Mɑtʉ̈ɔ 12:3 - Kɑɑ Fí

³ Yɛ́su tsɔ́Ꞌ mbɔ̌ pɔ́p ŋɡɔ: «Pʉʉ ŋkɑɑ mɔ́ ɛ́fúŋ zʉꞋ-ŋwɑꞋnɛ-Sɛ́ yi ɛ́ lɛꞋlɛ́nɛ yúu mi fɔɔ Ndɑvît kɑ ɡɛnɛ pɔ́ kɛ? Pɑ́Ꞌ ɛ́ kɑ pɔ́ yɛcɔ́ lɛ́Ꞌ, njí zɑ́ŋ wɔ́p pɛ́ pʉɔ pɛ́.

Mɑtʉ̈ɔ 12:3 교차 참조

Mɑtʉ̈ɔ 12:2

Pɛcɔ́ pʉɔ nǔu pɑfɑlísɑy jʉ́ɔ pɔ́Ꞌɔ, ńcú nɛ́ Yɛ́su ŋɡɔ: «Líŋɛ lɑ ńjʉ́ɔ pɑ́Ꞌ ɡɑŋku pú ɡɛnɛ yúu mi nɛpʉ́ʉ kɑ́ pɔ́ ḿbíkŋɛ ŋɡɔ pɛ́ ɡɛ lɛ́Ꞌnji-Pɑyúdɑ pɔ́.»

Mɑtʉ̈ɔ 12:4

A kúu tsɛt zʉꞋ-nɔŋpɔꞋ, ḿbɛ́ɛ mbɛlɛ̂ɛt yí pɛ́ ɡɑ́nɛ mbɔ̌ Sɛ́, ŋ́kwɛ́t tɛ ŋ́ɡɑ́ yɛ́ ɡɑŋku pɛ́, lɑ́ nɛpʉ́ʉ cú ŋɡɔ ndɑꞋ pɑnɔŋpɔꞋ ɡẅɛɛnɛ nɛkwɛ́t!

Mɑtʉ̈ɔ 12:5

Kɛ pʉʉ ŋkɑɑ mɔ́ ɛ́fúŋ tsɛt ŋwɑꞋnɛ-Mɔ̌sɛ̂ɛ, ŋɡɔ ɛ́ lɛ́Ꞌnji-Pɑyúdɑ, pɑnɔŋpɔꞋ pi pɔ́p ɡẅɛɛnɛ fɑꞋ zʉꞋ-nɔŋpɔꞋ kɛ́ mbɔɔ jẅiitɛ, lɑ́ ɛ́ pɔɔ ńdɔk ḿbɔ́ ŋɡɔ pɔ́p fɑɑnɛ nɛpʉ́ʉ pɔ́.

Mɑtʉ̈ɔ 19:4

Yɛ́su píkŋɛ wɔ́p ŋɡɔ: «Pʉʉ kɑ́ fúŋ ŋwɑꞋnɛ-Sɛ́ ńzúꞋ pɔ́ kɛkʉ̈ɔ́? Pɛ́ kɑ ŋwɑꞋnɛ ŋɡɔ: Sɛ́ kɑ nɔŋ ŋɡɔŋ ḿbɔ́ɔ ŋu mbɛ́ɛnɛ pɔ́p mɑŋɡɛ́.

Mɑtʉ̈ɔ 21:16

ŋ́ɡɔ́ɔ ŋ́kɛ́ ḿbíkŋɛ Yɛ́su ŋɡɔ: «Tɛ ɔ sɛ́ ńzúꞋ yúu mi mbɔ́ŋkʉ̈ɔ́ sɛ́ ńcú lɑ́?» Yɛ́su tsɔ́Ꞌ mbɔ̌ pɔ́p ŋɡɔ: «Mɔ sɛ́ ńzúꞋ!» Ḿbɛn ŋɡɔ: Pʉʉ ŋkɑɑ mɔ́ ɛ́fúŋ ŋkɑŋ-ŋwɑꞋnɛ-Sɛ́ yi ɛ́ cúnɛ ŋɡɔ: «mbɔ́ŋkʉ̈ɔ́ tɛ mbɑ pɔ́ɔ mbɔ́t, ḿbɔ́ ńdɔk ntsu wɔ́p ŋ́ɡúꞋlɛ wú pɑ́Ꞌ ɔ kɑ tsɑ́ɑnɛ pɔ́ kɛ?»

Mɑtʉ̈ɔ 22:31

ŋ́ɡʉ nǔu pɛpfú pɑ́Ꞌ pɔ́p ɡʉ ŋ́ɡɛ ńzẅíimɛ, mbɔ pʉʉ ŋkɑɑ mɔ́ fúŋ yúu mi Sɛ́ kɑ cúnɛ pɔ́ kɛ, ɑ ŋkɑɑ cú ŋɡɔ:

Mɑ́lɛ́kúshi 12:10

Ɛ́ lɑɑ mbɔɔ kʉ̈ɔ́ pɔ́, mbɔ pʉʉ kɑ fúŋ mɔ́ zʉꞋ-ŋwɑꞋnɛ-Sɛ́ yi ɛ́ cúnɛ ŋɡɔ: «ŊɡɔꞋ yí pɑpɔ́ɔndɑ́ kɑ mɛꞋnɛ kɑ tsʉ́Ꞌnɛ ŋɡɔꞋ yí ɛ́ piꞋnɛ ndɑ́.»

Mɑ́lɛ́kúshi 12:26

Ɛ́ ɡʉ nǔu pɛpfú pi pɔ́p ńzẅíimɛ nǔu nɛvú, mbɔ pʉʉ ŋkɑɑ mɔ́ ɛ́fúŋ yúu mi Mɔ̌sɛ̂ɛ kɑ ŋwɑꞋnɛ́nɛ, ńdɛꞋlɛ yúu mi Sɛ́ kɑ cúnɛ mbɔ̌ wɛ́, zʉꞋ yí yɛcɔ́ mɔ́yúu tʉ́ kɑ pɔ́nɛ zúꞋu, múk pɔ́ nǔu pɔ́ kɛ? Sɛ́ kɑ pɔ́ ńcú ŋɡɔ: «Mɔ, Sɛ́-Ábɛlɛhɑ̂m, ḿbɔ́ Sɛ́-Ɛ́sɑk, ḿbɔ́ Sɛ́-Yɑkɔ̂p.»

Lúkɑ́shi 10:26

Yɛ́su zúꞋ pɔ́Ꞌɔ, ńcú mbɔ̌ wɛ́ ŋɡɔ: «Ɔ fúŋ yú ŋwɑꞋnɛ-Sɛ́ ńzúꞋ pɔ ŋɡɔ ku?»

Lúkɑ́shi 6:3

Yɛ́su pʉ̈ɔt mbɔ̌ pɔ́p ŋɡɔ: «Pʉʉ ŋ́kɑɑ mɔ́ fúŋ zʉꞋ ŋwɑꞋnɛ-Sɛ́ yi ɛ́ lɛꞋlɛ́nɛ yúu mi fɔɔ Ndɑvît kɑ ɡɛnɛ pɔ kɛ́? Kɛ ŋɡɔ ɑ m̄bɔ́ yɛcɔ́ lɛ́Ꞌ, nji zɑ́ŋ wɛ́ pɔ́p pʉɔ pɛ́,