Mɑtʉ̈ɔ 16:3 - Kɑɑ Fí

³ Ɛ́ pɔ́ mbɑ́ꞋmbɑꞋɑ́ ẅi nɛpú pɑŋ ɛ́sʉ́ʉ sʉ́ʉnɛ pʉʉ cú ŋɡɔ: «lɛ́Ꞌlɑ́Ꞌ kɛ́ ɡɛ ńjúk ḿbɔŋ pɔ́.» Pʉʉ pɔ́ tɛ ńdíŋɛ nɛpú, ŋ́ɡɔ́ɔ ńjí pɑ́Ꞌ lɛ́Ꞌlɑ́Ꞌ ɡʉ ŋ́ɡɛ ḿbɔ́ pɔ́Ꞌɔ, lɑ́ ŋ́ɡʉ nǔu yúu mi Sɛ́ sɛ́ ńnyɛt ŋkɔ̂ɔnɛ pʉʉ pɔɔ jí yúu mi yîyɑ́ yúu lɔknɛ ńcú pɔ́ mɛlɑ́Ꞌ kʉ̈ɔ́?

Mɑtʉ̈ɔ 16:3 교차 참조

Mɑtʉ̈ɔ 11:5

ɛ́sẅíi wɛ́ ŋɡɔ: Pɛfʉmík sɛ́ ńjʉ́ɔ zʉꞋ, pɑpʉ̈ɔ́Ꞌtɛ mɛku pɔ́ ńnɛn sʉ́Ꞌnɛ, ɡɑŋŋkɑꞋ pɔ́ ɛ́fíitɛ, pɛmbúꞋ-mɛtúutɛ́ pɔ́ ńzúꞋ zʉꞋ, pɛpfú pɔ́ ńjʉɔmɛ, pɛ́ sɛ́ ɛ́sɑ́Ꞌ Ŋkʉʉ sʉ́Ꞌnɛ nu-Sɛ́ mbɔ̌ pɛpúŋ.»

Mɑtʉ̈ɔ 15:7

Pʉʉ pɑŋkɔŋ-mík! Ɛsɑ̌yɑ Ŋɡɛ́mndʉ̈ɔ́Ꞌ-Sɛ́, kɑ pɔ́ fɑ́ɑ ńcú pɛꞋnɛ sẅíinu, pɑ́Ꞌ ɑ kɑ cúnɛ nǔu mɑt-lɑ́Ꞌ wʉʉ ŋɡɔ Sɛ́ cú ŋɡɔ:

Mɑtʉ̈ɔ 22:18

Lɑ́ Yɛ́su jí kwɑŋɛ kɛpɔŋ yɔ́p, ńcú mbɔ̌ pɔ́p ŋɡɔ: «Pɑŋkɔŋ-mík, pʉʉ kwɑꞋnɛ wɑ́ɑ mɛlɑ́Ꞌ kʉ̈ɔ́?»

Mɑtʉ̈ɔ 23:13

Pʉʉ pɛpʉ́ktú, pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pʉʉ pɑfɑlísɑy. Pʉʉ pɑkɔŋmík, pʉʉ sɛ́ ŋ́kíitɛ ntsundɑ́ ẅi pʉɔmɛsɔŋ lɛɛnɛ nǔu lɑ ŋ́kúu tsɛt nu-nɛfɔɔ-Sɛ́, kwɑꞋ pʉʉ yʉ́ʉ sɛ́ mbɔɔ ŋ́kúu pɔ́, ŋ́kɛ́ ḿbɔɔ ńnɑ́ pʉɔ pí pɔ́p sɛ́ ŋ́kɔŋ nɛkúu tsɛtú kúu zúꞋu pɔ́.

Mɑtʉ̈ɔ 4:23

Yɛ́su ɡɛ ḿbɔ́ ŋ́ɡɔ́ ńnɛn zʉꞋ tsʉʉ tsɛt Ŋɡɑlilɛɛ, ńzíꞋ pʉɔ nɛ́ nu-Sɛ́ tsɛt mɛndɑ́-cúꞋlɛ-pɑyúdɑ, ɛ́sɑ́Ꞌ Ŋkʉʉ sʉ́Ꞌnɛ ẅí ɛ́ sẅíinɛ pʉɔ pɑ́Ꞌ nɛfɔɔ-Sɛ́ pɔ́nɛ, ḿbɔ́ ŋ́ɡɛ ŋu ẅí ɑ ɡẅɛɛnɛ pɔ yɛ́tɛ́ ntɛ́ ɡɔɔ lɑ́ kɛ yɛ́tɛ́ ntɛ́ lɔ́Ꞌ ɔɔ, fíitɛ.

Mɑtʉ̈ɔ 7:5

Ŋkɔŋmík! Piitɛ ńcẅɛɛtɛ kɛm-yúu mi ɛ́ lík ɡu, tɛ ḿbɔ́ ńtsuŋ ńjʉ́ɔ zʉꞋ lɑ́ ŋ́kuꞋ nɛcẅɛɛtɛ ŋɡʉɔ-píi tsɛt lík-mɔ́ɔmɑ́ wu.

Lúkɑ́shi 11:44

Ndɔ́ɔ tú pʉʉ, pʉʉ fí mɛshi kɛ́ mɛlii mi ŋu lɑɑ ńnɛn ndǔ, mbɔ ɑ ɡɛ ńdutnɛ kɛ́ jí, ńtíi lɔ́Ꞌ.

Lúkɑ́shi 12:56

Gɑŋmɛfʉ́klɛ, pʉʉ líŋɛ nɛpú pɔ́p tsɛ́tsɑ́Ꞌ ńjí yúu mi ɛ́ ɡɛ ŋ́ɡɛ. Ɛ́ pɛn ŋ́ɡɛ pɑ́Ꞌɑ pʉʉ jʉ́ɔ mɛnu mi ɛ́ sɛ́ ńdɛɛ ŋkɔ̂ɔnɛ, ḿbɛn ḿbɔɔ jí yúu mi ɛ́ lɔknɛ ńcú pɔ́ ɔɔ?»

Lúkɑ́shi 13:15

Lɑ́ Yɛ́su tsɔ́Ꞌ mbɔ̌ wɛ́ ŋɡɔ: «Pʉʉ ɡɑŋcɔtnu, wɔ̌ nǔu pʉʉ kɑ́ pɔ́ ŋ́ɡʉ lɛ́Ꞌnji wɛkŋɛ, ŋ́kíɛꞋ fɔŋ wɛ, kɛ pɔ Njɑkɑ́ɑshi wɛ pɔ́, ńdɔk ŋ́ɡʉ ɑ nɔ́ ŋki pɔ́ ɔɔ?

Ɛ́bɛlʉʉ 5:14

Lɑ́ ŋ́ɡʉ nǔu pʉɔ pi pɔ́p tsʉklɛ́nɛ, mbɔ pɔ́p ŋ́kwɛ́t pɔ yúupɛ́jʉ́ pi ɛ́ tɛntɛ́nɛ. Pɔ́p pʉɔ pi pɔ́p kɑ zíꞋ mɔ́ tɛ ŋ́ɡẅɛɛ mɑt nɛsɑ́ŋ nu, ńjí yi sʉ́Ꞌnɛ, ńjí yi kɛpɔŋ.