Mɑ́lɛ́kúshi 4:38 - Kɑɑ Fí

³⁸ Yɛ́su pɔ́ nzʉʉ, ńjʉ́ɔꞋnɛ nǔu yúu ḿbɔ́ ńdɛ́, ɡɑŋku pɛ́ pɔ́ jʉɔmɛ wɛ́ ńcú ŋɡɔ: «Ndɛ, ńjí ŋɡɔ ɔ kɑ́ pɔ́ ńjʉ́ɔ pɑꞋ pɛkŋɛ ɡʉ ḿpfú lɑɑ pɔ́ kɛ?»

Mɑ́lɛ́kúshi 4:38 교차 참조

Mɑtʉ̈ɔ 22:16

ńtúu pɛcɔ́ ntɑ́Ꞌ pʉɔ nǔu ɡɑŋku yɔ́p, mbɑ pɛcɔ́ ntɑ́Ꞌ pʉɔ nǔu ku-pʉɔ-fɔɔ Ɛlɔ̂dɛ ŋɡɔ: Pɔ́p ɡʉ ńcú mbɔ̌ Yɛ́su ŋɡɔ: «Cícɑ, pɛk sɛ́ ńjí ŋɡɔ ɔ cú nu, ḿbɛn ńdɛꞋlɛ pɔ nu yí ɛ́ tʉ́ʉnɛ ndʉ́ŋndʉŋ, ńcú kɛ́ pɔ́k ŋu, ḿbɛn ŋ́kɛ́ mbɔɔ líŋɛ ŋumɛsɔŋ pɔ nǔu shʉ́ pɔ́, ńdɛꞋlɛ nu nɛ́nẅín pɔ pɑ́Ꞌ Sɛ́ sɛ́ ḿbíkŋɛ ŋɡɔ pɛ́ ɡɛ pɔ́Ꞌɔ.

Mɑtʉ̈ɔ 8:25

Pɔ́p tɔ́ nɛjɔ́ŋ yɛ́, ḿbɔ́ ńjʉɔmɛ wɛ́, ńcú ŋɡɔ: «Tsɑpʉɔ, cẅɛ́ɛ wɛ́k mbɔ̌ nɛvú. Pɛ́kŋɛ pfú tɛ ńdɛm.»

Mɑ́lɛ́kúshi 4:37

yɛcɔ́ mɑ́mɑ́ fɛ́m nɑ́ŋ tɛ ńzɛ nɛtsʉꞌnɛ, ŋki m̄bɔ́ ḿbʉʉnɛ ŋ́kúu tsɛt kɑnúꞋ, tɛ ɛ́ tsʉꞋ ŋ́ɡʉ pɔ nɛlúu,

Mɑ́lɛ́kúshi 4:39

A jʉɔmɛ, ńcʉ̈ɔ́k fɛfʉ̈ɔt pɔ́p ŋki, ńcú ŋɡɔ: «Ɛ́ kuꞋ pɑꞋɑ, pʉʉ nɑ́Ꞌ!» Fɛ́m ɡɔ́ɔ ńzɑ́Ꞌnɛ, ŋki pɔɔ pɛn ńtsʉ́Ꞌnɛ pɔ́.

Lúkɑ́shi 8:24

ńjʉɔmɛ wɛ́, ńcú ŋɡɔ: «Tsɑpʉɔ, Tsɑpʉɔ, pɛkŋɛ pfú tɛ ńdɛm.» Yɛ́su jʉɔmɛ, ńdɔ sɛ́, ńcʉ̈ɔ́k fɛ́m pɔ́p ŋki. Fɛ́m zɑ́Ꞌnɛ, ŋki tʉ́ʉ, zʉꞋ nɑꞋ ŋɡɔ kɛm.

Jɑ̂ŋ 4:6

Ŋki túŋnɛ ẅi pɛ́ kɑ pɔ́ ɛ́fúŋ nɛ́ ŋki-Yɑkɔ̂p pɔ́ zúꞋu. Yɛ́su ɡɔ́ ŋ́kúu zúꞋu, tẅɛp tsʉ́Ꞌ ŋ́kuꞋ kuꞋnɛ, mbɔ ɑ nɛn tɛ ŋ́kɑ́ɑ, ŋ́kɔkŋɛ ńnɑ́ŋ sɛ́ mbʉʉ-ŋki ɛ̂wɑ́.

Ɛ́bɛlʉʉ 2:17

Ɛ́ kɑ pɔ́ pɔ́Ꞌɔ, ḿbɔ́ ḿbíkŋɛ ŋɡɔ ɑ ɡʉ nǔu mbɑ kʉ̈ɔ́ lɑ́ ḿbɔ́ pɑ́Ꞌ pɔ́ɔpɛ́mɑ́ pɛ́, ɛ́ lɛɛ pɔ́Ꞌɔ, ɑ pɔ́ nɔŋpɔꞋ wɛ ɡwɛ́ ẅí ɑ nɑ́ŋnɛ ńtsɑ́ɑ mɛjʉ́ŋ-pʉɔ, ńjí yɛ́ pɔ ndɑꞋ nɛfɑꞋ mbɔ̌ Sɛ́, nɛpɔ́ yi ɑ ɡʉ ŋ́ɡɛ Sɛ́ likŋɛ mɛfɑɑnɛ-pʉɔmɛsɔŋ.

Ɛ́bɛlʉʉ 4:15

Wɛkŋɛ NɔŋpɔꞋ wɛ ɡwɛ́ ɛ̂wɑ́ zɛɛ ńjí ntɛ́ yi mɛnu kúunɛ wɛkŋɛ pɔ́Ꞌɔ, mɛnu kɑ kúu wɛ́, ŋkwɑꞋnɛ mɛntɛ́ mɛntɛ́ kúu wɛ́ ɡúu pɑ́Ꞌ pɛkŋɛ, lɑ́ ɑ kɛ́ ńdɑ́Ꞌ mbɔɔ yɛcɔ́ nu fɑɑnɛ.

1 Pyɛ̂ 5:7

Pʉʉ níꞋ mbɑ kʉ̈ɔ́ lɑ́ yi ɛ́ sɛ́ ńdɛɛ wʉ́ʉ, tsɛt mbɔ́-Sɛ́, mbíꞋŋɡɔ ɑ sɛ́ ńdíŋɛ wʉ́ʉ.