Mɑtʉ̈ɔ 17:1 - Kɑɑ Fí

¹ Ɛ́ lɛɛ lɛ́Ꞌ pɛ́nɛ́ntúkú, Yɛ́su fɑk Pyɛ̂, ŋ́ɡɛ Jɑ̂k, nɛ́ Jɑ̂ŋ ɑ pɔ́ mɔ́ɔmɑ́ pɛ́ Jɑ̂k, ńdɔk wɔ́p ŋ́ɡʉ ŋ́kɔ́Ꞌ ndǔ nɛcɔ́ mɑ́mɑ́ nɛŋkɔ́Ꞌ. Pɔ́p pɛ́pɔ́p pɔ́ zúꞋu zɛnɛ pɔ́p.

Mɑtʉ̈ɔ 17:1 교차 참조

Mɑtʉ̈ɔ 17:2

Pɔ́p jʉ́ɔ lii-Yɛ́su shɔtnɛ mbi pɔ́p, shʉ́ wɛ́ ŋwɑŋɛ pɑ́Ꞌ mɔ́nɛm lɑ́. Mɛndẅí mɛ́ fúk tɛ ŋ́kyɛꞋ zʉꞋ.

Mɑtʉ̈ɔ 26:37

ɛ́fɑk pyɛ̂ pɔ́p mbɔ́ŋkʉ̈ɔ́ Zɛbɛ́dɛ̂ pɛ́pɑ́, pɔ́p pɛpɔ́p ɡʉ, ɑ zɛ nɛzúꞋ kɛ́kɑ́ŋ tʉ́m yɛ́, nɛvú kwɛ́t wɛ́,

Mɑ́lɛ́kúshi 13:3

Pɔ́p ɡʉ tɛ ŋ́kúu ndǔ nɛŋkɔ́Ꞌ-mɛtʉ́-mɛɡwɛ́t-ɔliivɛ, Yɛ́su nɑ́ŋ sɛ́ tɛ ḿbɔ́ ńjʉ́ɔ zʉꞋ-nɔŋpɔꞋ. Pyɛ̂ pɔ́p Jɑ̂k, ŋ́ɡɛ Jɑ̂ŋ pɔ́p Ndɛlɛ́yɑ fɑk mbʉʉ yɔp, ńtɔ́ ḿbíkŋɛ wɛ́ ŋɡɔ:

Mɑ́lɛ́kúshi 5:37

Yɛ́su pɔ́p Yɑyɛ́lɔ pɔ́ ŋ́ɡʉ, Yɛ́su pɔɔ pɛ́m ŋɡɔ wɛcɔ́ ŋu cʉ́ɔ nzʉʉ pɔ́p pɔ́, ndɑꞋ Pyɛ̂ ŋ́ɡɛ Jɑ̂k pɔ́p mɔ́ɔmɑ́ wɛ Jɑ̂ŋ.

Lúkɑ́shi 8:51

Yɛ́su ɡʉ tɛ ŋ́kúu njɛ́Ꞌ-Yɑyɛ́lɔ, ńtɔꞋ ŋɡɔ kɔɔ wɛcɔ́ ŋu ndɛꞋ kúu ndɑ́ tɛ ńdíꞋ ndɑꞋ Pyɛ̂, ŋ́ɡɛ Jɑ̂k, pɔ́p Jɑ̂ŋ, ŋ́ɡɛ Tɑ́-mɔ́ɔ pɔ́p Mɑ́mɔ́ɔ.

2 Kɔlɛ̂ŋtɛ 13:1

Mɔ ńtɔ́ njɛ́Ꞌ pʉʉ ŋkɔ̂ɔnɛ ɛ́ lɔk ḿbɔ́ ŋkɑ́ yɛ́tɑ́t, ńtɔ́ pɛ́ ɡɔ́ ŋ́ŋɑk mbɑ yɛ́tɛ́ ntsɑŋ lɑ́, ńzẅíꞋlɛ nu ntsu-pʉɔ pɛ́pɑ́ kɛ pʉɔ pɛtɑ́t ɔɔ pɑ́Ꞌ ŋwɑꞋnɛ-Sɛ́ sɛ́ ńcú.

2 Pyɛ̂ 1:16

Pɛk ŋ́kɑɑ kɛ́ ŋ́ɡɔ́ ɛ́sẅíi wʉ́ʉ pɑ́Ꞌ Yɛ́su Kɛlístɔ, Ndɛ wɛkŋɛ ɡʉ ŋ́ɡɛ ńtɔ́, nɛ́ nɛŋwɑ́ŋɛ wɛ, ɛ́fú pɔ nǔu mɛnu mɑ́pítsɔꞋ mi pɛk nɑ́ŋnɛ sɛ́ ńdɔk jínu ńdʉꞋlɛ pɔ́. Pɛk kɑ fú nǔu pɑ́Ꞌ pɛk lɔknɛ mík mɛ́k ńjʉ́ɔ nɛɡúꞋ wɛ.

2 Pyɛ̂ 1:18

KwɑꞋ pɛk nɛ́ túmbʉʉ yɛ́k kɑ zúꞋ yîyɑ́ ŋɡi, pɛk kɑ zúꞋ pɑ́Ꞌ ɛ́ fúnɛ tʉ́nɛ́pú ŋkɑ́ yi pɛk pɛ́ Yɛ́su kɑ pɔ́ ndǔ nɛŋkɔ́Ꞌ Lɛ́ɛnɛ́nɛ.