Mɑ́lɛ́kúshi 2:14 - Kɑɑ Fí

¹⁴ A pɔ́ ńnɛn, ńjʉ́ɔ Lɛ́vi mɔ́ɔ-Alfɛ̂, ɑ nɑ́ŋ zʉꞋ yi ɑ kɑ pɔ́ ńcẅɛ́ɛ ntsup pʉɔ-Lɔ́mɑ zúꞋu. Yɛ́su cú mbɔ̌ wɛ́ ŋɡɔ: «Tɔ́ pǔu tsʉ́Ꞌnɛ ńnɛn.» Lɛ́vi lɔ sɛ́ ńcʉ́ɔ nzʉʉ yɛ́.

Mɑ́lɛ́kúshi 2:14 교차 참조

Lúkɑ́shi 6:15

ŋ́ɡɛ Mɑtʉ̈ɔ, ŋ́ɡɛ Tɔ́mɑ́shi, ŋ́ɡɛ Jɑ̂k mɔ́ɔ-Alfɛ̂, ŋ́ɡɛ Simɔ̂ŋ ẅí pɔ́p kɑ pɔ́ ɛ́fúŋ wɛ́ ŋɡɔ nzɔŋlɑ́Ꞌ,

Mɑ́lɛ́kúshi 3:18

Yɛ́su pɛn ńtsɔ́Ꞌ Ndɛlɛ́yɑ, pɔ́p Filîp, ŋ́ɡɛ Pɑtɛlɛmî nɛ́ Mɑtʉ̈ɔ, pɔ́p Tɔ́mɑ́shi, ŋ́ɡɛ Jɑ̂k mɔ́ɔ-Alfɛ̂, ŋ́ɡɛ Tɑdɛ́ɛ nɛ́ Símɔ nzɔŋlɑ́Ꞌ,

ŊwɑꞋnɛ-Gɑŋntúu Yɛ́su Kɛlístɔ 1:13

Pɔ́p ŋ́kúu Yɛlúsɑlɛm, ŋ́kɔ́Ꞌ ndǔ ndɛ̂k wɛ tʉ́, ŋ́kúu tsɛt lûmndɑ́ ẅi pɔ́p kɑ pɔ́ ńcúꞋlɛ zúꞋu. Yɔ m̄bɔ́ Pyɛ̂, ŋ́ɡɛ Jɑ̂ŋ pɔ́p Jɑ̂k, ŋ́ɡɛ Ndɛlɛ́yɑ. Yɔ pɔ́ Filîp, ŋ́ɡɛ Tɔ́mɑ́shi, pɔ́p Pɑtɛlɛmî mbɑ Mɑtʉ̈ɔ. Yɔ pɔ́ Jɑ̂k mɔ́ɔ-Alfɛ̂, ŋ́ɡɛ Símɔ̂ŋ ẅi pɛ́ kɑ pɔ́ ɛ́fúŋ wɛ́ ŋɡɔ mɔ́ɔ-ŋɡɔŋ, pɔ́p Jẅidɛ mɔ́ɔ-Jɑ̂k.

Mɑtʉ̈ɔ 8:22

Yɛ́su pʉ̈ɔt mbɔ̌ wɛ́ ŋɡɔ: «Cʉ́ɔ pɔ nzʉʉ mɔ, ńnɑ́ pɛpfú pɔ́p tẅíi pɛpfú pɔ́p.»

Mɑ́lɛ́kúshi 2:15

Yɛ́su pɔ́p ɡɑŋku pɛ́ ɡɛ ŋ́ɡʉ njɛ́Ꞌ-Lɛ́vi nɛjʉ́ yúu. Pɔ́p pʉɔ tɛ ńzɑ́ɑ pɔ́ ńjʉ́ yúu, nɛzɑ́ɑ wɔp pɔ́ pɑcẅɛ́ɛ ntsup, tɛ mbɑ pʉɔ pínɛ Pɑyúdɑ kɑ pɔ́ ɛ́fúŋ wɔ́p ŋɡɔ pʉɔ kɛpɔŋ, mbíꞋŋɡɔ ntɛ́ pʉɔ ɛ̂pɑ́ ḿbɔ́ nzʉʉ Yɛ́su tɛꞋ.