Mɑ́lɛ́kúshi 7:4 - Kɑɑ Fí

⁴ ŋ́ɡʉ mɛntɑ́ɑ tɛ ḿbɛn, ḿbiitɛ ńcẅɛɛtɛ lɔ́Ꞌ nǔu pɔ́p, lɑ́ ńjʉ́ yúu. Pɔ́p pɛn ŋ́ɡẅɛɛ mɛcɔ́ mɛnɛpʉ́ʉ tɛ ɛ́ zɑ́ɑ, mi nɔŋŋɡɔŋ kɑ zɑ́pnɛ, ńdɔk ńnyɛt wɔ́p nɛ́ ntɛ́ nɛsuk lɔ́Ꞌ nǔu mɛntúꞋ mbɑ nǔu mɛkʉŋ, mbɑ nǔu mɛkɑ́ŋ, (tɛ mbɑ nǔu mɛkúu).

Mɑ́lɛ́kúshi 7:4 교차 참조

Mɑtʉ̈ɔ 23:25

Pʉʉ pɛpʉ́ktú, pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pʉʉ pɑfɑlísɑy, pʉʉ pɑŋkɔŋmík. Pʉʉ tuk mbʉʉ-ntúꞋ lɔk ńnɔ́ mɛluꞋ mbɑ yɛ kɑ́ŋ, lɑ́ yúu mi pʉʉ lɔknɛ tsɔ́ŋ pɔ́p ɡɑ́tɛ ŋ́ɡẅɛɛ pɔ́nɛ tsɛtú.

Mɑtʉ̈ɔ 23:26

Ŋu-Fɑlísɑy, ɔ fʉmík, ɔ lɑɑ ḿbiitɛ ńtuk tsɛt ntúꞋ, tɛ ɛ́ lɛ́ɛnɛ, mbɔ nzɛmpíi ɡʉ ḿbɑ́ɑtɛ ńdɛ́ɛnɛ.

Mɑtʉ̈ɔ 27:24

Pilɑtɔ jʉ́ɔ ŋɡɔ yɛcɔ́ nɛɡɛ kɑ́ pɔ́ ɡú pɔ́, ḿbɔ́ ńjʉ́ɔ ŋɡɔ mbɔ ɛ́ shɔtnɛ pʉɔ tɑ́k zʉꞋ, ŋ́ɡɔ́ɔ ŋ́kɛ́ ńtíi ŋki, ɛ́suk mbɔ́ mɛ́ mbi-lɑ́Ꞌ, ńcú ŋɡɔ: «Ŋ kɑ́ ɡẅɛɛ nu nǔu nu-ŋu wɑ́ pɔ́, ɛ́ sɛ́ ńdíŋɛ pɔ wʉ́ʉ.»

Mɑ́lɛ́kúshi 7:8

Yɛ́su cú mbɔ̌ pɔ́p ŋɡɔ: «Ɛ́ yɛ́tɛ́ yi pʉʉ pɑꞋnɛ nɛpʉ́ʉ-Sɛ́ ŋ́ɡɑ́ nzʉʉ, ńtsʉ́ꞌ ŋ́ɡẅɛɛ pɔ nɛ́ pʉɔmɛsɔŋ lɑ́.»

Jɑ̂ŋ 2:6

Mɛcɔ́ mɛkʉŋ-ŋɡɔꞋ pɔ́ zúꞋu mɛ́nɛ́ntúkú. Mi Pɑyúdɑ túꞋnɛ ŋki tsɛtú ńdɔk ḿbʉʉtɛ mbʉʉ yɔp lɑ ŋ́ɡúꞋlɛ Sɛ́. Pɑ́Ꞌ nɛpʉ́ʉ-lɑ́Ꞌ nɔ́p kɑ pɔ́ ḿbíkŋɛ. Ɛ́ kɑ pɔ́ tɛ mbɔ pɛ́ níꞋ ŋki mbɑ lɛ́tɑ ŋkʉ tsɛt tɑ́Ꞌ.

Jɑ̂ŋ 3:25

Yɛcɔ́ lɛ́Ꞌ, ŋu-pɑyúdɑ pɔ́p wɛcɔ́ ɡɑŋku-Jɑ̂ŋ nɑ́ŋ tɛ ńzɛ nɛzɔŋ nu nǔu nu nɛpʉʉtɛ mbʉʉ lɑ ŋ́ɡúꞋlɛ Sɛ́.

Ɛ́bɛlʉʉ 9:10

Yîyɑ́ ntɛ́ nɛɡúꞋlɛ Sɛ́ ntɛ́ yi ɛ́ líŋɛ́nɛ pɔ mbʉʉ-ŋu, ɛ́ pɔ́ nu ńdíŋɛ yúupɛjʉ́, ńdíŋɛ mɛluꞋ, ńdíŋɛ nɛsuk mɛlɔ́Ꞌ. Mɛtʉʉ mîmɑ́ mbʉ́ʉ kɑ ɡẅɛɛ nɛpɔ́ ɡú tɛ ńdɑ́Ꞌ ŋ́kúu pɔ ŋkɑ́ yi Sɛ́ kɑ pɔ́ ŋ́ɡʉ ḿbɛn ŋ́ɡɛ mbɑ kʉ̈ɔ́ lɑ́ pɔ fí fí.

Jɑ̂k 4:8

Pʉʉ kẅɛ́Ꞌlɛ mbʉʉ yʉʉ ŋ́ɡɑ́ nɛ́ nɛjɔ́ŋ Sɛ́, ɑ kẅɛ́Ꞌlɛ yɛ́ mbʉʉ ŋ́ɡɑ́ nɛjɔ́ŋ pʉʉ. Pʉʉ ɡɑŋmɛfɑɑnɛ, pʉʉ suk mbɔ́ mʉ́ʉ, pɛŋkɔŋmík, pʉʉ cẅɛɛtɛ ntsɛ́llɛ́ tsɛt mɛtʉ́m mʉ́ʉ.

1 Jɑ̂ŋ 1:7

Lɑ́ ŋ́kɛ́ ḿbɔ́ yi pɛkŋɛ lɑɑ ḿbɔ́ ńnɛn nǔu zʉꞋ fúknɛ pɑ́Ꞌ jʉ́ nɛ́ tú yɛ́ nǔu zʉꞋ-fúknɛ lɑ́, mbɔ pɛkŋɛ ɡʉ ńtɛmtɛ ŋ́ɡẅɛɛ tɑ́Ꞌ ntsu tsɛtsɛt pɛkŋɛ, mɛci-Mɔ́ɔ nɛ Yɛ́su suk wɛkŋɛ nǔu nu kɛpɔŋ tsʉʉ.