48 Pʉɔ tɛ ńzɑ́ɑ kɑkŋɛ wɛ́ ŋɡɔ ɑ nɑ́Ꞌ, lɑ́ ɑ ɡɔ́ɔ ḿmɛkŋɛ ŋ́ɡɑ́Ꞌ, ŋ́ɡɑ́ ŋɡi yɛ tʉ́ ŋɡɔ: «Ŋu nǔu njẅɛt-fɔɔ Ndɑvît, tsɑ́ɑ mɛjʉ́ŋ mɑ́ɑ.»
Pʉɔ ɡɛ ḿbɔ́ ńdɔk mbɔ́ŋkʉ̈ɔ́ ńtɔ́ mbi Yɛ́su nɛpɔ́ yi ɑ ɡʉ ŋ́ɡɔ́ ńzɑ́p mbɔ́ nǔu pɔ́p, ḿbɔ́ ńcɛꞋlɛ Sɛ́. Lɑ́ ɡɑŋku pɛ́ pɔ́ ńtɔꞋ wɔ́p.
Pʉɔ tɛ ńzɑ́ɑ kɑkŋɛ wɔ́p ŋɡɔ pɔ́p nɑꞋ, lɑ́ pɔ́p ɡɔ́ɔ mɛkŋɛ ŋ́ɡɑ́Ꞌ nɛɡɑ́ ɡwɑ́t ńcú ŋɡɔ: «Tsɑpʉɔ, ŋu nǔu njẅɛt-fɔɔ Ndɑvît tsɑ́ɑ mɛjʉ́ŋ mɛ́k.»
Yɛ́su fú zúꞋu ḿbɔ́ ŋ́ɡʉ, pɛcɔ́ pɛfʉmík pɛ́pɑ́ cʉ́ɔ nzʉʉ yɛ́, ḿbɔ́ ŋ́ɡɑ́ ŋɡi tʉ́ ńcú ŋɡɔ: «Ŋu nǔu njẅɛt-fɔɔ Ndɑvît tsɑ́ɑ mɛjʉ́ŋ mɛ́k!»
Pʉɔ pɔ́ ńdɔk pɛcɔ́ mbɔ́ŋkʉ̈ɔ́ ńtɔ́ nɛpɔ́ yi Yɛ́su ɡʉ ńzɑ́p mbɔ́ tú pɔ́p, lɑ́ ɡɑŋku pɛ́ pɔ́ ńtɔꞋ.
Yɛ́su pɛ́t ńcú nu mbɔ̌ mɑŋɡɛ́ ɛ̂wɑ́ cúnɛ, pɛcɔ́ ntɑ́Ꞌ-pʉɔ fú njɛ́Ꞌ-Yɑyɛ́lɔ, ńtɔ́ ɛ́sẅíi wɛ́ ŋɡɔ mɔ́ɔ nɛ ńdɑ́Ꞌmɔ́ ḿpfú, ŋɡɔ kɔɔ ɑ pɛn ḿbɑ́klɛ Ndɛ.
Pʉɔ pinɛ pɔ́p ḿbɔ́nɛ mbi ńnɛn, pɔ́ ŋ́kɑkŋɛ wɛ́ ŋɡɔ ɑ nɑꞋ. Lɑ́ ɑ mɛkŋɛ ŋ́ɡɑ́ ŋɡi yɛ tʉ́ ŋɡɔ: «Yɛ́su, ŋu nǔu njẅɛt-fɔɔ Ndɑvît tsɑ́ɑ mɛjʉ́ŋ mɑ́ɑ.»
Pʉʉ pɔ́ ŋkɑ́ tsʉʉ ḿbɔ́ ḿbúꞋ mbɔ́ mbɔ̌ Sɛ́, ḿbɔ́ ḿbúꞋ pɔ́Ꞌɔ nǔu mɛntɛ́ tsʉʉ, pɑ́Ꞌ Zẅikŋɛ ɡʉ ḿbɔ́ ńnyɛt wʉ́ʉ ŋɡɔ pʉʉ ɡɛ pɔ́Ꞌɔ. Kɔɔ pʉʉ ḿmɛꞋ jínu, pʉʉ púꞋ mbɔ́ mbɔ̌ Sɛ́ nǔu tú-pʉɔ-Sɛ́ pɛ́tsʉʉ.
A pɛn ḿbɔ́ pɔ jʉ́ Yɛ́su ẅí ɑ kɑ pɔ́nɛ ŋkɑ́ yi ɑ kɑ pɛ́tnɛ ndǔ tsɛ́tsɑ́Ꞌ, ńcɛꞋlɛ Sɛ́ ẅi ḿbɔ́ ɑ ɡɛ tɛ ɑ pɔɔ pfú, ḿbúꞋ mbɔ́ mbɔ̌ wɛ́ lɑ́ ḿbɔ́ ŋ́ɡɑ́ ɡwɑ́t ŋ́kíi. Sɛ́ fú nǔu pɑ́Ꞌ Yɛ́su zẅíꞋlɛ mbɑ kʉ̈ɔ́lɑ́ pɔ mbɔ̌ wɛ́, ńzúꞋ cɛꞋlɛ yɛ́.
