55 Yɛ́su shɔtnɛ ńdíŋɛ wɔ́p, ńcʉ̈ɔ́k wɔ́p. [Pʉʉ jí ŋɡɔ mɔ́ɔ-ŋu ŋ́kɑɑ kɛ́ ńtɔ́ nɛɡɛ pʉɔmɛsɔŋ kúu pɛ́ pɔ́, ɑ kɑ tɔ́ pɔ nɛɡɛ pɔ́p luk.]
Yɛ́su shɔtnɛ, ńcú mbɔ̌ Pyɛ̂ ŋɡɔ: «Fú nzʉʉ mɔ ńtsʉ́ʉtɛ Sɑ́ttɑ! Ɔ tsʉ́Ꞌ ńtɑɑtɛ wɑ́ɑ tɑɑtɛnɛ. Ɔ kɑ́ pɔ́ ŋ́kwɑŋɛ pɑ́Ꞌɑ, ɛ́ pɔ́ pɑ́Ꞌ Sɛ́ sɛ́ ŋ́kwɑŋɛ pɔ́, yɑ́ pɔ́ pɔ kwɑŋɛ-pʉɔmɛsɔŋ.»
Pyɛ̂ cú mbɔ̌ wɛ́ ŋɡɔ: «Pɛcɔ́ pʉɔ lɑɑ ḿmɛꞋ wú ŋ́kʉɔ pɛtsʉʉ, mbɔ ɛ́ lɑɑ ḿbɔ́ m bɔɔ wú mɛꞋ.»
Kɔɔ pʉʉ pɛn ńdɛ́, pʉʉ cɛꞋlɛ Sɛ́, ḿbɔ́k mɛnu nɛkwɑꞋnɛ wʉ́ʉ, pʉʉ vu. Tʉ́m-ŋu tɛntɛ tɛꞋ lɑ́, mbɑp-mbʉʉ pɔ́t pɔ́tnɛ.»
Wɛcɔ́ tɑ́Ꞌ ŋu nǔu pʉɔ pínɛ pɔ́p pɛ́ Yɛ́su lɑ́Ꞌnɛ ḿbɔ́, sɔŋ níi-ntsɔ tsɛt mbɑ́ɑ nɛlɔk ŋ́kʉ́ɔꞋ ŋɡɑŋfɑꞋ-nɔŋpɔꞋ wɛ ɡwɛ́, kẅɛ́ɛtɛ nɛtúutɛ nɛ́, ńzwɑ́.
Pɛcɔ́ ɡɑŋku pɛ́ pɛ́pɑ́, Jɑ̂k pɔ́p Jɑ̂ŋ jʉ́ɔ yɔ, ńcú mbɔ̌ Yɛ́su ŋɡɔ: «Tsɑpʉɔ wɛk, ɔ pɛ́m ŋɡɔ pɛk píkŋɛ múk, ɛ́fú tʉ́nɛ́pú ńcúŋ, ńtɔ́ ḿbík pʉɔ pɔnɛ?»
Ŋ́ɡɛ pɔ́Ꞌɔ pɔ́p pɛ́pɔ́p tsʉꞋ ńdɔk pɔ wɛcɔ́ ndúŋ-lɑ́Ꞌ wɛ ndɛꞋ ńdɔk ŋ́ɡʉ.
Nu kɛpɔŋ yí ɑ ɡʉ ńtɔ́ ńnyɛt wɔ́p, ɛ́ pɑ́Ꞌ pɔ́p ŋkɑɑ zɑ́p tʉ́m nǔu mɔ pɔ́.
Mbɔ́tnɛ mbɑ ndɔɔ cẅɛt pɔ tsɛt tɑ́Ꞌ ntsu wɛ́mɔ́Ꞌ. Pɔ́ɔpɛ́mɑ́ pɑ́ɑ, ɛ́ kɑ́ pɔ́ ḿbɔŋ ŋɡɔ ɛ́ pɔ́ pɔ́Ꞌɔ pɔ́.
Kɔɔ pʉʉ lɔk nu kɛpɔŋ ḿbɑꞋ nu kɛpɔŋ. Kɔɔ pɛ́ zɔɔtɛ wʉ́ʉ pʉʉ pɑ́Ꞌ. Tɛ tsʉꞋ pɔ́Ꞌɔ, pʉʉ cú ŋɡɔ Sɛ́ pɔ́ nɛ́ ŋɡɑŋ, Sɛ́ kɑ tsɔ́Ꞌ wʉ́ʉ pɔ pɑ́Ꞌ ɑ ɡʉ ḿbɔ́ nɛ́ pʉʉ.
Ŋ ɡʉ nǔu pʉɔ pí ŋ kɔŋnɛ wɔ́p, ŋ́kɑkŋɛ wɔ́p pɛ́tsʉʉ, ńtsɑ mbɑ nɛtswɑ́ɑ. Pɔ́Ꞌɔ lɑ́, zɑŋɛ mbʉʉ yu ɛ́fɑꞋ fɑꞋ, ḿbɛn ŋ́kúpmɛ mɑt wu.
