɛ́. Pʉɔ pi pɛ́ kɑ ɡʉnɛ tsɛtsɛt pʉɔmɛsɔŋ ńtsuꞋ wɔ́p, pɔ́p ḿbɔ́ mbi Sɛ́ mbɑ mbi Mɔ́ɔ-Njinjɔ, ḿbɔ́ pɔ pɑ́Ꞌ ntú-yúu mi ɛ́ fúnɛ ŋkɑ́Ꞌ lɑ́,