1 Pɑfɑlísɑy pɔ́p pɑsɑdukɑy tɔ́ ńzẅíꞋ ntsu-Yɛ́su, ḿbíkŋɛ wɛ́ ŋɡɔ ɑ ɡɛ tɑ́Ꞌ ŋkʉꞋnɛ nu yí ɛ́ nyɛtnɛ ŋɡɔ Sɛ́ túunɛ wɛ́.
Ɛ́ tsɑ pɑfɑlísɑy, pɔ́p fú ndɑ́-cúꞋlɛ ńcẅɛt, ńcúꞋlɛ ńdɔɔ shʉ́ pɑ́Ꞌ pɔ́p ɡʉ ŋ́ɡɛ lɑ ńjẅí Yɛ́su.
Ɛ́ pɔ́ yɛcɔ́ lɛ́Ꞌ, pɛcɔ́ pɑfɑlísɑy pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ fú Yɛlúsɑlɛm ńtɔ́ nɛjɔ́ŋ Yɛ́su, ḿbíkŋɛ wɛ́ ŋɡɔ:
Yɛ́su ɡɛ ḿbɔ́ ńcú mbɔ̌ pɔ́p ŋɡɔ: «Pʉʉ lɑk tú yʉ́ʉ, ḿbɑ́ɑ fɛntɛ pʉɔ-fɑlísɑy pɔ́p pʉɔ-sɑdukɑy.»
Pʉɔ nǔu nɔɔ-pɑfɑlísɑy tɔ́ ḿbɔ́ ńdɔɔ nɛkwɑꞋnɛ Yɛ́su, ḿbíkŋɛ wɛ́ ŋɡɔ: «Tɛ ɛ́ pɛ́Ꞌɛ nɛpʉ́ʉ nɛkŋɛ pɛ́m ŋɡɔ ŋu zuŋ nzwɛ́ wɛ tɛ mbɑ nǔu yɛ́tɛ́ nu yí ɑ fɑɑnɛ́nɛ?»
Ɛ́ ɡɛ pɔ́Ꞌɔ, Pʉɔ-fɑlísɑy ɡɛ cúꞋlɛ, ńdɔɔ pɑ́Ꞌ ɛ́ lɑɑ ḿbɔ́ pɔ́p fú nǔu nu yi Yɛ́su cúnɛ ŋ́ɡẅɛɛ wɛ́,
Lɑ́ Yɛ́su jí kwɑŋɛ kɛpɔŋ yɔ́p, ńcú mbɔ̌ pɔ́p ŋɡɔ: «Pɑŋkɔŋ-mík, pʉʉ kwɑꞋnɛ wɑ́ɑ mɛlɑ́Ꞌ kʉ̈ɔ́?»
Ɛ́ pɛn ḿbɔ́ pɔ lɛ́Ꞌ ɛ̂yɑ́, pɛcɔ́ ntɑ́Ꞌ pʉɔ nǔu nɔɔ-pɑsɑdukɑy ɡɔ́ɔ ŋ́kɛ́ ńtɔ́ nɛjɔ́ŋ Yɛ́su. Pɑsɑdukɑy pʉɔ pí pɔ́p kɑ́ pɛ́m ŋɡɔ pɛpfú ɡʉ ŋ́ɡɛ zẅíimɛ nǔu nɛvú pɔ́. Pɔ́p píkŋɛ mbɔ̌ Yɛ́su ŋɡɔ:
«pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pɑfɑlísɑy ɡẅɛɛ nɛkyɛ́Ꞌtɛ nɛpʉ́ʉ-Mɔ̌sɛ̂ɛ.
Njí ɡɛ ŋ́kiɛ, ɛ́ pɔ́ lɛ́Ꞌnji-Sɛ́ yi pɛ́ kɑ pɔ́ yɛcɔ́ lɛ́Ꞌ ḿbɔ́ ńniitɛ lɑ́. Pɛtɑ́tndɑ́-pɑnɔŋpɔꞋ pɔ́p pɑfɑlísɑy tɛmtɛ ńcúꞋlɛ njɛ́Ꞌ-Pilɑtɔ,
Ɛ́ yɛ́tɛ́ lɑ n cúnɛ mbɔ̌ pʉʉ ŋɡɔ: «Pʉʉ lɑɑ mbɔɔ ɡẅɛɛ nɛpʉ́ʉ sʉ́Ꞌnɛ ńdɛɛ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pɑfɑlísɑy pɔ́, mbɔ pʉʉ kɛ́ lɑ́Ꞌ ŋ́kúu nǔu nu-nɛfɔɔ-Sɛ́ pɔ́.»
Pɑfɑlísɑy jʉ́ɔ pɔ́Ꞌɔ, ḿbíkŋɛ ɡɑŋku-Yɛ́su ŋɡɔ: «Tɑ̌ɑ wʉʉ kwɛ́t yúu pɔ́p pɑcẅɛ́ɛ ntsup-Pɑlɔ́mɑ ŋ́ɡɛ pɛcɔ́ pʉɔ kɛpɔŋ mɛlɑ́Ꞌ kʉ̈ɔ́?»
Pɑfɑlísɑy tɔ́ yɔ́p, ḿbɔ́ ŋ́kwɑꞋlɛ wɛ́, ḿbíkŋɛ wɛ́ ŋɡɔ: «Tɛ ɛ́ pɛꞋnɛ nɛpʉ́ʉ nɛkŋɛ pɛ́m ŋɡɔ ŋu zuŋ nzwɛ́ wɛ?»
Yɛ́su jʉ́ɔ pɑꞋ pɔ́p pɔ́ pɔ pɑŋkɔŋmík, ńtsɔ́Ꞌ mbɔ̌ pɔ́p ŋɡɔ: «Pʉʉ ŋ́kwɑꞋlɛ wɑ́ɑ mɛlɑ́Ꞌ kʉ̈ɔ́? Pʉʉ lɔk pɑk-ŋkɑ́p ńtɔ́ ńnyɛt wɑ́ɑ.»
Pɑsɑdukɑy tɔ́ nɛjɔ́ŋ Yɛ́su. Pɑsɑdukɑy pʉɔ pinɛ pɔ́p kɑ́ pɛ́m ŋɡɔ pɛpfú ɡʉ ŋ́ɡɛ ńzẅíimɛ nǔu nɛvú pɔ́. Pɔ́p píkŋɛ mbɔ̌ Yɛ́su ŋɡɔ:
Wɛcɔ́ ŋkyɛ́Ꞌtɛ nɛpʉ́ʉ-Mɔ̌sɛ̂ɛ zúꞋ sẅiŋɛ-Yɛ́su tɛ ńdɔ sɛ́, ŋ́kwɑꞋlɛ wɛ́, ḿbíkŋɛ wɛ́ ŋɡɔ: «Cícɑ, ɛ́ píkŋɛ ŋɡɔ ŋ ɡɛ yɑ́ɑ ŋ́ɡɔ ku lɑ́ ŋ́ɡẅɛɛ luk kɛ́mɛ?»
Pɛcɔ́ pʉɔ pɔ́ ńtsʉ́ʉnɛ Yɛ́su tsʉ́ʉnɛ́nɛ, ḿbɔ́ ńdɔ́ɔ ŋɡɔ ɑ nyɛt ŋkʉꞋnɛ nu ŋɡɔ Sɛ́ túunɛ wɛ́.
Yɛ́su jí ŋɡɔ pɔ́p zẅíꞋ pɔ ntsu wɛ, ńcú mbɔ̌ pɔ́p ŋɡɔ:
Pɛcɔ́ mbɔ́ntɑ́Ꞌ pʉɔ nǔu nɔɔ-Pɑsɑdukɑy ńtɔ́ nɛjɔ́ŋ Yɛ́su, Pɑsɑdukɑy pʉɔ pinɛ pɔ́p ŋ́kɑɑ ḿbɛ́m ŋɡɔ pɛpfú ɡʉ ńdɑ́Ꞌ ńzẅíimɛ nǔu nɛvú pɔ́.
Pɔ́p cú pɔ́Ꞌɔ, ɛ́ pɔ́ pɔ ŋkʉ nɛlɔk ŋ́ɡẅɛɛ wɛ́. Pɔ́p lɔɔ mbɛ̌tntɑ́ŋ nɛlɔk ɛ́fɛn wɛ́. Lɑ́ Yɛ́su ŋɔ́Ꞌnɛ sɛ́, ńzɛ nɛlɔk mɔ́ɔ-tɔ̂pɔ́ wɛ, ŋ́ŋwɑꞋnɛ yúu sɛ́.
Pyɛ̂ pɔ́p Jɑ̂ŋ kɑ pɛ́t ńcú nu mbɔ̌ lɑ́Ꞌ cúnɛ, pɑnɔŋpɔꞋ ŋ́ɡɛ tɑ́tndɑ́-pɑpyɛ́p ZʉꞋ-nɔŋpɔꞋ pɔ́p pɑsɑdukɑy tɔ́.
Tɑ́tndɑ́-pɑnɔŋpɔꞋ pɔ́p pʉɔ pí pɔ́p kɑ pɔ́ ńtɔ́ɔtɛ nu yɛ́ zɛ nɛkɔ́Ꞌ lɔ́ŋ ntɛ́ ɡɑŋntúu. Pɑtɔ́ɔtɛ nu yɛ́ yîyɑ́ pɔ́ nǔu nɔɔ yi pɛ́ kɑ pɔ́ ɛ́fúŋ ŋɡɔ yɛ́ pɑsɑdukɑy.
Pɑyúdɑ nǔu yɔ́p ɡúŋ ḿbɔ́ ḿbíkŋɛ ŋɡɔ pɛ́ nyɛt yúu mi ɛ́ lɛ́Ꞌlɛ́nɛ mɛtʉʉ-Sɛ́. Pʉɔ-Ŋɡɛlɛ́k pɔ́ ḿbíkŋɛ yúu mi ɛ́ lɛ́Ꞌlɛ́nɛ kwɑꞋ jínu.
