Mɑtʉ̈ɔ 14:13 - Kɑɑ Fí

¹³ Yɛ́su zúꞋ yɔ nu, ŋ́kúu tsɛt kɑnúꞋ ḿbɔ́ ŋ́ɡʉ nɛ́ zʉꞋ yi ŋu kɑ́ pɔ́ zúꞋu pɔ́. Lɑ́Ꞌ jí, ɛ́fú tsɛt mɛtʉ́sɔŋ ńcẅɛt, ńnɛn mbʉʉ-mɛkʉŋ ŋki ḿbiitɛ ńzɑ́Ꞌ wɛ́.

Mɑtʉ̈ɔ 14:13 교차 참조

Mɑtʉ̈ɔ 10:23

Pɛ́ zɑ́Ꞌ ku yʉ́ʉ tsɛt yɔ tʉ́sɔŋ, pʉʉ kʉɔ ŋ́ɡʉ tsɛt yɛcɔ́. Ŋ ɡʉ ɛ́sẅíi wʉ́ʉ, kwɑꞋ nɛ́nẅín, pʉʉ kɛ́ lɑ́Ꞌ ŋ́kúu mɛtʉ́sɔŋ-Íslɑyɛ̂l tɛ ḿmɛk kɛ́ pɔ́ yi Mɔ́ɔ-Ŋu tɔ́ pɔ́.

Mɑtʉ̈ɔ 12:15

Yɛ́su pɔ́ tɛ ńjí, ɛ́fú zúꞋu ŋ́ɡʉ. Lɑ́Ꞌ cʉ́ɔ nzʉʉ wɛ́ tɛ ńzɑ́ɑ. A ɡɛ ɡɑŋɡɔɔ tsʉʉ pí ɛ́ tsɛt nɔɔ-lɑ́Ꞌ fíitɛ.

Mɑtʉ̈ɔ 14:12

Gɑŋku-Jɑ̂ŋ zúꞋ, ŋ́ɡʉ ndɑ́tsɑ́ŋ ńtíi pfú yɛ́ ńdɔk ŋ́ɡʉ ńtẅí. Tɛ ɛ́ kuꞋ, pɔ́p ɡʉ ɛ́sẅíi Yɛ́su nɛ́ nu yí ɛ́ lɛɛnɛ.

Mɑ́lɛ́kúshi 1:35

Njí kɑ pɔ́ ŋ́kiɛ, zʉꞋ pɛ́t ɛ́sʉ́ʉ sʉ́ʉnɛ, Yɛ́su lɔ sɛ́, ɛ́fú ndɑ́ ńcẅɛt, ŋ́ɡʉ nɛ́ ŋkɔ̂ŋtɛt, ńzɛ nɛcɛꞋlɛ Sɛ́.

Lúkɑ́shi 4:42

Njí kiɛ, Yɛ́su fú tʉ́sɔŋ ńcẅɛt, ḿbɔ́ ńdɔk wɛ́ kɔ̂ŋtɛt ŋ́ɡʉ, lɑ́Ꞌ cẅɛt ńzɛ nɛmɔɔ zʉꞋ ḿbɔ́ ńdɔ́ɔ wɛ́. Ŋ́kẅɛ́ɛtɛ wɛ́ pɔ́Ꞌɔ, ńdɔɔ nɛɡẅɛɛ wɛ́ ŋɡɔ kɔɔ ɑ nɑ́ wɔ́p, ŋ́ɡʉ.