25 Ŋu ẅí ɑ ɡʉ ńzɛɛ ńdɔɔ nɛpɑ́ɑ yɛ́ luk, pɔ́nɛ ŋu ẅí ɑ ɡʉ ḿbɛ́ yɛ luk ɛ̂yɑ́. Lɑ́ ŋu ẅí ɑ ḿbɛ́ wɛ luk mbíꞋ wɑ́ɑ, ẅîwɑ́ ŋu ɡʉ ńdɑ́Ꞌ ḿbɔ́ pɔ́ ɡú.
Ŋu lɑɑ ŋɡɔ ɑ ɡʉ ḿbɑ́ɑ wɛ nɛpɔ́, mbɔ ɑ ɡʉ ḿbɛ́, lɑ́ ŋu ẅí ɑ pɛn ḿbɛ́m nɛpɛ́ mɛlɑ́Ꞌ wɑ́ɑ ɡʉnɛ ḿbɔ́ ɡú.
Pɔ́ɔpɛ́mɑ́ pɛkŋɛ kɑ lɛɛtɛ nǔu mɛci-mɔ́ɔ-Njinjɔ, ḿbɛn ńdɛɛtɛ mbɑ nǔu sẅiŋɛ yi pɔ́p kɑ pɔ́ ńcú ńdɔk ńdɛꞋlɛ yúu mi pɔ́p jínɛ nǔu mɔ́ɔ-Njinjɔ, ńjʉ́ ẅîwɑ́ ŋu. Pɔ́p ŋkɑɑ lɔk tú yɔ́p ɛ́fúŋ yɛcɔ́ yúu tɛ ḿbɔ́k pɑ́Ꞌ ḿbɔ́ pɛ́ jẅí wɔ́p pɔ́.
Ŋu ẅi ɑ ɡʉ zɛɛ ńdɔɔ nɛpɑ́ɑ yɛ́ luk pɔ́nɛ ŋu ẅi ɑ ɡʉ ḿbɛ́ yɛ́ luk ɛ̂yɑ́. Lɑ́ ŋu ẅí ɑ ḿbɛ́ yɛ́ luk mɛlɑ́Ꞌ wɑ́ɑ mbɑ mɛlɑ́Ꞌ Ŋkʉʉ Sʉ́Ꞌnɛ yi ɑ ɡʉ nɛcẅi, mbɔ ɑ ɡʉ ńdɑ́Ꞌ ḿbɔ́ ɡú.
Ŋu lɑɑ ŋ́kɔŋ wɛ nɛpɔ́, mbɔ ɑ ɡʉ ḿbɛ́ nɛpɔ́ ɛ̂wɑ́. Ŋu kɛ́ ŋ́ɡwɑ́k nu nǔu wɛ nɛpɔ́ ndǔ yɔ mbí, mbɔ ɑ ɡʉ ńdɑ́Ꞌ ŋ́ɡẅɛɛ luk kɛ́ mɛ.
Ŋu ẅí ɑ ɡʉ ŋ́ɡɛ ńdɔ́ɔ nɛpɑ́ɑ wɛ nɛpɔ́ ɡʉ ŋ́ɡɛ ḿbɛ́ wɛ nɛpɔ́ ɛ̂wɑ́, ŋu ẅí ɑ pɛ́mnɛ nɛpɛ́, jʉ́ ɡʉnɛ ŋ́ɡɛ ḿbɔ́ ɡú.
Pɛ́ lɑɑ ńzɛɛ ńtíi mbí yɔ tsʉʉ ŋ́ɡɑ́ mbɔ̌ ŋu, lɑ́ kɛ́ ḿbɔ́ yi ɛ́ ɡʉ ńdɔk pɔ́p tú yɛ́ pɔ́, mbɔ ɡʉ cẅɛ́lɛ́ wɛ́ nǔu kʉ̈ɔ́? A lɑɑ ḿbɔ́ ŋu lɔk kʉ̈ɔ́ ńdɔk ŋ́kúpmɛ tú wɛ́?
