Mɑtʉ̈ɔ 13:8 - Kɑɑ Fí

⁸ Mɛcɔ́ mɛmbɑŋ vu nǔu zʉꞋ-tsɛ́tsɑ́Ꞌ sʉ́Ꞌnɛ, ɛ́sɑ́Ꞌ ŋ́ɡúꞋ, ńzɛ́m. Mɛcɔ́ mɛtsɛ́n pɔ́ ŋ́ɡɑ́ mbɑŋ ŋkʉ, mɛcɔ́ ɡɑ́ mbɑŋ mɛɡɛ́mɛ́nɛ́ntúkú, mɛcɔ́ ɡɑ́ mbɑŋ mɛɡɛ́mɛ́ntɑ́t.

Mɑtʉ̈ɔ 13:8 교차 참조

Mɑtʉ̈ɔ 13:23

Mbiyúu mi ɛ́ vunɛ nǔu tsɛ́tsɑ́ꞌ sʉ́Ꞌnɛ nu-pʉɔ pínɛ pɔ́p zúꞋnɛ sẅíŋɛ-Sɛ́ tɛ ńtsuŋ ńzúꞋ. Pɔ́p pɑ́Ꞌ mɛtsɛ́n-yúu mi mɛcɔ́ ɡɑ́nɛ mɛmbɑŋ ŋkʉ, mɛcɔ́ ɡɑ́ mɛɡɛ́mɛ́nɛ́ntúkú, mɛcɔ́ ɡɑ́ mɛɡɛ́mɛ́ntɑ́t.

Mɑtʉ̈ɔ 13:7

Mɛcɔ́ mɛmbɑŋ vu tsɛt nɛɡíi kɛpɔŋ, nɛɡíi kɛpɔŋ ɡɛ ńdɔ sɛ́ ɛ́fɛ́mɛ mîmɑ́.

Mɑ́lɛ́kúshi 4:20

Mbiyúu mi ɛ́ vunɛ nǔu tsɛ́tsɑ́ꞌ sʉ́Ꞌnɛ, lɔk ḿbɔ́ pʉɔ pi pɔ́p zúꞋ sẅíŋɛ-Sɛ́, ḿbɛ́m, ḿbɛn ḿbɔ́ ŋ́ɡɛ pɑꞋ nu-Sɛ́ píkŋɛnɛ, ńdɔk ŋ́ɡʉ mbi, pɔ́p lɔk ḿbɔ́ pɑꞋ mbiyúu mi yɛcɔ́ mbɑŋ pɔ́ ɛ́sɑ́Ꞌ ńtɔ́ ŋ́ɡɑ́ mɛmbɑŋ mɛɡɛ́mɛ́ntɑ́t, yɛcɔ́ ɡɑ́ mɛɡɛ́mɛ́nɛ́ntúkú, yɛcɔ́ ɡɑ́ ŋkʉ.»

Mɑ́lɛ́kúshi 4:8

Mɛcɔ́ mɛmbɑŋ vu ɡúu nǔu zʉꞋ-tsɛtsɑ́Ꞌ sʉ́Ꞌnɛ, ŋ́ɡúꞋ, ɛ́sɑ́ɑ sʉ́Ꞌnɛ. Mɛcɔ́ mɛtsɛ́n pɔ́ ŋ́ɡɑ́ mbɑŋ mɛɡɛ́mɛ́ntɑ́t, mɛcɔ́ ɡɑ́ mɛɡɛ́mɛ́nɛ́ntúkú, mɛcɔ́ ɡɑ́ ŋkʉ.»

Lúkɑ́shi 8:15

Mbiyúu mi ɛ́ vunɛ nǔu tsɛ́tsɑ́Ꞌ sʉ́Ꞌnɛ lɔk ḿbɔ́ pʉɔ pinɛ pɔ́p zúꞋ sẅíŋɛ-sɛ́, ḿbɛ́m nɛ́ tʉ́m sʉ́Ꞌnɛ, ŋ́ɡɛ pɑꞋ ɛ́ sɛ́ ḿbíkŋɛ, ḿbɛn ḿbɔ́ ɛ́sɑ́Ꞌ tʉʉ nɛɡẅɛɛ ŋkɑ́ tsʉʉ, ḿbɛn ḿbɔ́ ńzɛ́m ntɑ́ɑ.»

Lúkɑ́shi 8:8

Mɛcɔ́ mɛmbɑŋ vu nǔu zʉꞋ tsɛ́tsɑ́Ꞌ sʉ́Ꞌnɛ, ŋ́ɡúꞋ, ŋ́ɡɛ ńzɛ́m, mbɑ nɛ́tɛ́ nɛtsɛ́n lɑ́ ɡɑ́ mbɑŋ ŋkʉ. Yɛ́su cú pɔ́Ꞌɔ, ŋɡɔ, ŋu ẅí ɑ ɡẅɛɛnɛ mɛtúutɛ́ nɛlɔk ńzúꞋ ɑ zúꞋ.»

Jɑ̂ŋ 15:8

«Yúu mi ɛ́ lɑɑ ḿbɔ́ ɛ́ ɡɛ pɛ́ ɡúꞋlɛ Tɑ̌ɑ mɔ, ɛ́ pɑ́Ꞌ ɛ́ lɑɑ ḿbɔ́ pʉʉ ɡɛ yúu sʉ́Ꞌnɛ tɛꞋ, ḿbɛn ḿbɔ́ ɡɑŋku pɑ́ɑ.»

Pʉɔ-Lɔ́mɑ 7:18

Mɔ sɛ́ ńjí ŋɡɔ nu sʉ́Ꞌnɛ ŋkɑɑnɛ wɑ́ɑ jʉ́, n dɑꞋ mɔ ŋumɛsɔŋ ẅi n zɑŋɛ zɑŋɛ́nɛ. N tsɑ́ɑ nɛɡɛ nu sʉ́Ꞌnɛ ŋkɑ́ tsʉʉ lɑ́ ŋ́kɛ́ mbɔɔ kuꞋ nɛɡɛ pɔ́.

Filipɛ 1:11

Yɛ́su ɡʉ ńcẅɛ́lɛ́ wʉ́ʉ nɛfɑꞋ pɔ mɛfɑꞋ sʉ́Ꞌnɛ, nɛlɔk ŋ́ɡúꞋlɛ Sɛ́, ŋ́kɑꞋ lík yɛ́.