34 Ńcú pɔ́Ꞌɔ, ɛ́shɔtnɛ ńdíŋɛ pʉɔ pi pɔ́p tʉ̈ɔ́Ꞌtɛnɛ wɛ́ ńníꞋ sɔŋ, ńcú ŋɡɔ: «KwɑꞋ mɑ́mɑ́ wɑɑ pɔ́p kwɑꞋ pɔ́ɔpɛ́mɑ́ pɑ́ɑ pʉ́ɔlɑɑ pɔ́p nɑ́ŋtɛ́nɛ.»
Yɛ́su ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Kɔɔ pʉʉ pɔ́k.» Pʉʉ ɡʉ ńcú mbɔ̌ pɔ́ɔpɛ́mɑ́ pɑ́ɑ, ŋɡɔ pɔ́p ɡʉ nɛ́ Ŋɡɑlilɛɛ, ŋɡɔ pɔ́p ɡʉ ńjʉ́ɔ wɑ́ɑ pɔ zúꞋu.
A tsɔ́Ꞌ ŋɡɔ, kwɑꞋ mɑ́mɑ́ wɑɑ wɔ̌, kwɑꞋ pɔ́ɔpɛ́mɑ́ pɑ́ɑ pɔ́ pɛ́ wɔ̌?
Ɛ́ kʉꞋnɛ Yɛ́su tɛꞋ, pɑꞋ pɔ́p kɑ́ zɑ́p tʉ́m nǔu wɛ́ pɔ́. Yɛ́su ɡɛ ɛ́fú zúꞋu, ŋ́ɡʉ ńzɛ nɛnɛn tsɛt mɛlɑ́Ꞌ shʉ́ zúꞋu, ḿbɔ́ ńzíꞋ pʉɔ nɛ́ nu-Sɛ́.
Yɛ́su cú mbɔ̌ wɛ́ ŋɡɔ: «Kɔɔ lɑ́ɑtɛ wɑ́ɑ, mbíꞋŋɡɔ n zɛɛ ḿbɛ́t kɛ́ kɔ́Ꞌ tɛ ŋ́kúu nɛjɔ́ŋ Tɑ̌ɑ. Kɛ́ ŋ́ɡʉ ńjʉ́ɔ pɔ́ɔpɛmɑ́ pɑ́ɑ, ńcú mbɔ̌ pɔ́p ŋɡɔ: Mɔ kɔ́Ꞌ nɛ́ nɛjɔ́ŋ Tɑ̌ɑ ẅi ɑ pɛn ḿbɔ́ Tɑ̌ɑ wʉʉ. Nɛjɔ́ŋ Sɛ́ wɑɑ ẅi ɑ pɛn ḿbɔ́ Sɛ́ wʉʉ.»
MbíꞋŋɡɔ pʉɔ pi Sɛ́ kɑ zɑ́Ꞌnɛ njí ńtsɔ́Ꞌ wɔ́p, ɑ kɑ pɛn ńzɑ́Ꞌ njí ńzɑ́p ŋɡɔ mɔ́yúu ɡʉ ńdɑ́Ꞌ ḿbɔ́ ŋ́kúpmɛ nǔu pɔ́p kúpmɛ́nɛ, tɛ pɔ́p fí Mɔ́ɔ nɛ. Ɛ́ lɛɛ pɔ́Ꞌɔ, Mɔ́ɔ nɛ pɔ́ wɛ ndʉ́m nǔu nɔɔ-pɔ́ɔpɛ́mɑ́ pɛ́ pi pɔ́p zɑ́ɑ zɑ́ɑnɛ.
