Mɑtʉ̈ɔ 13:46 - Kɑɑ Fí

⁴⁶ A pɔ́ tɛ ńjʉ́ɔ yɛcɔ́ túkcí yi ɛ́ cɔ́knɛ ŋkɑ́p tɛꞋ, ŋ́ɡʉ ɛ́fɛn yúu pɛ́ tsʉʉ tsʉʉ, ńdɔk ŋkɑ́p ńtɔ́ ńzúu yɛ́tɛ́.»

Mɑtʉ̈ɔ 13:46 교차 참조

Mɑtʉ̈ɔ 13:44

Yɛ́su pɛn ńcú ŋɡɔ: «Nu-nɛfɔɔ-Sɛ́ pɛn ḿbɔ́ pɔ pɑ́Ꞌ yɛcɔ́ yúu tʉʉndɛn yi ɛ́ lʉɔmɛ́nɛ tsɛt wɛcɔ́ ŋkɑ́Ꞌ, ŋu pɔ́ tɛ ńjʉ́ɔ, ḿbɛn ńdẅɛꞋ, ńdɔk nɛtsɑ́ɑtɛ ŋ́kʉɔ ŋ́ɡʉ ɛ́fɛn yúu pɛ́ tsʉʉ, ńdɔk ŋkɑ́p ńtɔ́ ńzúu ẅîwɑ́ ŋkɑ́Ꞌ.

Mɑtʉ̈ɔ 13:45

Nu-nɛfɔɔ-Sɛ́ pɛn ḿbɔ́ pɔ pɑ́Ꞌ nu-ntɑ́ŋmɛtɑ́ɑ ẅi ɑ lɔɔnɛ túkcí sʉ́Ꞌnɛ.

Mɑtʉ̈ɔ 13:47

Yɛ́su pɛn ŋɡɔ: «Nu-nɛfɔɔ-Sɛ́ pɛn ḿbɔ́ pɔ pɑ́Ꞌ nu-mɛŋkʉ mi ŋu mɑꞋnɛ tsɛt nɛkʉŋ-ŋki, mɛshú kúu tsɛtú ntɛ́ ntɛ́.

ŊwɑꞋnɛ-Gɑŋntúu Yɛ́su Kɛlístɔ 20:24

Lɑ́ ɛ́ ɡʉ nǔu mɔ, mbɔ wɑɑ nɛpɔ́ kɑ́ síi ḿbɔ́ pɔ yúu tʉʉndɛn mbɔ̌ mɔ pɔ́. Yúu mi mɔ sɛ́ ńtsɑ́ɑ, ɛ́ pɔ́ pɔ ŋɡɔ, ɛ fɑꞋ fɑꞋ yi pɛ́ ɡɑ́nɛ mbɔ̌ mɔ tɛ ḿmɛk. Ɛ́ pɔ́ nɛɡɛ ŋ́ɡɛ mbɑ kʉ̈ɔ́ lɑ́ yi Tsɑpʉɔ Yɛ́su kɑ cúnɛ ŋɡɔ ŋ ɡɛ. N cú nɛɡʉ ńcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ mbɔ̌ pʉɔmɛsɔŋ nɛlɔk ɛ́sẅíi wɔ́p pɑ́Ꞌ Sɛ́ fú nǔu Yɛ́su ŋ́ɡɑ́ fuꞋ níinɛ mbɔ̌ pʉɔ pɔ́Ꞌɔ.»

Ŋɡɑlɑ̂t 6:14

ŋ́ɡʉ nǔu mɔ, mbɔ yúu mi ɛ́ lɑɑ ḿbɔ́ n dɔk ŋ́ŋɑ́Ꞌtɛ, ɛ́ pɔ́ pɔ pɑ́Ꞌ Tsɑpʉɔ wɛkŋɛ Yɛ́su Kɛlístɔ kɑ pfú nǔu tʉ́ mbɑ́ŋtɛ pɑ́ŋtɛ́nɛ lɑ́. Pɑ́Ꞌ ɑ kɑ pfúnɛ nǔu tʉ́ mbɑ́ŋtɛ pɑ́ŋtɛ́nɛ lɑ́, yúu yɔ ndǔmbí ɛ́ tsʉ́Ꞌ nɛjɔ́ŋ mɔ ḿbɔ́ pɔ pfú-yúu, ɛ́ ɡʉ nǔu mɔ m bɔ́ mbɔ̌ pɔ́p, mbɔ ŋ kɑ pfú mɔ́.

Ɛ́fɛ̂zɛ 3:8

Tɛ mbɑ pɑ́Ꞌ mɔ tsɛtsɛt pʉɔ-Sɛ́ pɛtsʉʉ ḿbɔ́ pɔ ndẅiknzʉʉ, ɑ kɑ kɛ́ ḿbɛ́m pɛ́mnɛ ŋɡɔ mɔ ɡʉnɛ ńcẅi Ŋkʉʉ Sʉ́Ꞌnɛ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ńdɛꞋlɛ pii kɛ́mɛ yi ɛ́ nǔu nu-Kɛlístɔ.

Kɔlɔsíyɛ̂ŋ 2:3

FuꞋ-jínu tsʉʉ, mbɑ yi kwɑŋɛ nu tsʉʉ tɛmtɛ ńcúꞋlɛ ńdʉɔmɛ pɔ nǔu Kɛlístɔ.

Mɛnu ɛ́ ńdɑ́Ꞌ ńcẅɛt 18:12

ɛ́ yúu pɑ́Ꞌ tʉ́n-ŋɡɔ̂l, mbɑ tʉ́n-ŋkɑ́p. Yúu pɑ́Ꞌ mɛŋɡɔꞋ mi ɛ́ mɛ́ tʉʉndɛn, mbɑ mɛtúkcí, mbɑ mɛndẅí tʉʉndɛn, mbɑ mɛ pɛpɑŋ, mbɑ mɛndẅí mɛsɛlɛk, mbɑ mi ɛ́ pɑŋ ŋɡɔ ɡʉ̂ŋ, mɛpɛlɑ́ŋ mi ɛ́fú nǔu yɛcɔ́ ntɛ́ tʉ́ yi pɛ́ lɔɔ fɛ́Ꞌnɛ ńjʉ́ɔ pɔ́, mbɑ yɛ́tɛ́ ntɛ́ yúu mi pɛ́ kɑ lɔknɛ nɛsɔŋ-shʉ̈ɔ́ ńniitɛ, mbɑ yɛ́tɛ́ ntɛ́ yúu mi pɛ́ lɔk tʉ́ yi ndɛn nǔu tɛꞋ ńniitɛ, mbɑ yi pɛ́ lɔknɛ tʉ́n-Mbɛlɔŋzɛ ńniitɛ, mbɑ yi pɛ́ lɔknɛ kwɑꞋ tʉ́n ńniitɛ, mbɑ yi pɛ́ lɔknɛ yɛcɔ́ ntɛ́ ŋɡɔꞋ yi pɛ́ fúŋnɛ ŋɡɔ mɑ̂bɛlɛ ńniitɛ.

Mɛnu ɛ́ ńdɑ́Ꞌ ńcẅɛt 21:21

Mɛntsu-ŋkɑ́Ꞌ ntsɔ̌ppɑ́ nɛ́ nɛɡɛ́m kɑ pɔ́ mɛtúkcí ntsɔ̌ppɑ́ nɛ́ nɛɡɛ́m, mbɑ yɛ́tɛ́ ntsuŋkɑ́Ꞌ pɔ́, mbɔ pɛ́ kɑ lɔk pɔ tɑ́Ꞌ túkcí nǔu mîmɑ́ mɛntɛ́ ńniitɛ. Ndúŋ ɡwɛ́ ẅi ɛ́ lɛɛnɛ tsɛt tʉ́sɔŋ pɔ́, mbɔ pɛ́ lɔk ɡɔ̂l kɛ́ lɔ́Ꞌ ńdɔk ḿbɔ́ɔ, ɛ́ ŋwɑŋɛ ŋwɑŋɛ́nɛ pɑ́Ꞌ ŋɡɛlɑ́shi.